طه

طہٰ

ہم نے تم پر قرآن اس لیے نازل نہیں کیا کہ تم تکلیف میں پڑ جاؤ

بلکہ یہ نصیحت ہے اس شخص کے لیے جو ڈرتا ہے

نازل کیا ہوا ہے (اس کی طرف سے) جس نے پیدا کیا ہے زمین اور بلند آسمانوں کو

رحمان (وہ ہے جو) عرش پر قائم ہے

اسی کا ہے جو کچھ آسمانوں میں ہے اور جو کچھ زمین میں ہے اور جو کچھ زمین کے نیچے ہے

اور اگر تو پکار کر کہے بات (اللہ کے سامنے) تو بے شک وہ جانتا ہے چھپی بات اور بہت چھپی بات

اللہ کے سوا کوئی معبود نہیں، اس کے سب نام اچھے ہیں

اور کیا پہونچی ہے تجھے موسیٰ کی بات

جب اس نے دیکھی آگ تو اپنے گھر والوں سے کہا کہ ٹھہرو میں نے محسوس کی ہے آگ تاکہ میں لاؤں تمہارے لئے وہاں سے کوئی چنگاری، یا میں پاؤں آگ کے پاس کوئی راہ

پھر جب وہ آئے اس کے پاس تو آواز دی گئی کہ اے موسیٰ!

میں تمہارا رب ہوں تو تم اتار لو اپنی جوتیاں، بے شک تم پاک وادی طویٰ میں ہو

اور میں نے چن لیا ہے تمہیں، تو سنو جو وحی کی جارہی ہے

بے شک میں ہی اللہ ہوں میرے سوا کوئی معبود نہیں، تو میری ہی عبادت کرو، اور نماز قائم کرو میری یاد کیلئے

بے شک قیامت آنے والی ہے میں نے چھپا رکھا ہے اسے تاکہ بدلہ دیا جائے ہر شخص کو جو وہ کوشش کرتا ہے (اس کا)

تو ہرگز وہ نہ روک دے تمہیں اس (قیامت) سے جو ایمان نہیں رکھتا اس پر اور اتباع کرتا ہے اپنی خواہشات کی ورنہ تم تباہ ہو جاؤ گے

اور تمہارے دائیں ہاتھ میں کیا ہے اے موسیٰ؟

کہا یہ میری لاٹھی ہے، میں ٹیک لگاتا ہوں اس پر، اور پتے جھاڑتا ہوں اس سے اپنی بکریوں پر، اور میرے لیے اس میں دوسرے کام بھی ہیں

فرمایا ڈال دو اسے اے موسیٰ

پھر اسے ڈال دیا تو اسی وقت وہ (عصا) سانپ بن گیا دوڑتا ہوا

فرمایا پکڑ لو اسے اور خوف نہ کرو، جلد ہی ہم لوٹا دیں گے اسے اس کی پہلی حالت پر

اور (اے موسیٰ) ملا لو اپنا ہاتھ اپنے بغل سے نکلے گا (ہاتھ) سفید ہو کر بغیر کسی عیب کے یہ دوسری نشانی ہے

تاکہ ہم دکھائیں تجھے اپنی بڑی نشانیوں میں سے (بعض نشانی)

جاؤ فرعون کے پاس بیشک وہ سرکش ہو گیا ہے

کہا اے میرے رب! کھول دے میرے سینے کو

اور آسان کر دے میرے لیے میرے کام کو

اور کھول دے گرہ کو میری زبان سے

(کہ) وہ سمجھیں میری بات

اور بنا دے میرے لیے وزیر (یعنی مددگار) میرے گھرانے سے

ہارون میرے بھائی کو

مضبوط کر دے اس کے ذریعے میری کمر کو

اور شریک کر دے اسے میرے کام میں

تاکہ ہم تسبیح کریں تیری کثرت سے

اور ہم یاد کریں تجھے کثرت سے

بے شک (اے ہمارے رب) تو ہمیں خوب دیکھ رہا ہے

فرمایا یقیناً عطا کیا گیا تجھے اے موسیٰ! تو نے جو سوال کیا ہے

اور یقیناً ہم نے احسان کیا ہے تجھ پر ایک دفعہ اور بھی

جب ہم نے دل میں بات ڈالی تھی تیری ماں کے جو ڈالنی تھی

کہ ڈال دو اسے صندوق میں، پھر ڈال دو اسے دریا میں، پھر ڈال دے گا اسے دریا ساحل (یعنی کنارے) پر، اٹھا لے گا اسے میرا دشمن اور اس کا دشمن اور میں نے ڈال دی تجھ پر محبت اپنی طرف سے، اور تاکہ تو پرورش پائے میری آنکھوں کے سامنے

جب جا رہی تھی تیری بہن تو کہہ رہی تھی کیا میں تمہیں بتاؤں ایسی عورت کے بارے میں جو اس کی پرورش کریں پھر ہم نے لوٹا دیا تجھے تیری ماں کے پاس تاکہ ٹھنڈی ہو اس کی آنکھ اور غم نہ کرے، اور تم نے قتل کیا ایک شخص کو پھر ہم نے نجات دی تمہیں اس غم سے، اور ہم نے آزمایا تمہیں اچھی طرح، پھر تم ٹھہرے رہے کئی سال مدین والوں میں، پھر تم آئے تقدیر سے اے موسیٰ

اور میں نے چن لیا تجھے اپنے لئے

جاؤ تم اور تمہارا بھائی میری نشانیاں لے کر، اور تم دونوں کوتاہی نہ کرنا میری یاد میں

تم دونوں جاؤ فرعون کے پاس بیشک وہ سرکش ہو گیا ہے

تم دونوں کہو اس سے نرمی سے بات، شاید وہ نصیحت پکڑے یا ڈرے

ان دونوں نے کہا اے ہمارے رب! ہمیں خوف ہے کہ وہ زیادتی کرے ہم پر یا یہ کہ سرکشی کرے

فرمایا تم دونوں خوف مت کرو میں ساتھ ہوں تم دونوں کے سن رہا ہوں اور دیکھ رہا ہوں

تو تم دونوں جاؤ اس کے پاس اور کہو کہ بیشک ہم رسول ہیں تیرے رب کا تو بھیجو ہمارے ساتھ بنی اسرائیل کو اور مت تکلیف دو انہیں، ہم آئے ہیں تیرے پاس نشانی لے کر تیرے رب کی طرف سے، اور سلامتی ہے اس پر جو اتباع کرے ہدایت کی

بے شک وحی کی گئی ہے ہماری طرف کہ بے شک عذاب اس پر ہو گا جو جھٹلائے گا اور منہ پھیرے گا

کہا کون ہے تم دونوں کا رب اے موسیٰ؟

کہا ہمارا رب وہ ہے جس نے عطا کی ہر چیز کو اس کی خلقت (یعنی صورت) پھر رہنمائی کی

کہا پھر کیا حال ہے پہلی امتوں کا؟

کہا ان کا علم میرے رب کے پاس ہے کتاب (لوح محفوظ) میں نہ غلطی کرتا ہے میرا رب اور نہ بھولتا ہے

جس نے بنایا تمہارے لیے زمین کو بچھونا، اور بنائے تمہارے لیے اس میں راستے، اور نازل کیا آسمان سے پانی، پھر ہم نے نکالیں اس کے ذریعے جوڑوں میں نباتات (یعنی سبزیاں) مختلف طرح کی

کھاؤ اور چراؤ اپنے جانوروں کو بیشک اس میں نشانیاں ہیں عقل والوں کے لیے

اسی (زمین) سے ہم نے پیدا کیا تمہیں، اور اسی میں ہم لوٹائیں گے تمہیں، اور اسی سے ہم نکالیں گے تمہیں دوسری مرتبہ

اور یقیناً ہم نے دکھائیں اس (فرعون) کو، اپنی ساری نشانیاں تو اس نے جھٹلایا اور انکار کیا

کہا کیا تو اس لیے آیا ہے ہمارے پاس، تاکہ تو نکال دئے ہمیں ہمارے ملک سے اپنے جادو کے ذریعے اے موسیٰ!

تو ہم بھی لائیں گے تیرے مقابلے میں ایسا ہی جادو، تو کر لو ہمارے اور تمہارے درمیان ایک وعدہ (مقرر) نہ ہم خلاف کریں اس کا اور نہ تم، کسی کھلے میدان میں

کہا تمہارا وعدہ یوم الزینہ (یعنی جشن کا دن) ہے، اور جمع کئے جائیں لوگ دن چڑھتے ہی

تو لوٹا فرعون اور جمع کیا اپنے مکر کا سامان پھر آیا

کہا ان (فرعونیوں) سے موسیٰ نے تباہی ہو تمہاری، تم مت افتراء کرو اللہ پر جھوٹ، ورنہ وہ ہلاک کر دے گا تمہیں عذاب کے ذریعے، اور بیشک وہ نامراد ہوا جس نے افتراء کیا

پھر تنازع (یعنی جھگڑا) ہو گیا اپنے معاملے میں آپس میں (جادوگروں کو) اور چپکے مشورہ کرنے لگے

کہا (بعض جادوگر نے) بیشک یہ دونوں جادوگر ہیں چاہتے ہیں کہ یہ دونوں نکال دیں تمہیں تمہارے ملک سے اپنے جادو کے ذریعے، اور ختم کر دیں تمہارے مثالی طریقے کو

تو جمع کرو تم اپنی تدبیر پھر آؤ صف بصف ہو کر، اور یقیناً آج فلاح وہی پائے گا جو اعلی (یعنی غالب) رہے گا

انہوں نے کہا اے موسیٰ! تم ڈالو یا ہم ہو جائیں پہلے ڈالنے والے

کہا (موسیٰ نے) بلکہ تم ڈالو، تو اچانک ان کی رسیاں اور لاٹھیاں اس (موسیٰ) کے خیال میں ان کے جادو سے یقینی طور پے دوڑنے لگیں

تو جس کیا (یعنی محسوس کیا) اپنے دل میں خوف موسیٰ نے

ہم نے کہا خوف مت کرو بیشک تو ہی اعلی (یعنی غالب) رہے گا

اور ڈال دو جو تمہارے دائیں ہاتھ میں ہے نگل جائے گا جو کچھ انہوں نے بنایا ہے، جو کچھ انہوں نے بنایا ہے وہ صرف جادوئی چال ہے، اور جادوگر فلاح نہیں پاتے چاہے جہاں ہوں

تو گر گئے جادوگر سجدے میں، انہوں نے کہا ہم ایمان لاتے ہیں ہارون اور موسیٰ کے رب پر

(فرعون نے) کہا تم ایمان لاتے ہو اس پر قبل اس کے کہ میں اجازت دوں تمہیں بے شک یہ تمہارا بڑا ہے جس نے سکھایا ہے تمہیں جادو، تو میں ضرور کاٹ دوں گا تمہارے ہاتھ اور تمہارے پیر خلاف (یعنی دوسری) سمت سے، اور میں ضرور سولی دوں گا تمہیں کھجور کے تنوں میں (لٹکا کر) اور یقیناً تم جان لو گے ہم میں کس کا عذاب زیادہ سخت اور زیادہ باقی رہنے والا ہے

کہا ہم ہرگز ترجیح نہیں دیں گے تجھے اس پر جبکہ آچکی ہیں ہمارے پاس کھلی نشانیاں اور (نہ اس کے مقابلہ میں) جس نے ہمیں پیدا کیا، تو تم فیصلہ کرو جو تمہیں فیصلہ کرنا ہے، تو فیصلہ کر سکتا ہے صرف اس دنیا کی زندگی میں

بے شک ہم ایمان لائے ہیں اپنے رب پر، تاکہ مغفرت کردے وہ ہماری خطاؤں کی اور جو تو نے زبردستی کرایا ہے ہم سے جادو اس پر بھی اور اللہ بہتر اور باقی رہنے والا ہے

بے شک جو شخص آئے گا اپنے رب کے پاس مجرم بن کر، تو بیشک اس کے لیے جہنم ہے، نہ مرے گا اس میں اور نہ جیے گا

اور جو آئے گا مومن بن کر (اس کے پاس) یقیناً اس نے اچھے کام بھی کیے ہوں گے تو یہی ہیں وہ جن کے درجات اعلی ہوں گے

ہمیشہ کے باغات ہیں جن کے نیچے بہتی ہوں گی نہریں، وہ ان میں ہمیشہ رہیں گے، اور یہ بدلہ ہے اس کا جس نے پاکی اختیار کی (کفر سے)

اور یقیناً ہم نے وحی کی موسیٰ کو کہ رات میں لے کر نکلو میرے بندوں کو، اور مارو (لاٹھی) ان کیلئے دریا میں خشک راستہ بنانے کے لیے، خوف نہ کرو پکڑے جانے کا، اور نہ کوئی اور خوف کرو

تو پیچھا کیا ان کا فرعون نے اپنی فوج کو لے کر، تو ڈھانپ لیا انہیں دریا نے جیسا ڈھانپنا (طے) تھا انہیں

اور گمراہ کیا فرعون نے اپنی قوم کو اور اس نے رہنمائی نہیں کی

اے بنی اسرائیل! یقیناً ہم نے نجات دی تمہیں تمہارے دشمن سے اور ہم نے وعدہ کیا تم سے طور کی دائیں جانب اور ہم نے نازل کیا تم پر من (شہد، یا اولے جیسی) اور سلوی (بٹیر جیسی چیز)

کھاؤ پاک چیزوں میں سے جو ہم نے رزق دیا ہے تمہیں اور حد سے نہ گزرو اس میں ورنہ حائل (یعنی نازل) ہو گا تم پر میرا غضب، اور جس پر حائل ہوا میرا غضب تو یقیناً وہ تباہ ہوا

اور بیشک میں بڑا مغفرت والا ہوں اس کی جو توبہ کرے اور ایمان لائے اور صالح عمل کرے، پھر ہدایت پر قائم رہے

اور کیا تم نے جلدی کی اپنی قوم سے (پہلے آنے میں) اے موسیٰ!

کہا وہ بھی میرے پیچھے ہی ہیں، اور میں نے اسلئے جلدی کی تیری طرف آنے میں اے میرے رب کہ تو راضی ہو جائے

فرمایا ہم نے آزمائش میں ڈال دیا ہے تیری قوم کو تیرے (یہاں آنے کے) بعد، اور گمراہ کر دیا ہے انہیں سامری نے

تو لوٹے موسیٰ اپنی قوم کی طرف غصے میں افسوس کرتے ہوئے کہا (موسیٰ نے) اے میری قوم! کیا تمہارے رب نے تم سے اچھا وعدہ نہیں کیا تھا، کیا تم پر بہت لمبا زمانہ گزر گیا تھا، یا تم نے چاہا کہ نازل ہو تم پر غضب تمہارے رب کا، تو تم نے میرے وعدے کا خلاف (اسلئے) کیا؟

انہوں نے کہا ہم نے نہیں خلاف کیا آپ کے وعدے کا اپنی مرضی سے اور لیکن ہم پر لدھوایا (یعنی اٹھوایا) گیا تھا قوم کے زیور کا بوجھ، تو ہم نے ڈال دیا اسے، پھر اسی طرح ڈھال (کر بچھڑا بنا) دیا سامری نے

تو نکال دیا ان کے لیے ایک بچھڑا (بنا کر) ایک جسم تھا اس کا ڈکارتا بھی تھا (بیل کی طرح) پھر کہا یہ معبود ہے تمہارا اور معبود ہے موسیٰ کا، بھول گیا (تمہیں موسیٰ)

تو کیا وہ دیکھتے نہیں کہ وہ (بچھڑا) نہیں لوٹاتا انہیں کسی بات کا جواب، اور نہیں مالک ان کے نقصان اور نفع کا

اور یقیناً کہہ دیا تھا انہیں ہارون نے اس سے پہلے کہ اے میری قوم تمہاری آزمائش کی گئی ہے اس (بچھڑے) کے ذریعے، اور بیشک تمہارا رب رحمان ہی ہے تو تم میری اتباع کرو اور اطاعت کرو میرے حکم کی

انہوں نے کہا ہم ہرگز نہیں ہٹیں گے اس پر سے، جمے رہیں گے، یہاں تک کہ لوٹ آئے ہمارے پاس موسیٰ

کہا اے ہارون! تمہیں کس چیز نے منع کیا (روکنے سے) جب تم نے دیکھا کہ یہ گمراہ ہو گئے ہیں

کہ نہ اتباع کی تو نے میری (قوم کو روکنے میں) کیا تو نے نافرمانی کی میرے حکم کی؟

کہا اے میرے ماں کے بیٹے مت پکڑو میری داڑھی اور سر (کے بال) بیشک میں ڈرا اس سے کہ تو کہے گا تو نے تفرقہ ڈال دیا بنی اسرائیل کے درمیان، اور نہ لحاظ کیا میری بات کا

کہا تو نے کیوں ایسا کیا اے سامری؟

کہا میں نے وہ چیز دیکھی جسے دوسروں نے نہ دیکھی پھر میں نے قبضے میں کر لیا رسول (یعنی جبریل) کے اثر (یعنی قدم کی مٹی) کو، اور میں نے ڈال دی اس (مٹی) کو اور اس طرح کی بات گھڑی میرے لئے میرے نفس نے

کہا تو چلا جا بیشک تیرے لیے زندگی میں (یہ سزا) ہے کہ تو کہتا پھرے گا کہ نہ مس کرنا (یعنی نہ چھونا مجھے) اور تیرے لیے ایک وعدہ ہے جس کا خلاف ہرگز نہ کیا جائے گا (قیامت کا عذاب) اور تو دیکھ اپنے معبود کو جس پر تو تھا جما ہوا، ہم ضرور جلادیں گے اسے پھر ہم ضرور پھینک دیں گے اسے دریا میں اچھی طرح

تمہارا معبود اللہ ہے جس کے سوا کوئی معبود نہیں، وسیع ہے ہر چیز کا علم (اس ذات کو)

اسی طرح ہم بیان کرتے ہیں تجھ پر خبریں گزرے ہوئے لوگوں کی، اور یقیناً ہم نے عطا کی ہے تجھے اپنی طرف سے ایک نصیحت

جس نے اعراض کیا اس (نصیحت) سے، تو بے شک وہ اٹھائے گا قیامت کے دن بوجھ

اس میں ہمیشہ رہیں گے اور کیا ہی برا ہو گا ان کے لیے قیامت کے دن کا بوجھ

جس دن پھونکا جائے گا صور میں، اور ہم جمع کریں گے مجرموں کو اس دن نیلی آنکھوں والے بنا کر

وہ خوف سے (چپکے) آپس میں باتیں کریں گے، (کہیں گے) کہ تم صرف دس دن ٹھہرے (دنیا میں)

ہم خوب جانتے ہیں جو کچھ وہ کہیں گے، جب کہے گا ان میں کا مثالی (یعنی سمجھدار) کہ تم ٹھہرے صرف ایک دن (دنیا میں)

اور وہ سوال کرتے ہیں تم سے پہاڑوں کے بارے میں تو تم کہہ دو اڑا دے گا انہیں میرا رب

تو وہ چھوڑے گا زمین کو چٹیل میدان بنا کر

نہیں دیکھے گا تو اس (زمین) میں کجی اور نہ ہی ٹیلہ

اس دن اتباع کریں گے سب لوگ پکارنے والے (فرشتے) کی، اس میں کوئی کجی نہیں ہوگی، اور دب جائیں گی آوازیں رحمان کے (ڈر سے) پھر تو نہیں سنے گا (پاؤں کی) آہٹ کے سوا کچھ

اس دن نہیں نفع دے گی سفارش، مگر جسے اجازت دی ہو رحمان نے، اور وہ راضی بھی ہو اس کی بات سے

وہ جانتا ہے جو کچھ ان کے آگے اور جو کچھ ان کے پیچھے ہے، اور وہ نہیں احاطہ کر سکتے اس کے علم کا

اور جھک جائیں گے چہرے حیّ اور قیوم کے سامنے اور یقینا نامراد ہو گا وہ جو ظلم کا بوجھ اٹھا لائے گا

اور جو شخص عمل کرے گا نیک اور وہ مومن بھی ہو تو نہ خوف ہو گا اسے ظلم کا اور نہ حق تلفی کا

اور اسی طرح ہم نے نازل کیا ہے اس قرآن کو عربی میں اور ہم نے پھیر پھیر کے بیان کیں اس میں وعید (یعنی ڈرانے کی باتیں) تاکہ وہ ڈریں، یا نئی کرتا رہے (اللہ) ان (لوگوں) کیلئے نصیحت

تو اللہ کی ذات اعلی ہے مالک برحق ہے، اور تم جلدی نہ کرو قرآن کے پڑھنے میں قبل اس کے کہ پوری ہو جائے تمہاری طرف وحی اور کہو اے میرے رب! میرے علم میں زیادتی عطا فرما

اور یقیناً ہم نے عہد لیا تھا اس سے پہلے آدم سے، پھر وہ بھول گیا اور ہم نے نہیں پایا اسے عزم (یعنی پکا عہد) پر

اور جب ہم نے فرشتوں سے کہا کہ آدم کو سجدہ کرو تو سوائے ابلیس کے سب نے سجدہ کیا، اس نے انکار کیا

پھر ہم نے کہا اے آدم! بے شک یہ دشمن ہے تیرا اور تیری بیوی کا، تو یہ تم دونوں کو جنت سے نکال نہ دے، پھر تو تکلیف میں پڑ جائے

بیشک تمہیں بھوک نہیں لگے گی اس میں، اور نہ تو ننگا ہو گا

اور بیشک تو نہ پیاسا ہو گا اس میں، اور نہ تجھے دھوپ لگے گی

تو وسوسہ ڈالا اس کے (دل میں) شیطان نے کہا اے آدم! کیا میں بتاؤں تجھے ہمیشگی کا درخت اور وہ بادشاہت جو پرانی نہ ہو

پھر دونوں نے کھا لیا اس (درخت) سے، تو ظاہر ہو گئیں ان دونوں کے سامنے دونوں کی شرمگاہیں اور لگے جوڑنے اپنے اوپر جنت کے پتے، اور نافرمانی کی آدم نے اپنے رب کی تو وہ بہک گیا

پھر چن لیا اسے اس کے رب نے تو توبہ قبول کی اس کی، اور راہ دکھائی

فرمایا اتر جاؤ تم دونوں یہاں سے، تم ایک دوسرے کے دشمن ہو گے، پھر جب آئے گی تمہارے پاس میری طرف سے ہدایت تو جو اتباع کرے گا میری ہدایت کی تو نہ وہ گمراہ ہو گا اور نہ تکلیف اٹھائے گا

اور جو اعراض کرے گا میرے ذکر سے تو بیشک اس کی معیشت (یعنی زندگی) تنگ ہوگی اور ہم اٹھائیں گے اسے قیامت کے دن اندھا کر کے

وہ کہے گا اے میرے رب! تو نے کیوں اٹھایا مجھے اندھا کر کے اور یقیناً میں بینا (یعنی آنکھ والا) تھا

فرمائے گا اسی طرح آتی تھیں تیرے پاس ہماری آیتیں، تو تم نے بھلا دیا تھا انہیں، اور اسی طرح آج تو بھی بھلا دیا گیا

اور اسی طرح ہم بدلہ دیں گے اسے جو حد سے بڑھا، اور نہ لایا ایمان اپنے رب کی آیتوں پر، اور یقیناً آخرت کا عذاب زیادہ شدید اور زیادہ باقی رہنے والا ہے

تو کیا راہ نہیں پائے (اہل مکہ) کہ ہم نے ہلاک کیا ہے ان سے پہلے کتنی امتوں کو، یہ لوگ چلتے پھرتے ہیں ان کی جگہوں سے، بیشک اس میں نشانیاں ہیں عقل والوں کے لیے

اور اگر یہ بات طے نہ ہوتی تمہارے رب کی طرف سے، تو لازم ہوتا (عذاب) اور وقت مقرر نہ ہوتا تو

تو تم صبر کرو اس پر جو وہ کہتے ہیں اور تسبیح کرو حمد کے ساتھ اپنے رب کی سورج طلوع ہونے سے پہلے اور غروب ہونے سے پہلے اور رات کے اوقات میں، اور تسبیح کرو اطراف میں دن کے (صبح اور شام) تاکہ تجھے رضامندی حاصل ہو

اور نہ دوڑاؤ تم اپنی نظروں کو ان چیزوں کی طرف جو ہم نے دئے ہیں انہیں سامان اور جوڑے یہ رونق ہیں دنیوی زندگی کی تاکہ ہم آزمائیں انہیں اس میں، اور تیرے رب کا رزق بہتر اور باقی رہنے والا ہے

اور حکم کرو اپنے گھر والوں کو نماز کا اور خود بھی قائم رہو اس پر نہیں سوال کرتے ہم تم سے روزی کا، ہم روزی دیتے ہیں تمہیں اور بہتر انجام متقیوں کا ہے

اور وہ کہتے ہیں کیوں نہیں وہ (یعنی نبی) لے آتا ہمارے پاس کوئی نشانی اپنے رب کے پاس سے کیا نہیں آئی ان کے پاس دلیلیں پہلی کتابوں میں

اور اگر ہم ہلاک کر دیتے ان (اہل مکہ) کو کسی عذاب سے اس سے پہلے تو کہتے اے ہمارے رب! کیوں نہیں بھیجا تو نے کوئی رسول ہمارے پاس، تاکہ ہم اتباع کرتے تیری آیتوں کی اس سے پہلے کہ ہم ذلیل اور رسوا ہوتے

کہہ دو ہر ایک سے کہ انتظار کرے اور تم بھی انتظار کرو تو جلد ہی تمہیں معلوم ہو جائے گا کہ کون ہے سیدھی راہ پر، اور کون ہے ہدایت پانے والا