مريم

کھیعص

یہ ذکر ہے تیرے رب کی رحمت کا جو اس کے بندے زکریا پر ہوئی

جب پکارا اس نے اپنے رب کو خفیہ (یعنی دھیمی) آواز سے

کہا اے میرے رب! کمزور ہوگئی ہے میری ہڈی، اور چمکنے لگے ہیں سر (کے بال) بڑھاپے کیوجہ سے، اور میں نہیں رہا تجھ سے دعا مانگ کر اے میرے رب کبھی محروم

اور بے شک میں ڈرتا ہوں اپنے وارث کے بارے میں میرے بعد، اور میری بیوی بانجھ ہے تو تو عطا کر مجھے اپنی طرف سے ایک وارث

جو وارث ہو میرا اور وارث ہو آل یعقوب کا، اور بنا اسے اے میرے رب راضی برضاء

اے زکریا! بے شک ہم خوشخبری دیتے ہیں تجھے ایک لڑکے کی جس کا نام یحییٰ ہو گا نہیں بنایا ہم نے کوئی اس نام کا اس سے پہلے

کہا اے میرے رب! کیسے ہو گا میرے لیے لڑکا، اور میری بیوی بانجھ ہے اور یقینا میں پہونچ گیا ہوں بڑھاپے میں انتہائی درجے کو

کہا اسی طرح ہوگا، کہا ہے تیرے رب نے کہ وہ مجھ پر آسان ہے، اور میں نے پیدا کیا تجھے اس سے پہلے جبکہ تو نہ تھا کوئی چیز

کہا اے میرے رب! بنا دے میرے لیے کوئی نشانی، کہا تیری نشانی یہ ہے کہ تو نہیں کر سکے گا بات لوگوں سے تین رات مسلسل

تو وہ نکل کر آئے اپنی قوم کے پاس محراب (یعنی حجرے) سے، اور اشارے سے کہا انہیں کہ تم تسبیح کرو صبح وشام (خدا کی)

اے یحییٰ! پکڑو کتاب کو مضبوطی سے، اور عطا کی تھی ہم نے اسے حکمت بچپن میں

اور رحم دلی اپنی طرف سے اور پاکیزگی (عطا کی) اور وہ متقی تھا

اور نیک سلوک کرنے والا تھا اپنے ماں باپ کے ساتھ اور نہ تھا سرکش نافرمان

اور سلام ہو اس پر جس دن وہ پیدا ہوا اور جس دن وہ مرے گا اور جس دن وہ اٹھایا جائے گا زندہ کر کے

اور ذکر کرو اس کتاب (قرآن) میں مریم کا، جب وہ الگ ہو گئیں اپنے گھر والوں سے پورب والے مکان میں

تو بنا لیا ان (لوگوں) کے بیچ پردہ، پھر ہم نے بھیجا اس کے پاس فرشتے کو، تو وہ آیا مثل بشر اس کے سامنے پورا (یعنی آدمی بن کر)

کہا بے شک میں پناہ مانگتی ہوں رحمان کی تجھ سے، اگر تو متقی ہے

کہا میں بھیجا گیا ہوں تیرے رب کی طرف سے، تاکہ میں عطا کروں تجھے پاکیزہ لڑکا

کہا کیسے ہو گا مجھے لڑکا؟ اور نہیں چھوا مجھے کسی بشر (یعنی آدمی) نے، اور نہ ہی میں بدکار ہوں

کہا اسی طرح ہوگا، کہا ہے تیرے رب نے کہ وہ مجھ پر آسان ہے اور تاکہ ہم بنائیں اسے نشانی لوگوں کے لیے اور رحمت اپنی طرف سے، اور اس امر کا فیصلہ ہو چکا ہے

پھر وہ حاملہ ہوئیں اس (بچے) کا، پھر چلی گئیں اسے لے کر ایک جگہ دور

پھر آیا اسے درد زہ (یعنی پیدائش کا درد) ایک کھجور کی جڑ کے پاس، کہا ہائے میری تباہی! میں مر گئی ہوتی اس سے پہلے، اور میں ہو جاتی بھولی بسری

پھر پکارا (اللہ نے) اسے اس (کھجور کے درخت) کے نیچے سے کہ غم نہ کرو، یقیناً بنا دیا ہے تیرے رب نے تیرے نیچے سے ایک چشمہ

اور تم ہلاؤ اپنی طرف کھجور کے تنے کو، گریں گی تجھ پر پکی ہوئی تازہ (کھجوریں)

تو (اے مریم) تم کھاؤ اور پیو اور ٹھنڈی کرو آنکھیں، تو اگر تم دیکھو کوئی آدمی تو کہہ دو کہ میں نے نذر مانی ہے رحمان کیلئے روزے کی، تو میں ہرگز بات نہیں کروں گی آج کسی انسان سے

پھر وہ آئی اس بچے کے ساتھ اپنی قوم کے پاس اٹھا کر اسے، انہوں نے کہا اے مریم! یقیناً تو آئی ہے ایک عجیب شے لے کر

اے ہارون کی بہن! نہ تو تیرا باپ ہی برا آدمی تھا، اور نہ ہی تھی تیری ماں بدکار

تب اس نے اشارہ کیا اس (بچے) کی طرف، انہوں نے کہا ہم کیسے بات کریں؟ جو ہے گود میں بچہ

کہا بے شک میں اللہ کا بندہ ہوں، عطا کی ہے اس نے مجھے کتاب، اور اس نے بنایا ہے مجھے نبی

اور بنایا ہے مجھے بابرکت، جہاں میں ہوں اور وصیت کی ہے مجھے نماز اور زکوٰۃ کی جب تک میں زندہ رہوں

اور نیکی کرنے والا اپنی ماں کے ساتھ، اور اس نے نہیں بنایا مجھے سرکش بدبخت

اور سلام ہے مجھ پر جس دن میں پیدا ہوا اور جس دن میں مروں گا اور جس دن میں اٹھایا جاؤں گا زندہ کر کے

یہ ہے عیسیٰ ابن مریم یہ بات برحق ہے جس میں (یہودی اور عیسائی) شک کر رہے ہیں

نہیں ہے اللہ (کی شان) کہ وہ بنائے بیٹا، اس کی ذات پاک ہے، جب کسی کام کا فیصلہ کرتا ہے تو وہ کہتا ہے اسے کن تو وہ ہو جاتا ہے

اور بے شک اللہ ہی میرا اور تمہارا رب ہے تو تم اسی کی عبادت کرو، یہ سیدھا راستہ ہے

تو اختلاف کیا جماعتوں نے آپس میں (کہ عیسیٰ خدا ہے، اللہ کی پناہ!) تو تباہی ہوگی کافروں کے لیے ایک بڑے دن کی حاضری پے

کیا خوب سنیں گے وہ اور دیکھیں گے، جس دن وہ آئیں گے ہمارے پاس، لیکن ظالم آج کھلی گمراہی میں پڑے ہوئے ہیں

اور ڈراؤ انہیں حسرت کے دن سے جس دن فیصلہ کیا جائے گا معاملے کا، اور وہ غفلت میں ہیں اور وہ ایمان نہیں لائیں گے

بے شک ہم ہی ہیں وارث زمین کا اور جو کچھ اس پر ہے (اس کا بھی) اور ہماری ہی طرف وہ لوٹائے جائیں گے

اور ذکر کرو (اس) کتاب میں ابراہیم کا، بیشک وہ سچا نبی تھا

جب اس نے کہا اپنے باپ سے، اے میرے ابا! تم کیوں عبادت کرتے ہو جو نہ سنتا ہے اور نہ دیکھتا ہے اور نہ ہی فائدہ پہونچاتا ہے تمہیں کچھ بھی

اے میرے ابا! بے شک آیا ہے میرے پاس وہ علم جو نہیں آیا تمہارے پاس، تو تم اتباع کرو میری میں رہنمائی کرونگا تمہاری سیدھے راستے کی

اے میرے ابا! نہ کرو عبادت شیطان کی، بے شک شیطان رحمان کا نافرمان ہے

اے میرے ابا! بے شک مجھے خوف ہے کہ آئے تم پر عذاب رحمان کا پھر تم ہو جاؤ شیطان کا ساتھی

کہا کیا تو بے رغبت ہے میرے معبودوں سے اے ابراہیم؟ یقینا اگر تو باز نہ آیا تو میں تجھے سنگسار کر دوں گا اور تو دور ہو جا مجھ سے ایک مدت تک

کہا سلام ہو تم پر، جلد ہی میں مغفرت مانگوں گا تمہارے لئے اپنے رب سے، بے شک وہ ہے مجھ پر بڑا مہربان

اور میں چھوڑتا ہوں تمہیں اور جنہیں تم پکارتے ہو اللہ کے سوا، اور میں پکارتا ہوں اپنے رب کو، امید ہے کہ میں نہ رہوں گا پکار کر اپنے رب کو محروم

تو جب وہ چھوڑ گئے انہیں اور جن کی وہ عبادت کرتے تھے اللہ کے سوا، اور ہم نے عطا کئے اسے اسحاق اور یعقوب، اور ہم نے ہر ایک کو بنایا نبی

اور ہم نے عطا کی انہیں اپنی رحمت اور ہم نے بنا دیا ان کے سچے اور اعلیٰ (تذکرے) کو زبانوں پر جاری

اور ذکر کرو اس کتاب میں موسیٰ کا بے شک وہ مخلص اور بھیجا ہوا نبی تھا

اور ہم نے پکارا اسے کوہ طور کی دائیں جانب سے اور ہم نے قریب کیا اسے راز کی بات کہنے کے لیے

اور ہم نے عطا کی اسے اپنی رحمت سے اس کے بھائی ہارون کو نبوت

اور ذکر کرو اس کتاب میں اسماعیل کا، بے شک وہ تھا وعدے کا سچا اور وہ تھا رسول اور (بھیجا ہوا) نبی

اور حکم کرتا تھا اپنے گھر والوں کو نماز اور زکوٰۃ کا اور وہ تھا اپنے رب کے پاس راضی برضاء

اور ذکر کرو اس کتاب میں ادریس کا، بے شک وہ تھا سچا نبی

اور ہم نے بلند کئے اسکے مرتبے کو اونچا

یہ وہ لوگ ہیں جن پر اللہ نے انعام کیا نبیوں میں سے اور آدم کی اولاد میں سے (ہیں یہ) اور ان میں سے (ہیں) جنہیں ہم نے سوار کیا تھا نوح کے ساتھ، اور ابراہیم اور اسرائیل کی اولاد میں سے (ہیں) اور ان میں سے (ہیں) جنہیں ہم نے ہدایت کی اور چن لیا جب پڑھی جاتی تھیں ان پر رحمان کی آیتیں تو وہ گر پڑتے تھے سجدے میں روتے ہوئے

پھر خلیفہ بنے ان کے بعد ناخلف (یعنی نااہل) لوگ جنہوں نے ضائع کی نماز اور اتباع کی خواہشات کی، تو عنقریب وہ پائیں گے گمراہی (کی سزا)

مگر جس نے توبہ کی اور ایمان لایا اور عمل کیا نیک، تو وہ لوگ داخل ہوں گے جنت میں اور نہ ظلم کیا جائے گا ان پر کچھ بھی

(وہ رہیں گے) ہمیشہ کے باغوں میں جن کا وعدہ کیا ہے رحمان نے اپنے بندوں سے جو غیب میں ہے (آنکھوں سے پوشیدہ) بیشک اس کا وعدہ پورا ہونے والا ہے

نہیں سنیں گے اس میں لغو بات سوائے سلام کے اور ان کیلئے رزق ہے اس میں صبح اور شام (یعنی ہمیشہ)

یہ وہ جنت ہے جس کا وارث ہم بنائیں گے اپنے بندوں میں سے انہیں جو متقی ہیں

اور ہم (جبرئیل) نازل ہوتے ہیں تیرے رب کے حکم سے، اسی کا ہے جو کچھ ہمارے سامنے ہے اور جو کچھ ہمارے پیچھے ہے اور جو کچھ اس کے درمیان ہے اور نہیں ہے تمہارا رب بھولنے والا

وہ رب ہے آسمانوں اور زمین کا اور جو چیز ان کے درمیان ہے تو اسی کی عبادت کرو اور جمے رہو اسی کی عبادت پر کیا تم جانتے ہو اس (رحمان) جیسا کوئی اور نام

اور انسان کہتا ہے کیا جب میں مرجاؤں گا تو پھر نکالا جاؤں گا زندہ کر کے

کیا یاد نہیں انسان کو کہ بے شک ہم نے پیدا کیا اسے اس سے پہلے اور (جب) وہ کچھ بھی نہ تھا

تو قسم ہے تیرے رب کی ہم ضرور جمع کریں گے انہیں اور ان کے شیطان (دوستوں) کو، پھر ہم ضرور حاضر کریں گے انہیں جہنم کے ارد گرد گھٹنوں کے بل

پھر ہم ضرور کھینچ لائیں گے ہر جماعت میں سے انہیں جو بہت اکڑتے تھے رحمان پر

پھر ہم خوب جانتے ہیں ان لوگوں کو جو اول اس (دوزخ) میں داخل ہونے والے ہیں

اور تم میں سب کو وارد (یعنی داخل) ہونا ہے اس میں یہ تیرے رب کا حتمی (یعنی لازمی) فیصلہ ہے

پھر ہم نجات دیں گے متقیوں کو اور ہم چھوڑ دیں گے ظالموں کو اس میں اوندھے منہ (گرنے کیلئے)

اور جب پڑھی جاتی ہیں ان پر ہماری کھلی ہوئی آیتیں، تو کہتے ہیں کافر ایمان والوں سے کہ دونوں فریقوں (یعنی کفار اور مسلم) میں کس کا مقام بہتر ہے اور کس کی مجلس بہتر ہے؟

اور ہم ان سے پہلے کتنی جماعتیں ہلاک کر چکے ہیں وہ (ان سے) بہتر تھے سامان میں اور دکھاوے میں

کہہ دو (ان سے) جو گمراہی میں پڑے ہوئے ہیں کہ مہلت دیتا ہے اللہ انہیں، یہاں تک کہ جب وہ دیکھیں گے (اس چیز کو) جس کا ان سے وعدہ دیا گیا ہے یا تو عذاب اور یا قیامت تب وہ جان لیں گے کون برا ہے مرتبے میں اور کس کی فوج زیادہ کمزور ہے

اور اللہ زیادہ کردیتا ہے ان کی ہدایت جو ہدایت یافتہ ہیں اور باقی رہنے والے نیک عمل تیرے رب کے نزدیک ثواب کے لحاظ سے بہت بہتر ہیں اور انجام کے لحاظ سے بھی

کیا تم نے دیکھا اس (عاص بن وائل) کو جس نے انکار کیا ہماری آیتوں کا، اور کہتا ہے کہ مجھے ضرور عطا کیا جائے گا مال اور اولاد

کیا اسے اطلاع مل گئی ہے غیب کی یا اس نے لے رکھا ہے رحمان سے کوئی عہد

ہرگز نہیں، جلد ہم لکھتے ہیں جو وہ کہتا ہے، اور ہم بڑھاتے جائیں گے اس کے لیے عذاب اور بڑھا کر

اور ہم ہی وارث ہیں جس کو وہ کہہ رہا ہے، اور آئے گا ہمارے پاس اکیلا

اور انہوں نے بنا لئے ہیں اللہ کے علاوہ معبود، تاکہ وہ ہوں ان کے لئے عزت (کا ذریعہ)

ہرگز نہیں، وہ جلد ہی انکار کریں گے ان کی عبادت کا، اور وہ ہو جائیں گے ان کے ضد (یعنی مخالف)

کیا تم نے نہیں دیکھا ہم نے بھیج رکھا ہے شیطانوں کو کافروں پر، وہ انہیں خوب اکساتے رہتے ہیں

تو نہ کرو تم جلدی ان پر (عذاب کے لیے) ہم خود عدد لگا رہے ہیں ان کیلئے اچھی طرح (یعنی ان کے دن گن رہے ہیں)

اس دن ہم جمع کریں گے متقیوں کو رحمان کے پاس مہمان بنا کر

اور ہم ہانک لے جائیں گے مجرموں کو جہنم کی طرف پیاسا ہوا

کوئی مالک نہ ہو گا سفارش کا (مجرموں میں سے کوئی بھی) مگر جس نے لے رکھا ہو رحمان کے پاس سے عہد (یعنی دنیا میں عہد نبھایا ہو)

اور (کافر) کہتے ہیں بنا لیا ہے رحمان نے بیٹا

یقیناً تم لائے ہو بھاری چیز (زبان پر)

(اس کہنے سے) قریب ہے کہ آسمان پھٹ جائیں اور زمین پھٹ جائے اور پہاڑ گر جائیں ٹکڑے ٹکڑے ہو کر

اس لیے کہ ان کا دعوہ ہے رحمان کے لیے بیٹا کا

اور مناسب نہیں رحمان کیلئے کہ وہ بنائے کسی کو بیٹا

جو کچھ بھی ہے آسمانوں اور زمین میں وہ سب آئیں گے رحمان کے پاس غلام بن کر

یقیناً اس نے شمار کر رکھا ہے ان کا اور ان کی گنتی کر رکھی ہے

اور وہ سب آئیں گے اس کے پاس قیامت کے دن فردا فردا (یعنی اکیلا اکیلا)

بے شک جو ایمان لائے اور نیک کام کئے عنقریب بنا دے گا رحمان ان کے لیے (لوگوں کے دلوں میں) محبت

تو بے شک ہم نے اس (قرآن) کو آسان کر دیا ہے تمہاری زبان میں، تاکہ تم بشارت دو اس کے ذریعے متقیوں کو اور ڈراؤ اس کے ذریعے جھگڑالو قوم کو

اور کتنی ہی قوموں کو ہم نے ہلاک کیا ہے ان سے پہلے بھی، کیا تم محسوس تک کرتے ہو ان میں سے کسی کو، یا سنتے ہو ان میں کسی کی آہٹ بھی