الحج

اے لوگو! ڈرو اپنے رب سے، بے شک قیامت کا زلزلہ ایک بڑی چیز ہے

جس دن تم اس (قیامت) کو دیکھو گے بھول جائے گی ہر دودھ پلانے والی جس (بچے) کو اس نے دودھ پلایا، اور ضائع ہو جائے گا ہر حمل والی کا اپنا حمل، اور تم دیکھو گے لوگوں کو نشے میں، اور (جب کہ) وہ نہیں ہوں گے نشے میں، اور بلکہ اللہ کا شدید عذاب ہو گا

اور بعض لوگ وہ ہیں جو جھگڑتے ہیں اللہ کے معاملے میں بغیر علم کے، اور اتباع کرتے ہیں ہر شیطان مردود کی

لکھ دیا گیا ہے اس کے بارے میں کہ جو دوست بنائے گا اسے تو وہ (شیطان) اسے گمراہ کرے گا، اور رہنمائی کرے گا اس کی دوزخ کے عذاب کی طرف

اے لوگو! اگر تم شک میں ہو دوبارہ زندہ ہونے میں، تو بیشک ہم نے پیدا کیا تمہیں مٹی سے پھر قطرہ سے پھر جمے ہوئے خون سے پھر گوشت کی بوٹی بنی ہوئی سے اور بغیر بنی ہوئی سے، تاکہ ہم واضح کر دیں تمہارے سامنے، اور ہم ٹھہراتے ہیں رحم میں جس کو چاہتے ہیں ایک مقرر مدت تک پھر ہم نکالتے ہیں تمہیں بچہ بنا کر، پھر تاکہ تم پہونچو اپنی جوانی کو، اور تم میں سے کچھ وفات پا جاتے ہیں اور تم میں سے کچھ لوٹائے جاتے ہیں بے بس عمر (بڑھاپے) تک، تاکہ جاننے کے بعد بھی کچھ نہ جانیں، اور تم دیکھتے ہو زمین کو سوکھی ہوئی، پھر جب ہم نازل کرتے ہیں اس پر پانی، تو ابھر جاتی ہے اور پھول جاتی ہے، اور اُگ آتے ہیں ہر قسم کے جوڑے خوشنما

یہ اس لیے ہے کہ بے شک اللہ ہی برحق ہے، اور وہ زندہ کرے گا مردوں کو، اور بے شک وہ ہر شے پر قادر ہے

اور بے شک قیامت آنے والی ہے جس میں کوئی شک نہیں، اور بے شک اللہ اٹھائے گا دوبارہ اسے جو قبروں میں ہیں

اور بعض ایسے لوگ ہیں جو جھگڑتے ہیں اللہ کے معاملے میں بغیر علم کے، اور بغیر ہدایت کے اور بغیر روشن کتاب کے

(تکبر میں) موڑتے ہوئے اپنے کندھوں کو تاکہ وہ گمراہ کرے اللہ کے راستے سے اس کے لیے دنیا میں رسوائی ہے، اور ہم چکھائیں گے مزہ اسے قیامت کے دن بھڑکتی آگ کے عذاب کا

یہ اسلئے جو کچھ کما بھیجا تیرے ہاتھوں نے اور بے شک اللہ نہیں ظلم کرتا اپنے بندوں پر

اور لوگوں میں بعض ایسے ہیں جو عبادت کرتے ہیں اللہ کی (کفر اور اسلام کے) کنارے پر تو اگر پہنچتی ہے اسے بھلائی تو مطمئن ہو جاتے ہیں اس سے اور اگر پہونچتی ہے اسے تکلیف تو پلٹ جاتے ہیں اپنے منہ کے بل، اس نے خسارہ میں ڈالا دنیا اور آخرت کو، یہی کھلا خسارا ہے

وہ پکارتا ہے اللہ کے سوا (ایسی چیز کو) جو نہ ضرر پہونچا سکے اسے، اور جو نہ نفع پہونچا سکے اسے، یہی دور کی گمراہی ہے

وہ پکارتا ہے ایسے کو جس کا ضرر اس کے نفع سے قریب ہے، کیا ہی برا دوست اور کیا ہی برا رفیق (یعنی ساتھی) ہے

بے شک اللہ داخل کرے گا ان لوگوں کو جو ایمان لائے اور اچھے کام کیے ایسے باغوں میں جن کے نیچے نہریں بہتی ہوں گی، بے شک اللہ جو چاہتا ہے وہ کرتا ہے

جو یہ گمان کرتا ہے کہ ہرگز مدد نہ کرے گا اللہ اس کی دنیا اور آخرت میں، تو اسے چاہیے کہ لٹکائے ایک رسی آسمان میں، پھر (لٹکنے کے بعد) کاٹ دے پھر دیکھے کہ کیا دور کرتی ہے اس کی یہ تدبیر اس کے غصے کو

اور اسی طرح ہم نے نازل کیا اس (قرآن) کو واضح آیتیں بناکر، اور بے شک اللہ ہدایت کرتا ہے جسے چاہتا ہے

بے شک ایمان والوں اور یہودیوں اور صابیوں (ستاروں کو پوجنے والے) اور عیسائیوں اور مجوسیوں (آگ کو پوجنے والے) اور مشرکوں میں، بے شک اللہ فیصلہ کرے گا ان کے درمیان قیامت کے دن، بے شک اللہ ہر چیز پر گواہ ہے

کیا تم نے نہیں دیکھا کہ بیشک اللہ ہی کو سجدہ کرتے ہیں جو کوئی آسمانوں میں ہے اور جو کوئی زمین میں ہے اور سورج اور چاند اور ستارے اور پہاڑ اور درخت اور چوپائے اور بہت سے آدمی اور بہت سے ہیں جن پر عذاب حق (یعنی مقرر) ہو چکا ہے، اور جسے اللہ ذلیل کرتا ہے تو اسے کوئی عزت نہیں دے سکتا، بے شک اللہ کرتا ہے جو چاہتا ہے

یہ دو فریق ہیں (مومنین اور کفار) جو جھگڑتے ہیں اپنے رب کے معاملے میں، پھر جو منکر ہیں ان کے لیے قطع (یعنی تیار) کئے گئے ہیں کپڑے آگ کے، بہایا جائے گا ان کے سروں پر کھولتا ہوا پانی

جھلس جائیں گے اس سے جو کچھ ان کے پیٹوں میں ہے اور کھالیں

اور ان پر (پڑیں گے) ہتھوڑے لوہے کے

جب چاہیں گے نکلنا اس سے غم کیوجہ سے تو اسی میں لوٹا دئے جائیں گے، اور (کہا جائے گا) چکھو مزہ بھڑکتی آگ کے عذاب کا

بے شک اللہ داخل کرے گا ان لوگوں کو جو ایمان لائے اور اچھے کام کیے باغوں میں جن کے نیچے بہتی ہوں گی نہریں، انہیں پہنایا جائے گا اس (جنت) میں کنگن سونے کے اور موتی کے، اور ان کا لباس اس میں ریشمی ہو گا

اور ان (جنتیوں) کی رہنمائی کی گئی پاک بات کی طرف، اور رہنمائی کی گئی (ان جنتیوں کی) قابل تعریف راستے کی طرف

بے شک جن لوگوں نے کفر کیا اور جو روکتے ہیں اللہ کے راستے اور مسجد حرام سے جسے ہم نے بنایا ہے لوگوں کے لیے، برابر ہے اس جگہ کا رہنے والا ہو یا باہر سے آنے والا ہو، اور جو ارادہ کرے اس میں چالبازی کا ظلم کی وجہ سے تو ہم چکھائیں گے اسے دردناک عذاب کا مزہ

اور جب ہم نے ٹھکانہ دیا ابراہیم کو بیت اللہ کی جگہ کہ شریک نہ کرو میرے ساتھ کسی کو، اور پاک رکھو میرے گھر کو طواف کرنے والوں اور قیام کرنے والوں اور رکوع وسجود کرنے والوں کے لئے

اور اعلان کر دو لوگوں میں حج کا، کہ آئیں تمہارے پاس پیدل اور (دور سفر کیوجہ سے) دبلے اونٹوں پر آئیں گے دور دراز راستوں سے

تاکہ حاضر ہوں اپنے فائدے کے لیے، اور تاکہ اللہ کا نام لے کر (قربانی) کریں مقررہ دنوں میں جو اس (اللہ) نے انہیں دئے ہیں چوپائے جانور، پھر کھاؤ ان (جانوروں) میں سے اور کھلاؤ بے بس فقیر کو

پھر چاہیے کہ وہ دور کریں اپنا میل کچیل اور پوری کریں اپنی نذریں اور طواف کریں قدیم گھر (بیت اللہ) کا

یہ (اللہ کا حکم ہے) اور جو تعظیم کرے گا اللہ کی حرمات (یعنی مکرم چیزوں) کی تو وہ بہتر ہے اس کے لیے اس کے رب کے پاس، اور حلال کر دئے گئے ہیں تمہارے لیے جانور مگر وہ (نہیں) جو تمہیں پڑھ کر سنائے جاتے ہیں، تو بچو بتوں کی ناپاکی سے، اور بچو جھوٹی بات سے

خاص اللہ کے ہو کر رہو بلا شرکتِ غیرے (یعنی کسی کو شریک نہ کرو) اس کے ساتھ اور جو شریک کرتا ہے اللہ کے ساتھ، تو گویا وہ گر پڑا آسمان سے پھر اسے اچک لے پرندے، یا پھینک دے اسے ہوا کسی دور جگہ میں

یہ (اللہ کا حکم ہے) اور جو تعظیم کرتا ہے اللہ کے شعائر (یعنی اللہ کی بتائی ہوئی چیزوں) کی، تو بے شک یہ دل کا تقویٰ ہے

تمہارے لیے ان (جانوروں) میں نفع ہے ایک وقت مقرر تک، پھر ان کا محل (یعنی قربانی کی جگہ) ہے قدیم گھر (بیت اللہ)

اور ہر امت کے لیے ہم نے بنایا ہے منسک (یعنی قربانی کا طریقہ) تاکہ وہ اللہ کا نام لے جو انہیں اللہ نے دئے ہیں چوپائے جانور تو تم سب کا معبود ایک ہی ہے، تو اسی کے فرمانبردار رہو، اور بشارت دو عاجزی کرنے والوں کو

یہ وہ لوگ ہیں کہ جب ذکر کیا جائے اللہ کا تو ڈر جاتے ہیں ان کے دل، اور صبر کرتے ہیں جب آتی ہے ان پر مصیبت، اور نماز قائم کرتے ہیں اور جو کچھ ہم نے انہیں دیا ہے (اس میں سے) خرچ کرتے ہیں

اور قربانی کے اونٹ کو ہم نے بنایا ہے تمہارے لیے اللہ کی نشانیوں میں سے تمہارے لیے اس میں خیر ہے، تو لو اللہ کا نام اس پر جب صف بندی کرو (قربانی کیلئے) تو جب گر پڑیں اس کے پہلو (زمیں پر) تو کھاؤ ان میں سے خود اور کھلاؤ نہ مانگنے والوں اور مانگنے والوں کو، اسی طرح ہم نے مسخر کر دیا ہے انہیں تمہارے لیے تاکہ تم شکر ادا کرو

ہرگز نہیں پہونچتا اللہ کو نہ ان کا گوشت اور نہ ان کا خون، اور لیکن پہونچتا ہے اسے تمہارا تقویٰ، اسی طرح ہم نے مسخر کر دیا ہے انہیں تمہارے لیے تاکہ تم تکبیر کرو اللہ کی جس طرح اس نے ہدایت دی ہے تمہیں، اور بشارت د ومحسنین کو

بے شک اللہ دفاع کرتا ہے (یعنی ہٹاتا ہے) ایمان والوں سے (دشمنوں کو) اللہ پسند نہیں کرتا کسی خیانت کار ناشکرے کو

اجازت دی گئی ہے جن سے (کافر) لڑتے ہیں (ان مسلمانوں کو بھی لڑنے کی) اس لیے کہ ان پر ظلم کیا گیا ہے، اور بے شک اللہ ان کی مدد کرنے پر قادر ہے

(یہ وہ لوگ ہیں) جو نکالے گئے اپنے گھروں سے ناحق، صرف یہ کہنے پر کہ ہمارا رب اللہ ہے، اور اگر اللہ دفاع نہ کرے (یعنی نہ ہٹائے) لوگوں کو ایک کو دوسرے سے تو ڈھا دیئے جائیں خانقاہیں اور مدرسے اور گرجے اور مسجدیں جن میں اللہ کا نام کثرت سے لیا جاتا ہے، اور اللہ ضرور اس کی مدد کرے گا جو اللہ کی مدد کرے گا، بے شک اللہ زبردست قوت والا ہے

(یہ وہ لوگ ہیں) کہ اگر ہم بسا دیں (یعنی حکومت دے دیں دنیا میں) انہیں، تو وہ نماز قائم کریں اور زکوۃ دیں اور حکم دیں نیک کاموں کا اور روکیں برے کاموں سے، اور ہر کام کا انجام تو اللہ کے ہی ہاتھ میں ہے

اور اگر وہ جھٹلائیں تمہیں تو یقیناً جھٹلا چکے ہیں ان سے پہلے نوح کی قوم اور عاد اور ثمود

اور ابراہیم کی قوم اور لوط کی قوم

اور مدین والوں نے (شعیبؑ کی قوم) اور جھٹلایا گیا تھا موسیٰؑ کو بھی، پھر میں نے مہلت دی کافروں کو، پھر میں نے پکڑا انہیں، پھر کیسی رہی میری پکڑ؟

تو کتنی بستیاں ہم نے ہلاک کر دیں اور وہ ظالم تھیں، تو وہ تھیں گری پڑی اپنی چھتوں کے بل، اور کتنے کنویں ویران پڑے ہیں، اور کتنے محل ویران پڑے ہیں

کیا انہوں نے سیر نہیں کی زمین میں (کاش) ہو جاتے ان کے ایسے دل جن سے وہ سمجھتے، یا ہو جاتے ایسے کان وہ سنتے جن سے، تو بے شک ان (کفار مکہ) کی آنکھیں اندھی نہیں ہیں، اور لیکن دل اندھے ہیں جو سینوں میں ہیں

اور وہ جلدی مانگتے ہیں تجھ سے عذاب، اور ہرگز خلاف نہیں کرے گا اللہ اپنے وعدے کا، اور ایک دن تیرے رب کے پاس ہزار برس کے برابر ہے جو تم شمار کرتے ہو

اور کتنی بستیوں کو میں نے مہلت دی اور وہ ظالم تھیں پھر میں نے پکڑا انہیں اور میری طرف ہی ٹھکانہ ہے

کہہ دو اے لوگو! میں تو تمہارے لئے صاف ڈرانے والا ہوں

تو جو لوگ ایمان لائے اور اچھے کام کئے ان کے لیے (اللہ کی طرف سے) مغفرت اور رزق ہے عزت والا

اور جنہوں نے کوشش کی ہماری آیتوں کو عاجز کرنے (یعنی نیچا دکھانے) کی وہی دوزخی ہیں

اور جب بھی ہم نے بھیجا تجھ سے پہلے کوئی رسول اور نبی جب انہوں نے کوئی تمنا کی (کسی امید کی) تو شیطان نے اس کی امید میں کچھ ملا دیا، پھر اللہ منسوخ (یعنی دور) کر دیتا ہے شیطان کی ملاوٹ کو، پھر محکم کرتا ہے اللہ (یعنی مضبوط کرتا ہے) اپنی آیتوں کو، اور اللہ جاننے والا حکمت والا ہے

تاکہ (اللہ) بنادے شیطان کی ڈالی ہوئی بات کو فتنہ ان لوگوں کے لیے جن کے دلوں میں بیماری ہے اور سخت ہیں جن کے دل، اور بے شک ظالم دور کی ضد میں پڑے ہوئے ہیں

اور تاکہ جان لیں وہ لوگ جنہیں علم عطا کیا گیا ہے کہ بے شک یہ برحق ہے تیرے رب کی طرف سے، اور وہ ایمان لے آتے ہیں اس پر اور جھک جاتے ہیں اس کے لیے ان کے دل، اور بیشک اللہ ہدایت کرنے والا ہے ایمان والوں کو سیدھے راستہ کی طرف

اور ہمیشہ وہ لوگ جو کافر ہیں شک میں رہیں گے اس (قرآن) کی طرف سے، یہاں تک کہ آجائے ان پر قیامت اچانک، یا آجائے ان پر عذاب منحوس دن کا

حکومت اس دن اللہ ہی کی ہوگی وہ فیصلہ کرے گا ان کے درمیان جو ایمان لائے اور اچھے کام کئے (وہ) نعمت والی جنتیوں میں ہوں گے

اور جن لوگوں نے کفر کیا اور جھٹلایا ہماری آیتوں کو، تو ان کے لئے گھٹیا عذاب ہے

اور جن لوگوں نے ہجرت کی اللہ کے راستے میں پھر قتل کئے گئے یا مر گئے ضرور اللہ انہیں بہتر رزق عطا فرمائے گا اور بے شک اللہ سب سے بہتر رزق دینے والا ہے

ضرور داخل کرے گا انہیں ایسی جگہ جس سے وہ راضی ہوں گے، اور بے شک اللہ جاننے والا بردبار ہے

یہ (حقیقی بات) ہے، اور جس نے بدلہ لیا اسی قدر جس قدر اسے تکلیف دی گئی تھی، پھر اس پر زیادتی کی گئی تو اللہ ضرور اس (مظلوم) کی مدد کرے گا بیشک اللہ درگزر کرنیوالا معاف کرنے والا ہے

یہ اس لیے کہ بیشک اللہ داخل کرتا ہے رات کو دن میں اور داخل کرتا ہے دن کو رات میں اور بے شک اللہ سننے والا دیکھنے والا ہے

یہ اس لیے کہ بے شک اللہ ہی برحق ہے اور جنہیں وہ پکارتے ہیں اس کے سوا وہ باطل ہیں، اور بے شک اللہ ہی بلند و برتر ہے

کیا تو نے نہیں دیکھا کہ بے شک اللہ نے نازل کیا آسمان سے پانی تو ہو جاتی ہے زمین ہری بھری، بے شک اللہ باریک ہیں خبر رکھنے والا ہے

اسی کا ہے جو کچھ آسمانوں اور جو کچھ زمین میں ہے اور بے شک اللہ ہی بے نیاز قابل تعریف ہے

کیا تم نے نہیں دیکھا بے شک اللہ نے مسخر کیا تمہارے لئے زمین کی ساری چیزوں کو اور کشتیوں کو جو چلتی ہیں دریا میں اس کے حکم سے، اور تھامے ہوئے ہے آسمان کو اپنے حکم سے کہ واقع نہ ہو جائے زمین پر، بے شک اللہ لوگوں پر نرمی کرنے والا نہایت رحم کرنے والا ہے

اور وہ وہی ہے جس نے زندہ کیا تمہیں، پھر وہ مارے گا تمہیں پھر تمہیں زندہ کرے گا بے شک انسان ناشکرا ہے

ہر امت کے لیے ہم نے بنایا ہے ایک دستور جس پر وہ چلتے ہیں، تو ہرگز (مشرکین مکہ کو) نہیں جھگڑنا چاہیے تم سے اس معاملہ میں، اور تم بلاؤ اپنے رب کی طرف، بے شک تم سیدھے راستے پر ہو

اور اگر وہ تجھ سے جھگڑا کریں تو کہہ دو اللہ خوب جانتا ہے جو تم کرتے ہو

اللہ فیصلہ کرے گا تمہارے درمیان قیامت کے دن جس (حق کے قبول کرنے) میں تم اختلاف کرتے تھے

کیا تجھے معلوم نہیں کہ اللہ جانتا ہے جو کچھ آسمان اور زمین میں ہے، بیشک یہ سب کتاب میں (لکھا ہوا) ہے، بے شک یہ اللہ پر آسان ہے

اور وہ عبادت کرتے ہیں اللہ کے سوا جس پر نہیں نازل کی اس (اللہ) نے کوئی دلیل، اور نہ ان کے پاس اس کا کوئی علم ہے، اور ظالموں کا کوئی مددگار نہ ہوگا

اور جب پڑھی جاتی ہیں ان پر ہماری آیتیں کھلی ہوئی تو تم پہچان لوگے کافروں کے چہروں میں ناپسندیدگی، وہ قریب ہوتے ہیں کہ حملہ کر دیں ان (مؤمنین) پر جو پڑھ کر سناتے ہیں انہیں ہماری آیتیں، کہہ دو کیا میں بتاؤں تمہیں اس سے بری بات (وہ) آگ ہے، کہ جس کا وعدہ کیا ہے اللہ نے کافروں سے اور وہ کیا ہی بری جگہ ہے

اے لوگو! ایک مثال بیان کی ہے تو اسے سنو، بیشک جنہیں تم پکارتے ہو اللہ کے سوا وہ ہرگز نہیں پیدا کر سکتے ایک مکھی بھی اگرچہ وہ سب جمع ہو جائیں اس (کام) کے لئے، اور اگر چھین لے ان سے مکھی کوئی چیز تو چھڑا نہیں سکتے اس (مکھی) سے، ضعیف ہیں طالب اور مطلوب (یعنی عابد اور معبود)

انہوں نے اللہ کی قدر نہیں کی جیساحق تھا اس کی قدر کا بے شک اللہ زبردست قوت والا ہے

اللہ چن لیتا ہے فرشتوں اور لوگوں میں سے پیغامبر کو، بے شک اللہ سننے والا دیکھنے والا ہے

وہ جانتا ہے جو کچھ ہے ان کے سامنے اور جو کچھ ہے ان کے پیچھے، اور سارے امور اللہ ہی کی طرف لوٹائے جاتے ہیں

اے ایمان والو! رکوع کرو اور سجدہ کرو اور عبادت کرو اپنے رب کی اور خیر کے کام کرو تاکہ تم فلاح پاسکو

اور جہاد کرو اللہ کی راہ میں جیسا کہ جہاد کا حق ہے، اس نے چن لیا ہے تمہیں اور اس نے نہیں بنائی ہے تم پر دین میں کوئی تنگی، تمہاری ملت تمہارے باپ ابراہیم کی ملت ہے، اسی نے رکھا تھا تمہارا نام مسلمان اس سے پہلے بھی اور اس (قرآن) میں بھی تاکہ رسول تم پر گواہ ہو جائے اور تم گواہ ہو جاؤ (قیامت تک کے) لوگوں پر، تو تم قائم کرو نماز اور زکوۃ دو اور مضبوطی سے پکڑو اللہ کو، وہی تمہارا مولیٰ ہے، تو کیا ہی بہتر مولیٰ ہے اور کیا ہی بہتر مددگار ہے