آل عمران

المّ

اللہ کے سوا کوئی معبود نہیں، جو زندہ اور قائم ہے

اس نے نازل کی آپ پر کتاب حق کے ساتھ، جو تصدیق کرتی ہے ان (کتابوں) کی جو اس سے پہلے آئیں، اسی نے نازل کیا تورات اور انجیل کو

اس سے پہلے، ہدایت ہے لوگوں کے لئے، اور اسی نے نازل کیا فرقان (یعنی قرآن) بیشک جو لوگ انکار کرتے ہیں اللہ کی آیتوں کا ان کے لئے سخت عذاب ہے، اور اللہ زبردست انتقام لینے والا ہے

بیشک اللہ سے نہیں چھپی ہے کوئی چیز زمین میں اور نہ ہی آسمان میں

وہی (اللہ) ہے جو صورتیں بناتا ہے تمہاری (ماؤں کے) پیٹوں میں جس طرح چاہتا ہے اس کے سوا کوئی معبود نہیں وہ زبردست حکمت والا ہے

وہی ہے جس نے نازل کی آپ پر کتاب جس میں آیتیں ہیں حکمت والی جو اصل کتاب ہیں (جیسے شریعت کے احکام) اور بعض متشابہ آیتیں بھی ہیں (قرآن میں) تو جن کے دلوں میں کجی (یعنی ٹیڑھا پن) ہے وہ اتباع کرتے ہیں متشابہ آیتوں کی (جیسے حروف مقطعات کی) فتنہ تلاشنے کیلئے، اور ان کی تاویل تلاشنے کیلئے، حالانکہ ان کی تاویل (یعنی اصل حقیقت) صرف اللہ ہی جانتا ہے، اور پکا علم والے یہی کہتے ہیں کہ ہم ان پر ایمان لاتے ہیں، یہ سب ہمارے رب کی طرف سے ہیں، اور نصیحت تو صرف عقلمند حاصل کرتے ہیں

اے ہمارے رب! نہ ٹیڑھا کر ہمارے دلوں کو بعد اسکے کہ تو نے ہدایت دے دی ہے ہمیں، اور عطا کر ہمیں اپنے پاس سے رحمت، بیشک تو ہی بہت عطا کر نیوالا ہے

اے ہمارے رب! بیشک تو جمع کرنے والا ہے لوگوں کو ایک دن (قیامت میں) جس میں کوئی شک نہیں، بیشک اللہ وعدہ خلافی نہیں کرتا

بیشک جن لوگوں نے کفر کیا ہرگز کام نہ آئیں گے (قیامت کے دن) ان کے مال اور ان کی اولاد اللہ کے پاس کچھ بھی، اور وہی جہنم کا ایندھن ہیں

(ان کافروں کا ویسا ہی حال ہو گا) جیسا حال ہوا آل فرعون کا، اور جو ان سے پہلے تھے ان کا، انہوں نے جھٹلایا ہماری آیتوں کو پھر پکڑا انہیں اللہ نے ان کے گناہوں کے سبب، اور اللہ سخت عذاب دینے والا ہے

کہہ دیجئے کافروں سے! کہ تم عنقریب مغلوب کئے جاؤ گے اور جمع کئے جاؤ گے جہنم کی طرف اور وہ برا ٹھکانہ ہے

یقیناً تمہارے لئے نشانی ہے ان دو جماعتوں میں جو بھڑی تھیں (جنگِ بدر میں) ایک جماعت تو لڑ رہی تھی اللہ کی راہ میں اور دوسرا گروہ کافروں کا تھا، وہ انہیں اپنے سے دگنا دیکھ رہے تھے کھلی آنکھوں سے، اور اللہ تائید کرتا ہے اپنی مدد سے جسے چاہتا ہے، بیشک اس میں عبرت ہے آنکھ والوں کیلئے

مزین کر دی گئی ہے لوگوں کے لئے عورتوں کی چاہت کی محبت اور بیٹوں کی اور ڈھیروں کی، وہ ڈھیر سونے کی ہو یا چاندی کی اور شاندار گھوڑے (عمدہ نسل کے قیمتی) اور چوپائے اور کھیتی کی، یہ سامان ہے دنیا کی زندگی کا اور اللہ کے پاس بہترین ٹھکانہ ہے (مؤمنوں کیلئے جنت)

آپ کہہ دیجئے! کیا میں تمہیں بتاؤں؟ اس سے بہتر چیز تقویٰ والوں کے لئے ان کے رب کے پاس جنتیں ہیں جن کے نیچے بہہ رہی ہیں نہریں جن میں وہ ہمیشہ رہیں گے، اور پاکیزہ بیویاں ہیں اور اللہ کی رضامندی ہے، اور اللہ خوب دیکھنے والا ہے اپنے بندوں کو

(یہ ان کے لئے ہے) جو کہتے ہیں اے ہمارے رب! بے شک ہم ایمان لے آئے ہیں تو مغفرت فرما دے ہمارے گناہوں کی، اور بچا ہمیں آگ کے عذاب سے

یہ صبر کرنے والے اور سچ بولنے والے اور فرمانبرداری کر نیوالے اور اللہ کی راہ میں خرچ کر نیوالے اور مغفرت طلب کر نیوالے ہیں سحر کے وقت

گواہی دیتے ہیں اللہ اور فرشتے اور اہل علم کہ اللہ کے سوا کوئی معبود نہیں، اور وہ قائم رکھنے والا ہے عدل کو، اسکے سوا کوئی معبود نہیں وہ زبردست حکمت والا ہے

دین اللہ کے نزدیک اسلام ہی ہے (اسلام دین ہی ہر نبی کے زمانے میں رہا ہے) اور اختلاف کیا اہل کتاب نے بعد اس کے کہ آ گیا ان کے پاس علم آپسی ضد میں، اور جس نے انکار کیا اللہ کی آیتوں کا تو بیشک اللہ (اس کا) جلد حساب لینے والا ہے

تو اگر یہ جھگڑیں آپ سے تو کہہ دیجئے کہ میں نے جھکا دیا ہے اپنا سر اللہ کے سامنے اور جنہوں نے اتباع کی میری انہوں نے بھی، اور کہہ دیجئے اہل کتاب اور ان پڑھ لوگوں سے کہ کیا تم اسلام لاتے ہو، تو اگر یہ بھی اسلام لے آئیں تو یقیناً ہدایت پا لیں گے اور اگر یہ پلٹ جائیں، تو آپ پر تو صرف پہونچا دینا ہے اور اللہ خوب دیکھ رہا ہے اپنے بندوں کو

بیشک جو لوگ انکار کرتے ہیں اللہ کی آیتوں کا، اور قتل کرتے ہیں نبیوں کو ناحق، اور قتل کرتے ہیں انہیں جو حکم دیتے ہیں انصاف کا لوگوں کو، تو (اے نبی صلی اللہ علیہ وسلم) انہیں خبر دے دیجئے دردناک عذاب کی

یہی ہیں وہ لوگ جن کے اعمال ضائع ہو گئے دنیا اور آخرت میں، اور نہ ہوگا ان کا کوئی مددگار (کل قیامت کے دن)

کیا آپ نے ان (یہودیوں) کو نہیں دیکھا جنہیں دیا گیا ایک حصہ کتاب کا، انہیں بلایا جاتا ہے اللہ کی کتاب کی طرف، تاکہ وہ (یعنی نبی) فیصلہ کرے ان کے درمیان، پھر ان میں بعض فریق منہ پھیر لیتے ہیں، اور وہ منہ پھیرنے والے ہیں

یہ اس لئے کہ بیشک وہ کہتے ہیں کہ ہرگز نہ چھوئے گی ہمیں آگ مگر چند دن، اور دھوکے میں ڈالا انہیں ان کے دین نے بسبب ان کے (دین میں) گھڑنے کے

پس کیا حال ہو گا جب ہم جمع کریں گے انہیں اس دن جس میں کوئی شک نہیں، اور پورا دیا جائے گا ہر شخص کو جو اس نے کمایا، اور ان پر ظلم نہیں کیا جائے گا

آپ کہہ دیجئے اے اللہ تو مالک ہے ملکوں کا، تو عطا کرتا ہے بادشاہت جسے چاہتا ہے اور چھین لیتا ہے بادشاہت جس سے چاہتا ہے، اور تو عزت دیتا ہے جسے چاہتا ہے، اور ذلت دیتا ہے جسے چاہتا ہے، تیرے ہاتھ میں خیر ہے بے شک تو ہر چیز پر قادر ہے

تو داخل کرتا ہے رات کو دن میں اور تو داخل کرتا ہے دن کو رات میں اور تو نکالتا ہے زندہ کو مردہ سے، اور تو نکالتا ہے مردہ کو زندہ سے، اور تو رزق دیتا ہے جسے چاہتا ہے بغیر حساب کے

نہ بنائیں مؤمن کافروں کو اپنا دوست علاوہ مؤمنوں کے، اور جو ایسا کرے اس کا اللہ سے کوئی تعلق نہیں، مگر یہ کہ تم ان سے بچاؤ کرو (یعنی حسن سلوک تجارت اور کاروبار وغیرہ کرنے میں کوئی حرج نہیں) اور ڈراتا ہے تمہیں اللہ اپنی ذات سے، اور اللہ ہی کی طرف لوٹنا ہے

کہہ دیجئے اگر تم چھپاؤ اپنے دلوں میں (بات) یا ظاہر کرو اسے اللہ اسے جانتا ہے، اور وہ جانتا ہے جو کچھ ہے آسمانوں اور زمین میں، اور اللہ ہر چیز پر قادر ہے (یعنی اللہ کے علم میں چھپی چیز بھی ظاہر ہے)

اس دن پالے گا ہر شخص جو عمل کیا اس نے عملِ خیر اسے حاضر، اور اپنی کی ہوئی برائیوں کو بھی، چاہے گا ہر شخص کہ کاش اس کے اور ان (برائیوں) کے درمیان دور کا فاصلہ ہو جائے، اور ڈراتا ہے تمہیں اللہ اپنی ذات سے، اور اللہ مہربان ہے اپنے بندوں پر

کہہ دیجئے اگر تم اللہ سے محبت کرتے ہو تو میری اتباع کرو، اللہ تم سے محبت کرے گا اور تمہارے گناہ معاف فرما دے گا، اور اللہ مغفرت کرنے والا رحم کرنے والا ہے

کہہ دیجئے کہ اطاعت کرو اللہ اور رسول کی، پھر اگر یہ منہ پھیر لیں تو بیشک اللہ پسند نہیں کرتا کافروں کو

بے شک اللہ نے چن لیا ہے آدم اور نوح کو، ابراہیم اور عمران کے خاندان کو تمام جہانوں پر

یہ اولاد ہیں ایک دوسرے کی، اور اللہ خوب سننے والا اور جاننے والا ہے

جب کہا عمران کی بیوی (حضرت عیسیٰ علیہ السلام کی نانی) نے کہ اے میرے رب! میں نے نذر مانی ہے تیرے لئے، جو ہے میرے پیٹ میں اسے آزاد کر دوں گی، تو تو قبول فرما میری طرف سے، بیشک تو خوب سننے اور جاننے والا ہے

تو جب جنم دیا اس (بچی مریم) کو تو کہنے لگیں، کہ میرے رب میں نے تو لڑکی کو جنم دیا ہے، اور اللہ کو خوب معلوم تھا جو اس نے جنم دیا، اور نہ ہوتا لڑکا اس لڑکی کی طرح اور بیشک میں نے اسکا نام رکھا ہے مریم، میں اسے اور اسکی اولاد کو تیری پناہ میں دیتی ہوں شیطان مردود سے

تو قبول فرمایا اسے اس کے رب نے اچھی طرح، اور اچھی پرورش کی اس کی، اور کفیل (یعنی ذمے دار) بنایا اس کا زکریاؑ کو، جب داخل ہوتے اس کے پاس زکریاؑ محراب (یعنی اسکے کمرے) میں تو پاتے اسکے پاس رزق (یعنی کھانے کا سامان) وہ پوچھتے اے مریم! یہ کہاں سے آیا ہے تمہارے پاس؟ وہ کہتی یہ اللہ کے پاس سے آیا ہے، بیشک اللہ رزق دیتا ہے جسے چاہتا ہے بغیر حساب کے

اسی جگہ دعا کی زکریا نے اپنے رب سے، کہا کہ اے میرے رب! عطا فرما مجھے اپنی طرف سے پاکیزہ اولاد بے شک تو سننے والا ہے دعا کا

تو فرشتوں نے انہیں آواز دی (اسوقت) جب وہ کھڑے نماز پڑھ رہے تھے حجرے میں، کہ بیشک اللہ بشارت دیتا ہے تجھے یحییٰ کی، جو تصدیق کرنے والا ہو گا اللہ کے کلمے کی، اور (یحییٰ) سردار، اور پاکباز اور نبی ہو گا صالحین میں سے

کہنے لگے اے میرے رب! کیسے ہو گا میرے یہاں بچہ؟ مجھے پہونچ گیا ہے بڑھاپا، اور میری بیوی بانجھ ہے، فرمایا، اسی طرح اللہ کرتا ہے جو چاہتا ہے

کہنے لگے اے میرے رب بنادے میرے لئے اس کی کوئی نشانی، فرمایا، تیری نشانی یہ ہے کہ تو بات نہ کر سکے گا لوگوں سے تین دن تک مگر اشارے سے، اور ذکر کر اپنے رب کا کثرت سے اور تسبیح بیان کر صبح اور شام (یعنی ہر وقت)

اور جب فرشتوں نے کہا اے مریم! بیشک اللہ نے چن لیا ہے تجھے، اور پاک کر دیا ہے تجھے، اور چن لیا ہے تجھے سارے جہان کی عورتوں پر

اے مریم! تو اپنے رب کی اطاعت کر اور سجدہ کر اور رکوع کرنے والوں کے ساتھ رکوع کر

یہ غیب کی خبروں میں سے ہے جسے ہم پہونچاتے ہیں تیری طرف وحی کے ذریعے (اے نبی) اور نہ تھا تو ان کے پاس جب وہ ڈال رہے تھے اپنے قلموں کو کہ ان میں کون کفالت کرے گا مریم کی اور نہ تھا تو ان کے پاس جب (یہودی پادری) جھگڑ رہے تھے آپس میں

جب فرشتوں نے کہا اے مریم! بے شک اللہ تجھے خوشخبری دیتا ہے اپنی طرف سے ایک (بچے کی) بات کی، اسکا نام مسیح عیسیٰ بن مریم ہے، جو دنیا اور آخرت میں مرتبے والا ہو گا اور وہ مقربین میں سے ہو گا

اور وہ باتیں کرے گا لوگوں سے گود (کی عمر) میں اور ادھیڑ عمر میں بھی، اور صالحین میں سے ہو گا

کہنے لگی اے میرے رب! کیسے ہو گا مجھے لڑکا، اور مجھے تو کسی بشر (یعنی انسان) نے چھوا تک نہیں، فرشتے نے کہا، اسی طرح اللہ پیدا کرتا ہے جو چاہتا ہے، جب وہ فیصلہ کرتا ہے کسی کام کا تو وہ صرف کہتا ہے اس سے ہو جا! تو وہ ہو جاتا ہے

اور اللہ سکھائے گا اسے (یعنی حضرت عیسیٰ کو) کتاب اور حکمت اور تورات اور انجیل

اور وہ رسول ہو گا بنی اسرائیل کی طرف (کہے گا) میں لے کے آیا ہوں تمہارے پاس نشانی تمہارے رب کی، میں بناؤں گا تمہارے سامنے مٹی سے پرندے کی شکل پھر پھونکوں گا اس میں تو وہ پرندہ ہو جائے گا اللہ کے حکم سے اور میں اچھا کر دوں گا پیدائشی اندھے اور کوڑھی کو، اور میں زندہ کر دوں گا مردوں کو اللہ کے حکم سے اور میں بتا دوں گا تمہیں جو کچھ تم کھاتے ہو اور جو جمع کرتے ہو اپنے گھروں میں، بیشک اس میں نشانی ہے تمہارے لئے، اگر تم مؤمن ہو

اور میں تصدیق کرنے والا ہوں تورات کی جو میرے سامنے ہے، اور تاکہ حلال کروں تم پر بعض وہ چیزیں جو تم پر حرام کر دی گئی ہیں اور میں لے کے آیا ہوں تمہارے پاس تمہارے رب کی طرف سے نشانی، تو تم اللہ سے ڈرو اور میری اطاعت کرو

بیشک اللہ ہی میرا اور تمہارا رب ہے تو تم اسی کی عبادت کرو یہی راستہ سیدھا ہے

تو جب محسوس کیا عیسیٰ (علیہ السلام) نے ان کے اندر کفر، تو کہا کون میری مدد کرے گا اللہ کیلئے، کہا حواریوں نے (یعنی ان کے شاگردوں نے) کہ ہم مددگار ہیں اللہ کیلئے، ہم ایمان لائے ہیں اللہ پر اور آپ گواہ رہیں کہ ہم فرماں بردار ہیں

اے ہمارے رب ہم ایمان لائے اس پر جو کچھ تو نے نازل کیا، اور ہم نے اتباع کی تیرے رسول کی، تو، تو لکھ لے ہمیں گواہوں میں

اور (یہودیوں نے) مکر کیا اور اللہ نے بھی تدبیر کی، اور اللہ بہترین تدبیر کر نیوالا ہے

جب اللہ نے فرمایا کہ اے عیسیٰ میں تجھے پورا لینے والا ہوں (اپنی طرف) اور تجھے اپنی طرف اٹھا نیوالا ہوں اور تجھے پاک کر نیوالا ہوں کافروں سے اور جنہوں نے تیری اتباع کی انہیں کافروں کے اوپر رکھوں گا قیامت کے دن، پھر تمہیں لوٹنا ہے میری ہی طرف تو میں فیصلہ کروں گا تمہارے درمیان (اے کافرو!) جس میں تم اختلافات کرتے تھے

تو جہاں تک ان لوگوں کا تعلق ہے جنہوں نے کفر کیا تو میں عذاب دوں گا انہیں سخت عذاب دنیا اور آخرت میں، اور نہ ہو گا ان کے لئے کوئی مددگار (قیامت کے دن اللہ کے سوا)

اور ایمان والوں اور نیک عمل کرنے والوں کو اللہ پورا دے گا انہیں ان کا اجر، اور اللہ ظالموں سے محبت نہیں کرتا

یہ آیتیں ہیں جنہیں ہم پڑھ رہے ہیں تیرے سامنے، اور (یہ) حکمت والی نصیحت ہیں

بیشک عیسیٰ کی مثال اللہ کے نزدیک آدم کی مثال کی طرح ہے، جسے اس نے پیدا کیا مٹی سے، پھر کہا اس سے کہ ہو جا! تو وہ ہو گیا

یہ حق ہے تیرے رب کی طرف سے، تو، تو ہرگز نہ ہو جانا شک کرنے والوں میں سے

تو جو جھگڑا کرے آپ سے اس (حق اور باطل) میں علم آجانے کے بعد تو آپ کہہ دیں کہ آؤ ہم بلاتے ہیں اپنی اولاد کو تم بھی اپنی اولاد کو بلاؤ اور ہم تم اپنی اپنی عورتوں کو اور اپنے آپ کو شریک کریں، پھر ہم مباہلہ کریں (یعنی) ہم ڈالیں اللہ کی لعنت (اپنے میں سے) جھوٹوں پر

بیشک یہ حقیقی قصہ ہے (کہ اللہ کی کوئی اولاد نہیں، نہ ہی عیسیٰ بیٹا ہے) اور اللہ کے سوا کوئی معبود نہیں اور بیشک اللہ ہی زبردست حکمت والا ہے

تو اگر یہ (یہودی) پھر جائیں تو (وہ فسادی ہیں) بے شک اللہ خوب جانتا ہے فسادیوں کو

آپ کہہ دیجئے کہ اے اہل کتاب! آؤ اس کلمے کی طرف جو برابر ہے ہمارے اور تمہارے درمیان، کہ ہم نہ عبادت کریں اللہ کے سوا کسی کی، اور نہ شریک ٹھہرائیں اس کے ساتھ کسی کو، اور نہ بنائے ہم میں کوئی رب اللہ کے علاوہ کسی کو، تو اگر یہ (یہودی) منہ پھیر لیں تو تم کہہ دو کہ تم گواہ رہو (اے یہودیو!) بیشک ہم تو مسلمان ہیں

اے اہل کتاب تم کیوں جھگڑتے ہو ابراہیم (علیہ السلام) کے بارے میں اور تورات اور انجیل تو ان کے (یعنی ابراہیم کے) بعد نازل کی گئی ہیں تو کیا تم عقل نہیں رکھتے؟

تم ہی ہو وہ جو جھگڑتے ہو اسمیں جس میں تمہیں علم ہے (دین اور کتاب میں) تو تم کیوں جھگڑتے ہو اس میں جس (ابراہیم کی ملت) کا نہیں تمہیں علم اور اللہ جانتا ہے اور تم نہیں جانتے (یہودی تورات سے، اور عیسائی انجیل سے حوالہ دیتے تھے کہ ابراہیم ان کے دین پر تھے)

نہ تھے ابراہیم یہودی نہ نصرانی اور بلکہ وہ تھے یکسو مسلم (یعنی خالص مسلم اللہ کی طرف جانے والے راستے پر) اور نہ تھے وہ مشرکوں میں سے

بیشک وہ پہلے لوگ جنہوں نے ابراہیم کی اتباع کی اور یہ نبی (صلی اللہ) اور جو لوگ ایمان لائے (یہ سب مؤمنین ہیں) اور اللہ دوست ہے مؤمنوں کا

اور چاہتے ہیں بعض گروہ اہل کتاب میں سے کہ وہ گمراہ کر دیں تمہیں، اور (جبکہ) وہ خود اپنے آپ کو گمراہ کر رہے ہیں، اور وہ سمجھتے نہیں

اے اہل کتاب تم کیوں انکار کرتے ہو اللہ کی آیات کا، اور تم خود گواہ ہو (اپنی کتاب کے حوالے سے کہ نبیؐ سچے ہیں)

اے اہل کتاب تم کیوں ملاتے ہو حق (یعنی نبیؐ کے سچ ہونے) کو باطل سے، اور کیوں چھپاتے ہو حق کو جب کہ تم جانتے ہو

اور کہا بعض گروہ نے اہل کتاب میں سے کہ ایمان لاؤ جو (قرآن) نازل کیا گیا ایمان والوں پر دن چڑھتے اور کافر بن جاؤ شام کے وقت، تاکہ یہ بھی لوٹ آئیں (مسلمان بھی ایمان سے پھر جائیں)

اور تم اسی پر ایمان لاؤ جو اتباع کرتے ہیں تمہارے دین کی، کہہ دو بیشک اللہ کی ہدایت ہی ہدایت ہے کیوں عطا کی گئی کسی کو (نبوت) جو تمہیں عطا کی جاتی رہی ہے یا یہ (مسلمان) جھگڑا کریں گے تم سے تمہارے رب کے پاس (کہ جانتے ہوئے نہیں مانا) کہہ دو فضل (نبوت کا اختیار) اللہ کے ہاتھ میں ہے وہ عطا کرتا ہے اسے جسے وہ چاہتا ہے، اور اللہ وسعت والا علم والا ہے

وہ خاص فرماتا ہے اپنی رحمت کو جس کیلئے چاہتا ہے اور اللہ بڑے فضل والا ہے

اور اہل کتاب میں سے بعض ایسے بھی ہیں کہ اگر تم امانت دے دو انہیں ڈھیروں تو وہ ادا کر دیں گے تجھے اس کو، اور ان میں سے بعض ایسے بھی ہیں کہ اگر تم انہیں امانت دے دو ایک دینار بھی تو تمہیں ادا نہیں کریں گے، ہاں یہ کہ تم اس کے سر پر کھڑے رہو یہ اس لئے کہ وہ کہتے ہیں نہیں ہے ہم پر کوئی گناہ ان جاہلوں کو ٹھگنے میں، یہ لوگ اللہ پر جھوٹ کہتے ہیں اور وہ جانتے ہیں (کہ ٹھگنا گناہ ہے)

کیوں نہیں جو پورا کرے اپنا عہد اور تقویٰ اختیار کرے، تو بیشک اللہ بھی محبت کرتا ہے متقیوں سے

بے شک جو لوگ سودا کرتے ہیں اللہ کے عہد کا اور اپنی قسموں کا تھوڑے فائدے کیلئے، ان کے لئے آخرت میں کوئی حصہ نہیں، اور نہیں کلام کرے گا ان سے اللہ اور نہ دیکھے گا ان کی طرف قیامت کے دن اور نہ انہیں پاک کرے گا، اور ان کے لئے دردناک عذاب ہے

اور بیشک ان (یہودیوں) میں بعض گروہ موڑتے ہیں اپنی زبانوں کو کتاب پڑھتے وقت، تاکہ (اے نبیؐ) تم گمان کرو اسے کہ کتاب ہی میں سے ہے، جبکہ وہ نہیں ہے کتاب میں سے، اور وہ کہتے بھی ہیں کہ یہ اللہ کی طرف سے ہے جبکہ وہ اللہ کی طرف سے نہیں، اور وہ کہتے ہیں اللہ پر جھوٹ اور وہ جانتے ہیں (کہ یہ جھوٹ ہے)

نہیں ہے کسی بشر کو اختیار کہ عطا کرے اسے اللہ کتاب اور حکمت اور نبوت، پھر وہ لوگوں سے کہے کہ ہو جاؤ تم میرے بندے اللہ کے علاوہ، اور لیکن وہ تو یہی کہے گا کہ ہو جاؤ تم رب والے جیسا کہ تم انہیں باتوں کو (اے عیسائیو) سکھاتے ہو کتاب (انجیل) میں اور انہیں باتوں کا درس دیتے ہو

اور نہیں حکم دیتا ہے (عیسیٰ) یہ حکم تمہیں کہ تم بناؤ فرشتوں اور نبیوں کو اپنا رب، کیا وہ حکم دے گا تمہیں کفر کا بعد اس کے کہ تم مسلمان ہو چکے ہو

اور جب اللہ نے عہد لیا نبیوں سے کہ جو میں عطا کروں تمہیں کتاب اور حکمت، پھر آئے تمہارے پاس (تمہارے علاوہ کوئی) رسول جو تصدیق کرے اس کی جو تمہارے پاس ہے، تو تم ضرور ایمان لانا اس پر اور اس کی مدد کرنا (اللہ نے نبیوں سے) فرمایا کہ کیا تم اقرار کرتے ہو اور لیتے ہو اس پر عہد؟ سب نے کہا کہ ہم اقرار کرتے ہیں، فرمایا تو تم گواہ رہو اور میں بھی تمہارے ساتھ گواہوں میں ہوں

تو جو پھر جائے گا اس کے بعد، تو وہی ہیں فاسق (یعنی نافرمان)

کیا وہ اللہ کے دین کے علاوہ دین تلاشتے ہیں، اور جبکہ اسی کے سامنے جھکتے ہیں جو بھی آسمانوں اور زمین میں ہیں چاہتے ہوئے اور نہ چاہتے ہوئے، سب اسی کی طرف لوٹائے جائیں گے

آپ کہہ دیجئے کہ ہم ایمان لاتے ہیں اللہ پر اور جو کچھ نازل کیا گیا ہم پر اور جو کچھ نازل کیا گیا ابراہیم اور اسماعیل اور اسحاق اور یعقوب (علیہم السلام) پر اور ان کی اولاد پر، اور جو کچھ عطا کیا گیا موسیٰ اور عیسیٰ اور نبیوں پر ان کے رب کی طرف سے، ہم نہیں فرق کرتے کسی کے درمیان ان میں سے، اور ہم اسی کے فرماں بردار ہیں

اور جو شخص تلاش کرے اسلام کے سوا اور دین، اس کا دین قبول نہ کیا جائے گا اور وہ آخرت میں نقصان اٹھانے والوں میں ہو گا

کیسے ہدایت دے گا اللہ ان لوگوں کو جو کافر ہو جائیں اپنے ایمان لانے کے بعد، اور وہ خود گواہ ہیں کہ بیشک رسول برحق ہیں، اور آچکی ان کے پاس روشن دلیلیں، اور اللہ ہدایت نہیں دیتا ظالموں کو

یہ ایسے لوگ ہیں کہ ان کی تو سزا یہ ہے کہ بیشک ان پر لعنت ہے اللہ کی اور فرشتوں کی اور تمام لوگوں کی

(ایسے لوگ) ہمیشہ رہیں گے اس میں، نہ ہلکا کیا جائے گا ان کا عذاب اور نہ انہیں مہلت دی جائے گی

مگر وہ لوگ جو توبہ کر لیں اس کے بعد اور اصلاح کر لیں، تو بے شک اللہ مغفرت کرنے والا رحم کرنے والا ہے

بے شک جن لوگوں نے کفر کیا بعد اپنے ایمان لانے کے، پھر کفر میں اور زیادہ بڑھ گئے، ہرگز قبول نہ کی جائے گی ان کی توبہ اور یہی لوگ گمراہ ہیں

بے شک جن لوگوں نے کفر کیا اور مر گئے کفر کی حالت میں، تو ہرگز قبول نہ کیا جائے گا ان میں کسی سے اگر وہ بھر دے زمین کو سونا سے، اور اسے وہ فدیے میں دیدے (قیامت کے دن) یہی ہیں جن کے لئے دردناک عذاب ہے، اور نہ ہو گا ان کیلئے کوئی مددگار

ہرگز تم بھلائی نہ پاؤ گے یہاں تک کہ تم خرچ کرو وہ چیز جو تمہیں محبوب ہے، اور تم جو بھی چیز خرچ کرو گے تو بیشک اللہ اسے خوب جانتا ہے

تمام کھانے بنی اسرائیل پر حلال تھے مگر یہ کہ اسرائیل (یعنی یعقوبؑ) نے خود حرام کیا تھا اپنے اوپر (گوشت اور دودھ اللہ کی رضاء کیلئے) تورات کے نازل ہونے سے پہلے (اے نبی!) آپ کہہ دیجئے کہ لے آؤ تورات اور پڑھو اسے اگر تم سچے ہو

تو جو شخص جھوٹ گھڑے اللہ پر (کہ اپنی طرف سے یعقوب نے کوئی چیز حرام کی تو) اس کے بعد وہی ظالم ہیں

کہہ دیجئے کہ سچ فرمایا ہے اللہ نے، تو تم اتباع کرو ملت ابراہیم کی یکسو ہو کر (یعنی اللہ کی طرف) اور نہ تھے وہ (یعنی ابراہیم) مشرکوں میں سے

بیشک وہ پہلا گھر (جو) مقرر کیا گیا لوگوں کے لئے مکہ میں، جو مبارک اور ہدایت ہے تمام جہان کے لئے

اس کی کھلی نشانیوں میں مقام ابراہیم ہے، اور جو داخل ہوا اس میں وہ امن میں ہوتا ہے اور اللہ کیلئے لوگوں پر حج بیت اللہ ہے، جو اس کی طرف جانے کی طاقت (یعنی مال) رکھتا ہو، اور جو انکار کرے تو بیشک اللہ بے نیاز ہے تمام جہانوں سے

آپ کہہ دیجئے کہ اے اہل کتاب کیوں تم انکار کرتے ہو اللہ کی آیتوں کا، اور اللہ گواہ ہے اس پر جو کچھ تم کر رہے ہو

آپ کہہ دیجئے کہ اے اہل کتاب کیوں تم روکتے ہو اللہ کے راستے سے (لوگوں کو) اور اس میں عیب تلاشتے ہو، اور جبکہ تم خود گواہ ہو اور نہیں ہے اللہ بے خبر تمہارے اعمال سے

اے ایمان والو! اگر تم اطاعت کروگے کسی ایسے گروہ کی جو اہل کتاب میں سے ہے تو وہ لوٹا دیں گے تمہیں تمہارے ایمان لے آنے کے بعد کفر پر

اور تم کیسے کفر کرتے ہو، جبکہ پڑھی جاتی ہیں تم پر اللہ کی آیتیں اور تم میں اس کے رسول (موجود) ہیں، اور جو مضبوطی سے پکڑ لے اللہ (کے دین) کو، تو یقیناً اسے ہدایت دی گئی سیدھے راستے کی

اے ایمان والو! اللہ سے ڈرو جیسا اس سے ڈرنے کا حق ہے، اور تم ہرگز نہ مرنا مگر (یہ کہ) تم مسلمان ہو کے ہی مرنا

مضبوطی سے پکڑ لو اللہ کی رسی کو سب مل کر، اور تفرقہ نہ ڈالو، اور اللہ کی اس نعمت کو یاد کرو جب تم (ایک دوسرے کے) تھے دشمن تو اس نے الفت ڈال دی تمہارے دلوں میں، تو تم ہو گئے اس کی رحمت سے بھائی بھائی، اور تم تھے گڈھے کے کنارے پر آگ کے، تو اس (اللہ) نے تمہیں بچا لیا اس سے، اسی طرح بیان کرتا ہے اللہ تمہارے لئے اپنی نشانیاں، تاکہ تم ہدایت پاؤ

اور تم (مومنوں) میں سے ایک جماعت ایسی ہونی چاہئے جو بلائے بھلائی کی طرف اور حکم کرے نیک کاموں کا، اور روکے برے کاموں سے اور یہی وہ لوگ ہیں جو فلاح پانے والے ہیں

اور نہ ہو جانا تم ان لوگوں کی طرح (یعنی یہود و نصاریٰ کی طرح) جنہوں نے تفرقہ ڈالا اور اختلاف کیا بعد اس کے کہ آچکیں ان کے پاس روشن دلیلیں، اور یہی ہیں جن کیلئے بڑا عذاب ہے

جس (قیامت کے) دن سفید ہوں گے بعض چہرے اور سیاہ ہوں گے بعض چہرے، تو جن کے چہرے سیاہ ہوں گے (ان سے کہا جائے گا) کہ کیا تم نے کفر کیا تھا ایمان لانے کے بعد، تو تم چکھو عذاب کا مزہ بسبب اپنے کفر کے

اور جہاں تک ان لوگوں کا تعلق ہے جن کے چہرے سفید ہوں گے تو وہ اللہ کی رحمت میں ہوں گے، وہ اسمیں ہمیشہ رہیں گے

یہ اللہ کی آیتیں ہیں جن کی تلاوت ہم آپ پر کر رہے ہیں حق کی جانب سے، اور نہیں ہے اللہ کا ارادہ ظلم کا جہان والوں پر

اور اللہ ہی کے لئے ہے جو کچھ آسمانوں اور زمین میں ہے، اور اللہ ہی کی طرف تمام کام لوٹائے جاتے ہیں

تم بہترین امت ہو جو تم نکالے گئے (یعنی تم پیدا کئے گئے) ہو لوگوں کیلئے کہ تم حکم کرتے ہو بھلائی کا اور روکتے ہو برائی سے، اور ایمان رکھتے ہو اللہ پر، اور اگر ایمان لے آتے اہل کتاب تو یقیناً بہتر ہوتا ان کے لئے، ان میں کچھ ایمان والے بھی ہیں، اور اکثر ان میں فاسق ہیں

ہرگز نہیں (یہود و نصاریٰ) تم کو ضرر پہنچا سکتے سوائے کچھ تکلیف کے اور اگر وہ جنگ لڑیں تم سے تو پیٹھ پھیر کر بھاگیں، پھر ان کی کوئی مدد نہ کی جائے گی

مار دی گئی ان پر ذلت جہاں بھی وہ پائے جائیں، مگر یہ کہ اللہ کی رسی یا لوگوں کی رسی پکڑ رکھی ہوں (اسلام قبول کر کے یا جنگ بندی کا معاہدہ کر لیں) اور وہ مستحق ہو گئے اللہ کے غضب کے اور ڈال دی گئی ان پر مسکینی، یہ اس لئے کہ بیشک یہ (یہودی اور عیسائی) انکار کرتے ہیں آیتوں کا اللہ کی اور قتل کرتے تھے نبیوں کا ناحق، یہ اس لئے کہ وہ نافرمانی کرتے ہیں اور حد سے بڑھتے ہیں

نہیں ہیں برابر تمام اہل کتاب ان میں بعض گروہ (حق پر) قائم ہیں، جو تلاوت کرتے ہیں اللہ کی آیتوں کی رات کے وقت، اور سجدے بھی کرتے ہیں

وہ ایمان رکھتے ہیں اللہ پر اور آخرت کے دن پر، اور حکم کرتے ہیں بھلائی کا اور روکتے ہیں برائی سے، اور وہ جلدی کرتے ہیں خیر کے کاموں میں، اور یہی وہ لوگ ہیں جو نیک لوگوں میں سے ہیں

اور یہ (اہل کتاب) جو کرتے ہیں خیر کے کام تو ہرگز نہیں کی جائے گی ان کی ناقدری، اور اللہ خوب جانتا ہے متقیوں کو

بیشک کافروں کو ہرگز کام نہ آئیں گے ان کے مال اور نہ ان کی اولاد اللہ کے پاس کچھ بھی، اور یہی وہ لوگ ہیں جو جہنمی ہیں وہ اس میں ہمیشہ رہیں گے

(ان کفار کے خرچ کی) مثال جو وہ کرتے ہیں دنیا کی زندگی میں ایک (تیز) ہوا کی طرح ہے جس میں پالا ہو جو پہنچے ظالم قوم کی کھیتی پر اور اسے ہلاک (یعنی تہس نہس) کر دے، (ایسی صورت میں) اللہ نے ان پر ظلم نہیں کیا بلکہ وہ خود اپنی جانوں پر ظلم کرتے تھے

اے ایمان والو! نہ بناؤ تم اپنا رازدار تم اپنے علاوہ کسی (غیرمسلمان) کو (ورنہ وہ) نہیں کمی کریں گے تمہاری تباہی میں، وہ چاہتے ہیں کہ تم تکلیف میں پڑ جاؤ، یقیناً ظاہر ہے بغض ان کے منہ سے، اور جو چھپا ہے ان کے سینوں میں وہ تو اور بڑا ہے، یقیناً ہم نے بیان کر دی ہیں تمہارے لئے آیتیں اگر تمہیں عقل ہو

تم ہی ہو وہ لوگ تم محبت کرتے ہو ان سے اور وہ (غیرمسلمان) تم سے محبت نہیں کرتے، اور تم ایمان رکھتے ہو ان کی تمام کتابوں پر اور جب وہ ملتے ہیں تم سے تو کہتے ہیں ہم ایمان لے آئے ہیں اور جب تنہائی میں ہوتے ہیں چباتے ہیں تم پر انگلیاں مارے غصہ کے، کہہ دو کہ تم مر جاؤ اپنے غصہ کی وجہ سے، بیشک اللہ خوب جانتا ہے دلوں کے راز کو

اگر پہنچتی ہے تمہیں بھلائی تو برا لگتا ہے ان (کافروں) کو، اور اگر پہنچتی ہے تمہیں برائی تو وہ خوش ہوتے ہیں اس سے، اور اگر تم صبر کرو اور تقویٰ اختیار کرو تو نہ ضرر پہنچائے گی ان کی چال تمہیں کچھ بھی، بیشک اللہ نے ان کے اعمال کا احاطہ کر رکھا ہے

اور (اے نبی) جب تم نکل رہے تھے صبح کو اپنے گھرانے سے ٹھکانہ پکڑا رہے تھے مومنوں کو جنگی مورچوں پر، اور اللہ خوب سن اور جان رہا تھا

جب ارادہ کیا دو جماعتوں نے تم میں سے بزدلی کا (قبیلہ اوس، و خزرج نے) اور اللہ ان دونوں کا ولی تھا (کہ ساتھ دینے پر مائل کیا) اور اللہ ہی پر توکل کرنا چاہئے مومنوں کو

اور یقیناً مدد فرمائی تمہاری اللہ نے جنگ بدر میں، اور تم اس وقت بہت کمزور تھے، تو تم ڈرو اللہ سے تاکہ تم شکر گزار بن سکو

(جنگ بدر میں) جب تم کہہ رہے تھے مومنوں سے کہ کیا کافی نہ ہوگا تمہارے لئے کہ مدد کرے تمہاری تمہارا رب نازل ہونے والے تین ہزار فرشتوں سے

کیوں نہیں اگر تم صبر کرو اور تقویٰ اختیار کرو اور آجائیں تمہارے پاس (کفار حملہ آور بن کر) فی الفور بھی، تو تمہارا رب تمہاری مدد پانچ ہزار فرشتوں سے کرے گا جو شاندار ہوں گے (جنگی مہارت سے)

اور بنا دی اللہ نے (اس مدد کو) بشارت تمہارے لیے اور (اسلئے) تاکہ اطمینان ہو تمہارے دلوں کو اس سے، اور مدد تو صرف اللہ ہی کی طرف سے ہوتی ہے جو زبردست حکمت والا ہے

(مقصد یہ تھا) کہ کاٹ دے کافروں کی ایک جماعت کو یا ذلیل کر ڈالے انہیں اور وہ لوٹیں نامراد ہو کر

(جنگ بدر کے کفار کے لیے) نہیں ہے آپ کے اختیار میں کچھ، اللہ چاہے تو توبہ قبول کرے ان کی یا عذاب دے انہیں کیونکہ وہ ظالم ہیں

اور اللہ ہی کا ہے آسمانوں اور زمین میں جو کچھ ہے (تمام کی بادشاہت) وہ مغفرت کرتا ہے جسے چاہتا ہے، اور عذاب دیتا ہے جسے چاہتا ہے، اور اللہ مغفرت کرنے والا رحم کرنے والا ہے

اے وہ لوگ جو ایمان لائے ہو! نہ کھاؤ سود اضافے پر اضافہ کر کے، اور ڈرو اللہ سے تاکہ تم فلاح پاسکو

اور تم ڈرو (قیامت کے دن کی) اس آگ سے جو تیار کی گئی ہے کافروں کے لئے

اور تم اطاعت کرو اللہ اور رسول کی، تاکہ تم پر رحم کیا جائے

اور جلدی کرو اپنے رب کی مغفرت اور اس جنت کی طرف جس کا عرض آسمانوں اور زمین کے برابر ہے، جو تیار کی گئی ہے متقیوں کے لئے

(یہ جنت ان کے لئے ہے) جو خرچ کرتے ہیں خوشی میں اور پریشانی میں، اور پی جاتے ہیں غصہ کو اور معاف کر دیتے ہیں لوگوں کو، اور اللہ محبت کرتا ہے ان نیکوکاروں سے

اور جب ان سے کوئی فحش کام ہو جائے یا کوئی گناہ کر بیٹھیں تو فوراً اللہ کو یاد اور اپنے گناہوں کے لئے استغفار کرتے ہیں اور کون مغفرت کرتا ہے گناہوں کی اللہ کے سوا، اور (ایسے لوگ) نہیں اڑے رہتے جان بوجھ کر جو وہ کر جاتے ہیں (گناہ)

انہیں لوگوں کا بدلہ ان کے رب کی طرف سے مغفرت ہے اور جنتیں ہیں جن کے نیچے نہریں بہتی ہیں، جن میں وہ ہمیشہ رہیں گے اور کیا ہی بہتر اجر ہے عمل کرنے والوں کا

یقیناً گزر چکے ہیں تم سے پہلے بھی ایسے واقعے، تو تم سیر کرو زمین میں اور دیکھو کہ کیا انجام ہوا جھٹلانے والوں کا

یہ (قرآن) بیان ہے (عام) لوگوں کے لئے، اور ہدایت اور نصیحت ہے متقیوں کے لئے

اور نہ تم سست پڑو اور نہ غم کرو، اور تم ہی غالب رہو گے، اگر تم مومن ہو

اگر پہنچتا ہے تمہیں کوئی زخم تو یقیناً لوگوں کو بھی اسی طرح کا زخم پہنچا ہے، اور ان دنوں کو ہم بدلتے رہتے ہیں لوگوں کے درمیان، تاکہ جان لے اللہ ایمان والوں کو، اور تم میں سے بعض کو شہادت کا درجہ عطا فرمائے، اور اللہ ظالموں سے محبت نہیں کرتا

اور تاکہ الگ کر دے اللہ ایمان والوں کو، اور مٹا دے کافروں کو

کیا تم گمان کرتے ہو کہ تم داخل ہو جاؤ گے جنت میں، اور جبکہ ابھی نہیں معلوم کیا اللہ نے کہ تم میں کون جہاد کرنے والے ہیں، اور نہ جانے صبر کرنے والوں کو؟

اور یقیناً تم تمنا کر رہے تھے موت کی (جنگ بدر سے) پہلے کہ تم ملو اس سے، تو یقیناً اب تم نے اسے دیکھ لیا ہے جس کا تمہیں انتظار تھا

اور محمدؐ صرف رسول ہیں یقیناً ان سے پہلے بھی گزر چکے ہیں بہت سے رسول، تو کیا اگر وہ مر جائے یا شہید ہو جائے، تو تم اپنی ایڑیوں کے بل پھر جاؤ گے؟ (دین سے) اور جو کوئی پھر جائے اپنی ایڑیوں کے بل تو وہ ہرگز اللہ کا کچھ نہ بگاڑ سکے گا، اور عنقریب اللہ بدلہ دے گا شکر گزاروں کو

اور نہیں کوئی جاندار مر سکتا بغیر اللہ کے حکم کے مقرر وقت کے علاوہ، اور جو ارادہ کرتا ہے دنیوی اجر کا ہم عطا کرتے ہیں اسے اسی سے، اور جو ارادہ کرتا ہے آخرت کے اجر کا ہم عطا کرتے ہیں اسے اسی سے، اور عنقریب ہم بدلہ دیں گے شکر گزاروں کو

اور کتنے ہی نبیوں نے قتال کیا اور ان کے ساتھ بہت سے اللہ والوں نے بھی، تو نہ وہ سست پڑے اس پر جو تکلیف پہنچی انہیں اللہ کے راستے میں، اور نہ کمزور پڑے اور نہ وہ تھکے، اور اللہ محبت کرتا ہے صابرین سے

اور وہ یہی کہتے رہے کہ اے ہمارے رب! تو مغفرت فرما ہمارے گناہوں کی، اور ہمارے کاموں میں ہماری زیادتی کو (بھی معاف فرما) اور ثابت رکھنا ہمارے قدموں کو، اور مدد فرما ہماری کافر قوم پر

تو عطا کیا انہیں اللہ نے دنیا کا ثواب، اور آخرت کا ثواب تو بہت بہتر ہے، اور اللہ محبت کرتا ہے نیک لوگوں سے

اے ایمان والو! اگر تم اطاعت کروگے کافروں کی تو وہ لوٹا دیں گے تمہیں تمہاری ایڑیوں کے بل (یعنی دین سے باہر کر دیں گے) پھر تم پلٹ جاؤ گے خاسرین بن کر

بلکہ اللہ ہی تمہارا مولا ہے، اور وہی بہترین مددگار ہے

عنقریب ہم ڈال دیں گے دلوں میں کافروں کے رعب، اس وجہ سے کہ یہ شریک کرتے ہیں اللہ کے ساتھ ان چیزوں کو جن کی کوئی دلیل نہیں نازل کی اللہ نے، اور ان کا ٹھکانہ جہنم ہے، اور برا ٹھکانہ ہے ان ظالموں کا

اور یقیناً سچ کر دیا تم سے اللہ نے اپنے وعدے کو، جب تم قتل رہے تھے انہیں اس کے حکم سے، یہاں تک کہ جب تم نے بزدلی کی اور تم جھگڑ پڑے ایک معاملے میں (یعنی مورچہ چھوڑنے میں جسے نہ چھوڑنے کی تاکید تھی) اور تم نے نافرمانی کی، اس کے بعد کہ اس نے دکھا دیا تھا تمہیں جو تم چاہ رہے تھے تم میں سے بعض دنیا چاہ رہے تھے، اور تم میں سے بعض آخرت چاہ رہے تھے، تو پھر اس نے تمہیں ان سے پھیر دیا (یعنی جنگ جتانے کے بعد ہرا دیا) تاکہ تم کو آزمائے اور یقیناً اس نے معاف کر دیا تمہیں، اور اللہ بڑے فضل والا ہے مومنوں پر

(جنگ احد میں) جب تم چڑھ رہے تھے (پہاڑ پر) اور مڑ کے بھی نہیں دیکھ رہے تھے کسی کو، اور رسول پکار رہے تھے تمہیں تمہارے پیچھے سے تو پہنچا تمہیں غم در غم، تاکہ تم غم نہ کرو جو فوت ہو چکا تم سے (یعنی تمہارے ہاتھ سے جو نکل گیا) اور نہ اس پہ جو تکلیف تمہیں پہنچی، اور اللہ باخبر ہے ان اعمال سے جو تم کرتے ہو

پھر اس نے نازل فرمایا تم پر اس غم کے بعد امن اونگھ کی شکل میں جو چھا گئی تم میں سے ایک جماعت پے اور ایک جماعت (یعنی منافقین) کو اپنی جان کی پڑی تھی، وہ گمان کر رہے تھے اللہ کے بارے میں ناحق جاہلی گمان (کہ نبی حق پر ہیں تو مدد کیوں نہیں؟) اور کہہ رہے تھے کیا ہمیں بھی معاملے میں کوئی اختیار ہے آپ کہہ دیجئے کہ معاملے کا اختیار صرف اللہ کو ہے، وہ جو چھپا رہے تھے اپنے دلوں میں (نفاق) وہ ظاہر نہیں کر رہے تھے آپ کے سامنے کہہ رہے تھے کہ اگر ہمیں بھی معاملے میں کچھ اختیار ہوتا تو ہم یہاں قتل نہ کئے جاتے، آپ کہہ دیجئے کہ اگر تم اپنے گھروں میں ہوتے پھر بھی جن کیلئے قتل لکھا جا چکا ہوتا وہ قتل ہوتے اپنے بستر (یا مقتل) پر بھی، تاکہ اللہ آزمائے جو تمہارے سینوں میں ہے اور پاک کر دے جو تمہارے دلوں میں ہے اور اللہ خوب جانتا ہے دلوں کی بات کو

بیشک جو لوگ پلٹ گئے تم میں سے اس دن (جنگ احد میں) جس دن دو جماعتیں آپس میں بھڑیں، بہکا دیا تھا انہیں شیطان نے ان کی بعض کرتوتوں کیوجہ سے، اور یقیناً اللہ نے معاف کر دیا انہیں، بیشک اللہ مغفرت کرنے والا بردبار (یعنی بہت برداشت کرنے والا) ہے

اے ایمان والو! تم ان کافروں کی طرح نہ ہو جانا جو کہتے تھے اپنے بھائیوں سے اس وقت جب وہ سفر میں ہوتے یا غزوے (یعنی جہاد) میں ہوتے، کہ کاش یہ ہوتے ہمارے پاس تو نہ مرتے اور نہ قتل کئے جاتے (اس کی وجہ یہ ہے) کہ اللہ بنا دے اس (خیال) کو حسرت ان کے دلوں میں، اور اللہ ہی حیات دیتا ہے اور موت دیتا ہے، اور اللہ دیکھتا ہے جو تم کرتے ہو

اور اگر تم قتل کئے جاؤ اللہ کے راستے میں یا اپنی موت مرو تو یقیناً مغفرت اور رحمت ہے اللہ کی طرف سے یہ اس سے بہتر ہے جو یہ (منافق) جمع کر رہے ہیں

اور اگر تم مر جاؤ یا قتل کئے جاؤ اللہ ہی کی طرف جمع کئے جاؤ گے

تو یہ رحمت ہے اللہ کی طرف سے کہ آپ نرم دل ہیں ان کیلئے، اور اگر آپ سخت مزاج اور سخت دل ہوتے تو یقیناً یہ بھاگ جاتے آپ کے پاس سے، تو آپ انہیں معاف کر دیں اور استغفار کریں ان کے لئے اور مشورہ کریں ان سے معاملے میں، تو جب آپ پختہ ارادہ کر لیں تو توکل کریں اللہ پر، بے شک اللہ محبت کرتا ہے توکل کرنے والوں سے

اگر اللہ تعالیٰ تمہاری مدد کرے تو تم پر کوئی غالب نہیں آ سکتا، اور اگر وہ تمہیں رسوا کر دے تو کون ہے جو تمہاری مدد کرے اس کے بعد، اور اللہ ہی پر توکل کرنا چاہئے مومنوں کو

اور نہیں ہے ممکن نبی کیلئے کہ ان سے خیانت ہو جائے اور جو خیانت کرے گا وہ آئے گا اپنی خیانت کے ساتھ قیامت کے دن، پھر پورا بدلہ دیا جائے گا ہر شخص کو جو اس نے کیا، اور ان پے نہیں کیا جائے گا ظلم

تو کیا جو شخص اتباع کرتا ہو اللہ کی رضاء کی وہ اس کے برابر ہو گا جو مستحق ہو اللہ کی ناراضگی کا اور جس کا ٹھکانہ جہنم ہو، اور وہ کیا ہی برا ٹھکانہ ہے

ان کے درجے ہیں اللہ کے پاس، اور اللہ خوب دیکھ رہا ہے جو (نیک اور بد) عمل وہ کر رہے ہیں

یقیناً احسان کیا اللہ نے مومنوں پر، جب کہ بھیجا ان میں ایک رسول ان ہی میں سے، جو پڑھ کر سناتا ہے انہیں اس کی آیتیں اور انہیں پاک کرتا ہے اور سکھاتا ہے انہیں کتاب اور حکمت، اور اگرچہ وہ اس سے پہلے کھلی گمراہی میں تھے

اور جب بھی پہنچی تمہیں کوئی مصیبت تو یقیناً تم نے بھی پہنچائی اس سے دوگنی مصیبت پھر بھی تم کہتے ہو کہ یہ کہاں سے آگئی؟ آپ کہہ دیجئے کہ یہ خود تمہاری ہی طرف سے ہے، بے شک اللہ ہر چیز پر قادر ہے

اور (جنگ احد میں) جو مصیبت پہنچی تمہیں اس دن جس دن دو جماعتیں بھڑیں تو وہ اللہ کے حکم سے تھی، اور تاکہ اللہ جان لے مومنوں کو (ظاہری طور پر)

اور تاکہ اللہ جان لے منافقوں کو، اور کہا گیا ان سے کہ آؤ قتال کرو اللہ کے راستے میں، یا دفاع کرو (یعنی کافروں کو ہٹاؤ) تو وہ کہنے لگے کہ اگر ہم قتال جانتے تو ضرور ساتھ دیتے تمہارا وہ کفر سے اس دن زیادہ قریب تھے بنسبت ایمان کے، وہ اپنے منہ سے وہ کہتے ہیں جو ان کے دلوں میں نہیں (کہ ہمارے جنگ میں نہ جانے سے مسلمان کمزور ہوں گے) اور اللہ خوب جانتا ہے جو وہ چھپا رہے ہیں

یہ وہ لوگ ہیں جنہوں نے کہا اپنے بھائیوں کے بارے میں اور خود وہ بیٹھے رہے، کہ اگر وہ بھی ہماری بات مان لیتے تو قتل نہ کئے جاتے کہہ دیجئے! کہ تو تم دور کر لو اپنے آپ سے موت کو اگر تم سچے ہو

اور ہرگز تم نہ سمجھو ان لوگوں کو جو قتل کئے گئے ہیں اللہ کے راستے میں مردہ، بلکہ وہ زندہ ہیں اپنے رب کے پاس رزق پا رہے ہیں

خوش ہیں اس پر جو عطا کر رکھا ہے انہیں اللہ نے اپنے فضل سے، اور خوشخبری دے رہے ہیں انہیں جو ابھی نہیں ملے ہیں ان سے ان کے پیچھے ہیں، کہ نہ کوئی خوف ہے ان پر اور نہ وہ غمگین ہوں گے (قیامت کے دن)

وہ خوشیاں منا رہے ہیں اللہ کی نعمت اور فضل سے، اور (اس سے بھی کہ) بیشک اللہ ضائع نہیں کرتا مومنوں کے اجر کو

جن لوگوں نے قبول کیا اللہ اور رسول (کے حکم) کو، بعد اس کے کہ پہنچی انہیں تکلیف یہ ان میں سے ہیں جنہوں نے نیکی کی اور تقویٰ اختیار کیا ان کے لئے بہت بڑا اجر ہے

یہ وہ (مومن) ہیں کہ جب کہا ان سے لوگوں نے کہ بہت سے (کافر) لوگ جمع ہو گئے ہیں تمہارے لئے (یعنی مقابلے کیلئے) تو تم ڈرو ان سے، تو اس بات سے اور زیادہ ہو گیا ان کا ایمان، اور کہنے لگے ہمیں اللہ کافی ہے اور وہ بہت بہتر کارساز ہے

تو وہ لوٹے اللہ کی نعمت اور فضل کے ساتھ، نہ پہنچی انہیں کوئی برائی (یعنی تکلیف) اور انہوں نے اتباع کی اللہ کی رضاء کی، اور اللہ بڑے فضل والا ہے

بیشک یہ شیطان ہیں (کفار) جو خوف دلاتے ہیں اپنے دوستوں (یعنی ساتھیوں) کے ذریعے تو تم نہ ڈرو ان سے اور مجھ سے ہی ڈرو، اگر تم مومن ہو

اور نہ غم میں ڈالیں تمہیں وہ لوگ جو جلدی کرتے ہیں کفر میں، بیشک وہ ہرگز ضرر نہ پہنچا سکیں گے اللہ کو کچھ بھی، اللہ کا ارادہ ہے کہ ان کے لئے کوئی حصہ نہ ہو آخرت میں اور ان کے لئے بڑا عذاب ہے

بیشک جو لوگ سودا کرتے ہیں کفر کا ایمان کے بدلے، وہ ہرگز ضرر نہ پہنچا سکیں گے اللہ کو کچھ بھی اور ان کے لئے دردناک عذاب ہے

اور ہرگز گمان نہ کریں یہ کافر کہ ہماری دی ہوئی مہلت ان کیلئے بہتر ہے بیشک یہ مہلت ہم اس لئے دے رہے ہیں انہیں، تاکہ وہ اور زیادتی کریں گناہوں میں، اور ان کے لئے تو گھٹیا عذاب ہے

نہیں چھوڑ دے گا اللہ مومنوں کو اسی حال پے جس پر تم ہو، یہاں تک کہ وہ الگ کر دے ناپاک کو پاک سے، اور نہیں ہے اللہ کا یہ طریقہ کہ وہ اطلاع دے تمہیں غیب کی اور لیکن اللہ چن لیتا ہے اپنے رسولوں میں سے جسے چاہتا ہے، تو تم ایمان لے آؤ اللہ پر اور اس کے رسولوں پر، اور اگر تم ایمان لاؤ اور تقویٰ اختیار کرو تو تمہارے لئے بڑا اجر ہے

اور ہرگز گمان نہ کریں وہ لوگ جو بخل کرتے ہیں اس میں جو اللہ نے انہیں دے رکھا ہے اپنے فضل سے، کہ وہ ان کیلئے بہتر ہے، بلکہ وہ برا ہے ان کے لئے، عنقریب طوق ڈالے جائیں گے (یعنی گردن میں زنجیر) ان کے بخل کے سبب قیامت کے دن اور اللہ ہی کی میراث ہے آسمانوں اور زمین کی، اور اللہ باخبر ہے اس عمل سے جو تم کر رہے ہو

یقیناً اللہ نے سنا ان (یہودیوں) کا قول جنہوں نے کہا کہ بیشک اللہ فقیر ہے اور ہم غنی ہیں جلد ہی ہم لکھ لیتے ہیں جو انہوں نے کہا، اور ان کا قتل کرنا انبیاء کو ناحق بھی، اور ہم ان سے کہیں گے کہ مزہ چکھو بھڑکتی آگ کے عذاب کا

یہ (عذاب) تمہارے ہاتھوں کی کمائی (کا بدلہ) ہے، اور بیشک اللہ نہیں ظلم کرتا اپنے بندوں پر

یہ وہ لوگ ہیں جنہوں نے کہا کہ بیشک اللہ کا معاہدہ ہے ہم سے کہ ہم ایمان نہ لائیں کسی رسول پر یہاں تک کہ وہ (رسول) پیش کریں ہمارے سامنے قربانی، اور اسے کھا جائے آگ (جلا دے) آپ کہہ دیجئے کہ یقیناً آئے تھے رسول مجھ سے پہلے بھی معجزوں کے ساتھ، اور (ان فرمائشی معجزوں کے ساتھ بھی) جو تم نے کہا، تو کیوں تم نے قتل کیا انہیں، اگر تم سچے ہو

تو اگر (یہ یہودی) جھٹلائیں آپ کو تو یقیناً جھٹلائے گئے ہیں بہت سے رسول آپ سے پہلے بھی، جو آئے تھے روشن دلیلیں اور صحیفے اور روشن کتاب لے کر

ہر جان کو موت کا مزہ چکھنا ہے اور تمہیں پورا دیا جائے گا تمہارا اجر قیامت کے دن، تو جو بچا لیا جائے آگ سے اور داخل کر دیا جائے جنت میں، تو یقیناً وہ کامیاب ہو گیا، اور دنیا کی زندگی تو صرف دھوکے کا سامان ہے

یقیناً تمہاری آزمائش کی جائے گی تمہارے مالوں اور جانوں کے ذریعے، اور یقیناً تم سنو گے اہل کتاب سے تم سے پہلے کے اور مشرکوں سے بہت سی تکلیف دہ باتیں اور اگر تم صبر کرو اور تقویٰ اختیار کرو تو بیشک یہ ہمت کے کام ہیں

اور جب عہد لیا اللہ نے اہل کتاب سے کہ تم ضرور بیان کرو گے اس (نبی) کے بارے میں لوگوں سے، اور اسے نہیں چھپاؤ گے، تو پھینک دیا انہوں نے اس (عہد) کو اپنی پیٹھوں کے پیچھے، اور سودا کیا اس کا تھوڑے فائدے کیلئے، تو کیا ہی برا سودا کیا انہوں نے

آپ ہرگز گمان نہ کریں ان لوگوں کے بارے میں جو خوش ہوتے ہیں اس پر جو انہوں نے کیا اور وہ چاہتے ہیں کہ ان کی تعریف اس پے بھی کی جائے جو انہوں نے نہیں کیا، آپ ہرگز گمان نہ کریں کہ وہ بچ نکلیں گے آگ سے، اور ان کے لئے دردناک عذاب ہے

اور اللہ ہی کے لئے ہے آسمانوں اور زمین کی بادشاہت، اور اللہ ہر چیز پر قادر ہے

بیشک آسمانوں اور زمین کی پیدائش میں اور رات اور دن کے آنے جانے میں یقیناً نشانیاں ہیں عقلمندوں کے لئے

جو لوگ یاد کرتے ہیں اللہ کو کھڑے اور بیٹھے اور اپنی کروٹوں پر (یعنی لیٹے ہوئے) اور غور و فکر کرتے ہیں آسمانوں اور زمین کی پیدائش میں اور کہتے ہیں اے ہمارے رب! نہیں پیدا کیا تو نے اسے بے فائدہ، تو پاک ہے، تو بچا لے ہمیں آگ کے عذاب سے

اے ہمارے رب! تو جسے داخل کرے گا آگ میں، تو یقیناً تو رسوا کرے گا اسے، اور ظالموں کا کوئی مددگار نہ ہوگا

اے ہمارے رب! ہم نے سنا کہ ایک منادی نداء دے رہا ہے ایمان کیلئے، کہ ایمان لے آؤ اپنے رب پر، تو ہم ایمان لے آئے، اے ہمارے رب! تو مغفرت فرما ہمارے گناہوں کی اور دور فرما ہم سے ہمارے گناہوں کو، اور وفات دینا ہمیں نیکوکاروں کے ساتھ

اے ہمارے رب! عطا کر ہمیں جو وعدہ تو نے ہم سے اپنے رسولوں کے ذریعے کیا ہے، اور نہ رسوا کرنا ہمیں قیامت کے دن بیشک تو وعدہ خلافی نہیں کرتا

تو قبول فرمائی ان کی دعاء ان کے رب نے، بیشک میں ضائع نہیں کرتا عمل کرنے والے کے عمل کو تم میں سے چاہے وہ مرد ہو یا عورت، تم ایک دوسرے سے ہو، تو جنہوں نے ہجرت کی اور اپنے گھروں سے نکال دیئے گئے اور جنہیں میرے راستے میں ایذاء دی گئی اور جنہوں نے قتال کیا اور قتل کئے گئے، میں ضرور ان کی برائیاں ان سے دور کر دوں گا، اور ضرور داخل کروں گا انہیں ان جنتوں میں جن کے نیچے نہریں بہہ رہی ہیں، یہ ہے ثواب اللہ کی طرف سے، اور اللہ ہی کے پاس بہترین ثواب ہے

ہرگز دھوکے میں نہ ڈالے تمہیں کافروں کی چمک دمک شہروں میں

یہ تھوڑا فائدہ ہے، پھر ان کا ٹھکانہ جہنم ہے اور وہ برا ٹھکانہ ہے

لیکن جو لوگ ڈرتے ہیں اپنے رب سے، ان کے لئے جنتیں ہیں جن کے نیچے جاری ہیں نہریں ان میں وہ ہمیشہ رہیں گے یہ مہمانی ہے اللہ کی طرف سے، اور اللہ کے پاس بہت ہی بہتر ہے نیکوکاروں کے لئے

اور بیشک اہل کتاب میں سے بعض ایسے بھی ہیں جو ایمان لاتے ہیں اللہ پر، اور ان پر بھی جو نازل کیا گیا تمہاری طرف، اور جو نازل کیا گیا خود ان کی طرف، اللہ ہی سے ڈرتے ہیں، اور نہیں سودا کرتے اللہ کی آیتوں کا تھوڑے فائدے کیلئے، یہی ہیں جن کیلئے اجر ہے ان کے رب کے پاس، بیشک اللہ جلد حساب لینے والا ہے

اے ایمان والو! تم صبر کرو اور صبر کی تلقین کرو (یعنی دوسروں کو بھی صبر کیلئے کہو) اور ایک دوسرے سے ربط رکھو، اور ڈرو اللہ سے تاکہ تم فلاح پاسکو