الأنبياء

قریب ہے لوگوں کے حساب کا وقت اور وہ غفلت میں پڑ کر منہ پھیرے ہوئے ہیں

جب بھی آتی ہے ان کے پاس کوئی نصیحت ان کے رب کی طرف سے نئی وہ سنتے ہیں اسے اور وہ کھیل سمجھتے ہیں

غفلت میں ہیں ان کے دل، اور وہ چھپ کے مشورہ کرتے ہیں جو ظالم ہیں (کہتے ہیں) یہ تو بشر (یعنی انسان) ہے تمہاری طرح، تو کیا تم جاتے ہو جادو کے پاس (باتیں سننے) اور جب کہ تم دیکھ رہے ہو

کہا (رسول نے) میرا رب جانتا ہے باتیں جو ہے آسمان اور زمین میں، اور وہ خوب سننے والا اور خوب جاننے والا ہے

بلکہ وہ کہتے ہیں کہ (یہ قرآن) بیہودہ خواب ہے بلکہ گھڑ لیا ہے اس (قرآن) کو بلکہ وہ شاعر ہے، تو (نبی کو) چاہیے کہ ہمارے پاس کوئی معجزہ لے آئے، جس طرح بھیجے گئے تھے پہلے (انبیاء)

جو بستی بھی ان سے پہلے ایمان نہیں لائی اسے ہم نے ہلاک کر دیا، تو کیا یہ ایمان لائیں گے؟

اور ہم نے رسول بنا کر بھیجا تھا تم سے پہلے بھی مردوں کو، ہم نے وحی کی تھی ان کی طرف، تو تم پوچھ لو علم والوں سے (یعنی اہل کتاب سے) اگر تم نہیں جانتے

اور ہم نے نہیں بنائے تھے ان لوگوں کے ایسے جسم کہ وہ (پہلے کے انبیاء) کھانا نہ کھاتے ہوں، اور نہ تھے وہ ہمیشہ رہنے والے

پھر ہم نے سچ کر دیا ان کا وعدہ تو ہم نے نجات دی انہیں اور جسے ہم نے چاہا، اور ہم نے ہلاک کر دیا (مسرفین یعنی) حد سے بڑھنے والوں کو

یقیناً ہم نے نازل کی ہے تمہاری طرف وہ کتاب جس میں نصیحت ہے تمہارے لئے، تو کیا تم عقل نہیں رکھتے؟

اور کتنی ہی بستیوں کو ہم نے تباہ کر دیا ہے جو ظالم تھیں، اور ہم نے پیدا کیا ان کے بعد دوسری قوموں کو

تو جب انہوں نے محسوس کیا ہمارے عذاب کو، تو وہ وہاں سے بھاگنے لگے

مت بھاگو اور لوٹ آؤ جہاں تم نے عیش کیا ہے، اور (آؤ) تم اپنے گھروں میں تاکہ تم سے سوال کیا جائے

وہ کہنے لگے ہائے ہماری تباہی! بے بیشک ہم ہی ظالم ہیں

تو مسلسل یہی پکار رہی ان (کافروں) کی یہاں تک کہ ہم نے بنا دیا انہیں کٹی ہوئی کھیتی اور وہ بجھ کر رہ گئے

اور نہیں ہم نے پیدا کیا آسمان اور زمین کو اور جو کچھ ان دونوں کے درمیان ہے لہو و لعب (یعنی کھیل تماشہ)

اور اگر ہمارا ارادہ ہوتا کہ ہم بنائیں کھیل تو یقینا ہم بنا لیتے اسے اپنی طرف سے، اگر ہمیں یہی کرنا ہوتا

بلکہ ہم پھینک مارتے ہیں حق کو باطل پر، تو وہ دماغ نکال دیتا ہے اس (باطل) کا تو وہ ہوتا ہی ہے مٹنے والا، اور تمہارے لئے افسوس ہے (ان باتوں میں) جو تم بناتے ہو

اور اسی کا ہے جو کچھ آسمانوں میں ہے اور زمین میں ہے، اور جو اس کے پاس ہیں (فرشتے) وہ تکبر نہیں کرتے اس کی عبادت سے اور نہ وہ تھکتے ہیں

وہ تسبیح کرتے ہیں رات اور دن، وہ سستی نہیں کرتے

کیا انہوں نے بنا رکھا ہے معبود زمین کی چیزوں سے وہ انہیں زندہ کریں گے؟

اگر ان دونوں میں اللہ کے سوا اور معبود ہوتا تو دونوں فساد زدہ ہو جاتے، تو پاک ہے اللہ جو رب ہے عرش کا ان باتوں سے جو یہ بیان کرتے ہیں

نہیں پوچھا جا سکتا جو کچھ وہ (اللہ) کرتا ہے، اور ان سے پوچھا جائیگا

کیا انہوں نے بنا رکھا ہے اس کے علاوہ معبود، کہہ دو لے آؤ تم اپنی دلیل، یہ (قرآن) دلیل ہے میرے ساتھ والوں کی، اور دلیل ہیں (کتابیں) مجھ سے پہلے والوں کی، بلکہ ان میں اکثر نہیں جانتے حق کو، اور وہ اعراض کرتے ہیں (حق سے)

تم سے پہلے کوئی رسول مگر ہم نے وحی کی اس کی طرف، کہ بیشک نہیں ہے کوئی معبود میرے سوا، تو تم میری ہی عبادت کرو

اور وہ کہتے ہیں کہ رحمان نے اولاد بنالی ہے، وہ پاک ہے اس سے، بلکہ وہ (یعنی عیسیٰ) مکرم بندے ہیں

نہیں (انبیاء) آگے بڑھتے اس سے بات کرنے میں، اور وہ اسی کے حکم پر عمل کرتے ہیں

وہ (اللہ) جانتا ہے جو ان کے آگے اور جو ان کے پیچھے ہے، اور نہیں (فرشتے) شفاعت کرتے مگر اسی کے لیے جس سے (اللہ) راضی ہو، اور وہ اس کے خوف سے ڈرتے ہیں

اور جو کوئی یہ کہے ان (لوگوں) میں سے، کہ بیشک میں خدا ہوں اس (خدا) کے سوا، تو اس پر ہم سزا دیں گے اسے جہنم کی، اسی طرح ہم سزا دیتے ہیں ظالموں کو

کیا نہیں دیکھا ان لوگوں نے جو کافر ہیں کہ بیشک تمام آسمان اور زمین جڑے ہوئے تھے، تو ہم نے جدا کر دیا ان دونوں کو، اور ہم نے بنایا پانی سے ہر جاندار چیز کو، کیا وہ پھر بھی نہیں ایمان لاتے

اور ہم نے بنائے زمین میں پہاڑ، تاکہ وہ جھک نہ جائیں انہیں لے کر، اور ہم نے بنائے اس میں کشادہ راستے، تاکہ وہ راہ پائیں (یعنی ان پر چلیں)

اور ہم نے بنایا آسمان کو محفوظ چھت اور وہ اس (آسمان) کی نشانیوں سے اعراض کرتے ہیں

اور وہی ہے جس نے پیدا کئے رات اور دن اور سورج اور چاند سب اپنے دائرے میں تیر رہے ہیں (یعنی کام کر رہے ہیں)

اور ہم نے نہیں بنایا کسی بشر کو تجھ سے پہلے ہمیشہ رہنے والا، تو کیا اگر تم مر جاؤ گے تو یہ ہمیشہ رہیں گے

ہر شخص کو موت کا مزہ چکھنا ہے، اور ہم آزماتے ہیں تمہیں برائی اور بھلائی سے اور ہماری طرف تم لوٹائے جاؤ گے

اور جب دیکھتے ہیں تمہیں وہ لوگ جو کافر ہیں (تو) تمہارا مذاق اڑاتے ہیں (اور کہتے ہیں کہ) کیا یہی شخص ہے جو تذکرہ کرتا ہے تمہارے معبودوں کا، اور وہ رحمان کے ذکر سے انکاری ہیں

پیدا کیا گیا ہے انسان کو جلد باز، میں جلد ہی تمہیں اپنی نشانیاں (یعنی سزا) دکھاؤں گا، تو تم جلدی نہ کرو

اور کہتے ہیں کب ہو گا یہ وعدہ (سچا یعنی عذاب کا) اگر تم سچے ہو

کاش! جان لیں یہ کافر اس وقت کو کہ نہ روک سکیں گے اپنے مونہوں سے آگ کو اور نہ اپنی پیٹھوں سے، اور نہ ان کی مدد کی جائے گی

بلکہ وہ (قیامت) آئے گی ان پر اچانک تو وہ مبہوت (یعنی ہکا بکا) کر دے گی انہیں، تو وہ نہ طاقت رکھ سکیں گے اسے رد کرنے کی، اور نہ انہیں مہلت دی جائے گی

اور یقیناً مذاق اڑایا گیا ہے رسولوں کا تم سے پہلے بھی، تو الٹا پڑا جنہوں نے مذاق اڑایا تھا ان میں سے ان ہی پر جس کا وہ مذاق اڑایا کرتے تھے

(اے نبی) کہہ دو کون حفاظت کرتا ہے تمہاری رات اور دن میں رحمان (کی پکڑ) سے (اگر رحمان چاہے) پھر بھی وہ اپنے رب کے ذکر سے اعراض کرتے ہیں

کیا ان کے معبود ہیں جو بچا لیتے ہیں انہیں ہمارے علاوہ سے، وہ نہیں طاقت رکھتے خود اپنی مدد کی، اور نہ ہی وہ ہمارے مقابلے میں مصاحبت کر سکتے (یعنی ساتھ دے سکتے)

بلکہ ہم نے فائدہ دیا ان کو اور ان کے باپ دادا کو، یہاں تک کہ لمبا ہوا ان پر زمانہ، کیا وہ یہ نہیں دیکھتے کہ بے شک ہم زمین کو گھٹاتے چلے جا رہے ہیں ہر طرف سے (دین کو غالب کر کے) تو کیا یہ غالب آجائیں گے

کہہ دو کہ میں تو صرف ڈراتا ہوں تمہیں وحی کے ذریعہ سے، اور نہیں سنتے یہ بہرے پکار کو جب انہیں ڈرایا جاتا ہے

اور اگر پہونچ جائے انہیں ایک جھونکا تیرے رب کے عذاب کا، تو ضرور کہیں گے ہائے ہماری تباہی! بیشک ہم ہی ظالم تھے

اور ہم قائم کریں گے میزان (یعنی ترازو) انصاف کی قیامت کے دن، تو نہ ظلم کیا جائے گا کسی شخص پر کچھ بھی، اور اگر ہو گا رائی کے دانے کے برابر (کوئی بھی عمل) تو ہم لے آئیں گے اسے، اور کافی ہیں ہم حساب لینے کے لئے

اور یقیناً ہم نے عطا کی (کتاب) موسیٰ اور ہارون کو فیصلہ کرنے والی، اور روشنی دینے والی، اور نصیحت کرنے والی متقیوں کو

جو ڈرتے ہیں اپنے رب سے بن دیکھے، اور یہی ہیں وہ جو قیامت سے بھی ڈرتے ہیں

اور یہ (قرآن) مبارک نصیحت ہے جسے ہم نے نازل کیا ہے، تو کیا تم (اے اہل مکہ) اس کے انکاری ہو

اور یقیناً ہم نے عطا کی تھی ابراہیم کو اس (دین) کی سمجھ (نبوت سے) پہلے ہی اور ہم اسے جانتے تھے (کہ اس لائق ہے)

جب کہا (ابراہیم) نے اپنے باپ اور اپنی قوم سے کہ یہ کیسی مورتیاں ہیں جن پر تم جھکے رہتے ہو؟

انہوں نے کہا ہم نے پایا ہے اپنے باپ دادا کو ان کی عبادت کرتے ہوئے

کہا یقیناً تم اور تمہارے باپ دادا کھلی گمراہی میں ہو

انہوں نے کہا کیا تو لے کے آیا ہے ہمارے پاس سچی بات یا تو کھیل کرنے والوں میں سے ہے

کہا بلکہ تمہارا رب وہی ہے جو رب ہے آسمانوں اور زمین کا جس نے پیدا کیا انہیں اور میں (اللہ کی طرف سے) اس پر گواہ ہوں

اور اللہ کی قسم! میں ضرور چال چلوں گا تمہارے بتوں کے خلاف، جب تم جا چکو گے پیٹھ پھیر کر

تو اس نے کر دیا انہیں ٹکڑے ٹکڑے سوائے ان کے بڑے کے، تاکہ وہ (لوگ) اس کی طرف رجوع کریں

انہوں نے کہا کس نے کیا یہ ہمارے معبودوں کے ساتھ؟ (جس نے یہ کیا) بیشک وہ ظالموں میں سے ہے

انہوں نے کہا ہم نے سنا ہے کہ ایک نوجوان ہے جو تذکرہ کیا کرتا ہے ان (بتوں) کا اسے ابراہیم کہا جاتا ہے

(قوم کے لوگ) کہنے لگے لے آؤ اسے لوگوں کے سامنے، تاکہ وہ (لوگ) بھی دیکھ لیں

انہوں نے کہا کیا تو نے یہ کیا ہے ہمارے معبودوں کے ساتھ اے ابراہیم؟

کہا بلکہ ان کے اس بڑے نے یہ کیا ہے تو تم پوچھ لو ان سے اگر وہ بولتے ہوں

پھر وہ اپنے دل میں سوچ کر کہنے لگے (اپنے آپ سے کہ) بے شک تم ہی ظالم ہو

پھر انہوں نے اپنے سروں کو نیچے کر لیا (شرم کیوجہ سے اور کہا) تو جانتا ہے کہ یہ (بت) نہیں بولتے

کہا تو کیا تم عبادت کرتے ہو اللہ کے سوا اس چیز کی جو نہ تمہیں نفع دے سکے کچھ بھی اور نہ نقصان پہنچا سکے تمہیں

اف (افسوس) ہے تم پر اور جن کی تم عبادت کرتے ہو اللہ کے سوا، تو کیا تم عقل نہیں رکھتے؟

انہوں نے کہا جلا دو اسے اور مدد کرو اپنے معبودوں کی اگر تمہیں کچھ کرنا ہے تو

ہم نے کہا اے آگ! ہو جاؤ تم ٹھنڈی اور سلامتی ابراہیم پر

اور انہوں نے ارادہ کیا اس کے ساتھ چال چلنے کا، تو ہم نے انہیں ناکام کر دیا

اور ہم نے نجات دی اسے اور لوط کو (اور لے آئے ملک شام کی) زمین کی طرف جس میں ہم نے برکت رکھی تھی جہان والوں کے لیے

اور ہم نے عطا کئے اسے اسحاق اور یعقوب کا اضافہ، اور سب کو ہم نے بنایا صالح

اور ہم نے بنایا انہیں امام جو رہنمائی کیا کرتے تھے ہمارے حکم سے، اور ہم نے حکم دیا تھا انہیں اچھے کام کرنے اور نماز قائم کرنے، اور زکوۃ دینے کا، اور وہ ہماری ہی عبادت کیا کرتے تھے

اور لوط کو ہم نے عطا کئے تھے حکمت اور علم، اور ہم نے نجات دی تھی اسے اس بستی سے جہاں خبیث عمل کیا کرتے تھے، بیشک وہ لوگ تھے ہی برے اور فاسق (یعنی نافرمان)

اور ہم نے داخل کیا اسے اپنی رحمت میں، بے شک وہ صالحین میں سے تھا

اور نوحؑ نے جب (مجھے) پکارا اس سے پہلے، تو ہم نے قبول کی اس کی دعا، تو ہم نے نجات دی اسے اور اس کے گھر والوں کو بڑی مصیبت سے

اور ہم نے مدد کی اس کی ان لوگوں پر جو جھٹلایا کرتے تھے ہماری آیتوں کو، بے شک وہ برے لوگ تھے تو ہم نے غرق کر دیا ان سب کو

اور داؤد اور سلیمان کو جب وہ دونوں فیصلہ کر رہے تھے کھیتی کے (جھگڑے کے) بارے میں، جب کہ رات میں چر گئی تھیں ایک قوم کی بکریاں، اور ہم ان کے فیصلے کو دیکھ رہے تھے

تو ہم نے سمجھا دیا وہ (فیصلہ) سلیمان کو، اور ہر ایک کو ہم نے عطا کئے تھے حکمت اور علم، اور ہم نے مسخر کر دیا تھا داؤد کے ساتھ پہاڑ اور پرندے کو جو تسبیح کیا کرتے تھے، اور ہم ہی تھے کرنے والے (یہ سب کچھ)

اور ہم نے سکھائی اسے لباس کی صنعت (یعنی جنگی لباس بنانا) تمہارے لیے، تاکہ وہ (لباس) بچائیں تمہیں تمہاری جنگ میں، تو کیا تم شکر ادا کرتے ہو؟

اور سلیمان کے تابع کی زور سے چلنے والی ہوا جو چلتی تھی اس کے حکم سے (ملک شام کی) اس زمین کی طرف جس میں ہم نے برکت رکھی تھی، اور ہم ہر چیز کو جاننے والے ہیں

اور شیطانوں میں کچھ ایسے تھے جو غوطہ لگاتے تھے (دریا میں) اس کے لئے، اور وہ کام کرتے تھے اس کے علاوہ بھی، اور ہم ان کی حفاظت کرنے والے تھے

اور ایوبؑ نے جب پکارا اپنے رب کو کہ مجھے پہونچی ہے تکلیف، اور تو سب رحم کرنے والوں سے زیادہ رحم کرنے والا ہے

تو ہم نے قبول کی اس کی دعاء اور ہم نے دور کر دی جو اسے تکلیف تھی، اور ہم نے دیا اسے اس کا گھرانہ اور ان جیسا اور بھی ان کے ساتھ اپنی رحمت سے، اور یہ نصیحت ہے عبادت کرنے والوں کے لیے

اور اسماعیلؑ اور ادریسؑ اور ذو الکفلؑ کو (بھی انعام کیا) یہ سب صبر کرنے والے تھے

اور ہم نے داخل کیا انہیں اپنی رحمت میں، بے شک وہ سب صالحین میں سے تھے

اور مچھلی والے (یونسؑ) جب چلے گئے (اپنی قوم سے) غضبناک ہو کر، تو گمان کیا کہ ہم نہیں پکڑ کریں گے اس کی، تو پکارا اندھیروں میں کہ نہیں ہے کوئی معبود تیرے سوا، بے شک میں ظالموں میں سے تھا

پھر ہم نے قبول کی اس (نبی یونس) کی دعاء اور نجات دی اسے غم سے، اور اسی طرح ہم نجات دیتے ہیں مؤمنوں کو

اور زکریا نے جب پکارا اپنے رب کو، کہ اے میرے رب! نہ چھوڑ مجھے اکیلا، اور تو سب سے بہتر وارث ہے

تو ہم نے قبول کی اس کی دعاء اور عطا کیا اسے یحییٰ، اور درست کر دیا اس کے لیے اس کی بیوی کو (بانجھ پن سے) بے شک وہ جلدی کرتے تھے نیک کاموں میں، اور پکارتے تھے ہمیں رغبت (یعنی دل سے) اور ڈر سے، اور وہ تھے ہمارے سامنے عاجزی کرنے والے

اور جس (مریم) نے محفوظ رکھا اپنی عصمت (یعنی عزت) کو، تو ہم نے پھونک دی اس میں اپنی روح، اور بنا دیا اسے اور اس کے بیٹے کو نشانی جہان والوں کے لیے

بیشک یہ لوگ تمہاری جماعت کے ہیں یہ ایک ہی جماعت ہے، اور میں تمہارا رب ہوں تو تم میری ہی عبادت کرو

اور انہوں نے کاٹ دیئے اپنے معاملے (یعنی دین) کو آپس میں، سب ہماری ہی طرف لوٹنے والے ہیں

تو جو اچھا کام کرے گا اور وہ مؤمن بھی ہو تو نہ انکار کیا جائے گا اس کی کوشش کا، اور بے شک ہم اس کے لکھنے والے ہیں

اور حرام (یعنی ناممکن) ہے جن بستیوں کو ہم نے ہلاک کیا ہے بے شک وہ لوٹ نہیں سکتے

یہاں تک کہ (قیامت کے قریب) جب کھول دئے جائیں گے یاجوج اور ماجوج، اور وہ ہر بلندی سے پھسلتے چلے آئیں گے

اور قریب آجائے گا وعدہء حق، تو اس وقت پھٹی رہ جائیں گی آنکھیں ان لوگوں کی جو کافر ہیں (کہیں گے) ہائے ہماری تباہی! بے شک ہم تو غفلت میں تھے اس (قیامت) سے، بلکہ ہم ہی ظالم تھے

بے شک تم اور جن کی تم عبادت کرتے ہو اللہ کے سوا (وہ) ایندھن ہیں جہنم کے، تم سب اس میں داخل ہو گے

اگر یہ معبود ہوتے تو نہ داخل ہوتے اس (جہنم) میں اور سب اس میں ہمیشہ رہنے والے ہیں

ان کے لیے اس (جہنم) میں چیخیں ہوں گی، اور وہ اس میں کچھ نہیں سن پائیں گے

بے شک وہ لوگ جن کے لیے طے ہے ہماری طرف سے بھلائی، وہ اس (جہنم) سے دور رہیں گے

وہ نہیں سنیں گے اس کی آہٹ بھی، اور وہ اپنے دل کی چاہت (والی جنت) میں ہمیشہ رہیں گے

نہ غم میں ڈالے گی انہیں بڑی گھبراہٹ بھی، اور ملاقات کریں گے ان سے فرشتے (فرشتے کہیں گے) یہی وہ تمہارا دن ہے جس کا تم سے وعدہ دیا گیا تھا

اس دن ہم لپیٹ دیں گے آسمان کو جیسے لپیٹا جاتا ہے طومار کتابوں کا (یعنی کاغذ) جس طرح ہم نے پہلی بار پیدا کیا تھا دوبارہ بھی پیدا کریں گے، یہ وعدہ ہے ہمارے ذمہ، بے شک ہم (ایسا) کرنے والے ہیں

اور یقیناً ہم نے لکھا ہے زبور (داؤدؑ پر نازل ہونے والی کتاب) میں نصیحت کے بعد، کہ بے شک زمین کے وارث میرے نیک بندے ہی ہوں گے

بے شک اس میں پیغام ہے عبادت گزاروں کے لیے

اور (اے نبیؐ) ہم نے بھیجا ہے تمہیں رحمت بنا کر جہان والوں کے لئے

کہہ دو وحی کی جاتی ہے میری طرف، کہ تمہارا معبود ایک معبود ہے، تو کیا تم اسلام لاتے ہو؟

پھر اگر وہ پھر جائیں تو کہہ دو میں نے خبر دے دی ہے تمہیں سیدھی راہ کی، اور مجھے نہیں معلوم کہ قریب ہے یا دور ہے جس (قیامت) کا تم سے وعدہ کیا جا رہا ہے

بیشک وہ جانتا ہے کہ پکار کر کہو بات، اور وہ جانتا ہے کہ تم چھپا کے کہو

اور میں نہیں جانتا کہ (قیامت میں تاخیر) شاید آزمائش ہو تمہارے لیے، اور یا فائدہ اٹھانا (مقصد) ہو ایک وقت تک

کہا (نبی نے) اے میرے رب! فیصلہ کر دے انصاف کے ساتھ، اور ہمارا رب بڑا مہربان ہے (ہم) مدد مانگتے ہیں اسی سے (ان باتوں) پر جو تم بیان کرتے ہو