قد أفلح

بے شک ایمان والے کامیاب ہو گئے

جو اپنی نماز میں عاجزی کرنے والے ہیں

اور جو لغو (یعنی بے ہودہ) باتوں سے اعراض کرنے والے ہیں

اور جو زکوۃ دینے والے ہیں

اور جو اپنی شرم گاہوں کی حفاظت کرنے والے ہیں

مگر اپنی بیویوں یا جو ان کی ملکیت میں لونڈیاں ہیں بے شک ان میں ملامت نہیں

تو جو شخص تلاشے اس کے علاوہ تو وہی حد سے نکلنے والے ہیں

اور جو اپنی امانتوں اور اپنے وعدے کا لحاظ رکھنے والے ہیں

اور جو اپنی نمازوں کی حفاظت کرتے ہیں

وہی وارث ہیں

(یہی ہیں) جو جنت الفردوس کے وارث ہوں گے، وہ اس میں ہمیشہ رہنے والے ہوں گے

اور یقیناً ہم نے انسان کو مٹی کے سلسلے سے پیدا کیا

پھر ہم نے بنایا اس (انسان) کو نطفہ حفاظت کی جگہ میں

پھر ہم نے بنایا نطفے کا لوتھڑا پھر ہم نے لوتھڑے سے گوشت کی بوٹی بنائی پھر ہم نے بنائی اس بوٹی سے ہڈیاں پھر ہم نے ہڈیوں پر گوشت پہنایا پھر اسے ہم نے پیدا کیا ایک نئی صورت میں، تو اللہ بڑی برکت والا سب سے بہتر پیدا کرنے والا ہے

پھر تم اس کے بعد مرنے والے ہو

پھر بیشک تم قیامت کے دن اٹھائے جاؤ گے

اور یقیناً ہم نے بنائے تمہارے اوپر سات آسمان، اور ہم تخلیق (یعنی بنانے) میں بے خبر نہ تھے

اور ہم نے نازل کیا آسمان سے پانی بقدر ضرورت، تو ہم نے ٹھہرایا اسے زمین میں، اور بیشک ہم اس کے لے جانے پر بھی قادر ہیں

پھر ہم نے اگائے تمہارے لئے اس سے کھجور اور انگور کے باغ، جن میں تمہارے لئے بہت سے میوے ہیں اور انہیں میں سے تم کھاتے ہو

اور (زیتون کا) وہ درخت جو طور سینا سے نکلتا ہے روغن (یعنی تیل) ہے اور سالن ہے کھانے والوں کے لیے

اور بے شک تمہارے لیے چوپایوں میں بھی عبرت ہے، کہ ہم پلاتے ہیں تمہیں ان کے پیٹ کی چیزوں میں سے، اور تمہارے لیے ان میں اور بھی بہت سے فائدے ہیں اور ان میں سے (بعض کو) تم کھاتے بھی ہو

اور ان پر اور کشتیوں پر تم سواری کرتے ہو

اور ہم نے بھیجا نوح کو اس کی قوم کی طرف، تو اس نے کہا اے میری قوم! عبادت کرو اللہ کی، نہیں ہے تمہارے لئے اس کے سوا کوئی معبود، تو کیا تم ڈرتے نہیں؟

تو کہا کافر قوم کے سرداروں نے اس کی قوم کے کہ یہ تو صرف ایک انسان ہے تمہاری طرح، یہ چاہتا ہے کہ اس کی فضیلت ہو تم پر، اور اگر اللہ چاہتا تو یقیناً بھیجتا فرشتوں کو، ہم نے نہیں سنی یہ بات اپنے پہلے باپ دادا میں

یہ ایک ایسا آدمی ہے جو مجنوں ہے، تو تم انتظار کرو اس کا ایک وقت تک

(نوح نے) کہا اے میرے رب! تو میری مدد کر کیونکہ انہوں نے مجھے جھٹلایا ہے

تو ہم نے اس کی طرف وحی کی کہ بناؤ کشتی ہماری آنکھوں کے سامنے اور ہماری وحی کے مطابق، تو جب آئے ہمارا حکم اور ابل پڑے تنور تو سوار کر لینا اس (کشتی) میں ہر جوڑا نر اور مادہ کا، اور اپنے گھر والوں کو مگر (نہ بٹھانا) جس کے متعلق طے ہوچکی ہے بات ان میں سے، اور نہ مخاطب ہونا مجھ سے ظالموں کے بارے میں، بے شک وہ غرق کئے جائیں گے

تو جب سوار ہو جاؤ تم اور تمہارے ساتھ والے کشتی پر، تو کہو الحمد للہ (تمام تعریفیں اللہ ہی کے لیے ہے) جس نے نجات دی ہمیں ظالم قوم سے

اور کہو اے میرے رب! نازل فرما مجھے برکت کے ساتھ اور تو بہتر نازل کرنے والا ہے

بے شک اس (واقعہ) میں نشانیاں ہیں، اور بے شک ہم تو آزمائش کرنے والے تھے

پھر ہم نے پیدا کی ان کے بعد ایک دوسری قوم (قوم عاد اور ثمود) کو

پھر ہم نے بھیجا ان میں ایک رسول (ہودؑ) انہیں میں سے کہ عبادت کرو اللہ کی تمہارے لیے اس کے سوا اور کوئی معبود نہیں، تو کیا تم ڈرتے نہیں؟

اور کہا اس کی قوم کے سرداروں نے جنہوں نے کفر کیا تھا اور جھٹلایا تھا قیامت کی ملاقات کو، اور ہم نے خوش عیش بنایا تھا انہیں دنیا کی زندگی میں، کہ یہ (ہودؑ) ایک انسان ہے تمہاری طرح، وہی کھاتا ہے جس میں سے تم کھاتے ہو اور وہی پیتا ہے جو تم پیتے ہو

اور اگر تم نے اطاعت کی اپنے جیسے ایک آدمی کی، تو بے شک تم خسارے میں پڑجاؤ گے

کیا وہ تم سے وعدہ کرتا ہے کہ جب تم مر جاؤ گے اور ہو جاؤ گے مٹی اور ہڈیاں تو تم نکالے جاؤ گے (دوبارہ)

دور کی بہت دور کی بات ہے جسکا وعدہ تم سے کیا جا رہا ہے

ہماری صرف یہی دنیا کی زندگی ہے، ہم مرتے اور ہم جیتے ہیں اور ہم نہیں اٹھائے جائیں گے

(بس) یہ ایک ایسا شخص ہے جو افتراء کرتا ہے اللہ پر جھوٹ، اور ہم اس پے ایمان لانے والے نہیں ہیں

(ہودؑ نے) کہا اے میرے رب! میری مدد کر کہ انہوں نے مجھے جھٹلایا ہے

فرمایا تھوڑی دیر کے بعد یہ ہو جائیں گے نادم

پھر آپکڑا انہیں ایک چنگھاڑ نے حق کی جانب سے، تو ہم نے بنادیا انہیں کوڑا، تو دور ہوئی ظالم قوم (اللہ کی رحمت سے)

پھر ہم نے پیدا کی ان کے بعد ایک دوسری امت

نہ آگے بڑھ سکتی ہے کوئی امت اپنے وقت سے، اور نہ پیچھے ہٹ سکتی ہے

پھر ہم بھیجتے رہے اپنے رسولوں کو لگاتار جب کوئی رسول اپنی قوم کے پاس آیا وہ لوگ اسے جھٹلاتے رہے، پھر ہم بھی ہلاک کرتے گئے ایک کے بعد دوسرے کو اور ہم نے بنادے انہیں قصے، پھر دور ہوئی وہ قوم (جس قوم کے لوگ) ایمان نہیں لاتے تھے

پھر ہم نے بھیجا موسیٰ اور اس کے (بڑے) بھائی ہارون کو اپنی نشانیوں اور کھلی دلیل کے ساتھ

فرعون اور اس کے سرداروں کے پاس، تو انہوں نے تکبر کیا اور وہ تھے سرکش لوگ

پھر کہا کیا ہم ایمان لائیں دو لوگوں پر اپنے جیسے اور ان دونوں کی قوم ہمارا غلام ہے

تو انہوں نے جھٹلایا ان دونوں کو پھر وہ ہلاک کر دئے گئے

اور یقیناً ہم نے عطا کی موسیٰ کو کتاب تاکہ وہ ہدایت پائیں

اور ہم نے بنایا ابن مریم اور اس کی ماں کو نشانی، اور ہم نے پناہ دی ان دونوں کو ایک ٹیلے پر قرار (یعنی سکون) اور چشمے والی جگہ

اے رسولوں! کھاؤ پاک چیزوں میں سے اور عمل کرو نیک، بے شک میں جانتا ہوں جو کچھ تم کرتے ہو

اور بے شک یہ تمہاری جماعت ایک ہی جماعت ہے اور میں تم سب کا رب ہوں تو تم مجھ سے ہی ڈرو

پھر انہوں نے ٹکڑے ٹکڑے کر لئے اپنے دین کو آپس میں ہر ایک جماعت جو ان کے پاس (دین) ہے اس پر خوش ہونے لگی

تو چھوڑ دو انہیں اپنے نشے میں ایک وقت تک

کیا وہ گمان کرتے ہیں کہ ہم انہیں ڈھیل دے رہے ہیں مال اور اولاد میں (یہ ان کے لیے بہتر ہے؟)

ہم جلدی کر رہے ہیں انہیں بھلائی پہونچانے میں، بلکہ یہ نہیں سمجھتے

بے شک وہ لوگ جو اپنے رب کے خوف سے ڈرنے والے ہیں

اور جو اپنے رب کی آیتوں پر ایمان لاتے ہیں

اور جو اپنے رب کے ساتھ نہیں شریک کرتے

اور جو انہیں دیا گیا ہے اس میں سے دیتے ہیں اور ان کے دل اس سے ڈرتے ہیں کہ وہ اپنے رب کی طرف لوٹنے والے ہیں

یہی لوگ ہیں جو نیک کاموں میں جلدی کرتے ہیں اور یہی (نیکی میں) آگے بڑھنے والے ہیں

اور ہم نہیں تکلیف دیتے کسی شخص کو اس کی وسعت سے زیادہ اور ہمارے پاس ایک کتاب ہے (اعمال کی) جو سچ بولے گی، اور ان پر ظلم نہیں کیا جائے گا

بلکہ ان کے دل غفلت میں ہیں اس (دین) سے، اور ان کے اعمال (دین کے) علاوہ ہیں جو یہ عمل کرتے ہیں

یہاں تک کہ جب ہم پکڑیں گے ان میں خوشحال لوگوں کو عذاب میں تو وہ چلّائیں گے

تم مت چلّاؤ آج بے شک تمہاری ہماری طرف سے مدد نہیں کی جائے گی

یقیناً میری آیتیں سنائی جاتی تھیں (دنیا میں) تمہیں، تو تم اپنی ایڑیوں کے بل الٹے بھاگ جاتے تھے

(اللہ کی کتاب کو تم) تکبر میں اسے کہانی سمجھ کر چھوڑ جاتے تھے

کیا انہوں نے غور نہیں کیا اس قول (یعنی قرآن) میں جو آیا ان کے پاس، جو ان کے پہلے باپ دادا کے پاس نہیں آیا تھا

یا یہ نہیں پہچانتے اپنے رسول کو تو (اسلئے) یہ اس کے منکر ہیں

یا یہ کہتے ہیں کہ اسے جنون ہے، بلکہ آیا ہے (رسول) ان کے پاس حق بات لے کر، اور ان میں سے اکثر حق کو ناپسند کرنے والے ہیں

اور اگر مطابق ہوتا حق ان کی خواہشوں کے تو فساد زدہ ہوجاتے آسمان اور زمین اور جو کچھ ان میں ہے، بلکہ ہم نے عطا کردی ہیں انہیں ان کی نصیحت، تو وہ اپنی نصیحت سے اعراض کرنے والے ہیں

کیا تم سوال کرتے ہو ان سے اجرت (یعنی مزدوری) کا تو تیرے رب کی اجرت بہتر ہے، اور وہی سب سے بہتر روزی دینے والا ہے

اور (اے نبیؐ) بے شک تم پکارتے ہو انہیں سیدھی راہ کی طرف

اور جو لوگ ایمان نہیں رکھتے آخرت پر وہ سیدھے راستے سے ہٹنے والے ہیں

اور اگر ہم رحم کردیں ان پر، اور ہم دور کردیں ان کی تکلیف (تو) وہ ضرور اڑے رہیں گے اپنی سرکشی میں اور بھٹکتے رہیں گے

اور یقیناً ہم نے پکڑا انہیں عذاب میں (جنگ بدر میں) تو بھی نہ عاجزی کی اپنے رب کے سامنے اور نہ گڑگڑائے

یہاں تک کہ جب ہم نے کھولا ان پر سخت عذاب کا دروازہ، تو وہ اس میں نا امید ہو گئے

اور وہی (ذات ہے اللہ کی) جس نے پیدا کئے تمہارے لئے کان اور آنکھیں اور دل، بہت ہی کم تم شکر ادا کرتے ہو

اور وہی ہے جس نے پھیلا دیا ہے تمہیں زمین میں، اور اسی کی طرف تم جمع کئے جاؤ گے

اور وہی زندہ کرتا ہے اور موت دیتا ہے اور رات اور دن کا بدلنا اسی کے اختیار میں ہے، تو کیا تم نہیں سمجھتے؟

بلکہ یہ (کفار بھی) وہی کہتے ہیں جو پہلوں نے کہا

کہتے ہیں کیا جب ہم مرجائیں گے اور ہو جائیں گے مٹی اور ہڈیاں، تو کیا ہم دوبارہ زندہ کئے جائیں گے

یقیناً وعدہ کیا گیا ہے (اس طرح کا) ہم سے اور ہمارے باپ دادا سے اس سے پہلے، یہ صرف کہانیاں ہیں پہلوں کی

پوچھو (ان سے) کس کا ہے یہ زمین اور جو کچھ اس میں ہے اگرچہ تم جانتے ہو

جلد ہی وہ کہیں گے اللہ کا ہے، کہہ دو تو تم کیوں نہیں نصیحت پکڑتے؟

پوچھو (ان سے) کہ کون رب ہے ساتوں آسمانوں اور (کون) رب ہے عرش عظیم کا؟

جلد ہی وہ کہیں گے اللہ ہی ہے، کہہ دو تو کیا تم ڈرتے نہیں؟

پوچھو (ان سے) کہ کس کے ہاتھ میں ہے حکومت ہر چیز کی؟ اور وہ پناہ دیتا ہے اور کوئی پناہ نہیں دے سکتا اس کے مقابلے میں اگرچہ تم جانتے ہو

جلد ہی وہ کہیں گے اللہ (ہی کے ہاتھ میں ہے) کہہ دو تو تم پر کس طرح جادو کیا جا رہا ہے

بلکہ ہم نے عطا کیا ہے انہیں حق اور بے شک وہ جھوٹے ہیں

نہیں بنایا اللہ نے کوئی بیٹا اور نہ اس کے ساتھ کوئی معبود ہے، (اگر ہوتا) تو لے جاتا ہر خدا جو اس نے پیدا کیا، اور چڑھائی کردیتا ایک دوسرے پر، پاک ہے اللہ (اس سے) جو یہ بیان کرتے ہیں

وہ جاننے والا ہے غیب اور حاضر کا، تو اعلیٰ ہے اس سے جو یہ شریک ٹھہراتے ہیں

کہہ دو اے میرے رب! اگر تو مجھے دکھائے (وہ عذاب) جس کا ان سے وعدہ کیا جا رہا ہے (تو وہ ظالم ٹھہریں گے)

اے میرے رب! نہ بنانا تو مجھے ظالموں میں

اور ہم تجھے اس کے دکھانے پر جس کا ان سے وعدہ ہے قادر ہیں

دفاع (یعنی اختیار) کرو بہتر طریقہ بری بات (کے جواب) میں، ہم خوب جانتے ہیں جو یہ بیان کرتے ہیں

اور کہو اے میرے رب! میں پناہ مانگتا ہوں تیری، شیطانی وسوسوں سے

اور میں پناہ چاہتا ہوں تیری اے میرے رب کہ وہ (شیطان) حاضر ہوں میرے پاس

یہاں تک کہ جب آئے گی ان میں کسی کو موت تو کہے گا اے میرے رب! لوٹا دے مجھے

تاکہ میں عمل کروں صالح اس (دنیا) میں جو میں چھوڑ آیا، ہرگز نہیں، بے شک یہ کہنے کی بات ہے جو یہ کہہ رہا ہے اور ان کے پیچھے ایک پردہ ہے قیامت تک

پھر جب پھونکا جائے گا صور میں، تو نہ ہوگا نسب (یعنی رشتہ کام نہ آئے گا) ان کے درمیان اس دن، اور نہ وہ کسی سے کچھ پوچھ پائیں گے

پھر جن کا بھاری ہوگا وزن تو وہی فلاح پائیں گے

اور جن کا ہلکا ہوگا وزن تو وہی لوگ ہوں گے جنہوں نے اپنے آپ کو خسارے میں ڈالا، جہنم میں ہمیشہ رہنے والے ہوں گے

جھلسا دے گی ان کے چہروں کو آگ، اور وہ اس میں بدشکل ہوں گے

کیا تمہیں ہماری آیتیں نہیں سنائی جاتی تھیں، تو تم انہیں جھٹلایا کرتے تھے

کہیں گے اے ہمارے رب! غالب آگئی تھی ہم پر ہماری بدبختی اور ہم لوگ گمراہ تھے

اے ہمارے رب! نکال دے ہمیں اس سے، تو اگر ہم دوبارہ کریں تو بے شک ہم ظالم ہوں گے

فرمائے گا پڑے رہو پھٹکارے ہوئے اس میں اور نہ کرو مجھ سے کلام (یعنی بات)

بیشک بعض فریق تھے میرے بندوں میں (دنیا میں) جو کہتے تھے اے ہمارے رب! ہم ایمان لائے تو ہماری مغفرت فرما اور ہم پر رحم کر اور تو بہتر رحم کرنے والا ہے

تو تم نے ان کا تمسخر (یعنی مذاق) کیا یہاں تک کہ انہوں نے (یعنی ان باتوں نے) بھلادیا تمہیں میرا ذکر، اور تم ان کا مذاق ہی کرتے رہے

بے شک میں نے بدلہ دیا انہیں آج ان کے صبر کی وجہ سے، بے شک وہی کامیاب ہونے والے ہیں

فرمائے گا تم کتنا ٹھہرے زمین میں سالوں کی گنتی کے حساب سے

کہیں گے ہم ٹھہرے ایک دن یا دن کا کچھ حصہ تو آپ پوچھ لیں گنتی کرنے والے (فرشتوں) سے

فرمائے گا تم ٹھہرے اس میں تھوڑی مدت، کاش کہ تم جان لیتے

تو کیا تم یہ گمان کرتے ہو کہ ہم نے پیدا کیا تمہیں کھیل کیلئے، اور یہ کہ تم ہماری طرف لوٹائے نہیں جاؤ گے؟

تو عالی شان ہے اللہ جو حقیقی بادشاہ ہے نہیں ہے کوئی معبود اس کے سوا، وہ رب ہے عرش کریم کا

اور جو شخص پکارتا ہے اللہ کے ساتھ دوسرے معبود کو، کوئی دلیل نہیں اسے اسکی، تو بے شک اس کا حساب اسی کے رب کے پاس ہے، بے شک فلاح نہیں پائیں گے کافر

اور کہو اے میرے رب! مغفرت فرما اور رحم فرما اور تو سب سے بہتر رحم کرنے والا ہے

(اس) سورت کو ہم نے نازل کیا ہے، اور ہم نے فرض کئے ہیں اس کے (احکام) اور ہم نے نازل کی ہیں اس میں کھلی آیتیں، تاکہ تم نصیحت پکڑو

زانیہ اور زانی (یعنی بدکار عورت اور مرد) کو مارو دونوں میں سے ہر ایک کو سو سو کوڑے، اور نہ کرو تم ان دونوں پر نرمی اللہ کے دین (کے معاملے) میں اگر تم ایمان رکھتے ہو اللہ پر اور آخرت کے دن پر، اور حاضر رہنا چاہیے ان دونوں کی سزا کے وقت مومنین کی ایک جماعت کو

زانی نہیں کرے گا نکاح سوائے زانیہ سے، اور زانیہ نہیں کرے گی نکاح سوائے زانی یا مشرک مرد سے اور حرام کئے گئے ہیں یہ مومنین پر

اور جو لوگ الزام لگاتے ہیں پاک دامن عورتوں پر، پھر نہیں لاتے چار گواہ، تو مارو انہیں اسّی کوڑے، اور نہ قبول کرو ان کی گواہی کبھی بھی، اور یہی لوگ فاسق (یعنی نافرمان) ہیں

مگر جو توبہ کرلیں اس کے بعد اور اصلاح کرلیں، تو بے شک اللہ غفور اور رحیم ہے

اور جو لوگ الزام لگاتے ہیں اپنی بیویوں پر، اور نہ ہو ان کے پاس کوئی گواہ سوائے اپنے، تو ان جیسے لوگوں کی گواہی یہ ہے کہ چار مرتبہ گواہی دے اللہ کی (قسم کھا کر کہ) بے شک وہ (یعنی الزام لگانے والا) سچا ہے

اور پانچویں مرتبہ یہ کہے کہ اس (یعنی الزام لگانے والے) پر اللہ کی لعنت ہو اگر وہ جھوٹوں میں سے ہے

اور ٹل جائے گی اس (عورت) کی سزا اسطرح کہ وہ (عورت) گواہی دے چار مرتبہ اللہ کو گواہ بنا کر کہ بے شک وہ (مرد) جھوٹوں میں سے ہے

اور پانچویں مرتبہ کہے کہ بے شک اس (عورت) پر اللہ کا غضب ہو اگر وہ (مرد) سچا ہے

اور اگر تم پر اللہ کا فضل اور اس کی رحمت نہ ہوتی (تو تم تکلیف میں پڑجاتے) اور بے شک اللہ توبہ قبول کرنے والا حکمت والا ہے

بیشک جو لوگ لے کے آئے ہیں الزام (حضرت عائشہؓ کے متعلق) وہ تم ہی میں سے ایک گروہ ہے، نہ گمان کرو تم اسے برا اپنے لئے، بلکہ وہ بہتر ہے تمہارے لیے (کہ اللہ نے حکم نازل فرمایا) ہر ایک کے لیے ان میں سے بقدر کسب (یعنی عمل) گناہ ہے، اور جو (عبداللہ بن ابی) سرغنہ تھا ان کا بڑا ان میں سے، اس کے لیے بڑا عذاب ہے

جب تم نے سنا اس (معاملے) کو تو کیوں گمان نہ کیا مومنین اور مومنات نے اپنے لئے بہتر، اور کیوں نہ کہا کہ یہ کھلا الزام ہے

کیوں نہ وہ لے کر آئے اس (معاملے) پر چار گواہ، پھر جب وہ نہ لاپاتے اس پر (چار) گواہ تو وہی اللہ کے نزدیک جھوٹے ہوتے

اور اگر نہ ہوتا اللہ کا فضل تم پر اور اس کی رحمت دنیا اور آخرت میں، تو یقیناً پہونچتا تمہیں جس بارے میں تم نے چرچا کیا تھا (اس کی وجہ سے) بڑا عذاب

جب تم لانے لگے اسے اپنی زبانوں پر اور کہنے لگے اپنے مونہوں سے جس کا تمہیں علم نہ تھا، اور تم نے گمان کیا تھا اسے ہلکا (معاملہ) جبکہ وہ اللہ کے نزدیک بڑا (معاملہ) تھا

اور جب تم نے اسے سنا تھا تو کیوں نہ کہا تم نے کہ ہمارے لئے مناسب نہیں کہ ہم بات کریں اس کے بارے میں، تیری ذات پاک ہے، یہ بہتان بہت بڑا ہے

اللہ نصیحت کرتا ہے تمہیں کہ پھر دوبارہ ایسا نہ کرنا کبھی بھی اگر تم مومن ہو

اور اللہ بیان کرتا ہے تمہارے لیے آیتیں، اور اللہ بہت جاننے والا بڑی حکمت والا ہے

بے شک وہ لوگ جو چاہتے ہیں کہ پھیلے فحش ان لوگوں میں جو ایمان لے آئے ہیں ان کے لیے دردناک عذاب ہے دنیا اور آخرت میں، اور اللہ جانتا ہے اور تم نہیں جانتے

اور اگر نہ ہوتا فضل اللہ کا تم پر اور اس کی رحمت نہ ہوتی (تو تم تکلیف میں پڑجاتے) اور بیشک اللہ شفیق اور مہربان ہے

اے ایمان والو! مت اتباع کرو شیطان کے نقشے قدم کی، اور جو اتباع کرے گا شیطان کے نقشے قدم کی، تو بے شک وہ حکم دیتا ہے فحش اور بے حیائی کا اور اگر تم پر اللہ کا فضل اور اس کی رحمت نہ ہوتی تو نہ پاک ہوتا تم میں سے کوئی کبھی بھی (گناہوں سے) اور لیکن اللہ پاک کرتا ہے جسے چاہتا ہے، اور اللہ خوب سننے والا جاننے والا ہے

اور نہ قسم کھائیں تم میں سے فضل والے اور وسعت والے (ابو بکرؓ اس بات پر) کہ وہ نہیں دیں گے رشتے داروں اور مسکینوں اور ہجرت کرنے والوں کو اللہ کی راہ میں، اور انہیں چاہیے کہ معاف کریں اور درگزر کریں، کیا تم نہیں چاہتے کہ اللہ معاف کرے تمہیں، اور اللہ غفور اور رحیم ہے

بے شک جو لوگ الزام ڈالتے ہیں پاک دامن بھولی بھالی مومنات (عورتوں) پر، ان پر لعنت کی گئی ہے دنیا اور آخرت میں، اور ان کے لیے بہت بڑا عذاب ہے

جس دن گواہی دیں گے ان کے خلاف ان کی زبانیں اور ان کے ہاتھ اور ان کے پاؤں (اس کی) جو کچھ وہ کیا کرتے تھے

اس دن پورا بدلہ دے گا اللہ انہیں ان کے کئے کا انصاف سے اور وہ جان لیں گے (کہ) بے شک اللہ ہی حق کو بیان کرنے والا ہے

ناپاک (یعنی کافر) عورتیں ناپاک مردوں کے لیے ہیں اور ناپاک مرد ناپاک عورتوں کے لیے ہیں، اور پاک عورتیں پاک مردوں کے لیے ہیں اور پاک مرد پاک عورتوں کے لیے ہیں، یہ (مومنین) بری ہیں اس (الزام) سے جو یہ کہتے ہیں ان کے لیے مغفرت اور روزی ہے عزت والی

اے ایمان والو! نہ داخل ہو کسی اور کے گھروں میں اپنے گھروں کے علاوہ یہاں تک کہ اجازت لے لو اور سلام کرو گھر والوں کو (جب داخل ہو) یہ بہتر ہے تمہارے لیے تاکہ تم نصیحت حاصل کرو

پھر اگر تم نہ پاؤ اس (گھر) میں کسی کو تو نہ داخل ہو اس میں، یہاں تک کہ اجازت دی جائے تمہیں (تب داخل ہو) اور اگر کہا جائے تمہیں کہ لوٹ جاؤ تو لوٹ جاؤ، یہ زیادہ پاکی کی بات ہے تمہارے لئے، اور اللہ جانتا ہے جو کچھ تم کرتے ہو

نہیں ہے تم پر کوئی گناہ کہ تم داخل ہو ان گھروں میں جو غیر مسکونہ ہو (یعنی غیر آباد ہو) ان میں تمہارا سامان ہو، اور اللہ جانتا ہے جو تم ظاہر کرتے ہو اور جو تم چھپاتے ہو

کہہ دو ایمان والوں سے کہ وہ نیچی رکھیں اپنی نگاہوں کو اور حفاظت کریں اپنی شرم گاہوں کی، یہ زیادہ پاکیزگی کی بات ہے ان کیلئے، بیشک اللہ باخبر ہے اس سے جو وہ کرتے ہیں

اور کہہ دو ایمان والیوں سے کہ نیچی رکھیں اپنی نگاہوں کو اور حفاظت کریں اپنی شرم گاہوں کی اور نہ ظاہر کریں اپنی زینت کو مگر جو ظاہر ہو اس سے (جنکا پردہ ممکن نہ ہو) اور ڈالے رکھیں اپنا دوپٹہ اپنے سینوں پر، اور نہ ظاہر کریں اپنی زینت مگر اپنے شوہروں پر یا اپنے باپ پر یا شوہر کے باپ پر یا اپنے بیٹوں پر یا شوہر کے بیٹوں پر یا اپنے بھائیوں پر یا بھتیجوں پر یا بھانجوں پر یا اپنی عورتوں پر یا اپنے غلاموں پر یا ان خدمت گار مردوں پر جنہیں عورت کی حاجت نہیں یا ان بچوں پر جن پر ابھی ظاہر نہیں پردے کی چیزیں عورتوں کی اور نہ ماریں اپنے پاؤں زمین پر کہ معلوم ہوجائے ان کا چھپا زیور، اور توبہ کرو اللہ کے سامنے تم سب اے مومنو! تاکہ تم فلاح (یعنی کامیابی) پاسکو

اور نکاح کردو بے نکاح (مرد اور عورت) کا جو تم میں ہو اور نیک غلام تمہارے اور تمہاری لونڈیوں کا بھی، اگر وہ فقیر ہیں تو غنی کر دے گا انہیں اللہ اپنے فضل سے، اور اللہ وسعت والا جاننے والا ہے

اور چاہیے کہ پاک دامن رہیں وہ جو نہیں پاتے نکاح (کی حالت) یہاں تک کہ غنی کر دے اللہ انہیں اپنے فضل سے (پھر نکاح کریں) اور جو چاہیں تمہاری ملکیت کے غلام (مال دے کر آزادی) تو لکھ دو انہیں (آزادی) اگر تمہیں معلوم ہو اس (کام) میں خیر، اور دو انہیں اللہ کے مال میں سے جو اس نے تمہیں دیا ہے، اور نہ زبردستی کرو اپنی لونڈیوں پر بدکاری کیلئے کہ ان کا ارادہ ہے پاک دامن رہنے کا تاکہ تم حاصل کرو مال (اس کام کے ذریعے) دنیوی زندگی کا، اور جو زبردستی کرے گا ان پر تو بے شک اللہ ان (لونڈیوں) پر کی گئی زبردستی کو معاف کردے گا اور رحم فرمادے گا (اور مالک کی پکڑ کرے گا)

اور یقیناً ہم نے نازل کی ہیں تمہاری طرف روشن آیتیں، اور مثالیں ان لوگوں کی جو گزرے ہیں تم سے پہلے اور نصیحت ہے متقیوں کے لیے

اللہ نور ہے آسمانوں اور زمین کا، اس کے نور کی مثال ایسی ہے جیسے کوئی طاق ہو اس میں چراغ ہو چراغ شیشے میں ہو، شیشہ گویا کہ تارہ ہو موتی کی طرح، جلایا گیا ہو (اس چراغ کو) مبارک درخت کے زیتون (کے تیل) سے (اس کی روشنی) نہ (صرف) مشرق کی طرف ہو اور نہ (صرف) مغرب کی طرف (بلکہ ہر طرف ہو، اس کا تیل ایسا ہو) کہ قریب ہو بھڑک اٹھے اگرچہ نہ چھوا ہو اسے آگ نے، روشنی ہی روشنی ہو ہدایت دیتا ہے اللہ اپنی اسی روشنی سے جسے چاہتا ہے، اور بیان فرماتا ہے اللہ مثالیں لوگوں کے لیے، اور اللہ ہر چیز کا جاننے والا ہے

ان گھروں (یعنی مسجدوں) میں حکم دیا ہے اللہ نے کہ بلند کیا جائے اور ذکر کیا جائے ان (گھروں) میں اس کے نام کا، تسبیح کریں اس کے لئے اس میں صبح اور شام

ایسے بھی لوگ ہیں جنہیں غفلت میں نہیں ڈالتی تجارت اور نہ ہی خرید اور فروخت اللہ کے ذکر سے اور نماز پڑھنے سے اور زکوۃ دینے سے وہ خوف رکھتے ہیں اس دن سے جس میں پلٹ دئے جائیں گے دل اور آنکھیں

تاکہ بدلہ دے انہیں اللہ بہتر جو انہوں نے عمل کئے اور وہ زیادہ دے انہیں اپنے فضل سے، اور اللہ رزق دیتا ہے جسے چاہتا ہے بے حساب

اور جو لوگ کافر ہیں ان کے اعمال ریت کی طرح ہیں ریگستان کی، جسے گمان کرتا ہے پیاسا کہ پانی ہے، یہاں تک کہ جب آتا ہے اس کے پاس اسے کچھ بھی نہیں پاتا، اور پاتا ہے اللہ کو اپنے پاس اس کا حساب پورا کرنے کیلئے، اور اللہ جلد حساب لینے والا ہے

یا جیسا کہ اندھیرا ہو گہرے سمندر میں، ڈھانک لے اسے موج در موج (اور اس کے اوپر بھی موج ہو) اس کے اوپر بادل ہو، اندھیرا دراندھیرا ہو، جب وہ نکالے اپنا ہاتھ تو اسے بھی نہ دیکھ سکے، اور جس کے لئے نہ بنایا ہو اللہ نے کوئی نور تو نہیں ہے اس کیلئے کوئی نور

کیا تم نے نہیں دیکھا کہ بے شک اللہ ہی کی تسبیح کرتے ہیں جو کچھ بھی ہیں آسمانوں اور زمین میں اور پرندے جو صف بصف (اڑتے) ہیں ہر ایک کو معلوم ہے اپنی نماز اور اپنی تسبیح، اور اللہ جانتا ہے جو کچھ وہ کرتے ہیں

اور اللہ ہی کی ہے بادشاہت آسمانوں اور زمین کی، اور اللہ ہی کی طرف لوٹ کرجانا ہے

کیا نہیں دیکھا تو نے بے شک اللہ ہی چلاتا ہے بادلوں کو، پھر اسے جوڑتا ہے آپس میں، پھر بناتا ہے اسے تہ بہ تہ، تو تم دیکھتے ہو بارش کو کہ نکلتی ہے اس کے بیچ سے اور وہ نازل کرتا ہے آسمان کے پہاڑ سے اولے، پھر وہ گراتا ہے انہیں جس پر چاہتاہے، اور روک لیتا ہے انہیں جس سے وہ چاہتا ہے، قریب ہوتاہے (ایسا لگتا ہے) کہ اس کی بجلی کی چمک اچک لے آنکھوں کو

اللہ ہی پلٹتا ہے رات اور دن کو، بے شک اس میں عبرت ہے آنکھ والوں کے لیے

اور اللہ نے پیدا کیا ہے تمام طرح کے جاندار کو پانی سے، تو ان میں سے بعض چلتے ہیں اپنے پیٹ کے بل اور ان میں سے بعض چلتے ہیں دو ٹانگوں پر، اور ان میں سے بعض چلتے ہیں چار ٹانگوں پر، اللہ پیدا کرتا ہے جیسا وہ چاہتا ہے بے شک اللہ ہر چیز پر قادر ہے

یقینا ہم نے نازل کی ہیں کھلی آیتیں، اور اللہ ہی (ہے جو) ہدایت دیتا ہے جسے وہ چاہتا ہے سیدھے راستے کی

اور کہتے ہیں (منافقین کہ) ہم ایمان لے آئے ہیں اللہ اور رسول پر، اور ہم اطاعت گزار ہیں، پھر پلٹ جاتے ہیں بعض فریق ان میں سے اس کے بعد، اور نہیں ہیں وہ ایمان والوں کے ساتھ

اور جب انہیں بلایا جاتا ہے اللہ اور اس کے رسول کی طرف تاکہ وہ فیصلہ کرے ان کے درمیان، تب بعض فریق ان میں سے اعراض کرتے ہیں

اور اگر ہو ان کیلئے حق (یعنی فیصلہ ان کے حق میں) تو آتے ہیں اس (نبی) کی طرف فرمانبردار بن کر

کیا ان کے دلوں میں بیماری ہے، یا وہ شک میں ہیں، یا وہ ڈرتے ہیں کہ ظلم کرے گا اللہ ان پر اور اس کا رسول، بلکہ وہی ظالم ہیں

مؤمنوں کی بات تو یہ ہوتی ہے کہ جب انہیں بلایا جائے اللہ اور اس کے رسول کی طرف تاکہ فیصلہ کیا جائے ان کے درمیان تو وہ کہتے ہیں کہ ہم نے سنا اور ہم نے اطاعت کی، اور وہی لوگ فلاح پانے والے ہیں

اور جو اطاعت کرتا ہے اللہ اور اس کے رسول کی اور ڈرتا ہے اللہ سے، اور بچتا ہے اس (کی نافرمانی) سے تو وہی کامیاب ہونے والے ہیں

اور قسمیں کھاتے ہیں (منافقین) اللہ کی اپنی قسموں میں زور ڈال کر کہ اگر آپ حکم دیں انہیں تو ضرور وہ نکل جائیں (جہاد کیلئے) کہہ دو قسمیں نہ کھاؤ (تمہاری) اطاعت معلوم ہے بیشک اللہ باخبر ہے اس سے جو عمل تم کرتے ہو

کہہ دو اطاعت کرو اللہ کی اور اطاعت کرو رسول کی، پھر اگر منہ پھیرو گے تو اس (رسول) پر وہ ہے جو اس کی ذمے داری ہے، اور تم پر وہ ہے جو تمہاری ذمے داری ہے، اور اگر تم اطاعت کروگے اس کی تو ہدایت پا جاؤ گے، اور رسول کے ذمہ صرف پہونچا دینا ہے صاف طور پر

وعدہ ہے اللہ کا ان سے جو ایمان لائے تم میں سے اور نیک عمل کئے، کہ ضرور انہیں خلیفہ بنائے گا (اللہ) زمین میں جیسا کہ خلیفہ بنایا تھا ان سے پہلوں کو اور مضبوط کردے گا ان کے لیے اس دین کو جسے اس نے (یعنی اللہ نے) پسند کیا ہے ان کیلئے، اور بدل دے گا اس کے بعد ان کے خوف کو امن سے (بشرطیکہ) وہ عبادت کریں میری اور نہ شریک ٹھہرائیں میرے ساتھ کسی کو، اور جو ناشکری کرے گا اس کے بعد تو وہی لوگ فاسق ہوں گے

اور نماز قائم کرو اور زکوۃ دو اور اطاعت کرو رسول (صلی اللہ علیہ وسلم) کی، تاکہ تم پر رحم کیا جائے

تم ہرگز یہ گمان نہ کرو کہ کافر اللہ کو عاجز کر دیں گے زمین میں، اور ان کا ٹھکانہ دوزخ ہے، اور وہ بہت ہی برا ٹھکانہ ہے

اے ایمان والو! چاہئے کہ اجازت لے کر آیا کریں جو تمہاری ملکیت میں غلام ہیں اور تمہارے وہ لڑکے جو ابھی نہیں پہونچے شعور کی عمر کو تم میں سے ان تین وقتوں میں فجر کی نماز سے پہلے، اور اسوقت جب تم اپنے کپڑے اتار تے ہو (قیلولہ کے لیے) دوپہر کے وقت، اور عشا کی نماز کے بعد یہ تین وقت پردوں کے ہیں تمہارے لیے، نہیں ہے تم پر اور نہ ان پر کوئی گناہ ان (وقتوں) کے بعد، تم آپس میں آتے جاتے ہو ایک دوسرے کے پاس، اسی طرح اللہ بیان کرتاہے تمہارے لیے آیتیں کھول کر، اور اللہ جاننے والا حکمت والا ہے

اور جب پہونچ جائیں بچے تمہارے بلوغ کو تو انہیں بھی اجازت لے کر آنا چاہیے جس طرح کہ ان سے پہلے (یعنی بڑے) اجازت لے کر آتے ہیں، اس طرح بیان کرتا ہے اللہ تمہارے لیے اپنی آیتیں اور اللہ جاننے والا حکمت والا ہے

اور بیٹھ جانے والی بوڑھی عورتیں جنہیں امید نہیں رہی نکاح کی (یعنی زیادہ عمر دراز کے لئے) نہیں ہے ان پر کوئی گناہ (اس بات میں) کہ اتار دیں اپنے کپڑے، نہ ہو یہ زینت کے (اظہار) کیلئے، اور اگر وہ بھی بچیں تو بہتر ہے ان کے لیے اور اللہ سننے والا جاننے والا ہے

نہیں ہے اندھے پر کوئی گناہ، اور نہ لنگڑے پر کوئی گناہ، اور نہ بیمار پر کوئی گناہ اور نہ تم پر کہ تم کھانا کھاؤ (ساتھ بیٹھ کر) اپنے گھروں سے، یا اپنے باپ کے گھروں سے، یا اپنی ماؤں کے گھروں سے یا اپنے بھائیوں کے گھروں سے، یا اپنی بہنوں کے گھروں سے، یا اپنے چچاؤں کے گھروں سے، یا اپنی پھوپھیوں کے گھروں سے، یا اپنے ماموؤں کے گھروں سے، یا اپنی خالاؤں کے گھروں سے، یا ان گھروں سے جن کی کنجیاں تمہارے اختیار میں ہیں، یا اپنے دوستوں کے گھروں سے، نہیں ہے تم پر کوئی گناہ کہ ساتھ کھاؤ، یا الگ الگ کھاؤ (ان کے گھروں میں) پھر جب تم گھروں میں داخل ہو تو سلام کیا کرو اپنے لوگوں پر یہ دعاء ہے اللہ کے پاس سے مبارک اور پاکیزہ، اس طرح بیان فرماتا ہے اللہ تمہارے لئے آیتیں تاکہ تم عقل سے کام لو

یقیناً مؤمن تو وہی ہیں جو ایمان لائے ہیں اللہ اور اس کے رسول پر، اور جب وہ ہوتے ہیں اس (نبی) کے ساتھ کسی کام میں جمع، تو چلے نہیں جاتے جب تک ان سے اجازت نہ لے لیں، بیشک جو لوگ اجازت لیتے ہیں تم سے وہی ہیں جو ایمان رکھتے ہیں اللہ اور اس کے رسول پر (پھر) جب وہ اجازت مانگیں تم سے اپنے کسی کام کے لیے، تو اجازت دو جسے تم چاہو ان میں سے، اور مغفرت کی دعاء کرو ان کیلئے بیشک اللہ بخشنے والا نہایت رحم والا ہے

(اے مؤمنو!) نہ پکارو رسول کو آپس میں جیسا تم ایک دوسرے کو پکارتے ہو (اے محمد نہ کہو، بلکہ اے نبیؐ کہو) یقیناً اللہ جانتا ہے انہیں جو کھسک جاتے ہیں تم میں (مجلس) سے چپکے، تو ڈرنا چاہئے انہیں جو لوگ مخالفت کرتے ہیں اس (اللہ) کے حکم کی، کہ پہونچے ان پر کوئی آفت، یا پہونچے ان پر کوئی دردناک عذاب

خبردار! اللہ ہی کا ہے جو کچھ آسمانوں اور زمین میں ہے، یقیناً وہ جانتا ہے جس حال میں تم ہو، اور اس دن وہ لوٹائے جائیں گے اس کی طرف، تو وہ (اللہ) بتا دیگا انہیں جو کچھ وہ کرتے تھے، اور اللہ ہر چیز کو خوب جاننے والا ہے

وہ بڑی برکت والا ہے جس نے نازل کیا فرقان (یعنی قرآن) اپنے بندے پر، تاکہ وہ تمام جہان کے لیے ڈرانے والا ہو

وہ جس کی بادشاہت ہے آسمانوں اور زمین میں، اور اس نے نہیں بنایا کسی کو بیٹا، اور نہیں ہے اس کا کوئی شریک بادشاہت میں، اور اسی نے پیدا کیا ہر چیز کو پھر اس کی تقدیر بنائی اچھی طرح

اور انہوں نے بنالیا ہے اس (اللہ) کے سوا ایسے معبود جو کچھ بھی پیدا نہیں کر سکتے، جبکہ وہ خود پیدا کیے گئے ہیں، اور وہ نہیں ہے مالک خود اپنے لیے کسی نقصان اور نہ ہی نفع کا، اور وہ نہیں ہے مالک موت اور نہ ہی حیات کا اور نہ دوبارہ زندہ ہونے کا

اور کہتے ہیں کافر کہ یہ (قرآن) گھڑا ہوا ہے، جسے اس (نبی) نے گھڑ لیا ہے، اور اعانت (یعنی مدد) کی ہے اس پر دوسرے لوگوں (یہودی عداس اور یسار) نے تو یقیناً وہ اتر آئے ہیں ظلم اور جھوٹ پر

اور کہتے ہیں یہ کہانیاں ہیں پہلوں کی، جنہیں اس (نبی) نے لکھ رکھا ہے، تو اسے املاء (یعنی نقل) کیا جاتاہے اس (نبی) پر صبح اور شام

کہہ دو کہ اسے نازل کیا ہے اس نے جو جانتا ہے راز آسمانوں اور زمین کا، بے شک وہ مغفرت کرنیوالا نہایت رحم والا ہے

اور (کافر) کہتے ہیں کیا ہوگیا ہے اس رسول کو کہ کھاتا ہے کھانا اور چلتاہے بازاروں میں، کیوں نہیں نازل کیا گیا اس کے پاس کوئی فرشتہ، کہ وہ (فرشتہ بھی) ہوتا اس کے ساتھ ڈرانے والا

یا ڈالا جاتا اس کے پاس کوئی خزانہ، یا ہوتا اس کے لیے کوئی باغ جس میں سے وہ کھاتا، اور کہا ظالموں نے کہ اگر تم اتباع کروگے تو جادو کئے ہوئے شخص کی اتباع کروگے

دیکھو (یہ کافر) کیسی مثالیں بیان کرتے ہیں تمہارے لئے، تو وہ گمراہ ہو گئے نہیں طاقت رکھتے کسی راستے کی

برکت والا ہے (اللہ) جو اگر چاہے تو بنا دے تمہارے لیے اس سے بہتر باغ جن کے نیچے بہتی ہوں نہریں، اور بنا دے تمہارے لئے محل

بلکہ انہوں نے جھٹلایا قیامت کو، اور ہم نے تیار کی ہے قیامت کو جھٹلانے والوں کیلئے بھڑکتی آگ

جب وہ (آگ) دیکھے گی ان (جہنمیوں) کو دور کی جگہ سے تو وہ (جہنمی) سنیں گے اس کے غیظ و غضب اور چنگھاڑ کو

اور جب وہ ڈالے جائیں گے اس کے تنگ مکان میں جکڑ کر، (تو وہ جہنمی) پکاریں گے وہاں موت کو

(ان سے کہا جائے گا) تم نہ پکارو آج ایک موت کو، اور (بلکہ) تم پکارو بہت سی موتوں کو

کہہ دو کیا یہ (جہنم) بہتر ہے یا ہمیشہ کی جنت جس کا وعدہ کیا گیا ہے متقیوں سے (وہ جنت) ہے ان کیلئے بدلہ اور ٹھکانہ

ان کیلئے اس میں وہ ہے جو وہ چاہیں گے ہمیشہ کیلئے، یہ تیرے رب کا وعدہ ہے جو مسئول (یعنی قابل درخواست) ہے

اور جس دن وہ (اللہ) جمع کرے گا انہیں اور جن کی وہ عبادت کرتے تھے اللہ کے سوا (انہیں بھی) تو فرمائے گا، کیا تم نے گمراہ کیا تھا میرے ان بندوں کو یا یہ خود گمراہ ہو گئے تھے سیدھے راستے سے

وہ کہیں گے تو پاک ہے نہیں ممکن ہمارے لئے، کہ ہم بناتے تیرے سوا کسی اور کو ولی (یعنی کارساز) اور لیکن تو نے فائدہ دیا انہیں اور ان کے باپ دادا کو، یہاں تک کہ انہوں نے بھلا دیا تیری یاد کو، اور ہو گئے تباہ ہونیوالے لوگ

تو یقیناً (تمہارے معبودوں نے) جھٹلا دیا تم کو جو کچھ بھی تم کہہ رہے ہو، تو تم اب طاقت نہیں رکھتے کہ (عذاب کو) ٹال سکو اور نہ (اپنی) مدد کر سکتے، اور جو ظلم کرے گا تم میں سے ہم چکھائیں گے اسے بڑے عذاب کا مزہ

اور (اے نبیؐ) ہم نے بھیجے ہیں تجھ سے پہلے بھی رسولوں کو، بے شک وہ کھاتے تھے کھانا اور چلتے تھے بازاروں میں، اور ہم نے بنایا ہے تمہیں ایک دوسرے کے لیے آزمائش (یعنی طعنہ پے صبر کرو) تو کیا تم صبر کرتے ہو، اور تمہارا رب دیکھ رہا ہے