الكهف

تمام تعریف اللہ کے لئے ہیں جس نے نازل کی اپنے بندے پر کتاب اور نہیں بنائی اس میں کوئی کجی (یعنی ٹیڑھا پن)

قائم ہے (یہ کتاب قرآن) تاکہ ڈرائے (نبی) سخت عذاب سے اس (خدا) کی طرف سے، اور بشارت دے مؤمنین کو جو نیک عمل کرتے ہیں، بےشک ان کے لئے اجر حسنہ (یعنی اچھا بدلہ) ہے

(مؤمنین) ٹھہریں گے اس (جنت) میں ہمیشہ

اور ڈرائیں (ان کو) جو کہتے ہیں کہ بنالی ہیں اللہ نے اولاد

نہیں ہے انہیں اس کا کوئی علم، اور نہ ان کے باپ دادا کو، بہت بڑی بات نکالی انہوں نے اپنے منہوں سے (کہ اللہ کو اولاد ہے) وہ تو صرف جھوٹ کہتے ہیں

تو (اے نبی) کیا تم ہلاک کر لوگے اپنی جان ان کے پیچھے، اگر یہ لوگ ایمان نہ لائیں تو اس بات پر افسوس کرتے ہوئے

بیشک ہم نے بنایا ہے جو زمین پر ہے وہ اس (زمین) کی زینت ہے، تاکہ ہم آزمائیں انہیں کہ ان میں کون بہتر عمل کرتا ہے

اور بیشک ہم بنانے والے ہیں جو کچھ اس پر ہے (سب کو) چٹیل میدان

کیا تم گمان کرتے ہو کہ بیشک اصحاب کہف اور رقیم (بستی) والے ہماری نشانیوں میں سے عجیب (لوگ) تھے

جب پناہ لیں چند جوانوں نے غار میں، پھر کہا اے ہمارے رب! عطا کر ہم پر اپنی طرف سے رحمت، اور آسان کر دے ہمارے لئے ہمارے معاملے کو کامیابی کے ساتھ

پھر ہم نے ماری (تھپکی سلانے کے لیے) ان کے کانوں پر غار میں کئی سال تک کیلئے

پھر ہم نے اٹھایا انہیں تاکہ ہم معلوم کریں کہ دو گروہوں میں سے کون (لوگ) کتنی مدت شمار کرتے ہیں جو وہ ٹھہرے

ہم بیان کرتے ہیں تم پر ان کی خبریں برحق، بیشک وہ چند جوان تھے جو ایمان لے آئے تھے اپنے رب پر، اور ہم نے زیادہ کر دیں ان کی ہدایت

اور ہم نے مربوط (یعنی مضبوط) رکھا ان کے دلوں کو، جب وہ کھڑے ہوئے اور کہا اے ہمارے رب! تو ہی رب ہے آسمانوں اور زمین کا، ہم ہرگز نہ پکاریں گے اسکے سوا کسی معبود کو (اگر ایسا کیا) تو ہم غلط بات کہیں گے

یہ ہماری قوم ہے انہوں نے بنا لئے ہیں اللہ کے سوا اور معبود، کیوں نہیں لاتے ان پر کوئی کھلی دلیل، تو اس سے بڑا ظالم کون ہوگا؟ جو گھڑے اللہ پر جھوٹ

اور جب تم الگ ہو گئے ہو ان سے اور (ان سے بھی) جن کی یہ عبادت کرتے ہیں اللہ کے سوا، تو پناہ لو غار میں، پھیلا دے گا تم پر تمہارا رب اپنی رحمت، اور آسان کر دے گا تمہارے لئے تمہارے معاملے کو نرمی سے

اور (اے نبی) اگر دیکھتے سورج کو جب وہ طلوع ہوتا تھا تو جھک جاتا تھا ان کے (غار کے) دائیں طرف، اور جب غروب ہوتا تھا تو کترا جاتا تھا ان کے بائیں طرف، اور وہ میدان میں تھے اس (غار) کے یہ اللہ کی نشانیوں میں سے ہے، جسے اللہ ہدایت دے وہی ہدایت پانے والا ہے، اور جسے وہ گمراہ کر دے تو تم ہرگز نہ پاؤ گے اس کے لئے کوئی ولی یا ہدایت دینے والا

اور (اے نبی اگر تو دیکھتا) تو گمان کرتا انہیں جاگتا ہوا، حالانکہ وہ سو رہے ہیں، اور ہم پلٹتے رہتے ہیں انہیں دائیں اور بائیں طرف، اور ان کا کتا اپنے دونوں بازو پھیلائے ہوئے (بیٹھا) ہے چوکھٹ پر، اگر تم جھانک کر دیکھو انہیں تو پلٹ بھاگو ان سے فرار ہوکر، اور بھر جائے تم پر ان کا رعب

اور اسی طرح ہم نے اٹھایا انہیں، تاکہ وہ سوال کریں ایک دوسرے سے، کہا ایک کہنے والے نے ان میں سے تم کتنی دیر ٹھہرے، انہوں نے کہا ہم ٹھہرے ایک دن یا دن کا کچھ حصہ، انہوں نے کہا تمہارا رب خوب جانتا ہے جتنی دیر تم ٹھہرے، تو (اب) بھیجو اپنے میں سے ایک کو اپنا روپیہ دے کر اس شہر میں پھر وہ دیکھے کہ کون سا کھانا پاکیزہ ہے، تو وہ لے آئے تمہارا کھانا وہاں سے، اور انہیں چاہئے کہ ہوشیاری سے جائے، اور نہ محسوس ہو تمہارے بارے میں کسی کو

بیشک اگر وہ غلبہ پا جائیں گے تم پر تو تمہیں سنگسار کر دیں گے (پتھر مارکر) یا وہ لوٹالیں گے تمہیں اپنی ملت میں، پھر تم ہرگز فلاح نہ پاسکو گے کبھی بھی

اور اسی طرح ہم نے ظاہر کر دی ان کی خبر تاکہ (لوگ) جان لیں کہ اللہ کا وعدہ سچا ہے (کہ مرنے کے بعد جینا ہے) اور بیشک قیامت میں کوئی شک نہیں پھر جھگڑنے لگے لوگ آپس میں ان کے معاملے میں، تو انہوں نے کہا بنا دو ان پر ایک عمارت، ان کا رب خوب جانتا ہے انہیں، کہا ان لوگوں نے جو غلبہ رکھتے تھے اپنے معاملے میں (وقت کے بادشاہ یا وزیروں نے) کہ ہم ضرور بنائیں گے ان پر ایک مسجد

جلد ہی کہیں گے (اہل کتاب کہ) وہ تین ہیں چوتھا ان کا کتا ہے، اور بعض کہیں گے پانچ ہیں چھٹا ان کا کتا ہے بن دیکھے تیر ماریں گے، اور بعض کہیں گے سات ہیں آٹھواں ان کا کتا ہے کہہ دو میرا رب خوب جانتا ہے ان کی تعداد انہیں تھوڑے ہی لوگ جانتے ہیں (جیسے ان کے زمانے اور گھرانے کے لوگ) تو تم نہ جھگڑو ان کے بارے میں مگر سرسری اور نہ پوچھو ان (یہود) میں کسی سے ان (اصحاب کہف) کے بارے میں

اور ہرگز نہ کہو کسی چیز کے متعلق کہ میں کروں گا اسے کل

مگر یہ کہ ان شاء اللہ کہہ لیا کرو اور یاد کر لیا کرو اپنے رب کو جب تم بھول جاؤ، اور کہو امید ہے رہنمائی کرے گا مجھے میرا رب ایسی ہدایت کی کہ زیادہ قریب تر ہو اس ہدایت سے بھی

اور (اصحاب کہف) ٹھہرے اپنے غار میں تین سو سال اور زیادہ نو سال (تین سو نو سال)

(اے نبی صلی اللہ علیہ وسلم) کہہ دو اللہ بہتر جانتا ہے جتنی مدت وہ ٹھہرے، اسی کو ہے غیب کا علم تمام آسمانوں اور زمین کا، کیا ہی بہتر وہ دیکھنے اور سننے والا ہے، اور نہیں ہے ان کے لئے اللہ کے سوا کوئی مددگار، اور وہ (اللہ) نہیں شریک ٹھہراتا اپنے حکم میں کسی کو

اور تلاوت کرو جو وحی کی گئی ہے تمہاری طرف تمہارے رب کی کتاب سے، نہیں ہے کوئی بدلنے والا اس کے کلمے کو، اور تم ہرگز نہ پاؤ گے اس کے سوا کوئی پناہ

اور (اے نبی) جمائے رکھیں اپنے آپ کو ان (غریب صحابہ رضی اللہ عنہم) کے ساتھ جو پکارتے ہیں اپنے رب کو صبح اور شام، وہ چاہتے ہیں اسکی رضاء، اور تم نہ پھیرو اپنی آنکھوں کو ان (غریبوں) سے کہ چاہنے لگو زینت (کہ سردار مسلمان ہوں دین کو فائدہ ہو) دنیوی زندگی کی، اور نہ اتباع کرو اس (امیہ بن خلف) کی جس کے دل کو ہم نے غافل کر دیا ہے اپنی یاد سے، اور اس نے اتباع کی ہے اپنی خواہش کی، اور اسکا معاملہ حد سے گزرا ہوا ہے

اور کہو کہ حق تمہارے رب کی طرف سے ہے، تو جو چاہے ایمان لائے اور جو چاہے کفر کرے، بیشک ہم نے تیار کر رکھی ہے ظالموں کے لئے آگ، گھیر لیں گی انہیں اس کی قناتیں، اور اگر وہ مدد مانگیں گے تو مدد دی جائے گی اس پانی سے جو پگھلے ہوئے تانبے کی طرح ہو گا، جھلسا دے گا (ان کے) چہروں کو، کیا ہی برا پینا ہو گا، اور کیا ہی بری جگہ ہو گی

(ان جہنمیوں کے علاوہ) بیشک جو لوگ ایمان لائے اور نیک عمل کئے ہم ضائع نہیں کریں گے اس کا اجر جس نے اچھے عمل کئے

پہنائے جائیں گے انہیں ان (نعمت والی جنتوں) میں سونے کے کنگن، اور وہ پہنیں گے سبز لباس باریک اور موٹے ریشم کا ٹیک لگائے ہوئے ہوں گے ان میں مسندوں پر، کیا ہی بہتر بدلہ ہے، اور کیا ہی اچھی جگہ ہے (اللہ کے بندوں کیلئے)

اور بیان کرو ان کے سامنے مثال دو لوگوں کی، ان دونوں میں سے ایک کو ہم نے دو باغ دئے تھے انگور کے، اور ہم نے گھیر رکھا تھا ان دونوں باغوں کو کھجور کے درختوں سے، اور ہم نے لگا رکھی تھی ان دونوں کے درمیان بھی کھیتی

دونوں باغوں میں پھل آئے اور اس میں کچھ بھی کمی نہیں ہوئی، اور ہم نے جاری کی تھی ایک نہر بھی ان دونوں کے درمیان

اور آیا اس پر پھل، تو کہا اس نے اپنے ساتھی سے باتیں کرتے ہوئے، کہ میں زیادہ ہوں تجھ سے مال میں، اور زیادہ معزز ہوں تعداد میں

اور وہ داخل ہوا اپنے باغ میں ظلم کرتا ہوا اپنی جان پر (تکبر میں) کہا میرا گمان نہیں کہ برباد ہو گا یہ (باغ) کبھی بھی

اور میرا گمان نہیں کہ قیامت قائم ہونے والی ہے، اور اگر میں اپنے رب کی طرف لوٹایا بھی گیا تو میں ضرور پاؤں گا اس سے بھی بہتر جگہ (وہاں)

کہا اس سے اس کے (دوسرے) ساتھی نے باتیں کرتا ہوا، کہ کیا تو انکار کرتا ہے اس (ذات) کا جس نے پیدا کیا تجھے مٹی سے پھر نطفہ سے پھر درست کیا تجھے ایک آدمی بناکر

لیکن وہ اللہ ہی میرا رب ہے اور میں نہیں شریک ٹھہراتا اپنے رب کے ساتھ کسی کو

اور کیوں نہیں جب تو داخل ہوا اپنے باغ میں تو کہا جو چاہے اللہ وہی ہوتا ہے اور کوئی طاقت نہیں اللہ کے سوا، اگر تو مجھے دیکھتا ہے کہ میں کم ہوں تجھ سے مال اور اولاد میں

(اگر چاہے) تو ممکن ہے میرا رب عطا کرے مجھے تیرے باغ سے بہتر، اور بھیج دے اس (تیرے باغ) پر آفت آسمان سے، پھر وہ ہوجائے چٹیل میدان

یا ہو جائے اس کا پانی خشک تو تم ہرگز طاقت نہیں رکھتے اس (پانی) کو لوٹانے کی

اور گھیر لیا گیا اس کے پھل کو (آفت کے ذریعے) تو وہ رہ گیا ملتا ہوا اپنے ہاتھوں کو اس پر جو اس نے خرچ کیا تھا اس (باغ) میں، اور وہ (باغ) گر پڑا اپنی چھتریوں پر، اور وہ کہنے لگا ہائے میری تباہی کاش میں شریک نہیں ٹھہراتا اپنے رب کے ساتھ کسی کو

اور نہ ہوئے اس کیلئے کسی جماعت کے لوگ جو اس کی مدد کرتے اللہ کے سوا، اور نہ وہ خود ہی بدلہ لے سکا

یہاں سب اختیار اللہ ہی برحق کا ہے، اسی کا ثواب بہتر ہے، اور اسی کا بدلہ بہتر ہے

اور بیان کرو ان (کفار مکہ) کے سامنے مثال دنیا کی زندگی کی وہ پانی کی طرح ہے جسے ہم نازل کرتے ہیں آسمان سے، پھر وہ مل جاتا ہے زمین کے نباتات سے (یعنی زمین کی ہریالی سے) پھر وہ ہو جاتا ہے چورہ چورہ، پھر اڑا دیتی ہیں اسے ہوائیں، اور اللہ ہر چیز پر قدرت رکھنے والا ہے

مال اور اولاد تو زینت ہیں دنیا کی زندگی کی، اور باقی رہنے والے نیک (اور) بہتر عمل تیرے رب کے پاس ثواب کے اعتبار سے بہتر ہے، اور امید کے اعتبار سے بھی بہتر ہے

اور اس دن ہم چلائیں گے پہاڑوں کو اور تو دیکھے گا زمین کو صاف میدان اور ہم جمع کریں گے سب کو اور ہم نہیں چھوڑیں گے ان میں سے کسی کو بھی

اور وہ پیش کئے جائیں گے تمہارے رب کے سامنے صف باندھ کر یقیناً تم آگئے ہمارے پاس جیسا ہم نے پیدا کیا تھا تم کو پہلی بار، بلکہ تم نے خیال کیا تھا کہ ہم نہیں مقرر کریں گے تمہارے لئے کوئی وعدے کا وقت

اور رکھا جائے گا اعمال نامہ پھر تو دیکھے گا مجرموں کو ڈر رہے ہوں گے جو اس میں ہے اس سے، اور کہیں گے ہائے ہماری تباہی! کیا ہو گیا ہے اس اعمال نامے کو نہیں چھوڑی اس نے کوئی چھوٹی یا بڑی چیز مگر سب کو شمار کر لیا ہے، اور وہ پائیں گے جو عمل انہوں نے کئے تھے سب حاضر (یعنی موجود) اور نہیں ظلم کرے گا تیرا رب کسی پر

اور جب ہم نے کہا فرشتوں سے کہ سجدہ کرو آدم کو تو انہوں نے سجدہ کیا سوائے ابلیس کے، وہ جنوں میں سے تھا تو نافرمانی کی اس نے اپنے رب کے حکم کی، تو کیا تم بناتے ہو اسے اور اس کی اولاد کو اپنا دوست میرے علاوہ، اور وہ تمہارے دشمن ہیں (یاد رکھو کہ) ظالموں کے لیے کیا ہی برا بدلہ ہے

میں نے نہیں بلایا ان (جنوں) کو آسمانوں اور زمینوں کی پیدائش کے وقت اور نہ خود ان کی پیدائش کے وقت، اور میں نہیں بناتا گمراہوں کو (اپنا) مددگار

اور جس دن (اللہ رب العزت) فرمائے گا کہ پکارو میرے شریکوں کو جن پر تم گمان کرتے تھے، تو وہ پکاریں گے انہیں مگر وہ نہیں جواب دیں گے انہیں، اور ہم نے بنادی ہے ان کے درمیان ہلاکت کی جگہ

اور (قیامت کے دن) دیکھیں گے مجرمین آگ کو اور گمان کریں گے کہ وہ اس میں گرنے والے ہیں اور وہ نہیں پائیں گے اس سے پھرنے کا کوئی راستہ

اور یقینا ہم نے پھیر پھیر کر بیان کی ہے اس قرآن میں لوگوں کے لئے ہر ایک (چیز کی) مثال کو، اور انسان سب سے زیادہ جھگڑالو ہے (تمام طرح کی مثال کے باوجود)

اور نہیں ہے منع لوگوں کیلئے کہ وہ ایمان لائیں، جب کہ آگئی ان کے پاس ہدایت، اور استغفار کریں اپنے رب سے، مگر یہ کہ آئے ان پے پہلوں جیسا معاملہ، یا آجائے ان پے عذاب سامنے (پھر ایمان لائیں گے؟)

اور ہم تو بھیجتے ہیں رسولوں کو صرف خوشخبری دینے والا اور ڈرانے والا بنا کر، اور جھگڑا کرتے ہیں وہ لوگ جو کافر ہیں ناحق تاکہ وہ نیچا دکھائیں اس (جھگڑے) کے ذریعے حق کو اور انہوں نے بنالیا میری آیتوں کو اور جس (رسالت) سے انہیں ڈرایا گیا اسے بھی مذاق

اور اس سے بڑا ظالم کون ہوگا؟ جسے نصیحت کی جائے اس کے رب کی آیتوں کے ذریعے، تو وہ اعراض کرے اس سے، اور بھول جائے اسے جو کچھ آگے بھیجا اس کے ہاتھوں نے، بیشک ہم نے ڈال دئے ہیں ان کے دلوں پر پردہ کہ وہ نہ سمجھیں اسے، اور ان کے کانوں میں بھی پردہ ہے، اور اگر تم بلاؤ انہیں ہدایت کی طرف تو وہ ہرگز ہدایت نہ پائیں گے کبھی بھی

اور تیرا رب مغفرت کرنے والا رحمت والا ہے، اگر وہ پکڑ کرے ان کی جو کچھ انہوں نے کیا، تو جلد ان پر عذاب بھیج دیتا، بلکہ ان کے لئے ایک وعدہ مقرر ہے، وہ ہرگز نہیں پائیں گے اس کے سوا کوئی پناہ

اور یہ وہ بستیاں ہیں جنہیں ہم نے ہلاک کیا ہے جب انہوں نے ظلم کیا تھا، اور ہم نے مقرر کیا تھا ان کی ہلاکت کا ایک وقت

اور جب کہا موسیٰ نے اپنے جوان (یوشع بن نون) سے کہ میں نہ ہٹوں گا یہاں تک کہ میں پہونچ جاؤں دو دریاؤں کے ملنے کی جگہ یا میں گزار دوں صدیاں (چلتے ہوئے)

تو جب وہ دونوں پہونچے دو دریاؤں کے جمع ہونے کی جگہ، دونوں بھول گئے اپنی مچھلی کو، تو بنالیا (مچھلی نے) اپنا راستہ دریا میں سرنگ کی طرح

پھر جب وہ دونوں آگے بڑھ گئے، تو کہا اپنے جوان سے کہ لے آؤ ہمارے پاس ہمارا ناشتہ، یقیناً پہونچی ہے ہمیں اس سفر میں تھکاوٹ

(موسیٰ سے نوجوان خادم نے) کہا کیا آپ نے غور کیا؟ جب ہم نے پناہ لی تھی اس پتھر کے پاس، تو میں بھول گیا مچھلی کو، اور مجھے بھلا دیا شیطان نے کہ اس کا تذکرہ کروں، اور اس (مچھلی) نے بنالیا تھا اپنا راستہ سمندر میں عجیب طرح سے

کہا یہی ہے (وہ جگہ) جو ہم تلاش کر رہے تھے، پھر دونوں پلٹے اپنے قدموں کے نشان کا پیچھا کرتے ہوئے

تو ان دونوں نے پایا ایک بندے (خضر) کو ہمارے بندوں میں سے، عطا کی تھی ہم نے اسے رحمت اپنی طرف سے، اور اسے ہم نے سکھایا تھا اپنی طرف سے علم

کہا اس سے موسیٰ نے کیا میں آپ کی اتباع کر سکتا ہوں اس شرط پر کہ آپ سکھائیں مجھے وہ علم جو ہدایت کا علم آپ کو سکھایا گیا ہے

کہا آپ ہرگز صبر نہیں کر پائیں گے میرے ساتھ

اور کیسے آپ صبر کریں گے اس امر میں جس کی خبر کا آپ کو احاطہ ہی نہیں

(موسیٰ علیہ السلام نے) کہا جلد آپ مجھے پائیں گے ان شاء اللہ صابر (یعنی جمے رہنے والا) اور میں نافرمانی نہیں کروں گا آپکی کسی بات میں

کہا تو اگر آپ میرے پیچھے چلنا چاہیں تو سوال نہ کریں مجھ سے کسی چیز کے متعلق یہاں تک کہ میں خود کروں آپ سے اس کا ذکر

تو چل پڑے دونوں، یہاں تک کہ جب دونوں سوار ہوئے کشتی میں (تو حضرت خضر نے) اسے پھاڑ دیا کہا (موسیٰ نے) کیا آپنے اس لئے پھاڑا ہے اسکو تاکہ غرق ہوجائیں اسکے لوگ، یقیناً آپ نے عجیب کام کیا ہے

کہا کیا میں نے آپ سے نہیں کہا تھا کہ آپ طاقت نہیں رکھ سکیں گے میرے ساتھ صبر کی

کہا آپ میرا مؤاخذہ نہ کیجئے میرے بھول جانے پر، اور نہ ڈالئے مجھ پر میرے معاملے میں سختی

پھر دونوں چل پڑے یہاں تک کہ ان دونوں کی ملاقات ہوئی ایک لڑکے سے، تو (حضرت خضر نے) قتل کر دیا اسے، کہا (موسیٰ نے) کیا آپ نے ایک پاکیزہ جان کا قتل کیا ہے بغیر کسی وجہ کے، یقیناً آپ نے ناپسندیدہ کام کیا ہے

کہا کیا میں نے آپ سے نہیں کہا تھا کہ آپ میرے ساتھ صبر نہیں کر سکیں گے

کہا اگر میں سوال کروں آپ سے کسی چیز کے متعلق اس کے بعد تو آپ مجھے نہ رکھیں اپنے ساتھ، تو آپ پہونچ جائیں گے میری طرف سے عذر کو

پھر دونوں چل پڑے، یہاں تک کہ وہ دونوں آئے ایک گاؤں والوں کے پاس، ان دونوں نے کھانا مانگا وہاں کے لوگوں سے، تو انہوں نے انکار کر دیا ان دونوں کی ضیافت سے، پھر ان دونوں نے پائی وہاں ایک دیوار جو گرنے والی تھی ان دونوں نے کھڑی کر دی اسے، کہا اگر آپ چاہتے تو اس (کام) پر کوئی اجرت لے لیتے

کہا اب جدائی کا وقت آگیا میرے اور آپ کے درمیان جلد ہی میں بتاؤں گا آپ کو وہ تاویل (یعنی راز) جن پر آپ صبر نہ کر سکے

تو جہاں تک کشتی کا تعلق ہے تو وہ چند مسکینوں کی تھی جو کام کرتے ہیں دریا میں، تو میں نے ارادہ کیا کہ اسے عیب دار کر دوں اور (یہ اس لئے کہ) ان کے آگے ایک بادشاہ تھا جو لے لیا کرتا تھا ہر ایک کشتی کو زبردستی

اور جہاں تک لڑکے کا تعلق ہے تو اس کے ماں باپ مؤمن تھے، تو ہمیں ڈر ہوا کہ یہ چڑھائی کرے گا ان دونوں پر سرکشی اور کفر میں

پھر ہم نے چاہا کہ بدلے میں دے ان دونوں کو ان دونوں کا رب اس سے بہتر پاکیزہ (اولاد) اور وہ محبت میں اس سے بڑھ کر ہو

اور جہاں تک دیوار کا تعلق ہے تو وہ دو یتیم بچوں کی تھی اس شہر کے (یہ شہر ایلہ ہے ملک اسرائیل میں) اور اس کے نیچے ان دونوں کا خزانہ تھا، اور ان دونوں کا باپ نیک آدمی تھا تو چاہا آپ کے رب نے کہ جب وہ دونوں پہنچے اپنی جوانی کو تو نکال لیں اپنا خزانہ آپ کے رب کی رحمت کیوجہ سے، اور میں نے نہیں کیا اسے اپنی مرضی سے، یہ تاویل (یعنی حقیقت) ہے اس کی جس پر (اے موسیٰ!) آپ نہ کرسکے صبر

اور (کفار) سوال کرتے ہیں آپ سے ذوالقرنین کے بارے میں آپ کہہ دیجئے عنقریب میں بتاؤں گا تمہیں اس کا تذکرہ

ہم نے بسایا تھا اسے اور ہم نے عطا کئے تھے اسے ہر طرح کے اسباب

تو وہ پیچھے لگا ایک سفر کے

یہاں تک کہ جب وہ پہونچا سورج غروب ہونے کی جگہ تو پایا اسے غروب ہوتا ہوا ایک گرم چشمے میں (یعنی دلدل میں) اور اس نے پایا اس (دلدل) کے پاس ایک قوم کو، ہم نے کہا اے ذوالقرنین! یا انہیں سزا دو اور یا ان کے ساتھ تم نیک سلوک کرو (تمہیں اختیار ہے)

کہا جوان میں ظلم کرے گا تو ہم جلد سزا دیں گے اسے، پھر وہ لوٹایا جائے گا اپنے رب کی طرف، پھر وہ اسے ناپسندیدہ عذاب دے گا

اور جہاں تک تعلق ہے اس کا جو ایمان لائے گا اور عمل کرے گا نیک تو اسے بہتر بدلہ ملے گا، اور ہم بھی حکم دیں گے اسے اپنے (دین کے) معاملے میں آسان

پھر وہ پیچھے لگا ایک اور سفر کے

یہاں تک کہ جب وہ پہونچا سورج طلوع ہونے کی جگہ، تو اس نے پایا سورج کو طلوع ہوتا ہوا ایک ایسی قوم پر کہ نہیں بنایا تھا ہم نے جس کے لئے کوئی پردہ (سورج سے بچنے کیلئے)

اسی طرح ہے، اور یقیناً ہم نے احاطہ کیا اس کے سامنے کی خبر کا

پھر وہ پیچھے لگا ایک اور سفر کے

یہاں تک کہ جب وہ پہونچا دو پہاڑوں کے درمیان تو پایا ان دونوں (پہاڑوں کے) پیچھے ایک قوم کو، جن کے لوگ قریب بھی نہ تھے سمجھنے کے کسی بات کو

انہوں نے کہا کہ اے ذوالقرنین! بے شک یاجوج اور ماجوج فساد کرتے ہیں اس زمین پر، تو کیا ہم مقرر کر دیں آپ کیلئے خراج (یعنی ٹیکس) اس شرط پر کہ آپ بنا دیں ہمارے اور ان کے درمیان ایک دیوار

کہا جو عطا کیا ہے مجھے میرے رب نے وہ بہتر ہے (کافی ہے) تو تم اعانت (یعنی مدد) کرو میری طاقت سے، کہ میں بنا دوں تمہارے اور ان کے درمیان ایک دیوار

لاؤ میرے پاس تختیاں لوہے کی، یہاں تک کہ جب برابر کر دیا دونوں پہاڑوں کے درمیان کو تو کہا کہ دھونکو، یہاں تک کہ جب بنا دیا اسے آگ تو کہا لاؤ میرے پاس تاکہ میں ڈال دوں اس پر تانبا

تو وہ اب طاقت نہیں پائیں گے کہ ظاہر ہوسکیں اس سے، اور طاقت نہیں پائیں گے کہ نقب (یعنی کوئی سوراخ) لگاسکیں

کہا یہ میرے رب کی رحمت ہے پھر جب آئے گا میرے رب کا وعدہ تو بنادے گا اسے ریزہ ریزہ، اور میرے رب کا وعدہ سچا ہے

اور ہم چھوڑ دیں گے ان میں کے ایک دوسرے کو اس دن گھس جائیں گے ایک دوسرے میں اور پھونکا جائے گا صور میں، پھر ہم جمع کریں گے ان سب کو

اور ہم پیش کریں گے جہنم کو اس دن کافروں کے سامنے

(یہ وہ لوگ ہوں گے) جن کی آنکھوں پر پردہ پڑا تھا ہماری یاد سے، اور وہ سن نہیں سکتے تھے (حق بات)

تو کیا گمان کرتے ہیں کافر کہ بنا لیں گے میرے بندوں کو میرے علاوہ اپنا کارساز (یعنی دوست) بے شک ہم نے تیار کر رکھا ہے جہنم کو کافروں کی مہمانی کیلئے

کہہ دو کیا میں بتاؤں تمہیں خاسرین کے اعمال کے بارے میں

جن کی ضائع ہو گئی ساری کوشش دنیا کی زندگی میں، اور وہ گمان کرتے ہیں کہ بے شک وہ اچھے کام کر رہے ہیں

یہ وہی ہیں جنہوں نے انکار کیا اپنے رب کی آیتوں کا اور اس کی ملاقات کا، تو ضائع ہو گئے ان کے اعمال، تو ہم نہیں قائم کریں گے ان کے لئے قیامت کے دن کوئی وزن

یہ سزا ہے ان کی جہنم ان کے کفر کی وجہ سے، اور انہوں نے بنایا تھا میری آیتوں اور میرے رسولوں کا مذاق

بے شک جو لوگ ایمان لائے اور اچھے کام کئے فردوس کے باغ ہوں گے ان کی مہمانی کے لئے

ہمیشہ رہیں گے ان میں وہ نہ چاہیں گے اسے بدلنا

کہہ دو اگر ہو جائے سمندر مددگار (روشنائی بن کر) میرے رب کے کلمات لکھنے کے لئے، تو ختم ہو جائیں گے سمندر میرے رب کے کلمات ختم ہونے سے پہلے اور اگرچہ لے آئیں ہم اس جیسا سمندر مدد کیلئے

کہہ دو کہ میں بشر ہوں تمہاری طرح، وحی کی جاتی ہے میری طرف، کہ تمہارا معبود ایک ہی معبود ہے تو جو کوئی امید رکھے اپنے رب کی ملاقات کی تو اسے چاہئے کہ عمل صالح کرے، اور نہ شریک ٹھہرائے اپنے رب کی عبادت میں کسی کو