اتل ما أوحي

اور اہل کتاب سے نہ جھگڑو مگر ایسے طریقے سے جو بہتر ہو، مگر جو ظالم ہیں ان میں (انہیں سخت جواب دے سکتے ہو) اور کہہ دو ہم ایمان لاتے ہیں اس پر جو ہماری طرف نازل کیا گیا اور جو نازل کیا گیا ہے تمہاری طرف، اور ہمارا اور تمہارا معبود ایک ہی ہے، اور ہم اسی کے فرمانبردار ہیں

اور اسی طرح ہم نے نازل کی تیری طرف کتاب (قرآن) کو تو جنہیں ہم نے عطا کی کتاب وہ (بعض اہل کتاب بھی) اس پر ایمان لاتے ہیں، اور ان (مشرکین) میں بھی بعض ایمان لاتے ہیں اس پر، اور نہیں کرتے انکار ہماری آیتوں کا مگر کافر (ہی کرتے ہیں)

اور (اے نبی!) تم نہیں پڑھتے تھے اس سے پہلے کوئی کتاب اور نہ لکھتے تھے اسے اپنے دائیں ہاتھ سے (اگر ایسا ہوتا) تو باطل اور شک میں پڑ جاتے

بلکہ یہ کھلی آیتیں ہیں ان کے دلوں میں جنہیں عطا کیا گیا علم، اور نہیں کرتے انکار ہماری آیتوں کا مگر ظالم (ہی کرتے ہیں)

اور (کافر) کہتے ہیں کیوں نہیں نازل کی گئیں اس (نبی) پر نشانیاں اس کے رب کی طرف سے، کہہ دو نشانیاں اللہ کے پاس ہیں اور میں تو صرف کھل کر ڈرانے والا ہوں

کیا کافی نہیں ان کیلئے (یہ نشانی کہ) بیشک ہم نے نازل کی تجھ پر کتاب جو ان پر بھی پڑھی جاتی ہے بیشک اسمیں رحمت ہے اور نصیحت ہے ایمان والوں کیلئے

(اے نبی!) کہہ دو کافی ہے اللہ کی گواہی میرے اور تمہارے درمیان، وہ جانتا ہے جو کچھ آسمانوں اور زمین میں ہے، اور جو لوگ ایمان لاتے ہیں باطل پر (اللہ کے علاوہ پر) اور انکار کرتے ہیں اللہ کا، وہی خسارہ اٹھانیوالے ہیں

اور (یہ کافر) جلدی کر رہے ہیں تجھ سے عذاب کیلئے، اور اگر وقت مقرر نہ ہوتا تو یقینا آجاتا ان پر عذاب اور یقینا آئے گا (عذاب) ان پر اچانک اور وہ سمجھ بھی نہ سکیں گے

وہ جلدی کر رہے ہیں تجھ سے عذاب کیلئے، اور بیشک جہنم نے گھیر رکھا ہے کافروں کو

جس دن ڈھانک لے گا انہیں عذاب ان کے اوپر سے اور ان کے پاؤں کے نیچے سے (یعنی ہر طرف سے) اور اللہ فرمائے گا چکھو مزہ (عذاب کا) جو عمل تم کیا کرتے تھے

اے میرے وہ بندو جو ایمان لائے ہو بیشک میری زمین وسیع (یعنی لمبی چوڑی) ہے تو تم میری ہی عبادت کرو (دین کے عمل میں پریشانی ہو تو ہجرت کر جاؤ)

ہر جان کو موت کا مزہ چکھنا ہے، پھر ہماری ہی طرف تم لوٹائے جاؤ گے

اور جو ایمان لائے اور عمل کئے نیک یقینا ہم ٹھکانہ دیں گے انہیں جنت کے بالا خانوں (یعنی اونچے محل) میں جن کے نیچے نہریں بہتی ہوں گی ہمیشہ رہیں گے وہ اسمیں کیا ہی بہتر اجر ہے عمل کرنیوالوں کا

(یہ ان کیلئے ہے) جنہوں نے صبر کیا اور جو اپنے رب پر توکل کرتے ہیں

اور کتنے ہی جانور ہیں جو نہیں اٹھا پاتے (یعنی لے پاتے) اپنا رزق، اللہ ہی رزق دیتا ہے انہیں اور تمہیں بھی، اور وہ سننے والا جاننے والا ہے

اور یقینا اگر تم سوال کرو ان سے کہ کس نے پیدا کیا آسمانوں اور زمین کو اور کس نے مسخر (یعنی قابو میں) کیا سورج اور چاند کو؟ تو یقینا وہ کہیں گے اللہ نے، پھر کہاں وہ بہک رہے ہیں؟

اللہ کشادہ (یعنی زیادہ) کرتا ہے رزق جس کیلئے چاہتا ہے اپنے بندوں میں سے اور وہ تنگ کرتا ہے اس کے لئے، بیشک اللہ ہر چیز کا جاننے والا ہے

اور یقینا اگر تم سوال کرو ان سے کہ کون نازل کرتا ہے آسمان سے پانی، پھر کون حیات دیتا ہے اس کے ذریعے زمین کو اس کی موت کے بعد؟ تو یقینا وہ کہیں گے اللہ کہہ دو تمام تعریف اللہ ہی کیلئے ہے، لیکن ان میں سے اکثر عقل نہیں رکھتے

اور یہ دنیا کی زندگی تو صرف کھیل اور تماشہ ہے، اور بیشک آخرت کا گھر ہی اصل زندگی ہے، کاش کہ وہ لوگ جانتے

تو جب یہ (مشرکین) سوار ہوتے ہیں کشتی میں تو پکارتے ہیں اللہ کو مخلص بنکر اسکے دین میں، پھر جب انہیں نجات دے کر لے آتا ہے خشکی کیطرف تو جب ہی وہ شرک کرنے لگتے ہیں

تاکہ ناشکری کریں اس نعمت کی جو ہم نے عطا کی انہیں، اور انہیں چاہئے کہ فائدہ اٹھالیں، تو عنقریب انہیں معلوم ہو جائے گا

کیا وہ نہیں دیکھتے کہ بیشک ہم نے بنایا ہے حرم کو امن کی جگہ اور لوگ اچک لئے جاتے ہیں اس کے آس پاس سے (یہ امن انہیں حرم کی وجہ سے ہے) تو کیا یہ باطل پر ایمان رکھتے ہیں اور اللہ کی نعمت کی ناشکری کرتے ہیں

اور کون ہو گا اس سے بڑا ظالم؟ جو اللہ پر جھوٹ باندھے یا جھٹلائے حق کو جب کہ (حق) آچکا ہے اس کے پاس، کیا جہنم میں ٹھکانہ نہیں ہے کافروں کا

اور جنہوں نے جہاد کیا ہمارے راستے میں، ہم ضرور رہنمائی کریں گے ان کی اپنے راستے کیطرف، اور بیشک اللہ محسنین (یعنی نیک لوگوں) کے ساتھ ہے

الم

رومی مغلوب ہو گئے (یعنی ہار گئے)

(مکہ والوں سے) نزدیک کے ملک (شام) میں، اور وہ مغلوب ہونے کے بعد عنقریب غالب آجائیں گے

چند ہی سال میں، اللہ کا اختیار ہے پہلے اور بعد میں، اور اس دن مسلمان خوش ہوں گے

اللہ کی مدد سے، اللہ مدد کرتا ہے جسے چاہتا ہے ، اور وہ زبردست رحم کرنیوالا ہے

اللہ کا وعدہ ہے، اللہ اپنے وعدے کے خلاف نہیں کرتا، اور لیکن اکثر لوگ نہیں جانتے

(یہ کافر) جانتے ہیں ظاہری باتیں دنیا کی زندگی کی، اور وہ آخرت سے غافل ہیں

(یہ کافر) غور وفکر نہیں کرتے اپنے اندر، کہ اللہ نے پیدا کیا ہے آسمانوں اور زمین کو اور جو کچھ ان دونوں کے درمیان ہے برحق (یعنی درست) اور وقت مقرر تک کیلئے، اور بیشک بہت سے لوگ اپنے رب کی ملاقات کے انکاری ہیں

کیا (ان کافروں نے) سیر نہیں کیا زمین میں اور دیکھا نہیں کیسا انجام ہوا ان لوگوں کا جو ان سے پہلے تھے وہ ان سے بہت زیادہ قوت والے تھے، اور انہوں نے زمین کو جوتا تھا اور آباد کیا تھا ان سے بہت زیادہ (پہلوں نے) آباد کیا تھا اور آئے تھے ان کے پاس ان کے رسول معجزے لے کر، تو اللہ نے ان پر ظلم نہیں کیا اور لیکن انہوں نے اپنے آپ پہ ظلم کیا

پھر انجام برا ہوا ان کا جنہوں نے برائی کی، اسلئے کہ انہوں نے جھٹلایا تھا اللہ کی آیتوں کو، اور وہ ان کا استہزاء (یعنی مذاق اڑایا) کرتے تھے

اللہ ہی پہلی بار پیدا کرتا ہے مخلوق کو پھر وہ دوبارہ پیدا کرے گا اسے، پھر اسی کی طرف تم لوٹائے جاؤ گے

اور جس دن قیامت قائم ہوگی مایوس ہوں گے مجرم

اور نہ ہوگا ان کیلئے ان کے شرکاء میں سے کوئی سفارش کر نیوالا، اور وہ اپنے شرکاء (یعنی معبودوں) کے انکاری ہو جائیں گے

اور جس دن قیامت قائم ہوگی اس دن وہ متفرق (یعنی جدا) ہو جائیں گے

پھر جو ایمان لائے اور نیک کام کئے تو وہ باغ (یعنی جنت) میں خوشیاں منائیں گے

اور جنہوں نے کفر کیا اور جھٹلایا ہماری آیتوں اور آخرت کی ملاقات کو تو وہ عذاب میں حاضر کئے جائیں گے

تو تسبیح بیان کرو اللہ کی اس وقت جب تم شام کرو اور جب تم صبح کرو

اور اسی کی تعریف ہے آسمانوں اور زمین میں، اور (تسبیح بیان کرو) رات میں اور اسوقت جب تم ظہر (یعنی دوپہر) کرو

وہ نکالتا ہے زندہ کو مردہ سے اور وہ نکالتا ہے مردہ کو زندہ سے، اور وہ زندہ کرتا ہے زمین کو اس کے مرنے (یعنی بنجر ہونے) کے بعد اور اسی طرح تم نکالے جاؤ گے

اور اسکی نشانیوں میں سے ہے کہ پیدا کیا تمہیں مٹی سے پھر تم بشر (یعنی انسان) بن کر پھیل رہے ہو (دنیا میں)

اور اسکی نشانیوں میں سے ہے کہ اس نے پیدا کیا تمہارے لیے تم ہی میں سے جوڑا تاکہ تم سکون حاصل کرو اس سے، اور اس نے بنادیں تمہارے درمیان محبت اور رحمت، بیشک اس میں نشانیاں ہیں غور وفکر کرنیوالوں کیلئے

اور اس کی نشانیوں میں سے ہے پیدا کرنا آسمانوں اور زمین کا اور مختلف ہونا تمہاری زبانوں اور تمہارے رنگوں کا، بیشک اسمیں نشانیاں ہیں جہان والوں کیلئے

اور اس کی نشانیوں میں سے تمہارا سونا ہے رات میں اور دن میں اور تلاش کرناہے تمہارا اس کے فضل کا،بیشک اسمیں نشانیاں ہیں سننے والوں کیلئے

اور اسکی نشانیوں میں سے ہے کہ وہ دکھاتا ہے تمہیں بجلی خوف اور امید دلانے کو اور وہ نازل کرتا ہے آسمان سے پانی تو وہ زندہ کرتا ہے اسکے ذریعے زمین کو اسکی موت کے بعد،بیشک اسمیں نشانیاں ہیں ان لوگوں کیلئے جو عقل رکھتے ہیں

اور اس کی نشانیوں میں سے ہے کہ قائم ہیں آسمان اور زمین اس کے حکم سے، پھر جب بلائے گا تمہیں پکار کر زمین (یعنی قبروں) سے تو تم نکل آؤ گے

اور اسی کا ہے جو کچھ آسمانوں اور زمین میں ہے، سب اس کے فرمانبردار ہیں

اور وہی ہے جو پیدا کرتا ہے پہلی بار پھر اسے دوبارہ لوٹائے گا اور یہ بہت آسان ہے اس پر اور اس کی مثال اعلی ہے آسمانوں اور زمین میں، اور وہ زبردست حکمت والا ہے

وہ بیان فرماتاہے تمہارے لیے ایک مثال تم ہی میں سے، کیا تمہارے لئے جو ملکیت میں تمہارے غلام ہیں وہ شریک ہیں اس رزق میں جو ہم نے تمہیں دیا ہے؟ تو کیا تم (اور وہ) اسمیں برابر ہو، تم ڈرتے ہو ان کے بارے میں جس طرح تم ڈرتے ہو اپنے بارے میں، اسطرح ہم تفصیل سے بیان کرتے ہیں آیتیں عقل والوں کے لئے

بلکہ اتباع کرتے ہیں یہ ظالم اپنی خواہشوں کی بغیر علم کے، کون ہدایت دے سکتا ہے جسے اللہ گمراہ کردے؟ اور نہ ہوگا ان کیلئے کوئی مددگار

تو تم قائم رکھو اپنا رخ دین حنیف کیلئے (اللہ کی طرف) اللہ کی پیدائش کا طریقہ ہے جس پر وہ پیدا کرتا ہے لوگوں کو کوئی تبدیل نہیں کرسکتا اللہ کی پیدائش کو، یہ قائم دین ہے اور لیکن اکثر لوگ جانتے نہیں

رجوع کرو اسی کی طرف اور ڈرو اسی سے اور قائم کرو نماز اور تم نہ ہو جاؤ مشرکوں میں سے

جنہوں نے تفرقہ (یعنی ٹکڑے ٹکڑے) کیا اپنے دین کو اور ہو گئے جماعتوں میں ہر جماعت اپنے پاس کے دین پر خوش ہے

اور جب پہنچتا ہے لوگوں کو ضرر (یعنی دکھ) تو وہ پکارتے ہیں اپنے رب کو رجوع کرتے ہوئے اسی (رب) کی طرف،پھر جب وہ مزہ چکھاتا ہے انہیں اپنی رحمت کا تو بعض فریق ان میں سے اپنے رب کے ساتھ شرک کرنے لگتے ہیں

تاکہ وہ ناشکری کریں جو ہم نے دیا ہے انہیں، تو فائدہ اٹھالو عنقریب تم جان لو گے

کیا ہم نے نازل کی ہے ان پر کوئی دلیل، تو وہ (دلیل) بولتی ہے کہ وہ شرک کریں

اور جب ہم مزہ چکھاتے ہیں لوگوں کو رحمت کا، تو وہ خوش ہوجاتے ہیں اس پر، اور اگر پہنچتی ہے انہیں مصیبت بسبب ان کے ہاتھوں کی کمائی کے، تو وہ ناامید ہو جاتے ہیں

کیا وہ دیکھتے نہیں کہ بیشک اللہ کشادہ (یعنی زیادہ) کرتاہے رزق جس کیلئے چاہتا ہے اور تنگ بھی کرتاہے، بیشک اسمیں نشانیاں ہیں ایمان والوں کیلئے

تو ادا کرو قرابت (یعنی رشتے) دار کو اس کا حق اور مسکین اور مسافروں کو، یہ بہتر ہے ان کیلئے جو چاہتے ہیں اللہ کی رضاء، اور وہی فلاح (یعنی نجات) پانیوالے ہیں

اور جو تم دیتے (یعنی لگاتے) ہو سود پر تاکہ بڑھے لوگوں کے مال میں، تو وہ بڑھتا نہیں اللہ کے پاس، اور جو تم دیتے ہو زکوۃ (جس سے) تم چاہتے ہو اللہ کی رضاء، تو یہی ہیں جن کو اضافے سے (یعنی بڑھا کے) ملے گا

اللہ ہی ہے جس نے پیدا کیا تمہیں پھر اس نے رزق دیا تمہیں پھر وہ موت دے گا تمہیں پھر وہ زندہ کرے گا تمہیں، کیا تمہارے شرکاء میں سے کوئی ہے جو کرسکے ان کاموں میں سے کچھ؟ وہ ذات پاک ہے اور اعلی ہے اس شرک سے جو یہ کرتے ہیں

ظاہر ہوا (یعنی پھیل گیا) فساد خشکی اور دریا میں، جو کمایا لوگوں کے ہاتھوں نے تاکہ (اللہ) مزہ چکھائے انہیں بعض عمل کا جو انہوں نے کئے، تاکہ وہ رجوع کریں (اللہ کی طرف)

کہہ دو چلو پھرو زمین میں اور دیکھو کیسا انجام ہوا ان لوگوں کا جو ان سے پہلے تھے ان میں سے اکثر مشرک تھے

تو قائم رکھو اپنا رخ قائم دین کی طرف، اس سے پہلے کہ آجائے وہ دن جو رد نہ ہو اس کیلئے اللہ کی طرف سے، اس دن جدا ہو جائیں گے (جنتی اور دوزخی)

جس نے کفر کیا تو اسی پر ہو گا اس کا کفر (کا عذاب) اور جس نے صالح عمل کئے تو وہ اپنے لئے تیاری کر رہے ہیں

تاکہ (اللہ) بدلہ دے انہیں جو ایمان لائے اور اچھے کام کئے اپنے فضل سے، بیشک اللہ نہیں پسند کرتا کافروں کو

اور اس کی نشانیوں میں سے یہ ہے کہ وہ بھیجتا ہے ہواؤں کو بشارت والی بناکر، اور تاکہ وہ مزہ چکھائے تمہیں اپنی رحمت کا، اور تاکہ چلیں کشتیاں اس کے حکم سے اور تاکہ تم تلاش کرسکو (روزی) اسکے فضل سے، اور تاکہ تم شکرگزار بنو

اور یقینا ہم نے بھیجے تم سے پہلے رسول انکی قوم کی طرف،تو وہ آئے ان کے پاس نشانیاں لے کر، تو ہم نے انتقام لیا ان سے جنہوں نے جرم کیا، اور حق ہے (یعنی لازم ہے) ہم پر مومنوں کی مدد

اللہ ہی ہے جو بھیجتا ہے ہواؤں کو، پھر وہ (ہوا) اٹھاتی ہیں بادل کو، پھر (اللہ) پھیلا دیتا ہے ان (بادلوں) کو آسمان میں جہاں وہ چاہتا ہے، اور وہ کردیتا ہے ان (بادلوں) کو ٹکڑے ٹکڑے، پھر تم دیکھتے ہو کہ بارش نکلتی ہے اس کے بیچ سے پھر وہ (اللہ) پہونچاتا ہے اس (بارش) کو اپنے بندوں میں سے جسے چاہتا ہے، جب وہ خوشیاں منانے لگتے ہیں

اور اگرچہ وہ اس (بارش) کے اپنے اوپر نازل ہونے سے پہلے نا امید تھے

تو دیکھو اللہ کی رحمت کے آثار، کہ کیسے وہ حیات دیتا ہے زمین کو اس کے مرنے کے بعد،بیشک وہی زندہ کرنیوالا ہے مردوں کو، اور وہ ہر چیز پر قادر ہے

اور اگر ہم بھیجیں ایسی ہوا جسے وہ دیکھیں زرد(یعنی کھیتی خراب کرنیوالی ہوا) تو اسکے بعد وہ ناشکری کرتے ہیں

بیشک تو نہیں سنا سکتا مردوں کو اور نہیں سنا سکتا بہروں کو پکار، جبکہ وہ بھاگ رہے ہوں پیٹھ پھیر کر

اور نہ ہی تم ہدایت دے سکتے اندھوں کو ان کی گمراہی سے، تم اسی کو سنا سکتے ہو جو ایمان رکھتا ہو ہماری آیتوں پر، اور وہ فرمانبردار ہو

اللہ ہی ہے جس نے پیدا کیا تمہیں ضعف(یعنی کمزوری کی حالت) میں، پھر اس نے بنائی ضعف کے بعد قوت پھر بنایا قوت کے بعد ضعف اور بڑھاپا، وہ پیدا کرتا ہے جو چاہتاہے، اور وہی جاننے والا قدرت والا ہے

اور جس دن قیامت قائم ہوگی قسمیں کھائیں گے مجرمین کہ وہ نہیں ٹھہرے (دنیا میں) ایک گھڑی سے زیادہ اسی طرح (جبکہ آج دنیا میں)وہ بہک رہے ہیں

اور وہ کہیں گے جن کوعطا کیا گیا تھا علم اور ایمان (یعنی فرشتے،انبیاء،اور مؤمنین کہ) یقینا تم ٹھہرے اللہ کی کتاب کے مطابق قیامت تک، تو یہ دن اٹھائے جانے کا دن ہے (قبروں سے) اور لیکن تم نہیں جانتے تھے (کہ وہ آئے گی)

تو اس دن نہیں فائدہ دے گا ظالموں کو ان کا عذر (یعنی بہانہ) اور نہ ان کی توبہ قبول کی جائے گی

اور یقینا ہم نے بیان کی ہے لوگوں کے لئے اس قرآن میں ہرطرح کی مثال، اور اگر تم لے آؤ ان کے سامنے کوئی نشانی، تو ضرورکہیں گے کافر کہ تم باطل (یعنی جھوٹے) ہو

اسی طرح اللہ مہر لگا دیتا ہے ان کے دلوں پر جو نہیں جانتے

تو تم صبر کرو (اے نبی) بیشک اللہ کا وعدہ سچا ہے، اور ہرگزنہ ہلکا (یعنی بے صبر) کردیں تمہیں وہ لوگ جویقین نہیں رکھتے

الم

یہ آیتیں ہیں حکمت والی کتاب کی

(اور) ہدایت ہے محسنین کیلئے

(محسنین وہ ہیں) جو قائم کرتے ہیں نماز اور زکوۃ دیتے ہیں اور آخرت پر یقین رکھتے ہیں

یہی ہدایت پر ہیں اپنے رب کی طرف سے اور یہی فلاح پانے والے ہیں

اور لوگوں میں بعض ایسے ہیں جو سودا کرتے ہیں لہو الحدیث (یعنی گانے، بجانے) کا تا کہ وہ گمراہ کرے (لوگوں کو) اللہ کے راستے سے بغیرعلم کے اور بناتے ہیں اسکا مذاق، یہی ہیں جن کے لئے گھٹیا عذاب ہے

اور جب تلاوت کی جاتی ہیں اس (نضر بن حارث) کے سامنے ہماری آیتیں، تو پلٹ جاتا ہے تکبر سے گویا اس نے سنا ہی نہیں اسے، گویا کہ اس کے دونوں کانوں میں پردہ ہے تو آپ خبر سنادیجئے اسے درد ناک عذاب کی

بیشک جو ایمان لائے اور نیک عمل کئے ان کیلئے جنتیں ہیں نعمتوں والی

وہ ہمیشہ رہیں گے اس میں اللہ کا وعدہ سچا ہے، اور وہ زبردست حکمت والا ہے

اسی نے پیدا کیا آسمانوں کو بغیر ستون کے تم دیکھ رہے ہو انہیں اور اس نے ڈال دیا ہے زمین میں پہاڑوں کو، تا کہ وہ ہل نہ جائے تمہیں لے کر، اور پھیلا دیئے اس (زمین) میں ہر طرح کے جاندار، اور ہم نے نازل کیا آسمان سے پانی تو ہم نے اگا ئے اس میں ہر قسم کے عمدہ جوڑے

یہ اللہ کی مخلوق ہے تو تم دکھاؤ مجھے کیا پیدا کیا ہے جو (معبود) ہیں اس کے علاوہ، بلکہ یہ ظالم کھلی گمراہی میں ہیں

اور یقیناً ہم نے عطا کی لقمان کو حکمت کہ تم اللہ کا شکرکرو، اور جو شکر کرتا ہے تو وہ اپنے ہی لئے شکر کرتا ہے، جو ناشکری کرتاہے تو بیشک اللہ بے نیاز اور تعریفوں والا ہے

اور جب کہا لقمان نے اپنے بچوں سے اور وہ انہیں نصیحت کر رہے تھے، کہ اے میرے بچو! نہ شریک ٹھہرانا اللہ کے ساتھ، بیشک شرک ظلم عظیم ہے

اور ہم نے نصیحت کی انسان کو اسکے ماں باپ کے بارے میں (کہ) حمل میں رکھا اسے اسکی ماں نے کمزوری درکمزوری میں، اور اسکا دودھ چھڑایا دو برس میں کہ تم شکر کرو میرا اور اپنے ماں باپ کا (سب کو) میری ہی طرف لوٹنا ہے

اور اگر وہ دونوں مجبور کریں تمہیں کہ تم شریک ٹھہراؤ میرے ساتھ جس کا نہیں تجھے علم تو تم ان دونوں کی اتباع نہ کرنا، اور مصاحبت (یعنی اچھا سلوک) کرنا ان دونوں کے ساتھ دنیا میں، اور اتباع کرنا اس راستے کی جو رجوع ہو میری طرف، پھر میری ہی طرف تم سب کو لوٹنا ہے، تو میں بتا دوں گا تمہیں جو کچھ تم عمل کرتے تھے

اے پیارے بچو! اگر ہو (کوئی چیز) رائی کے دانے کے برابر اور وہ ہو کسی چٹان میں یا آسمانوں میں یا زمین میں، لے آئے گا اسے اللہ بیشک اللہ باریک بیں خبر رکھنے والا ہے

اے میرے بچو! قائم کرنا نماز، اور حکم کرنا بھلائی کا، اور منع کرنا برائی سے اور صبر کرنا جو مصیبت تم پر آجائے، بیشک یہ ہمت کے کام ہیں

اور مت پھلانا لوگوں کے سامنے اپنا گال (تکبر میں) اور مت چلنا زمین پر اترا کر، بیشک اللہ پسند نہیں فرماتا کسی تکبر کرنے والے فخريلے کو

اور درمیانی رکھ اپنی چال کو اور پست رکھ اپنی آواز کو، یقیناً آوازوں میں نا پسندیدہ آواز گدھوں کی ہے

کیا تم نے نہیں دیکھا کہ بیشک اللہ نے مسخر کیا ہے تمہارے لئے جو کچھ بھی ہے آسمانوں اور زمین میں، اور پوری کر دی ہیں تم پر اپنی نعمتیں ظاہری (یعنی دکھنے والی) اور باطنی (یعنی نہ دکھنے والی) اور بعض لوگ جھگڑتے ہیں اللہ کے بارے میں بغیر علم کے اور نہ ہدایت ہے (ان کے پاس) اور نہ روشن کتاب

اور جب ان سے کہا جاتا ہے کہ اتباع کرو (اس کی) جو اللہ نے نازل کیا، تو کہتے ہیں ہم اتباع کریں گے جس پر ہم نے پایا ہے اپنے باپ دادا کو، اگرچہ شیطان بلاتا ہے انہیں بھڑکتی آگ کے عذاب کی طرف (ایسی بات کیوجہ سے)

اور جو جھکادے اپنا رخ اللہ کی طرف اور وہ نیکوکار بھی ہو، تو یقیناً اس نے تھام لیا مضبوط کڑا، اور اللہ ہی کی طرف ہے تمام امور (یعنی کاموں) کا انجام

اور جو کفر کرے تو آپ کو غم میں نہ ڈالے اس کا کفر ہماری ہی طرف ان کو لوٹنا ہے، پھر ہم بتائیں گے انہیں جو عمل وہ کیا کرتے تھے، بیشک اللہ جانتا ہے دلوں کا حال

ہم فائدہ دیں گے انہیں تھوڑا، پھر ہم مجبور کریں گے انہیں سخت عذاب کی طرف

اور اگر آپ سوال کریں ان سے کس نے پیدا کیا آسمانوں اور زمین کو؟ تو ضرور کہیں گے اللہ نے، تو کہہ دیجئے تمام تعریف اللہ ہی کیلئے ہے، لیکن ان میں اکثر جانتے نہیں

اللہ ہی کا ہے جو کچھ ہے آسمانوں میں اور زمین میں یقیناً اللہ بے نیاز قابل تعریف ہے

اور اگر زمین کے درختوں کے قلم ہوں اورسمندر (سیاہی ہو) اور ان کی مدد کرے ان کے بعد سات سمندر (اور ہوجائے پھر بھی) نہیں ختم ہوں گے اللہ کے کلمات، بیشک اللہ زبردست حکمت والا ہے

تمہاری پیدائش اور دوبارہ جلانا ایک شخص (کے جینے) کی طرح ہے، بیشک اللہ سننے والا دیکھنے والا ہے

کیا آپ نے نہیں دیکھا کہ بیشک اللہ داخل کرتا ہے رات کو دن میں، اور داخل کرتا ہے دن کو رات میں، اور اسی نے مسخر (یعنی قابو میں) کیا ہے سورج اور چاند کو، ہر ایک جاری ہے ایک وقت مقررہ کیلئے، اللہ باخبر ہے اس سے جو تم عمل کرتے ہو

یہ اسلئے کہ بیشک اللہ ہی برحق ہے، اوربیشک جسے وہ پکارتے ہیں اس(اللہ) کے سوا وہ باطل ہے، اور یقیناً اللہ بلند وبرتر ہے

کیا تم دیکھتے نہیں بیشک کشتیاں چلتی ہیں سمندر میں اللہ کی رحمت سے، تاکہ وہ دکھائے تمہیں اپنی نشانیاں، یقیناً اسمیں نشانیاں ہیں صبر اور شکر والوں کیلئے

اور جب چھا جاتی ہیں ان پر موجیں سائے کی طرح تو وہ پکارتے ہیں اللہ کو مخلص بنکر اسکے دین میں،پھر جب وہ نجات دیتاہےانہیں خشکی کی طرف تو ان میں سے کچھ ہی مقصد پر رہتے ہیں (جس کیلئے اللہ نے پیدا کیا) اور ہماری آیتوں کا انکار تو غدّار اور ناشکرے ہی کرتے ہیں

اے لوگو! تم ڈرو اپنے رب سے، اور ڈرو اس دن سے (جس میں) نہ بدلہ دے گا باپ اپنی اولاد کو، اور نہ اولاد بچا سکے گی اپنے باپ کو کچھ بھی، بیشک اللہ کا وعدہ سچا ہے تو ہرگز تمہیں دھوکے میں نہ ڈالے دنیا کی زندگی، اور ہرگز تمہیں دھوکے میں نہ ڈالے اللہ کی جانب سے دھوکے باز (شیطان)

بیشک اللہ ہی کے پاس قیامت کا علم ہے، وہی نازل فرماتا ہے بارش، اور وہ جانتاہے جو (مادہ کے) پیٹوں میں ہے، کوئی شخص نہیں جانتا کہ کیا کمائے گا (یعنی کرے گا) کل، اور کوئی شخص یہ نہیں جانتا کہ کس زمین میں وہ مرے گا،بیشک اللہ علم والا خبر رکھنے والا ہے

الم

نازل کی گئی ہے یہ کتاب اسمیں کوئی شک نہیں، تمام جہانوں کے رب کی طرف سے

کیا (یہ کفار) کہتے ہیں کہ اس (نبی) نے گھڑلیا ہے اس (قرآن) کو، بلکہ یہ برحق ہے تمہارے رب کی طرف سے، تاکہ تم ڈراؤ اس قوم کو جس کے پاس نہیں آیا کوئی ڈرانیوالا تم سے پہلے، تاکہ وہ ہدایت پائیں

اللہ ہی ہے جس نے پیدا کیا آسمانوں اور زمین کو اور جو کچھ ان دونوں کے درمیان ہے چھ دن میں، پھر قائم ہوا عرش پر نہیں ہے تمہارے لئے اس کے سوا کوئی مددگار اور نہ ہی سفارشی، تو تم کیوں نصیحت نہیں پکڑتے ؟

وہ تدبیر کرتا ہے آسمان سے زمین تک،پھر (وہ کام) چڑھتاہے اس کی طرف ایک دن میں جس کا اندازہ ہزار سال ہے جو تم شمار کرتے ہو

یہی ہے جاننے والا ہے غیب اور ظاہر کا، زبردست رحم کرنیوالا ہے

جس نے بہتر طریقے سے ہر چیز کو پیدا کیا، اور شروع کی انسان کی پیدائش مٹی سے

پھر بنایا اسکی نسل کو گھٹیا پانی کے سلسلے سے

پھر درست کیا اسے اور پھونکی اسمیں اپنی روح، اور اسی نے بنائے تمہارے لئے کان، آنکھیں، اور دل، تم بہت ہی تھوڑا شکر ادا کرتے ہو

اور انہوں نے کہا کیا جب ہم مل جائیں گے زمین میں، تو کیا ہم جدید (یعنی نئی) مخلوق بنائے جائیں گے، بلکہ وہ اپنے رب کی ملاقات کے انکاری ہیں

کہہ دیجئے! کہ وفات دے گا تمہیں ملک الموت (یعنی موت کا فرشتہ) جو مقرر کیا گیا ہے تم پر پھر تم اپنے رب کی طرف لوٹائے جاؤ گے

اور (اے نبی) کاش تم دیکھتے جب مجرمین جھکائے ہوئے ہوں گے اپنا سر اپنے رب کے سامنے ( کہیں گے) اے ہمارے رب! ہم نے دیکھ لیا اور سن لیا تو (اب) تو لوٹا دے ہمیں ہم نیک عمل کریں گے، بیشک (اب) ہم یقین کرنیوالے ہیں

اگر ہم چاہیں تو عطا کر دیں ہر شخص کو ہدایت، اور لیکن حق ہے یہ بات میری طرف سے کہ میں ضرور بھر دونگا جہنم کو تمام انسانوں اور جنوں سے

تو تم مزہ چکھو جیسا تم نے بھلا دیا تھا اپنے اس دن کی ملاقات کو بیشک ہم نے بھی بھلا دیا تمہیں، اور مزہ چکھو ہمیشہ کے عذاب کا جیسا کہ تم عمل کرتے تھے

وہی ایمان لاتے ہیں ہماری آیتوں پر جنہیں نصیحت کی جاتی ہے اس (قرآن) کے ذریعے تو وہ گر پڑتے ہیں سجدے میں، اور تسبیح کرتے ہیں حمد کے ساتھ اپنے رب کی اور وہ تکبر نہیں کرتے

الگ رہتے ہیں ان کے پہلو بستروں سے (تہجد میں) وہ پکارتے ہیں اپنے رب کو خوف اور امید کے ساتھ، اور جو ہم نے رزق دیاہے انہیں وہ خرچ کرتے ہیں (اس میں سے)

کوئی شخص نہیں جانتا جو مخفی (یعنی چھپا کر) رکھا گیا ہے ان کی آنکھوں کی ٹھنڈک کیلئے (جنت میں) یہ بدلہ ہو گا جو کچھ وہ عمل کیا کرتے تھے

تو کیا جو مؤمن ہے وہ اس کی طرح ہوگا جو فاسق ہے برابر نہیں ہو سکتے

جو ایمان لائے اور نیک اعمال کئے تو ان کیلئے جنت ٹھکانہ ہے، مہمان نوازی ہو گی اس عمل کے سبب جو وہ کیا کرتے تھے

اور (لیکن) جنہوں نے فسق (یعنی گناہ) کیا تو ان کا ٹھکانہ آگ ہے، جب چاہیں گے نکلنا اس سے لوٹا ئے جائیں گے اسی میں، اور کہا جائے گا ان سے کہ چکھو مزہ آگ کے عذاب کا جس کو تم جھٹلایا کرتے تھے

اور ہم ضرور مزہ چکھائیں گے انہیں چھوٹے عذاب کا (دنیا میں) بڑے عذاب کے علاوہ تاکہ وہ لوٹ آئیں

اس سے بڑا ظالم کون ہو گا ؟ جسے نصیحت کی جائے اس کے رب کی آیتوں کے ذریعے، پھر وہ اعراض کرے اس سے بیشک ہم مجرموں سے انتقام لینے والے ہیں

اور یقینا ہم نے عطا کی موسیٰ کو کتاب، تو تم شک نہ کرنا (معراج کی رات کو) اس کی ملاقات میں اور ہم نے بنایا اس (تورات) کو بنی اسرائیل کی ہدایت کا ذریعہ

اور ہم نے بنایا ان (بنی اسرائیل) میں سے بعض کو امام جو ہدایت کرتے تھے (لوگوں کو) ہمارے حکم سے جب صبر کرتے تھے اور وہ ہماری آیتوں پر یقین رکھتے تھے

آپ کا رب فیصلہ کرے گا ان کے درمیان قیامت کے دن جن (باتوں) میں وہ اختلاف کرتے تھے

کیا (مکہ والے) راہ نہیں پائے کہ کتنی ہی امتوں کو ہم نے ہلاک کر دیا ان سے پہلے، وہ چلتے پھرتے ہیں ان کے مکانوں میں سے، بیشک اسمیں نشانیاں ہیں، تو کیا یہ سنتے نہیں ؟

کیا یہ نہیں دیکھتے کہ ہم ہانک لیجاتے ہیں پانی کو بنجر زمین کی طرف، پھر ہم نکالتے ہیں اس سے کھیتیاں، کھاتے ہیں ان سے ان کے چوپائے اور یہ خود بھی، تو کیا یہ دیکھتے نہیں؟

اور ( کفار مکہ ) کہتے ہیں کب ہو گا یہ (عذاب کا) فیصلہ ؟ اگر تم سچے ہو

کہہ دو فیصلے کے دن نہ فائدہ دے گا ان کو جنہوں نے کفر کیا ان کا ایمان لانا اور نہ انہیں مہلت دی جائے گی

تو تم اعراض کرو ان سے، اور انتظار کرو، وہ بھی انتظار کریں

اے نبی! اللہ سے ڈرو اور اطاعت نہ کرو کافروں کی اور منافقوں کی، بیشک اللہ خوب جاننے والا حکمت والا ہے

اور اتباع کرو اس وحی کی جو کی جاتی ہے تمہاری طرف تمہارے رب کی طرف سے، بیشک اللہ باخبر ہے تمہارے اعمال سے

اور توکل کرو اللہ پر اور اللہ کافی ہے کارساز

نہیں بنائے اللہ نے کسی مرد کے دو دل اس کے سینے میں، اور نہیں بنائی تمہاری بیویوں کو جن کے بارے میں تم نے اظہار کیا (یعنی کہا) کہ وہ تمہاری ماں ہے (وہ ماں نہیں) اور نہیں بنایا تمہارے ادعیاء (یعنی منہ بولے بیٹے) کو (واقعی) تمہارا بیٹا، یہ بات تمہارے منہ کی ہے اللہ فرماتا ہے حق بات، اور وہ ہدایت دیتا ہے سیدھے راستے کی

پکارو ان (منہ بولے بیٹے) کو ان کے باپوں کے نام سے یہ زیادہ انصاف کی بات ہے اللہ کے نزدیک تو اگر تمہیں نہ معلوم ہو ان کے (حقیقی) باپ تو وہ تمہارے دینی بھائی اور دوست ہیں، اور نہیں گناہ تم پر اسمیں اگر تم نے کوئی خطا کی ہو اس (بیٹے کے بارے) میں، اور لیکن تم نے دل کے ارادے سے کیا (تو گناہ ہے) اور اللہ بڑا بخشنے والا مہربان ہے

نبی (حق میں) اولیٰ ہیں مؤمنوں پر ان کی جان سے بھی زیادہ، اور ان کی بیویاں مؤمنوں کی مائیں ہیں، اور رشتے دار کے حقوق بھی ایک دوسرے پر ہیں اللہ کی کتاب میں (یعنی قانون میں، دیگر) مؤمنوں اور مہاجروں سے (ہاں) اور یہ کہ تم کرو اپنے دوستوں کے ساتھ بھی حسن سلوک یہ حکم کتاب (یعنی لوح محفوظ) میں لکھا ہوا ہے

اور جب ہم نے لیا نبیوں سے ان کا عہد اور آپ سے اور نوح سے اور ابراہیم سے اور موسیٰ سے اور عیسیٰ ابن مریم سے (کہ قائم رکھنا دین) اور ہم نے لیا ان سے پختہ عہد

تاکہ سوال کرے (اللہ) سچوں سے (یعنی نبیوں سے) انکی سچائی کے بارے میں (کہ پیغام پہونچایا؟) اور اس نے تیار کر رکھا ہے کافروں کیلئے دردناک عذاب

اے ایمان والو! یاد کرو اللہ کی نعمتیں جو تم پر ہیں، جب آئیں تم پر فوجیں (جنگ احزاب میں) تو ہم نے بھیجی ان پر تیز ہوا اور ایسی فوجیں جنہیں تم نہیں دیکھ رہے تھے اور اللہ دیکھ رہا ہے جو کچھ تم کرتے ہو

جب چڑھ آئے تھے تم پر (دشمن) تمہارے اوپر سے اور تمہارے نیچے سے، اور جب پتھراگئی تھیں (تمہاری) آنکھیں اور آگئے تھے کلیجے منہ کو، اور تم گمان کرنے لگے تھے اللہ کے بارے میں (کہ اللہ مدد نہیں کرے گا)

وہاں آزمائے گئے مؤمن اور جھنجھوڑ دیئے گئے پوری طرح

اور جب کہنے لگے منافق اور وہ لوگ جن کے دلوں میں مرض (یعنی شک) تھا، کہ وعدہ کیا تھا ہم سے اللہ اور اسکے رسول نے دھوکے کا

اور کہان میں سے ایک جماعت نے کہ اے یثرب (یعنی مدینے) والو! تمہارا کوئی مقام نہیں، تو لوٹ چلو اور اجازت مانگنے لگے بعض گروہ ان میں سے نبی سے ، وہ کہنے لگے ہمارے گھر کھلے رہ گئے ہیں، حالانکہ وہ کھلے نہ تھے، ان کا ارادہ فرار ہونے کا تھا

اور اگر داخل ہو جائے ان (کفار) پر اس (مدینے) کے اطراف سے (کوئی لشکر) پھر ان سے سوال کیا جائے فتنے کا (یعنی جنگ کا) تو وہ آجائیں گے اور دیر نہ کریں گے اس میں مگر تھوڑی (تیار ہونے تک)

اور یقینا انہوں نے عہد کیا تھا اللہ سے اس سے پہلے کہ وہ نہیں پھیریں گے پیٹھ، اور اللہ سے کئے عہد کا سوال ہو گا

کہہ دیجئے ہرگز فائدہ نہ دے گا تمہیں فرار ہونا، اگرچہ تم فرار ہو موت سے یا قتل سے، اور جب تم فائدہ نہ اٹھاؤ گے مگر تھوڑا (موت تک)

کہہ دو کون ہے جو بچا سکے تمہیں اگر اللہ کا ارادہ ہو تمہارے ساتھ برائی کا، یا ارادہ ہو تمہارے ساتھ رحم کا، اور وہ نہ پائیں گے اپنے لیے اللہ کے علاوہ کوئی دوست اور نہ ہی کوئی مددگار

یقینا اللہ جانتا ہے (جنگ سے) روکنے والوں کو تم میں سے اور کہنے والوں کو اپنے بھائیوں سے کہ آجاؤ ہمارے پاس، اور وہ جنگوں میں بہت کم ہی جاتے ہیں

بخیل ہیں تم پر (مدد میں) تو جب آتا ہے خوف (کا موقع) تم دیکھو گے انہیں کہ وہ دیکھتے ہیں تمہاری طرف اور گھومتی ہیں ان کی آنکھیں جیسے غشی طاری ہو اس پر موت کی (وجہ سے) پھر جب خوف جاتا رہتا ہے، تو چلاتے ہیں تم پر تیز زبان، لالچی ہیں یہ (منافقین) مال کے یہ ایمان لائے ہی نہیں ہیں، تو ضائع کر دئے اللہ نے ان کے اعمال کو، اور یہ اللہ پر آسان ہے

یہ (منافقین) گمان کرتے ہیں کہ لشکر اب تک نہیں گئے (غزوہ خندق کے جنگ سے) اور اگر آجائیں لشکر تو چاہیں گے کہ کاش ! وہ ہوتے صحرا میں (وہیں سے) وہ پوچھتے تمہاری خبریں، اور اگر وہ ہوتے تمہارے بیچ (میدان جنگ میں) تو بھی وہ جنگ نہ لڑتے مگر تھوڑے

یقیناً تمہارے لئے رسول اللہ (کی زندگی) میں بہتر نمونہ ہے، اس کیلئے جو امید رکھتا ہو اللہ اور آخرت کے دن پر، اور اللہ کو یاد کرتا ہو کثرت سے

اور جب دیکھا مؤمنوں نے (جنگ میں کفار کے) لشکروں کو (تو) کہا اسی کا وعدہ کیا تھا ہم سے اللہ نے اور اس کے رسول نے، اور سچ کر دیا اللہ اور اسکے رسول نے اپنے وعدے کو اور زیادہ کر دیا اس (چیز) نے ان کے ایمان اور تسلیم کو

مؤمنوں میں (ایسے) لوگ بھی ہیں جنہوں نے سچا کر دیا جو انہوں نے وعدہ کیا تھا اللہ سے تو ان میں بعض وہ ہیں جنہوں نے پوری کی اپنی نذر (شہادت کی) اور ان میں بعض وہ ہیں جو انتظار کر رہے ہیں (شہادت کا) اور انہوں نے کوئی تبدیلی نہیں کی

تاکہ بدلہ دے اللہ سچوں کو ان کی سچائی کا اور سزا دے منافقوں کو اگر چاہے، یا ان کی توبہ قبول فرمائے، بے شک اللہ مغفرت کرنے والا بہت ہی مہربان ہے

اور لوٹا دیا اللہ نے کافروں کو ان کے غصے کے ساتھ، وہ نہ پاسکے کوئی خیر، اور کافی ہو گیا اللہ مؤمنوں کو اس جنگ (خندق) میں، اور اللہ زبردست قوت والا ہے

اور اتاردیا (اللہ نے) ان کو جنہوں نے مدد کی تھی ان (کافروں) کی اہل کتاب میں سے ان کے قلعوں سے، اور ڈال دیا ان (اہل کتاب) کے دلوں میں رعب، بعض گروہ کو تم نے قتل کیا، اور بعض گروہ کو تم نے قیدی بنا لیا

اور وارث بنا دیا اس (اللہ) نے تمہیں ان کی زمینوں کا اور ان کے گھروں کا اور ان کے مالوں کا، اور اس زمین کا بھی جسے تم نے نہیں روندا، اللہ ہر چیز پر قادر ہے

اے نبی! کہہ دو اپنی بیویوں سے کہ اگر تم چاہتی ہو دنیا کی زندگی اور اس کی زینت (یعنی خوشحالی) تو آؤ میں تمہیں (دنیا کا) سامان دوں، اور میں رخصت کر دوں تمہیں اچھائی کے ساتھ

اور اگر تمہارا ارادہ اللہ اور اس کا رسول اور آخرت کا گھر ہے، تو بیشک اللہ نے تیار کر رکھا ہے تم میں سے نیکی کرنیوالیوں کے لئے اجرعظیم

اے نبی کی بیویو! جو کرے گی تم میں سے (کوئی بھی) کھلی بے حیائی (تو) اسے دوگنا عذاب دیا جائے گا، اور یہ اللہ کے لئے بہت آسان ہے