البقرة

الم

اس کتاب میں کوئی شک نہیں اس میں ہدایت ہے متقیوں کیلئے

جو لوگ ایمان لاتے ہیں غیب پر اور قائم کرتے ہیں نماز، اور جو کچھ ہم نے رزق دیا ہے انہیں (اس میں سے) وہ خرچ کرتے ہیں

اور جو لوگ ایمان لاتے ہیں اس پر جو نازل کیا گیا آپؐ کی طرف اور جو نازل کیا گیا آپؐ سے پہلے، اور آخرت پر وہ یقین رکھتے ہیں

یہی لوگ ہدایت پر ہیں اپنے رب کی طرف سے، اور یہی لوگ فلاح پانے والے ہیں

بے شک جن لوگوں نے کفر کیا ان پر برابر ہے، آپؐ انہیں ڈرائیں یا نہ ڈرائیں وہ ایمان نہیں لائیں گے

مہر لگا دی اللہ نے ان کے دلوں پر اور ان کے کانوں پر اور ان کی آنکھوں پر پردہ ہے، اور ان کے لئے بڑا عذاب ہے

اور بعض لوگ کہتے ہیں کہ ہم ایمان لے آئے ہیں اللہ پر اور آخرت کے دن پر، اور وہ ایمان والے نہیں ہیں

وہ دھوکہ دیتے ہیں اللہ کو اور ایمان والوں کو، اور وہ اپنے آپ کو دھوکہ دے رہے ہیں، اور وہ سمجھتے نہیں

ان کے دلوں میں مرض ہے تو اللہ نے ان کے مرض کو اور بڑھا دیا، اور ان کے لئے دردناک عذاب ہے جیسا کہ وہ جھٹلاتے تھے (دین کو)

اور جب ان سے کہا جاتا ہے کہ مت فساد کرو زمین میں (تو) وہ کہتے ہیں کہ ہم تو صرف اصلاح کرنے والے ہیں

خبر دار! بیشک وہی فساد کرنے والے ہیں اور لیکن وہ شعور (یعنی سمجھ) نہیں رکھتے

اور جب ان سے کہا جاتا ہے کہ ایمان لے آؤ جیسا کہ لوگ (یعنی صحابہ) ایمان لائے، وہ کہتے ہیں کیا ہم ایمان لائیں جیسا کہ بیوقوف ایمان لائے ہیں؟ خبر دار! بیشک وہی بیوقوف ہیں، اور لیکن یہ جانتے نہیں

اور جب وہ ملتے ہیں ایمان والوں سے (تو) کہتے ہیں ہم ایمان لے آئے ہیں اور جب وہ تنہائی میں ملتے ہیں اپنے شیطان (دوستوں) سے، تو کہتے ہیں بیشک ہم تمہارے ساتھ ہیں، ہم تو (ان سے) صرف مذاق کرتے ہیں

اللہ مذاق کرتا ہے ان سے اور مہلت دیتا ہے انہیں ان کی سرکشی (یعنی شرارت) میں بھٹکنے کیلئے

یہی لوگ ہیں جنہوں نے خرید لی گمراہی ہدایت کے بدلے، تو نہ فائدہ دیا ان کی تجارت نے ان کو، اور نہ ہوئے وہ ہدایت پانے والے

ان کی مثال اس شخص کی طرح ہے جس نے جلائی آگ، تو جب روشن ہو گیا اس کا آس پاس (کا ماحول) تو چھین لیا اللہ نے ان کے نور کو، اور چھوڑ دیا انہیں اندھیروں میں وہ نہیں دیکھ سکتے

بہرے، گونگے، اندھے ہیں تو وہ رجوع نہیں کریں گے

یا جیسا کہ بارش ہوتی ہے آسمان سے جس میں اندھیرا اور گرج اور بجلی ہو، وہ ڈال لیتے ہیں اپنی انگلیاں اپنے کانوں میں (بجلی کی) کڑک اور موت کے ڈر سے اور اللہ گھیرنے والا ہے کافروں کو

قریب ہے کہ بجلی اُچک لے ان کی آنکھوں کو، جب روشنی ہوتی ہے ان کے لئے تو وہ چل پڑتے ہیں اس میں، اور جب اندھیرا ہوتا ہے ان پر وہ کھڑے ہو جاتے ہیں، اور اگر اللہ چاہے تو چھین لے ان کے کانوں اور ان کی آنکھوں کو بیشک اللہ ہر چیز پر قادر ہے

اے لوگو! عبادت کرو تم اپنے رب کی جس نے پیدا کیا تمہیں اور (ان کو بھی) جو تم سے پہلے تھے، تاکہ تم متقی بن سکو

جس نے بنایا تمہارے لئے زمین کو فرش اور آسمان کو چھت، اور نازل کیا آسمان سے پانی، تو نکالا اس کے ذریعے پھلوں میں سے رزق تمہارے لئے، تو تم مت بناؤ اللہ کے لئے شریک اور تم جانتے ہو

اور اگر تم شک میں ہو اس میں جو کچھ ہم نے نازل کیا اپنے بندے (محمدؐ) پر، تو تم لے آؤ ایک سورت اس جیسی اور تم بلا لو اپنے مددگاروں کو اللہ کے سوا اگر تم سچے ہو

تو اگر تم نے نہ کیا اور تم ہرگز نہیں کر سکو گے، تو تم ڈرو اس آگ سے جس کا ایندھن (یعنی جلاون) انسان اور پتھر ہیں (جو) تیار کی گئی ہے کافروں کے لئے

اور بشارت دو ان لوگوں کو جو ایمان لائے اور عمل کئے نیک، بیشک ان کے لئے جنت ہیں، جن کے نیچے نہریں جاری ہیں جب ان کو رزق دیا جائے گا اس (جنت) سے پھلوں میں سے رزق، تو کہیں گے یہ وہی (پھل) ہے جو ہمیں اس سے پہلے دیا گیا تھا، اور عطا کیا جائے گا اس سے ملتا جلتا، اور ان کے لئے اس میں بیویاں ہوں گی پاکیزہ اور وہ ان (جنتوں) میں ہمیشہ رہنے والے ہیں

بیشک اللہ نہیں شرماتا کہ وہ بیان کرے مثال مچھر کی (یا) جو اس سے بھی چھوٹی ہو، تو جو لوگ ایمان لائے ہیں وہ جانتے ہیں کہ بے شک وہ (مثال) برحق ہے ان کے رب کی طرف سے اور جن لوگوں نے کفر کیا تو وہ کہتے ہیں کہ کیا ارادہ ہے اللہ کا اس مثال سے؟ وہ گمراہ کرتا ہے اس کے ذریعے بہتوں کو اور ہدایت (بھی) دیتا ہے اس کے ذریعے بہتوں کو، اور گمراہ تو صرف فاسقوں کو ہی کرتا ہے

جو لوگ توڑ دیتے ہیں اللہ کے عہد کو بعد اسے پکا کرنے کے، اور کاٹتے ہیں اللہ نے جن چیزوں کے جوڑنے کا حکم دیا ہے، اور فساد پھیلاتے ہیں زمین میں یہی لوگ خسارے میں ہیں

کیسے تم انکار کرتے ہو اللہ کا؟ تم مردہ تھے تو اس نے تمہیں زندہ کیا، پھر وہ موت دے گا تمہیں، پھر وہ زندہ کرے گا تمہیں، پھر اسی کی طرف تم لوٹائے جاؤ گے

وہ (اللہ) جس نے پیدا کیا تمہارے لئے زمین کی تمام چیزوں کو، پھر توجہ کی آسمان کی طرف، اور درست کیا ان سات آسمانوں کو اور وہ ہر چیز کو جاننے والا ہے

جب کہا تیرے رب نے فرشتوں سے کہ میں بنانے والا ہوں زمین میں ایک خلیفہ، تو انہوں نے کہا کیا تم بناؤ گے اس میں جو فساد کرے گا اس میں اور خون بہائے گا؟ اور ہم تسبیح کرتے ہیں تیری تعریف کے ساتھ اور ہم پاکی بیان کرتے ہیں تیرے لئے، کہا میں وہ جانتا ہوں جو تم نہیں جانتے

اور سکھایا (اللہ نے) آدم کو تمام نام، پھر پیش کیا (آدم کو) فرشتوں کے سامنے، تو فرمایا، بتاؤ مجھے ان چیزوں کے نام اگر تم سچے ہو

(فرشتوں نے) کہا تیری ذات پاک ہے ہمیں تو صرف اتنا ہی علم ہے جتنا تو نے ہمیں سکھایا ہے، بیشک تو ہی علم اور حکمت والا ہے

(اللہ نے) کہا اے آدم! بتاؤ انہیں ان کے نام جب انہوں نے بتا دیئے ان کے نام تو فرمایا کیا میں نے نہیں کہا تھا تمہیں کہ میں جانتا ہوں آسمانوں اور زمین کا غیب، اور میں جانتا ہوں جو تم ظاہر کرتے ہو اور جو تم چھپاتے ہو

اور جب ہم نے کہا فرشتوں سے کہ سجدہ کرو آدم کو، تو سب نے سجدہ کیا ابلیس کے سوا، اس نے انکار کیا اور تکبر کیا اور وہ ہو گیا کافروں میں سے

اور ہم نے کہا اے آدم! رہو تم اور تمہاری بیوی جنت میں، اور تم دونوں کھاؤ اس (جنت) سے جی بھر کے جہاں سے تم دونوں چاہو، اور تم دونوں مت قریب جانا اس درخت کے، ورنہ ہو جاؤ گے ظالموں میں سے

تو بہکایا ان دونوں کو شیطان نے اس (جنت) سے، اور نکال دیا ان دونوں کو (وہاں سے) جہاں وہ دونوں تھے، اور ہم نے کہا کہ اتر جاؤ تم ایک دوسرے کے دشمن ہو گے (دنیا میں) اور تمہارے لئے زمین میں ٹھکانہ اور فائدہ اٹھانا ہے ایک مدت تک

تو سیکھ لئے آدم نے اپنے رب سے چند کلمات، اور توبہ قبول فرمائی (اللہ نے) ان کی بیشک وہی توبہ قبول کرنے والا اور رحم کرنے والا ہے

ہم نے کہا اتر جاؤ یہاں سے تم سب، تو جب آئے گی تمہارے پاس میری طرف سے ہدایت تو جو اتباع کرے گا میری ہدایت کی تو نہ خوف ہو گا ان پر اور نہ وہ غمگین ہوں گے

اور جنہوں نے کفر کیا اور جھٹلایا ہماری آیتوں کو، وہ جہنمی ہیں، وہ اس میں ہمیشہ رہنے والے ہیں

اے بنی اسرائیل! یاد کرو میری اس نعمت کو جو میں نے انعام کی تم پر، اور تم پورا کرو میرے عہد کو میں پورا کروں گا تمہارے عہد کو، اور تم مجھ سے ہی ڈرو

اور تم ایمان لاؤ (اس قرآن پر) جو میں نے نازل کیا وہ تصدیق کرتا ہے جو تمہارے پاس (کتاب) ہے، اور تم نہ ہو جاؤ اس (قرآن) کا پہلا انکاری، اور نہ سودا کرو میری آیتوں کا تھوڑے فائدے کیلئے، اور تم مجھ سے ہی ڈرو

اور نہ ملاؤ حق کو باطل کے ساتھ، اور نہ چھپاؤ حق کو، اور تم جانتے ہو

اور قائم کرو نماز اور ادا کرو زکوٰۃ، اور رکوع کرو رکوع کرنے والوں کے ساتھ

کیا تم حکم دیتے ہو لوگوں کو نیکی کا؟ اور بھول جاتے ہو اپنے آپ کو اور تم پڑھتے ہو کتاب، تو کیا تم عقل نہیں رکھتے؟

اور تم مدد طلب کرو صبر اور نماز کے ذریعے، اور بیشک یہ مشکل چیز ہے، مگر ڈرنے والوں پر نہیں

جو لوگ گمان رکھتے ہیں کہ بیشک وہ ملاقات کرنے والے ہیں اپنے رب سے اور بیشک وہ اسی کی طرف لوٹنے والے ہیں

اے بنی اسرائیل (یعنی اولادِ یعقوب) یاد کرو میری اس نعمت کو جو میں نے تم پر انعام کی اور بیشک میں نے فضیلت دی تمہیں تمام جہانوں پر

اور ڈرو اس دن سے جب نہ بدلہ دے گا کوئی شخص کسی شخص کو کچھ بھی اور نہ قبول کی جائے گی اس کی کوئی سفارش، اور نہ کوئی بدلہ لیا جائے گا اس سے، اور نہ اسکی مدد کی جائے گی

اور جب ہم نے نجات دی تمہیں فرعونیوں سے، وہ دیتے تھے تمہیں برا عذاب، وہ ذبح کرتے تھے تمہارے لڑکوں کو، اور وہ زندہ چھوڑ دیتے تھے تمہاری عورتوں کو، اور اس میں بڑی آزمائش تھی تمہارے رب کی طرف سے

اور جب ہم نے پھاڑا تمہارے لئے دریا کو تو ہم نے نجات دی تمہیں، اور ہم نے غرق کیا فرعونیوں کو اور تم دیکھ رہے تھے

اور ہم نے وعدہ کیا موسیٰ سے چالیس راتوں کا پھر تم نے بنا لیا بچھڑے کو (معبود) اس کے بعد، اور تم ظالم ہو گئے

پھر ہم نے معاف کر دیا تمہیں اس کے بعد بھی تاکہ تم شکر ادا کرو

اور جب ہم نے عطا کی موسیٰ کو کتاب اور فرقان (یعنی معجزے) تاکہ تم ہدایت پا سکو

اور جب کہا موسیٰ نے اپنی قوم سے، کہ اے میری قوم! تم نے ظلم کیا اپنی جانوں پر بچھڑے کو معبود بنا کر تو (اب) تم توبہ کرو اپنے رب کے پاس، تو قتل کرو اپنے کو آپس میں، یہ بہتر ہے تمہارے لئے (اور) تمہارے رب کے پاس بھی، تو وہ قبول کرے گا تمہاری توبہ بیشک وہ توبہ قبول کرنے والا (اور) رحم کرنے والا ہے

اور جب تم نے کہا اے موسیٰ! ہم ہرگز ایمان نہ لائیں گے تم پر یہاں تک کہ ہم اللہ کو دیکھ لیں سامنے پھر تمہیں پکڑ لیا بجلی کی کڑک نے، اور تم دیکھتے رہ گئے

پھر ہم نے زندہ کر دیا تمہیں تمہاری موت کے بعد بھی، تاکہ تم شکر ادا کرو

اور ہم نے سایہ کیا تم پر بادل کا اور نازل کیا تم پر من اور سلویٰ (اور کہا کہ) کھاؤ پاکیزہ رزق جو ہم نے تمہیں دیا ہے، اور انہوں نے ہم پر ظلم نہیں کیا، اور لیکن وہ اپنے آپ پر ظلم کرتے تھے

اور جب ہم نے کہا تم داخل ہو جاؤ اس بستی (بیت المقدس) میں تو تم کھاؤ اس سے جہاں سے چاہو جی بھر کے، اور داخل ہو جاؤ دروازے میں سجدہ کرتے ہوئے اور کہو حِطَّہ (یعنی توبہ) ہم معاف کر دیں گے تمہاری خطائیں اور عنقریب زیادہ دیں گے نیکی کرنے والوں کو

پھر بدل دی ان ظالموں نے اس بات کو دوسری بات سے جو ان سے کہی گئی تھی، تو ہم نے نازل کیا ان ظالموں پر عذاب آسمان سے، ان کے فسق کی وجہ سے

اور جب پانی مانگا موسیٰ نے اپنی قوم کے لئے (صحرائے سینا میں) تو ہم نے کہا کہ مارو اپنی لاٹھی پتھر پر، تو پھوٹ پڑے اس سے بارہ چشمے یقیناً جان لیا ہر شخص نے اپنے پینے کی جگہ کو (اور ہم نے کہا کہ) کھاؤ اور پیو اللہ کے رزق میں سے، اور نہ پھرو زمین میں فساد کرتے ہوئے

اور جب تم نے کہا اے موسیٰ! ہم ہرگز صبر نہیں کریں گے ایک ہی قسم کے کھانے پر، (اس لئے) اپنے رب سے دعا کیجیئے کہ وہ نکالے ہمارے لئے جو چیزیں زمین اگاتی ہے اس کا ساگ اور اس کی ککڑی، اور اس کا گیہوں اور اس کی مسور اور اس کی پیاز، آپ نے کہا کیا تم بدلنا چاہتے ہو بہتر چیز کو ادنیٰ سے! تم اتر جاؤ کسی شہر میں (یہ اس لیے کہ) اب تمہیں وہی ملے گا جو تم نے سوال کیا ہے اور ڈال دی گئی ان پر ذلت اور مسکینی، اور وہ لوٹے اللہ کا غضب لے کر (یعنی مستحق ہوئے) یہ اس لئے کہ وہ انکار کرتے تھے اللہ کی آیتوں کا اور قتل کرتے تھے نبیوں کو ناحق، یہ اس لیے کہ وہ نافرمانی کرتے تھے اور وہ حد سے آگے بڑھتے تھے

بیشک ایمان والے اور یہودی اور نصاریٰ اور صابی (آگ کو پوجنے والے) جو ایمان لائے اللہ پر اور قیامت کے دن پر اور نیک عمل کرے، تو ان کا اجر ان کے رب کے پاس ہے، اور ان پر نہ تو کوئی خوف ہو گا اور نہ وہ غمگین ہوں گے

جب ہم نے وعدہ لیا تم سے، اور بلند کیا تم پر طور پہاڑ کو (اور کہا) لے لو مضبوطی کے ساتھ جو ہم نے تمہیں دیا ہے اور یاد کرو جو کچھ اسمیں ہے تاکہ تم متقی بن سکو

پھر تم پھر گئے اس کے بعد، تو اگر نہ ہوتا اللہ کا فضل تم پر اور اس کی رحمت نہ ہوتی، تو تم خسارہ اٹھانے والے ہو جاتے

اور یقیناً تمہیں معلوم ہیں (وہ لوگ) جو حد سے بڑھ گئے تھے ہفتے کے بارے میں (کہ ہفتے کو مچھلی کا شکار نہ کرنا) تو ہم نے کہا ان سے تم ہو جاؤ ذلیل بندر

تو ہم نے بنا دیا اسے عبرت ان کے اگلوں اور ان کے پچھلوں کے لئے اور نصیحت متقیوں کے لئے

اور جب کہا موسیٰ نے اپنی قوم سے کہ بیشک اللہ حکم دیتا ہے تمہیں کہ تم ذبح کرو ایک گائے تو انہوں نے کہا کیا تم ہم سے مذاق کرتے ہو؟ (آپ نے) کہا کہ میں اللہ کی پناہ مانگتا ہوں کہ میں ہو جاؤ جاہلوں میں سے

انہوں نے کہا اے موسیٰ! دعا کیجیئے ہمارے لئے اپنے رب سے کہ وہ بیان کر دے اس کی ماہیت (یعنی کیسی ہو، آپ نے) فرمایا وہ گائے نہ تو بوڑھی ہو نہ بچھڑی، جوان ہو اس کے درمیان کی تو تم کرو جو تمہیں حکم دیا جاتا ہے

(پھر) انہوں نے کہا دعا کیجیے ہمارے لئے اپنے رب سے کہ وہ بیان کر دے کہ اس کا رنگ کیسا ہو؟ فرمایا وہ کہتا ہے کہ وہ گائے زرد گہرے رنگ کی ہو، دیکھنے والوں کو بھلی لگے

انہوں نے کہا کہ آپ اپنے رب سے (اور) دعا کیجیئے کہ وہ بیان کرے ہمارے لئے کہ وہ کیسی ہو؟ بیشک گائے مشابہ (یعنی خلط ملط) ہو گئی ہے ہم پر، اور بے شک اللہ نے چاہا تو ہم راہ پالیں گے

کہا کہ اللہ فرماتا ہے کہ اس گائے سے زمین میں نہ ہل جوتا گیا ہو، اور نہ کھیتی کو سیراب کیا گیا ہو، مسلمہ (یعنی درست) ہو اور نہ ہو کوئی داغ اسمیں، انہوں نے کہا اب آپ آئے ہیں حق بات لے کر انہوں نے ذبح کیا اور وہ نہ تھے کرنے والے

اور جب تم نے قتل کیا ایک شخص کا، پھر الزام ڈالنے لگے ایک دوسرے پر اس میں، اور اللہ ظاہر کرنے والا تھا، جو تم چھپا رہے تھے

ہم نے کہا کہ مارو اس (مردے) کو اس (گائے) کے کسی ٹکڑے سے اسی طرح زندہ کرے گا اللہ مردوں کو، اور وہ دکھاتا ہے تمہیں اپنی نشانیاں، تاکہ تم عقل سے کام لو

پھر سخت ہو گئے تمہارے دل اس کے بعد تو وہ پتھر جیسے یا اس سے بھی زیادہ سخت ہو گئے، اور بیشک پتھروں میں سے بعض سے پھوٹ پڑتی ہیں نہریں، اور بے شک ان میں سے بعض پھٹ جاتے ہیں تو نکل پڑتا ہے اس سے پانی، اور بعض لڑھک پڑتے ہیں اللہ کے ڈر سے، اور نہیں ہے اللہ غافل تمہارے اعمال سے

تو کیا تم امید کرتے ہو کہ یہ (یہودی) ایمان لے آئیں گے تم پر، اور یقیناً ان میں ایسے فریق ہیں جو سنتے ہیں اللہ کے کلام کو پھر تحریف کرتے ہیں (یعنی بدل دیتے ہیں) بعد اس کے کہ وہ عقل رکھتے ہیں اور وہ جانتے ہیں

اور جب وہ ملتے ہیں ایمان والوں سے تو کہتے ہیں ہم ایمان لے آئے ہیں، اور جب آپس میں ملتے ہیں تو کہتے ہیں کیا تم (مسلمانوں کو) وہ باتیں بتاتے ہو جو کھولی ہیں اللہ نے تم پر (کیا جانتے نہیں) کہ یہ حجت قائم کر دیں گے تم پر اس کے بارے میں تمہارے رب کے پاس، تو کیا تم عقل نہیں رکھتے؟

کیا یہ نہیں جانتے کہ بیشک اللہ جانتا ہے جو وہ چھپاتے ہیں اور جو وہ اعلانیہ کرتے ہیں؟

ان میں سے بعض ان پڑھ ہیں جو کتاب کو نہیں جانتے سوائے اٹکل کے اور ان کے پاس ظن و گمان کے سوا کچھ نہیں

تو تباہی ہے ان (یہودیوں) کے لئے جو لکھتے ہیں کتاب اپنے ہاتھوں سے پھر کہتے ہیں یہ اللہ کی طرف سے ہے، تاکہ وہ سودا کریں اسکا تھوڑے فائدے کے لئے تو تباہی ہے ان کے لیے جو کچھ لکھا ان کے ہاتھوں نے، اور تباہی ہے ان کے لئے جو کچھ وہ کماتے ہیں

اور یہ لوگ کہتے ہیں ہمیں جہنم کی آگ ہرگز نہیں چھوئے گی مگر چند دن (ان سے) کہو کیا تم نے لے رکھا ہے اللہ سے کوئی عہد؟ تو ہرگز اللہ خلاف نہیں کرے گا اپنے وعدے کے، یا تم اللہ پر وہ باتیں کہتے ہو جنہیں تم جانتے نہیں؟

کیوں نہیں؟ جس نے بھی برے کام کئے، اور گھیر لیا اسے اس کی خطاؤں نے، تو وہی جہنمی ہیں، وہ اس میں ہمیشہ رہیں گے

اور جو لوگ ایمان لائیں اور نیک کام کریں وہ جنتی ہیں وہ اس میں ہمیشہ رہیں گے

اور جب ہم نے پکا وعدہ لیا بنی اسرائیل سے کہ تم نہ عبادت کرنا اللہ کے سوا (کسی کی) اور ماں باپ کے ساتھ اچھا سلوک کرنا اور (اسی طرح) رشتے داروں اور یتیموں اور مسکینوں کے ساتھ اور لوگوں کو اچھی باتیں کہنا، نماز قائم کرنا اور زکوٰۃ دیتے رہنا پھر تم پھر گئے تھوڑے سے لوگوں کے علاوہ تم میں سے اور تم منہ موڑنے والے ہو گئے

اور جب ہم نے تم سے پکا وعدہ لیا کہ نہیں خون بہاؤ گے آپس میں اور تم نہیں نکالو گے اپنوں کو اپنے گھروں سے، پھر تم نے اقرار کیا اور تم اس کے شاہد ہو

پھر تم ہی ہو وہ لوگ جو آپس میں قتال کرتے ہو اور تم بعض فریق کو نکالتے ہو تم اپنوں میں سے ان کے گھروں سے تم مظاہرہ کرتے ہو ان پر گناہ اور زیادتی کا اور اگر وہ آتے ہیں تمہارے پاس قیدی بن کر تو تم فدیہ دیکر انہیں چھڑا لیتے ہو اور (جبکہ) حرام تھا تم پر ان کا نکالنا، تو کیا تم کتاب کے بعض حصے پر ایمان رکھتے ہو اور بعض حصے کا انکار کرتے ہو؟ تو تم میں سے جو بھی ایسا کرے، اس کی سزا اس کے سوا کیا ہو کہ دنیا میں رسوائی ہو اور قیامت کے دن وہ لوٹائے جائیں سخت عذاب کی طرف، اور اللہ بے خبر نہیں تمہارے اعمال سے

یہ وہ لوگ ہیں جنہوں نے خرید لی دنیا کی زندگی کو آخرت کے بدلے، تو نہ ہلکا کیا جائے گا ان سے عذاب، اور نہ ان کی مدد کی جائے گی

اور یقیناً ہم نے عطا کی موسیٰ کو کتاب اور ہم نے لگا تار بھیجے ان کے بعد رسولوں کو اور ہم نے عطا کئے عیسیٰ ابن مریم کو معجزے، اور ان کی تائید کی روح القدس (جبریل) کے ذریعے، تو جب بھی آئے تمہارے پاس رسول جنہیں تم نے ناپسند کیا اور تم نے تکبر کیا، تو بعض فریق کو تم نے جھٹلایا اور بعض فریق کو تم نے قتل کر ڈالا

اور انہوں نے کہا کہ ہمارے دلوں پر غلاف ہے، بلکہ اللہ نے لعنت کی ان پر ان کے کفر کیوجہ سے، تو تھوڑے ہی ہیں ان میں جو ایمان لاتے ہیں

اور جب آئی ان (یہودیوں) کے پاس کتاب اللہ کی طرف سے ان کی کتابوں کی تصدیق کرنے والی، اور اس سے پہلے یہ خود فتح چاہتے تھے (اس قرآنی کتاب کے ذریعہ) کافروں پر، تو جب آگئی ان کے پاس جسے انہوں نے پہچان لیا اور انکار کر دیا، تو اللہ کی لعنت ہو ان کافروں پر

کیا ہی برا سودا کیا انہوں نے اپنے لئے کہ وہ انکار کرتے تھے ضد میں جو اللہ نے نازل کیا، کہ اللہ نازل کرتا ہے اپنا فضل جس پر چاہتا ہے اپنے بندوں میں سے تو وہ مستحق ہو گئے غضب در غضب کے اور ان کافروں کے لئے رسوا کرنے والا عذاب ہے

اور جب ان سے کہا جاتا ہے کہ ایمان لاؤ اس پر جو اللہ نے نازل کیا ہے تو کہتے ہیں ہم ایمان لاتے ہیں اس پر جو ہم پر نازل کیا گیا ہے، اور انکار کرتے ہیں جو اس کے علاوہ ہے حالانکہ وہ (کتاب) برحق ہے تصدیق کرتی ہے (اس کتاب کی) جو ان کے پاس ہے آپ کہہ دیجئے کہ تم نے کیوں قتل کیا اللہ کے نبیوں کو اس سے پہلے؟ اگر تم مؤمن ہو

اور یقیناً آئے تمہارے پاس موسیٰ دلیلیں لے کر، پھر تم نے بنا لیا بچھڑے کو معبود اس کے بعد اور تم ظالم ہو گئے

اور جب ہم نے پکا وعدہ لیا تم سے اور ہم نے بلند کیا تمہارے اوپر طور (پہاڑ) کو (اور کہا) لے لو جو ہم نے عطا کیا تمہیں قوت کے ساتھ، اور سنو (تو) انہوں نے کہا ہم نے سنا اور نافرمانی کی، اور پلا دی گئی ان کے دلوں میں بچھڑے کی محبت ان کے کفر کیوجہ سے (ان سے) کہہ دیجیئے کہ کیا ہی برا حکم دیتا ہے تمہیں اس کے ذریعے تمہارا ایمان، اگر تم مؤمن ہو

آپ کہہ دیجیئے کہ اگر آخرت کا گھر صرف تمہارے لئے ہے، اللہ کے نزدیک خالص (تمہارے لیے) لوگوں کے علاوہ، تو تم تمنا کرو موت کی اگر تم سچے ہو

اور وہ ہرگز موت کی تمنا نہیں کریں گے کبھی بھی، بسبب جو کمائی بھیجا ہے ان کے ہاتھوں نے، اور اللہ ظالموں کو خوب جانتا ہے

اور (اے نبیؐ) یقیناً تم انہیں دنیا کی زندگی کا بہت حریص پاؤ گے لوگوں میں اور مشرکوں سے بھی زیادہ، چاہتا ہے ان میں کا ہر ایک کہ انہیں عمر دی جائے ہزار سال کی، اور وہ نہیں بچ سکتے اس عذاب سے اگر انہیں عمر دے دی جائے، اور اللہ دیکھ رہا ہے ان کے عمل کو

(اے نبیؐ) آپ کہہ دیجئے: جو شخص جبرئیل کا دشمن ہے تو بے شک اس نے نازل کیا ہے اس (قرآن) کو آپ کے دل پر اللہ کے حکم سے، جو تصدیق کرنے والا ہے اپنے سے پہلے (کتاب) کی، اور ہدایت اور بشارت ہے مؤمنوں کے لیے

جو دشمن ہو اللہ کا اور اس کے فرشتوں اور اس کے رسولوں اور جبرئیل اور میکائیل کا، تو بے شک اللہ (ایسے) کافروں کا دشمن ہے

اور یقیناً ہم نے نازل کیں آپ کی طرف روشن دلیلیں، جن کا انکار سوائے فاسقوں کے کوئی نہیں کرتا

یہ لوگ جب بھی کوئی عہد کرتے ہیں تو ان کا ایک گروہ اسے توڑ دیتا ہے، بلکہ ان میں اکثر ایمان نہیں لاتے

اور جب آیا ان کے پاس کوئی رسول اللہ کے پاس سے تصدیق کرنے والا جو کچھ ان کے پاس تھا (تو) پھینک دیا بعض فریق نے اہل کتاب میں سے اللہ کی کتاب کو اپنی پیٹھ پیچھے، گویا کہ وہ جانتے نہیں

اور (ان چیزوں کی) اتباع کرنے لگے جنہیں پڑھتے تھے شیاطین سلیمان کی حکومت میں اور سلیمان نے کفر نہیں کیا، بلکہ شیطانوں نے کفر کیا، وہ سکھایا کرتے تھے لوگوں کو جادو، اور جو نازل کیا گیا دو فرشتوں پر بابل میں ہاروت اور ماروت (پر) وہ دونوں بھی کسی کو نہیں سکھاتے تھے جب تک یہ نہ کہہ دیتے کہ بے شک ہم آزمائش کیلئے ہیں تو تم کفر نہ کرو، پھر لوگ ان سے وہ سیکھتے جس سے وہ تفریق ڈالیں میاں اور بیوی کے درمیان، اور نہ وہ کوئی نقصان پہونچا سکتے تھے کسی کو بغیر اللہ کے حکم کے، اور وہ سیکھتے تھے جو انہیں ضرر (یعنی نقصان) پہونچائے اور نفع نہ پہنچائے انہیں اور یقیناً وہ جانتے تھے کہ جس نے اسکا سودا کیا اس کے لئے آخرت میں کوئی حصہ نہیں اور کیا ہی برا سودا کیا انہوں نے اس کام کے ذریعے اپنے لئے کاش کہ یہ جانتے

اور اگر یہ لوگ ایمان لے آتے اور تقویٰ اختیار کرتے تو اللہ کی طرف سے بہترین ثواب ملتا کاش! یہ جانتے

اے ایمان والو! تم (نبیؐ کو) ”راعنا“ مت کہو (بلکہ) ”انظرنا“ کہو (کہ ہماری طرف توجہ فرمائیے) اور سنو اور کافروں کے لئے دردناک عذاب ہے

نہیں چاہتے ہیں اہل کتاب کے کافر اور نہ مشرکین کہ نازل ہو تم پر کوئی خیر تمہارے رب کی طرف سے، اللہ خاص کر لیتا ہے اپنی رحمت کیلئے جسے چاہتا ہے، اور اللہ بڑے فضل والا ہے

جب ہم منسوخ (یعنی رد) کرتے ہیں کسی آیت کو، یا بھلاتے ہیں اسے، ہم لے آتے ہیں اس سے بہتر یا اس جیسی کیا تو نہیں جانتا کہ اللہ ہر چیز پر قادر ہے

کیا تجھے علم نہیں کہ بے شک اللہ ہی کے لیے ہے بادشاہت آسمانوں اور زمین کی اور نہیں ہے تمہارا اللہ کے علاوہ کوئی ولی اور نہ ہی کوئی مددگار

(اے یہودیو!) کیا تمہارا ارادہ ہے کہ تم سوال کرو اپنے رسول سے جیسا سوال کیا گیا تھا موسیٰ سے اس سے پہلے (کہ اللہ کو سامنے لے آؤ؟) اور جو کوئی بدل لے گا ایمان کو کفر سے تو وہ بھٹک جائے گا سیدھے راستے سے

چاہتے ہیں بہت سے اہل کتاب کے تمہیں لوٹا دیں ایمان لے آنے کے بعد کفر پر وہ حسد کرتے ہیں اپنے دل میں بعد اسکے کہ بیان ہو چکا ان کے سامنے حق تو تم معاف کر دو اور درگزر کر دو یہاں تک کہ لے آئے اللہ اپنا حکم بیشک اللہ ہر چیز پر قدرت رکھتا ہے

اور جو تم آگے بھیجو گے اپنے لئے خیر میں سے تم پالو گے اسے اللہ کے پاس، بے شک اللہ تمہارے اعمال کو خوب دیکھ رہا ہے

اور وہ کہتے ہیں کہ ہرگز داخل نہ ہو گا جنت میں یہود و نصاریٰ کے سوا اور کوئی، یہ صرف ان کی آرزوئیں ہیں (ان سے) کہو کہ لے آؤ کوئی دلیل اگر تم سچے ہو؟

کیوں نہیں؟ جو بھی جھکا دے اپنے آپ کو اللہ کے سامنے اور وہ محسن ہے تو اس کے لئے اس کا اجر ہے اس کے رب کے پاس، اور ان پر نہ تو کوئی خوف ہو گا، اور نہ وہ غمگین ہوں گے

اور کہتے ہیں یہود کہ نہیں ہے نصرانی کسی شئی (یعنی حق) پر اور نصرانی کہتے ہیں کہ یہودی نہیں ہے کسی شئی (یعنی حق) پر، حالانکہ یہ دونوں کتاب (یعنی تورات) پڑھتے ہیں اسی طرح کی بات وہ بھی کہتے ہیں جو علم نہیں رکھتے تو اللہ فیصلہ کر دے گا ان کے درمیان قیامت کے دن جس میں وہ اختلاف کرتے ہیں

اس شخص سے بڑا ظالم کون ہو گا؟ جو منع کرے اللہ کی مسجدوں میں اس کے نام کے ذکر سے اور کوشش کرے ان میں خرابی کی، ایسے لوگوں کو خوف کھاتے ہوئے اس میں داخل ہونا چاہئے، ان کے لئے دنیا میں رسوائی ہے اور ان کے لئے آخرت میں بڑا عذاب ہے

اور مشرق اور مغرب کا مالک اللہ ہی ہے تو تم جدھر بھی پھرو تو ادھر ہی اللہ کا رخ ہے، بیشک اللہ وسعت والا اور بڑے علم والا ہے

اور وہ کہتے ہیں کہ بنا ڈالی ہیں اللہ نے اولاد، وہ پاک ہے (ایسی باتوں سے) بلکہ اسی کے لیے ہے جو کچھ بھی آسمانوں اور زمین میں ہے (اور) ہر ایک اس کا فرمانبردار ہے

وہ پہلا پیدا کرنے والا ہے آسمانوں اور زمین کا، اور جب وہ فیصلہ کرتا ہے کسی کام کا تو صرف کہہ دیتا ہے کہ ہو جا، تو وہ ہو جاتا ہے

اور کہا اسی طرح بے علم لوگوں نے بھی کہ اللہ تعالیٰ ہم سے باتیں کیوں نہیں کرتا، یا کیوں نہیں آتی ہمارے پاس کوئی نشانی؟ ایسی ہی بات ان کے اگلوں نے بھی کہی تھی (ان کے، اور) ان کے دل ایک جیسے ہیں یقیناً ہم نے بیان کر دی ہیں نشانیاں یقین کرنے والوں کے لئے

ہم نے بھیجا ہے آپ کو حق کے ساتھ خوشخبری دینے والا اور ڈرانے والا بنا کر اور آپ سے سوال نہیں کیا جائے گا جہنمیوں کے بارے میں

اور ہرگز راضی نہیں ہوں گے آپ سے یہود و نصاریٰ جب تک کہ آپ اتباع نہ کریں ان کی ملت کی آپ کہہ دیجیئے کہ اللہ کی ہدایت ہی ہدایت ہے اور اگر آپ نے اتباع کی ان کی خواہشوں کی بعد اس کے جبکہ آچکا ہے آپ کے پاس علم، تو نہ ہو گا آپ کے لیے اللہ کی طرف سے کوئی ولی اور نہ ہی کوئی مددگار

جنہیں ہم نے کتاب دی ہے وہ اسے پڑھتے ہیں اس کے حق کے ساتھ وہی اس (قرآن) پر بھی ایمان رکھتے ہیں اور جو اس کے ساتھ کفر کرے تو وہی نقصان اٹھانے والے ہیں

اے بنی اسرائیل! یاد کرو میں نے جو نعمتیں تم پر انعام کی ہیں اور بیشک میں نے تو فضیلت دے رکھی تھی تمہیں تمام جہانوں پر

اور ڈرو اس دن سے جس دن نہ بدلہ دیگا کوئی شخص کسی شخص کو کچھ بھی، نہ کسی شخص سے کوئی بدلہ قبول کیا جائے گا، اور نہ نفع دے گی اسے کوئی شفاعت، اور نہ ان کی مدد کی جائے گی

جب آزمایا ابراہیم کو ان کے رب نے چند باتوں سے تو انہوں نے سب کو پورا کر دیا، تو اللہ نے فرمایا کہ بیشک میں تمہیں لوگوں کا امام بناؤں گا، کہا اور میری اولاد کو بھی، فرمایا: نہیں پائیں گے میرے وعدے کو ظالم لوگ

اور جب ہم نے بنائی بیت اللہ کو لوگوں کے لئے ثواب اور امن کی جگہ، اور تم بناؤ مقام ابراہیم کو نماز کی جگہ اور ہم نے وعدہ لیا ابراہیم اور اسماعیل سے کہ تم دونوں پاک رکھو میرے گھر کو طواف کرنے والوں اور اعتکاف کرنے والوں اور رکوع (اور) سجدہ کرنے والوں کے لئے

جب ابراہیم نے کہا، اے میرے رب! تو بنا اس شہر کو امن والا اور یہاں کے رہنے والوں کو رزق دے پھلوں سے ان میں جو ایمان رکھتا ہوں اللہ پر اور قیامت کے دن پر، اللہ نے فرمایا جو کفر کرے گا اسے بھی میں تھوڑا فائدہ دوں گا، پھر میں مجبور کروں گا اسے آگ کے عذاب کی طرف اور وہ برا ٹھکانہ ہے

اور جب بلند کر رہے تھے ابراہیم اور اسماعیل بیت اللہ کی بنیادیں (اور کہہ رہے تھے) اے ہمارے رب! تو قبول فرما ہم سے، بے شک تو ہی سننے والا اور جاننے والا ہے

اے ہمارے رب! تو بنا ہمیں فرمانبردار اپنا، اور ہماری اولاد میں سے امتِ مسلمہ (بنا) تو اپنے لئے، اور سکھا ہمیں ہمارے حج کے ارکان اور ہماری توبہ قبول فرما، بیشک تو ہی توبہ قبول فرمانے والا اور رحم کرنے والا ہے

اے ہمارے رب! بھیج ان میں ایک رسول انہیں میں سے جو پڑھ کر سنائے ان کے پاس تیری آیتیں اور سکھائے انہیں کتاب اور حکمت اور پاک کرے انہیں (شرک سے) بے شک تو ہی زبردست حکمت والا ہے

اور وہی بے رغبتی کرے گا ملتِ ابراہیم سے جو اپنے آپ میں بیوقوف ہو گا، اور یقیناً ہم نے چن لیا اسے دنیا میں اور بیشک آخرت میں بھی وہ صالحین میں سے ہے

جب کہا ان سے ان کے رب نے، فرمانبردار ہو جاؤ، انہوں نے کہا، میں فرمانبردار ہوں رب العالمین کے لئے

اور وصیت کی اسی کی ابراہیم نے اپنی اولاد کو اور یعقوب نے، کہ اے میرے بچو! بیشک اللہ نے پسند کیا ہے تمہارے لئے اس دین کو تو تم ہرگز نہ مرنا مگر مسلمان ہو کر ہی مرنا

کیا تم موجود تھے (اس وقت) جب آئی یعقوب کو موت؟ جب کہا انہوں نے اپنی اولاد کو کہ تم کس کی عبادت کرو گے میرے بعد؟ تو سب نے کہا کہ ہم عبادت کریں گے آپ کے معبود کی اور آپ کے آباء و اجداد ابراہیم اور اسماعیل اور اسحاق (علیہم السلام) کے معبود کی جو معبودِ واحد ہے، اور ہم اسی کے فرمانبردار ہیں

وہ ایک جماعت تھی جو گزر گئی، جو انہوں نے کمایا وہ ان کے لئے ہے اور جو تم کماؤ گے تمہارے لئے ہے اور تم سے نہیں سوال کیا جائے گا ان کے اعمال کے بارے میں

اور وہ کہتے ہیں کہ ہو جاؤ یہودی یا نصاریٰ تو ہدایت پا جاؤ گے تم کہو بلکہ ملتِ ابراہیم ہی یکسو دین ہے (اللہ کا راستہ) اور نہ تھے وہ مشرکوں میں سے

تم کہو کہ ہم ایمان لائے اللہ پر اور اس چیز پر جو نازل کی گئی ہماری طرف اور جو نازل کی گئی ابراہیم اور اسماعیل اور اسحاق اور یعقوب (علیہم السلام) اور ان کی اولاد پر اور جو دیا گیا موسیٰ اور عیسیٰ کو اور جو دیا گیا نبیوں کو ان کے رب کی طرف سے ہم نہیں فرق کرتے ان میں سے کسی کے درمیان، اور ہم اسی کے فرمانبردار ہیں

تو اگر وہ ایمان لے آئیں جس طرح تم ایمان لائے ہو تو وہ ہدایت پا جائیں گے، اور اگر وہ منہ پھیرتے ہیں تو وہ ضد میں ہیں تو عنقریب کافی ہو گا اللہ آپ کے لیے ان کے بنسبت، اور وہ خوب سننے اور جاننے والا ہے

اللہ کا رنگ (تقویٰ اختیار کرو) اور اللہ سے بہتر رنگ کس کا ہو گا؟ اور ہم اسی کی عبادت کرنے والے ہیں

آپ کہہ دیجیئے کیا تم (یہودیو!) جھگڑتے ہو ہم سے اللہ کے بارے میں جو ہمارا اور تمہارا رب ہے، ہمارے لئے ہمارے اعمال ہیں اور تمہارے لئے تمہارے اعمال، اور ہم اسی (اللہ) کے لئے مخلص ہیں

کیا تم (یہودیو!) کہتے ہو کہ بیشک ابراہیم اور اسماعیل اور اسحاق اور یعقوب (علیہم السلام) اور ان کی اولاد یہودی یا نصرانی تھے؟ کہہ دو کہ کیا تم زیادہ جانتے ہو، یا اللہ؟ اور کون ہو گا اس سے بڑا ظالم جو چھپائے گواہی اپنے پاس اللہ کی طرف سے آئی ہوئی؟ اور اللہ غافل نہیں تمہارے اعمال سے

وہ ایک جماعت تھی جو گزر گئی، جو انہوں نے کمایا وہ ان کے لئے ہے اور جو تم کماؤ گے تمہارے لئے ہے، اور تم سے نہیں سوال کیا جائے گا ان کے اعمال کے بارے میں

عنقریب کہیں گے بے وقوف لوگ (یہودی اور مشرکین) کہ کیوں پھیرا انہیں ان کے قبلہ سے جس پر وہ تھے؟ آپ کہہ دیجیئے کہ اللہ ہی کے لیے ہے مشرق اور مغرب، وہ ہدایت دیتا ہے جسے چاہتا ہے سیدھے راستے کی

اور اسی طرح ہم نے بنایا تمہیں امت وسط (درمیانی امت) تاکہ تم ہو جاؤ لوگوں پر گواہ اور ہو جائیں رسول تم پر گواہ (کہ نبیؐ نے حق پہنچا دیا تھا) اور ہم نے قبلہ اس لئے بنایا جس قبلہ پر تم (پہلے) تھے، تاکہ ہم جان لیں کہ کون اتباع کرتا ہے رسول کی اور کون پلٹ جاتا ہے اپنی ایڑیوں کے بل، یہ (کام) مشکل ہے، مگر جنہیں اللہ نے ہدایت دی ہے ان پر کوئی مشکل نہیں، اور نہیں ضائع کرے گا اللہ تمہارے ایمان کو، بیشک اللہ لوگوں پر مہربان اور رحم کرنے والا ہے

یقیناً ہم دیکھ رہے ہیں آپ کے چہرے کا پھرنا آسمان کی طرف تو ہم ضرور پھیر دیں گے آپ کو اس قبلے کی طرف جس سے آپ راضی ہو جائیں، تو پھیر لیں آپ اپنا چہرہ مسجد حرام کی طرف، اور (اے مسلمانو!) تم جہاں کہیں بھی ہو تو پھیرا لیا کرو اپنے چہروں کو اسی کی طرف، اور بے شک اہل کتاب جانتے ہیں کہ بیشک یہ برحق ہے ان کے رب کی طرف سے اور اللہ غافل نہیں اس سے جو کچھ یہ عمل کرتے ہیں

اور اگر آپ لے آئیں اہل کتاب کے سامنے تمام نشانیاں (پھر بھی) وہ اتباع نہیں کریں گے آپ کے قبلے کی، اور نہ آپ اتباع کرنے والے ہیں ان کے قبلے کی، اور نہ یہ ایک دوسرے کے قبلے کی اتباع کرتے ہیں اور اگر آپ اتباع کریں گے ان کی خواہشات کی علم آجانے کے بعد (تو) بیشک آپ ظالموں میں سے ہو جائیں گے

جنہیں ہم نے عطا کی کتاب وہ پہچانتے ہیں اس (نبیؐ) کو جیسے وہ پہچانتے ہیں اپنے بچوں کو، اور بیشک بعض گروہ ان میں سے چھپاتے ہیں حق کو اور وہ جانتے ہیں

یہ برحق ہے آپ کے رب کی طرف سے، تو آپ ہرگز نہ ہو جائیں شک کرنے والوں میں سے

اور ہر شخص کا ایک رخ ہے، وہ اسی کی طرف پھرتا ہے، تو تم سبقت کرو نیک کاموں میں، جہاں کہیں بھی تم ہو گے، لے آئے گا تم سب کو اللہ، بیشک اللہ ہر چیز پر قادر ہے

اور آپ جہاں سے نکلیں پھیر لیں اپنا چہرہ (نماز کے لئے) مسجد حرام کی طرف اور بیشک یہ حق ہے آپ کے رب کی طرف سے، اور اللہ بے خبر نہیں اس سے جو عمل تم کرتے ہو

اور جس جگہ سے آپ نکلیں تو پھیر لیں اپنا چہرہ مسجد حرام کی طرف اور جہاں کہیں تم لوگ ہو (اے مسلمانو!) تو پھیر لو تم اپنے چہروں کو اسی کی طرف، تاکہ نہ ہو لوگوں کے لیے تم پر کوئی حجت (باقی) مگر وہ لوگ جو ظالم ہیں ان میں (وہ کبھی خاموش نہ ہوں گے) تو تم نہ ڈرو ان سے اور مجھ سے ہی ڈرو تاکہ میں تمام کروں اپنی نعمت تم پر اور تاکہ تم ہدایت پا سکو

جیسا کہ ہم نے بھیجا تم میں ایک رسول تم ہی میں سے، جو تلاوت کرتا ہے تمہارے سامنے ہماری آیتیں، اور پاک کرتا ہے تمہیں اور وہ سکھاتا ہے تمہیں کتاب اور حکمت اور وہ سکھاتا ہے تمہیں جو تم نہیں جانتے تھے

تو تم مجھے یاد کرو، میں تمہیں یاد کروں گا، اور تم میرا شکر ادا کرو اور تم ناشکری نہ کرو میری

اے ایمان والو! تم مدد چاہو صبر اور نماز کے ذریعے، بیشک اللہ صابرین کے ساتھ ہے

اور تم مت کہو انہیں مردہ جو قتل کئے جاتے ہیں اللہ کے راستے میں، بلکہ وہ زندہ ہیں اور لیکن تم نہیں سمجھتے

اور ہم ضرور آزمائیں گے تمہیں چند چیزوں سے (یعنی دشمن کے) خوف سے، اور بھوک سے، اور مالوں اور جانوں اور پھلوں کی کمی سے اور بشارت دے دیجیئے ان صبر کرنے والوں کو

(یہ وہ لوگ ہیں) جب پہنچتی ہے انہیں کوئی مصیبت تو کہتے ہیں کہ ہم اللہ کے لئے ہیں اور بیشک ہم اسی کی طرف لوٹنے والے ہیں

یہی ہیں جن پر ان کے رب کی عنایتیں اور رحمتیں ہیں اور یہی لوگ ہدایت یافتہ ہیں

بیشک صفا اور مروہ (پہاڑ) اللہ کی نشانیوں میں سے ہیں، تو جو بیت اللہ کا حج اور عمرہ کرے ان پر کوئی گناہ نہیں کہ وہ ان دونوں کا طواف کرے، اور جو اپنی خوشی سے خیر کرے تو اللہ قدردان ہے اور خوب جاننے والا ہے

بیشک جو لوگ چھپاتے ہیں (ان چیزوں کو) جو ہم نے نازل کی دلیلوں اور ہدایت کو، بعد اس کے کہ ہم بیان کر چکے ہیں اسے لوگوں کے لئے کتاب میں، یہ وہ لوگ ہیں لعنت کرتا ہے ان پر اللہ اور لعنت کرتے ہیں ان پر لعنت کرنے والے

مگر وہ لوگ جو توبہ کر لیں اور اصلاح کر لیں اور بیان کر دیں (جو بات انہوں نے چھپائی) تو میں توبہ قبول کرتا ہوں ان کی اور میں توبہ قبول کرنے والا اور رحم کرنے والا ہوں

بیشک جو کافر ہیں اور وہ مر جائیں اپنے کفر کی حالت میں، تو ان پر لعنت ہے اللہ کی اور فرشتوں کی اور تمام لوگوں کی

وہ ہمیشہ رہیں گے اس میں نہ ہلکا کیا جائے گا ان سے عذاب اور نہ انہیں مہلت دی جائے گی

اور تمہارا معبود ایک ہی ہے، اس کے سوا کوئی معبود نہیں، وہ رحمان اور رحیم ہے

بیشک آسمانوں اور زمین کی پیدائش میں، اور رات اور دن کے آنے جانے میں، اور وہ کشتی جو چلتی ہے سمندر میں جن سے لوگوں کو نفع ہوتا ہے، اور جو نازل کیا اللہ نے آسمان سے پانی تو زندہ کیا اس کے ذریعے زمین کو اس کے مردہ ہونے کے بعد، اور پھیلا دیا اس میں ہر قسم کے جانوروں کو، اور چلایا ہواؤں کو، اور بادلوں کو مسخر کیا (یعنی قابو میں کیا) آسمان اور زمین کے درمیان، یقیناً یہ نشانیاں ہیں عقل والوں کے لئے

اور لوگوں میں بعض بنا لیتے ہیں اللہ کے علاوہ شریک (اوروں کو اور ان سے) وہ ایسی محبت کرتے ہیں جیسی محبت اللہ سے ہونی چاہئے، اور ایمان والے اللہ سے سخت محبت کرتے ہیں اور اگر یہ ظالم دیکھ لیں عذاب کو (تو جان لیں گے) کہ بیشک ساری قوت اللہ ہی کے لئے ہے، اور بیشک اللہ سخت عذاب دینے والا ہے

جب وہ لوگ بے تعلقی ظاہر کریں گے جن کی اتباع کی گئی، ان سے کریں گے جنہوں نے اتباع کی، اور وہ دیکھ لیں گے عذاب کو اور ان کے تمام اسباب کٹ جائیں گے

اور کہیں گے وہ جنہوں نے اتباع کی تھی، کاش ہم دوبارہ (دنیا میں چلے جائیں) تو ہم بھی ان سے ایسی ہی بے تعلقی کریں گے جیسی یہ ہم سے کر رہے ہیں، اسی طرح دکھائے گا اللہ انہیں ان کے اعمال ان پر حسرت بنا کر، اور وہ نہیں نکل پائیں گے (جہنم کی) آگ سے

اے لوگو! کھاؤ جو کچھ زمین میں حلال اور پاکیزہ ہیں، اور مت اتباع کرو شیطان کے نقشِ قدم کی بیشک وہ تمہارا کھلا دشمن ہے

وہ حکم دیتا ہے تمہیں برائی اور بے حیائی کا، اور تاکہ تم کہو اللہ پر (وہ باتیں) جن کا تمہیں علم نہیں

اور جب ان سے کہا جاتا ہے کہ اتباع کرو جو اللہ نے نازل کی ہے (کتاب، اس کی) وہ کہتے ہیں کہ ہم تو اتباع کریں گے اس کی ہم نے پایا جس پر اپنے باپ دادا کو، اگرچہ ان کے باپ دادا نہ عقل رکھتے تھے کچھ بھی، اور نہ ہدایت یافتہ تھے

اور ان کی مثال جو کافر ہیں اس شخص کی طرح ہے جسے پکارے اور وہ نہ سنے سوائے چیخ اور پکار کے کچھ وہ بہرے، گونگے، اندھے ہیں، تو وہ عقل نہیں رکھتے

اے ایمان والو! کھاؤ پاکیزہ چیزوں میں سے جو ہم نے رزق دیا ہے تمہیں، اور شکر ادا کرو اللہ کا اگر تم اس کی عبادت کرتے ہو

بیشک حرام کیا ہے تم پر مردار (یعنی مرے ہوئے جانور) اور خون اور سور کا گوشت، اور جس پر غیر اللہ کا نام پکارا گیا ہو، تو جو اضطراری کیفیت (مجبوری) میں کھا لے نہ سرکشی کرنے والا ہو اور نہ حد سے بڑھنے والا، تو اس پر کوئی گناہ نہیں، بیشک اللہ مغفرت کرنے والا رحم کرنے والا ہے

بیشک جو لوگ چھپاتے ہیں اللہ کی نازل کی ہوئی کتاب کو اور سودا کرتے ہیں اس کے بدلے میں تھوڑے فائدے کے لئے یہ لوگ اپنے پیٹوں میں آگ بھرتے ہیں، اور اللہ کلام نہیں کرے گا ان سے قیامت کے دن اور نہ پاک کرے گا انہیں اور ان کے لیے دردناک عذاب ہے

یہی وہ لوگ ہیں جنہوں نے سودا کیا گمراہی کا ہدایت کے بدلے، اور عذاب کا مغفرت کے بدلے، تو وہ نہیں صبر کر پائیں گے آگ پر

یہ اس لیے کہ اللہ نے کتاب نازل کی برحق اور بیشک جنہوں نے اختلاف کیا کتاب میں یقیناً وہ دور کی ضد میں ہیں

نیکی یہ نہیں کہ تم پھیرو اپنے چہروں کو مشرق اور مغرب کی طرف، بلکہ نیکی تو یہ ہے جو ایمان لائے اللہ اور آخرت کے دن پر اور فرشتوں اور کتابوں اور نبیوں پر، اور مال دے اس کی محبت میں رشتے داروں اور یتیموں اور مسکینوں اور مسافروں اور سوال کرنے والوں کو اور گردنوں کے چھڑانے میں، اور نماز پڑھے اور زکوٰۃ دے، اور پورا کرے اپنے عہد (یعنی وعدے) کو جب عہد کرے، اور صبر کرے بے بسی اور ضرر میں (یعنی مصیبت کے وقت میں) اور جنگ کے وقت میں یہی لوگ سچے ہیں اور یہی متقی ہیں

اے ایمان والو! فرض کیا گیا ہے تم پر قصاص قتل میں (یعنی قتل کے بدلے میں قتل) آزاد کے بدلے آزاد، اور غلام کے بدلے غلام، اور عورت کے بدلے عورت، تو جسے اس کے بھائی کی طرف سے کچھ معاف کیا جائے تو اسکی اتباع کرے انسانیت سے، اور اسے ادا بھی انسانیت کے ساتھ کرے، یہ آسانی تمہارے رب کی طرف سے ہے اور رحمت ہے، تو جو اس کے بعد زیادتی کرے تو اس کے لیے دردناک عذاب ہے

اور تمہارے لیے قصاص میں زندگی ہے اے عقلمندو! تاکہ تم (کسی کو قتل کرنے سے) بچو

تم پر فرض کیا گیا ہے کہ جب آئے تم میں سے کسی کو موت، اگر وہ مال چھوڑے (اور) اچھائی کی وصیت کرے ماں باپ اور رشتے داروں کے لیے بھلے طریقے سے، یہ متقیوں پر حق ہے

تو جو شخص بدل دے گا اسے اس کے سننے کے بعد تو اسکا گناہ اسے ہو گا جو اسے بدلے گا، بیشک اللہ سننے والا جاننے والا ہے

تو جو خوف کرے وصیت کرنے والے کی طرف سے جانبداری یا گناہ کا، تو اصلاح کر دے ان کے درمیان، اس پر کوئی گناہ نہیں، بیشک اللہ مغفرت کرنے والا نہایت رحم والا ہے

اے ایمان والو! فرض کیے گئے ہیں تم پر روزے جیسے فرض کیے گئے تھے ان پر جو تم سے پہلے تھے، تاکہ تم متقی بن جاؤ

(روزے) گنتی کے چند روز ہیں، پھر جو کوئی تم میں سے بیمار یا سفر پر ہو، تو اتنی مدت دوسرے دنوں سے پوری کرلے، اور جو اس کی طاقت نہ رکھتا ہو اس کا فدیہ ہے ایک مسکین کا کھانا (ہر ایک روزے کا دو وقت) پھر جو کوئی خوشی سے نیکی کرے تو وہ اس کے لیے بہتر ہے، اور اگر تم روزہ رکھو (قضا روزے کے بدلے) تو تمہارے لیے بہتر ہے اگر تم جانو

رمضان کا مہینہ جس میں قرآن نازل کیا گیا جو لوگوں کے لئے ہدایت کا ذریعہ ہے اور ہدایت کی روشن دلیلیں اور فرقان (یعنی حق و باطل میں فرق کر نیوالا) ہے، تو جو کوئی تم میں سے اس مہینے کو پالے تو اس کے روزے رکھے اور جو کوئی بیمار یا سفر میں ہو تو دوسرے دنوں میں اتنی مدت پوری کرے، اللہ تم پر آسانی چاہتا ہے اور نہیں چاہتا تم پر تنگی، اور تاکہ تم مکمل کرو اتنی مدت اور تاکہ تم اللہ کی بڑائی بیان کرو اس پر کہ اس نے تمہیں ہدایت دی اور تاکہ تم شکر کرو

اور جب سوال کریں آپ سے میرے بندے میرے بارے میں تو میں قریب ہوں، میں جواب دیتا ہوں پکار نے والوں کی پکار پے جب وہ مجھے پکارتا ہے تو چاہئے کہ وہ مجھے پکاریں، اور مجھ پر ایمان لائیں، تاکہ وہ ہدایت پاسکیں

حلال کیا گیا ہے تمہارے لیے روزوں کی راتوں میں ملنا اپنی عورتوں سے، وہ تمہارے لیے لباس اور تم ان کے لیے لباس ہو، اللہ کو معلوم ہے کہ تم اپنے اوپر خیانت کرتے تھے (اس حکم سے پہلے مل کر) تو تمہاری توبہ قبول کی اور تمہیں معاف کر دیا، تو اب ان سے مباشرت کرو (ملو) اور چاہت رکھو (اولاد کی) جو اللہ نے تمہارے لیے لکھا ہے، اور کھاؤ اور پیو یہاں تک کہ ظاہر ہو جائے تمہارے لیے سفید دھاری سیاہ دھاری سے فجر کے وقت، پھر تم مکمل کرو روزوں کو رات تک، اور ان سے مباشرت نہ کرو جب کہ تم اعتکاف میں ہو مسجدوں میں، یہ اللہ کی حدیں ہیں تو ان کے قریب نہ جاؤ، اسی طرح بیان کرتا ہے اللہ اپنی آیتیں لوگوں کے لیے تاکہ وہ متقی ہو جائیں

اور نہ کھاؤ ایک دوسرے کا مال آپس میں باطل طریقے سے، اور مت دو اسکی دلیل حاکموں کے پاس، تاکہ تم کھا جاؤ کسی فریق کا مال لوگوں کے مال میں سے گناہ کے طور پے، اور تم جانتے ہو (کہ ایسا نہیں کرنا چاہئے)

وہ سوال کرتے ہیں آپ سے نئے چاندوں کے بارے میں، کہہ دیجیئے یہ لوگوں کیلئے وقت جاننے اور حج کو جاننے کا ذریعہ ہے، اور نیکی یہ نہیں ہے کہ تم آؤ گھروں میں ان کے پیچھے سے اور لیکن نیکی یہ ہے کہ جو کوئی تقویٰ اختیار کرے، اور تم آؤ گھروں میں ان کے دروازوں سے اور اللہ سے ڈرتے رہو تاکہ تم کامیاب ہو جاؤ

اور جنگ کرو اللہ کے راستے میں (ان سے) جو تم سے جنگ کرتے ہیں اور نہ زیادتی کرو، بے شک اللہ پسند نہیں کرتا زیادتی کرنے والوں کو

اور انہیں قتل کرو جہاں تم پاؤ انہیں اور انہیں نکال دو جہاں سے انہوں نے نکالا ہے تمہیں اور فتنہ قتل سے زیادہ سخت ہے، اور ان سے نہ لڑو مسجد حرام کے پاس جب تک کہ وہ تم سے نہ لڑیں اس میں، پھر اگر وہ تم سے لڑیں تو تم بھی انہیں قتل کرو، یہی سزا ہے کافروں کی

پھر اگر وہ باز آجائیں تو بیشک اللہ غفور اور رحیم ہے

اور ان سے لڑو یہاں تک کہ فتنہ باقی نہ رہے اور ہو جائے دین اللہ کے لیے، پھر اگر وہ باز آجائیں تو سختی سوائے ظالموں کے کسی پر نہیں

حرمت والے مہینے کا بدلہ حرمت والا مہینہ ہے اور قصاص بھی قابلِ حرمت ہے، پھر جو تم پر زیادتی کرے تم بھی اس پر اتنی ہی زیادتی کرو جتنی اس نے زیادتی کی ہے تم پر، اور ڈرو اللہ سے اور جان لو کہ بیشک اللہ متقیوں کے ساتھ ہے

اور خرچ کرو اللہ کے راستے میں اور نہ ڈالو ہلاکت میں اپنے آپ کو اپنے ہاتھوں، اور نیکی کرو، بیشک اللہ پسند کرتا ہے نیکی کرنے والوں کو

مکمل کرو حج اور عمرہ اللہ کے لیے، تو اگر روکے جاؤ تو جو (قربانی کا جانور) میسر ہو کر دو، اور نہ منڈواؤ اپنا سر جب تک کہ قربانی اپنی جگہ پہونچ (نہ) جائے، پھر جو کوئی تم میں سے بیمار ہو یا تکلیف ہو اس کے سر میں تو فدیہ دے روزوں سے یا صدقہ سے یا قربانی سے، تو جب تم امن کی حالت میں آجاؤ، تو جو کرے حج اور عمرہ ساتھ میں تو (قربانی کا جانور) جو میسر ہو کرے، پھر جو نہ پائے تو تین روزے حج کے دنوں میں رکھے اور سات جب تم لوٹو، یہ دس مکمل ہو گئے، یہ اس کے لیے ہے جو نہ ہو رہنے والا مسجد حرام کا (یعنی مکے کا) اور اللہ سے ڈرتے رہو اور جان لو کہ اللہ سخت عذاب دینے والا ہے

حج کے مہینے معلوم ہیں، تو جن پر فرض ہو ان میں حج تو نہ ملے (بیوی سے) اور نہ گناہ کرے اور نہ جھگڑا کرے حج میں، اور تم جو نیکی کرتے ہو اللہ اس کو جانتا ہے، اور زادِ راہ لے لیا کرو (یعنی سفر خرچ) اور بہترین زادِ راہ تقویٰ ہے، اور مجھ سے ہی ڈرو اے عقلمندو!

نہیں ہے تم پر کوئی گناہ کہ تم تلاش کرو فضل اپنے رب کا، پھر جب تم لوٹو عرفات سے (مزدلفہ کی طرف جسے مشعرِ حرام کہتے ہیں) تو یاد کرو اللہ کو مشعر الحرام کے پاس، اور اس کی یاد اس طرح کرو کہ جس طرح اس نے تمہیں ہدایت دی ہے، اور اس سے پہلے تم گمراہ (یعنی انجان) تھے

پھر تم لوٹو (عرفات سے) جہاں سے لوگ لوٹتے ہیں اور اللہ سے مغفرت طلب کرو، بے شک اللہ بڑا غفور نہایت رحم والا ہے

پھر جب تم پورے کر لو حج کے ارکان تو اللہ کو یاد کرو جیسے تم اپنے باپ دادا کو یاد کیا کرتے ہو یا اس سے بھی زیادہ یاد کرو، تو لوگوں میں بعض یہ کہتے ہیں اے ہمارے رب! عطا کر ہمیں دنیا میں، اور اس کے لیے آخرت میں کوئی حصہ نہیں ہے

اور ان میں بعض یہ کہتے ہیں کہ اے ہمارے رب! عطا کر ہمیں دنیا میں بھلائی اور آخرت میں بھی بھلائی اور بچا ہمیں دوزخ کے عذاب سے

یہی وہ لوگ ہیں جن کے لیے حصہ ہے جو کچھ انہوں نے کمایا، اور اللہ جلد حساب لینے والا ہے

اور یاد کرو اللہ کو ان چند دنوں میں (منیٰ کے قیام میں) تو جس نے جلدی کی دو دن میں لوٹنے کی تو اس پر کوئی گناہ نہیں، اور جو تاخیر کرے تو اس پر بھی کوئی گناہ نہیں جو (اللہ سے) ڈرتا ہو، اور اللہ سے ڈرو اور جان لو کہ تم اسی کی طرف جمع کیے جاؤ گے

اور لوگوں میں بعض ایسے بھی ہیں جس کی باتیں آپ کو اچھی معلوم ہوتی ہے دنیا کی زندگی میں اور وہ گواہ بنا لیتا ہے اللہ کو اپنے دل کی باتوں پر، اور وہ سخت جھگڑالو ہے (اخنس بن شریق منافق)

اور جب وہ ولی بنتا ہے تو کوشش کرتا ہے کہ ملک میں فساد کرے، اور برباد کرتا ہے کھیتی اور نسل کو اور اللہ نہیں پسند کرتا فساد کو

اور جب اسے کہا جاتا ہے کہ اللہ سے ڈر تو اسکی عزت آڑے آتی ہے گناہ کیلئے، تو اس کا ٹھکانہ جہنم ہے، اور وہ برا ٹھکانہ ہے

اور بعض لوگ ایسے بھی ہیں جو بیچ دیتے ہیں اپنی جان کو اللہ کی رضا کے لیے اور اللہ مہربان ہے اپنے بندوں پر

اے ایمان والو! داخل ہو جاؤ اسلام میں پورے کے پورے، اور مت اتباع کرو شیطان کے نقشِ قدم کی، بیشک وہ تمہارا کھلا دشمن ہے

پھر اگر تم پھسل گئے آجانے کے بعد تمہارے پاس کھلی نشانیاں، تو جان لو کہ اللہ زبردست حکمت والا ہے

کیا وہ انتظار کرتے ہیں کہ آئیں اللہ ان کے پاس سائے میں بادلوں کے اور فرشتے، اور فیصلہ کیا جا چکا ہے (کہ ایسا نہیں ہو سکتا) اور اللہ ہی کی طرف لوٹائے جاتے ہیں سارے امور

پوچھیئے بنی اسرائیل سے کہ کتنی عطا کیں ہم نے انہیں روشن دلیلیں، اور جو بدل دیتا ہے اللہ کی نعمت کو بعد اس کے کہ وہ اس کے پاس آچکی ہے تو بیشک اللہ سخت عذاب دینے والا ہے

مزین کر دی گئی ہے کافروں کے لئے دنیا کی زندگی کو (خوبصورت بنا کر) اور وہ ان لوگوں کا مذاق اڑاتے ہیں جو ایمان لائے ہیں، اور جو لوگ متقی ہیں وہ ان سے اوپر ہوں گے قیامت کے دن، اور اللہ رزق دیتا ہے جسے چاہتا ہے بے حساب

لوگ ایک امت میں تھے (حضرت آدمؑ سے نوحؑ تک) پھر بھیجا اللہ نے نبیوں کو خوشخبری دینے والا اور ڈرانے والا بنا کر، اور نازل کی ان کے ساتھ برحق کتاب تاکہ فیصلہ کرے لوگوں میں اس بات میں جس میں وہ اختلاف کرتے تھے، اور اس میں اختلاف نہیں کیا مگر ان ہی لوگوں نے جنہیں دی گئی تھی (کتاب) اس کے بعد کہ آچکی تھیں ان کے پاس روشن دلیلیں آپس کی ضد کی وجہ سے، پھر اللہ نے ہدایت کی ان کو جو ایمان والے ہیں حق بات کی جس میں وہ اختلاف کر رہے تھے اپنے حکم سے، اور اللہ ہدایت دیتا ہے جسے چاہتا ہے سیدھے راستے کی

کیا تم گمان کرتے ہو کہ جنت میں داخل ہو جاؤ گے اور تمہیں وہ (حالات) پیش نہیں آئیں گے جو ان لوگوں کو پیش آئے جو تم سے پہلے گزرے ہیں، پہونچی انہیں سختی اور تکلیف اور وہ ہلا دیے گئے (جنگِ احزاب میں) یہاں تک کہ رسول اور جو اس کے ساتھ ایمان لائے تھے کہنے لگے کہ اللہ کی مدد کب آئے گی؟ یاد رکھو بے شک اللہ کی مدد قریب ہے

وہ آپ سے پوچھتے ہیں کہاں خرچ کریں، کہہ دو جو مال تم خرچ کرو تو وہ ماں باپ اور رشتے داروں اور یتیموں اور محتاجوں اور مسافروں پر کرو، اور جو بھی تم خیر کے کام کرتے ہو بے شک اللہ اسے خوب جانتا ہے

فرض کی گئی ہے تم پر جنگ اور وہ تمہیں ناپسند ہے، اور ممکن ہے کہ تم کسی چیز کو ناپسند کرو اور وہ تمہارے لیے بہتر ہو، اور ممکن ہے کہ تم کسی چیز کو پسند کرو اور وہ تمہارے لیے بری ہو، اور اللہ ہی جانتا ہے اور تم نہیں جانتے

وہ آپ سے پوچھتے ہیں حرمت والے (جنگ بندی کے) مہینے میں لڑائی کے بارے میں، کہہ دو اس میں لڑنا بڑا (گناہ) ہے، اور اللہ کے راستے سے روکنا اور اس کا انکار کرنا اور مسجد حرام سے روکنا اور اس کے رہنے والوں کو اس میں سے نکالنا اللہ کے نزدیک اس سے بڑا گناہ ہے، اور فتنہ تو قتل سے بھی بڑا گناہ ہے، اور وہ ہمیشہ تم سے لڑتے رہیں گے یہاں تک کہ پھیر دیں تمہیں تمہارے دین سے اگر انہیں طاقت ہو، اور جو تم میں سے پھر جائے اپنے دین سے پھر کافر ہی مر جائے تو یہی وہ لوگ ہیں ضائع ہو گئے جن کے اعمال دنیا اور آخرت میں، اور وہی دوزخی ہیں وہ اسی میں ہمیشہ رہیں گے

بے شک جو لوگ ایمان لائے اور جنہوں نے ہجرت کی اور جہاد کیا اللہ کے راستے میں وہی اللہ کی رحمت کے امیدوار ہیں، اور اللہ بڑی مغفرت کرنے والا نہایت رحم والا ہے

وہ پوچھتے ہیں آپ سے شراب اور جوئے کے بارے میں کہہ دو ان میں بڑا گناہ ہے اور نفع بھی ہے لوگوں کے لیے اور ان دونوں کا گناہ ان دونوں کے نفع سے بہت بڑا ہے، اور وہ آپ سے پوچھتے ہیں کہ کیا خرچ کریں، کہہ دو معاف ہے (اگر کچھ نہ ہو) اسی طرح بیان کرتا ہے اللہ تمہارے لئے آیتیں کھول کر تاکہ تم غور و فکر کرو

دنیا اور آخرت کے بارے میں، اور وہ پوچھتے ہیں آپ سے یتیموں کے متعلق، کہہ دو ان کی اصلاح کرنا بہتر ہے، اور اگر تم انہیں ملا لو تو وہ تمہارے بھائی ہیں، اور اللہ جانتا ہے فسادی کو اصلاح کرنے والے کے لبادے میں، اور اگر اللہ چاہتا تو ڈال دیتا تمہیں تکلیف میں، بے شک اللہ زبردست حکمت والا ہے

اور مت نکاح کرو مشرکہ عورتوں سے حتی کہ وہ ایمان لے آئیں، اور ایمان والی لونڈی بہتر ہے مشرکہ عورت سے اور اگرچہ وہ تمہیں اچھی معلوم ہو، اور مت نکاح کرو مشرک مردوں سے یہاں تک کہ وہ ایمان لائیں، اور مومن غلام بہتر ہے مشرک مرد سے اور اگرچہ وہ تمہیں اچھا لگے، یہ لوگ بلاتے ہیں دوزخ کی طرف، اور اللہ بلاتا ہے جنت اور مغفرت کی طرف اپنے حکم سے، اور وہ بیان کرتا ہے اپنی آیتیں لوگوں کے لیے تاکہ وہ نصیحت حاصل کریں

اور وہ پوچھتے ہیں آپ سے حیض کے بارے میں، کہہ دو وہ اذیت والی چیز ہے تو الگ رہو عورتوں سے حیض میں، اور ان کے قریب نہ جاؤ یہاں تک کہ وہ پاک ہو جائیں، پھر جب وہ پاک ہو جائیں تو جاؤ ان کے پاس جس طرح اللہ نے تمہیں حکم دیا ہے، بے شک اللہ محبوب رکھتا ہے توبہ کرنے والوں کو اور محبوب رکھتا ہے پاک رہنے والوں کو

تمہاری بیویاں تمہاری کھیتیاں ہیں تو تم اپنی کھیتی میں اس طرح آؤ کہ آگے کچھ بھیج سکو اپنے لئے (اللہ کے پاس) اور اللہ سے ڈرتے رہو اور جان لو کہ تم ضرور ملو گے اس سے اور خوشخبری سنا دو ایمان والوں کو

اور نہ بناؤ اللہ کو ڈھال اپنی قسموں کیلئے، کہ تم بری ہو جاؤ اور تقویٰ اختیار کرو اور اصلاح کرو لوگوں کے درمیان، اور اللہ سننے والا جاننے والا ہے

نہیں پکڑتا تمہیں اللہ تمہاری لغو قسموں میں اور لیکن مؤاخذہ کرتا ہے تم سے ان قسموں پر جن کا ارادہ کیا ہو تمہارے دلوں نے، اور اللہ بڑا بخشنے والا بردبار ہے

جو لوگ ایلاء کرتے ہیں (یعنی اپنی بیویوں کے پاس نہ جانے کی قسم کھا لیتے ہیں) وہ رک سکتے ہیں چار مہینے پھر اگر وہ رجوع کر لیں تو اللہ بڑا بخشنے والا نہایت رحم والا ہے

اور اگر انہوں نے ارادہ کر لیا طلاق کا تو بے شک اللہ سننے والا جاننے والا ہے

اور طلاق دی ہوئی عورتیں روکے رکھیں اپنے آپ کو تین حیض تک، اور نہیں حلال ہے ان کے لیے کہ وہ چھپائیں جو پیدا کیا ہے اللہ نے ان کے رحم (یعنی پیٹوں) میں، اگر وہ ایمان رکھتی ہیں اللہ اور قیامت کے دن پر، اور ان کے شوہر کا زیادہ حق ہے (اس مدت میں) ان کو لوٹانے کا اگر وہ ارادہ رکھتے ہیں اصلاح کا، اور (عورتوں پر مردوں کا) ویسا ہی حق ہے جیسا ان پر ہے بھلے طریقے سے، اور مردوں کو ان پر ایک درجہ ہے، اور اللہ زبردست حکمت والا ہے

طلاق دو مرتبہ (میں رجوع کا حق) ہے پھر انسانیت کے ساتھ روکنا ہے یا انسانیت کے ساتھ چھوڑنا ہے، اور نہیں ہے حلال تمہارے لئے کہ تم لو جو تم نے انہیں دی ہے کوئی چیز مگر یہ کہ دونوں ڈریں کہ اللہ کی حدیں قائم نہیں رکھ سکیں گے، پھر اگر تمہیں خوف ہو کہ دونوں اللہ کی حدیں قائم نہیں رکھ سکیں گے تو ان دونوں پر اس میں کوئی گناہ نہیں کہ عورت فدیہ دے کر چھوٹ جائے (یعنی خلع کرا لے) یہ اللہ کی حدیں ہیں سو ان سے تجاوز نہ کرو، اور جو اللہ کی حدوں سے تجاوز کرے گا تو وہی ظالم ہیں

پھر اگر اسے طلاق دے دی تو اس کے بعد اس مرد کے لیے وہ حلال نہ ہوگی یہاں تک کہ وہ کسی اور شوہر (یعنی مرد) سے نکاح کرے، پھر اگر وہ بھی اسے طلاق دے دے تو ان دونوں پر کوئی گناہ نہیں کہ آپس میں رجوع کرلیں اگر ان کو گمان ہو کہ وہ اللہ کی حدیں قائم رکھ سکیں گے، اور یہ اللہ کی حدیں ہیں وہ انہیں کھول کر بیان کرتا ہے لوگوں کے لیے تاکہ وہ جانیں

اور جب عورتوں کو طلاق دے دو پھر وہ اپنی عدت کو پہنچ جائیں تو انہیں حسن سلوک سے روک لو یا انہیں حسن سلوک کے ساتھ چھوڑو، اور نہ روکو انہیں تکلیف دینے کے لیے تاکہ تم سختی کرو، اور جو بھی کرے گا ایسا تو یقیناً وہ اپنے اوپر ظلم کرے گا، اور اللہ کی آیتوں کا مذاق نہ اڑاؤ، اور یاد کرو اللہ کی نعمت کو جو اس نے انعام کی ہے تم پر اور جو اس نے نازل کی ہے تم پر کتاب اور حکمت وہ نصیحت کرتا ہے تم کو اس کے ذریعے، اور اللہ سے ڈرو اور جان لو کہ بیشک اللہ ہر چیز کو خوب جاننے والا ہے

اور جب تم طلاق دے دو عورتوں کو تو وہ پہنچ جائیں اپنی عدت کو تو نہ روکو انہیں اپنے (پہلے) شوہر سے نکاح کرنے سے جب کہ وہ راضی ہو جائیں بھلے طریقے سے آپس میں، یہ نصیحت اسے کی جاتی ہے جو تم میں سے ایمان رکھتا ہے اللہ اور قیامت کے دن پر، یہ تمہارے لیے بڑی پاکیزگی اور بڑی صفائی کی بات ہے، اور اللہ ہی جانتا ہے اور تم نہیں جانتے

اور مائیں دودھ پلائیں اپنے بچوں کو دو سال مکمل، یہ اس کے لیے ہے جو پوری کرنا چاہے مدت رضاعت (یعنی دودھ کی مدت) اور باپ پر ہے ان کا کھانا اور پہننا بھلے طریقے سے (یعنی دودھ پلانے والیوں کا کھانا اور کپڑا) کسی کو تکلیف نہ دی جائے مگر اس کی وسعت کے اندر، نہ تکلیف دی جائے ماں کو اس کے بچے کی وجہ سے اور نہ باپ کو اس کے بچے کی وجہ سے، اور وارث پر بھی ایسا ہی حکم ہے پھر اگر چھڑانا چاہیں دونوں دودھ اپنی رضامندی اور مشورہ سے تو ان دونوں پر کوئی گناہ نہیں ہے، اور اگر تم چاہو دودھ پلوانا اپنی اولاد کو (کسی اور سے) تو تم پر کوئی گناہ نہیں، جب کہ تم طے کر لو جو تمہیں دینا ہے بھلے طریقے سے اور اللہ سے ڈرو اور جان لو کہ بے شک جو تم کرتے ہو اللہ اسے خوب دیکھ رہا ہے

اور جو تم میں سے وفات پا جائیں اور چھوڑ جائیں بیویاں تو وہ بیویاں اپنے آپ کو روکیں چار مہینے دس دن تک، پھر جب وہ اپنی عدت پوری کر لیں تو تم پر کوئی گناہ نہیں اس میں جو وہ بھلے طریقے سے اپنے حق میں (نکاح) کریں، اور اللہ اس سے باخبر ہے جو تم کرتے ہو

اور تم پر اس میں گناہ نہیں ہے کہ تم پیش کرو ان (عدت والیوں) کو پیغام نکاح اور یا تم اسے اپنے دل میں چھپاؤ اللہ جانتا ہے کہ تم جلد ہی ان (عورتوں) کا تذکرہ کرو گے، لیکن وعدہ نہ کرو ان سے چھپے طور پر (نکاح کا) مگر یہ کہ کہو کوئی بات بھلے طریقے سے، اور نکاح کا ارادہ نہ کرو جب تک کہ پہنچ (نہ) جائے عدت اپنی مدت کو، اور جان لو کہ بیشک اللہ جانتا ہے جو کچھ تمہارے دلوں میں ہے پس اس سے ڈرو، اور جان لو اللہ بڑی مغفرت کرنے والا بردبار ہے

تم پر کوئی گناہ نہیں اگر تم عورتوں کو طلاق دے دو جن سے تم نہ ملے ہو یا ان کے لیے مہر مقرر نہ کیا ہو، اور انہیں سامان دے وسعت والے اپنی وسعت کے مطابق اور تنگدست اپنی وسعت کے مطابق سامان بھلے طریقے سے دے (یعنی انسانیت سے) متقیوں پر یہ حق ہے

اور اگر تم انہیں طلاق دو ملنے سے پہلے اور تم ان کے لیے مہر مقرر کر چکے ہو تو نصف مہر (یعنی آدھا مہر دے دو) جو تم نے مقرر کیا تھا، مگر یہ کہ وہ (عورت) معاف کر دے، یا وہ معاف کر دے جس کے ہاتھ میں نکاح کی گرہ (یعنی ذمے داری) ہے، اور تم معاف کر دو تو یہ زیادہ قریب ہے تقوے سے، اور نہ بھولو فضل (یعنی حسن سلوک) کرنا آپس میں (کیوں کہ) جو بھی تم کر رہے ہو اللہ اسے دیکھ رہا ہے

حفاظت کیا کرو نمازوں کی اور (خاص طور پر عصر کی) درمیانی نماز کی، اور کھڑے رہا کرو اللہ کے سامنے فرماں بردار بن کے

پھر اگر تمہیں خوف ہو تو کھڑے یا سواری پر (پڑھ لیا کرو) پھر جب امن کی حالت میں آؤ تو اللہ کو یاد کیا کرو جیسا اس نے تمہیں سکھایا ہے جو تم نہیں جانتے تھے

اور جو لوگ وفات پا جائیں تم میں سے اور چھوڑ جائیں بیویاں وصیت کر جائیں اپنی بیویوں کے لیے سال بھر کے خرچ کے لئے (گھر سے) باہر نکالے بغیر پھر اگر وہ خود نکل جائیں تو تم پر کوئی گناہ نہیں اس میں کہ اپنے حق میں بھلے طریقے سے (نکاح) کر لیں، اور اللہ زبردست حکمت والا ہے

اور تمام مطلقہ عورتوں کو سامان بھلے طریقے سے دینا لازم ہے متقیوں پر

اسی طرح بیان فرماتا ہے اللہ تمہارے لئے اپنی آیتوں کو تاکہ تم عقل پکڑو

کیا تم نے ان لوگوں کو نہیں دیکھا جو اپنے گھروں سے نکلے (طاعون بیماری کی وجہ سے) اور وہ ہزاروں کی تعداد میں تھے، موت کے ڈر سے، پھر اللہ نے ان سے فرمایا کہ مر جاؤ، پھر انہیں زندہ کر دیا، بے شک اللہ لوگوں پر فضل کرنے والا ہے اور لیکن اکثر لوگ شکر ادا نہیں کرتے (یہ واقعہ بنی اسرائیل کی ایک جماعت کا ہے)

اور قتال کرو اللہ کے راستے میں اور جان لو کہ بے شک اللہ خوب سننے والا جاننے والا ہے

کون ہے جو اللہ کو قرض حسنہ دے پھر اللہ اس کو کئی گنا بڑھا کر دے اور اللہ ہی تنگی کرتا ہے اور کشادگی کرتا ہے اور تم سب اسی کی طرف لوٹائے جاؤ گے

کیا تم نے نہیں دیکھا بنی اسرائیل کے سرداروں کو موسیٰ کے بعد، جب انہوں نے کہا اپنے نبی سے کہ ہمارے لیے ایک بادشاہ مقرر کر دو تاکہ ہم اللہ کی راہ میں لڑیں، کہا (رسول نے) کیا ممکن ہے کہ فرض کیا جائے تم پر قتال اور تم نہ لڑو؟ انہوں نے کہا ہمیں کیا ہوا کہ ہم نہیں لڑیں گے اللہ کی راہ میں ہم تو نکالے گئے ہیں اپنے گھروں اور بچوں سے (اسی کام کے لئے) پھر جب فرض کی گئی ان پر جنگ تو پھر گئے سوائے چند کے سب ان میں سے، اور اللہ ظالموں کو خوب جانتا ہے

اور کہا ان سے ان کے نبی (شموئیل) نے کہ بے شک اللہ نے مقرر فرمایا ہے تمہارا بادشاہ طالوت کو، انہوں نے کہا کیسے ہو سکتی ہے اس کی حکومت ہم پر؟ ہم سلطنت کے زیادہ حقدار ہیں اس سے، اور نہیں دی گئی اسے مال میں بھی وسعت، کہا (رسول نے) کہ اللہ نے چن لیا ہے اسے تم پر اور زیادہ دی ہے اسے صلاحیت علم میں اور جسم میں، اور اللہ عطا فرماتا ہے اپنا ملک جسے چاہتا ہے، اور اللہ وسعت والا جاننے والا ہے

اور کہا (بنی اسرائیل سے) ان کے نبی نے کہ اس (طالوت) کی بادشاہی کی نشانی یہ ہے کہ تمہارے پاس صندوق آئے گا جس میں تمہارے رب کی طرف سے سکینت (یعنی تسلی کی چیز) ہے، اور باقیات جو چھوڑیں موسیٰ اور ہارون کی اولاد نے، اس (صندوق) کو فرشتے اٹھا لائیں گے، بے شک اس میں تمہارے لیے نشانی ہے اگر تم ایمان والے ہو

پھر جب نکلے طالوت فوجوں کے ساتھ، کہا بے شک اللہ تمہاری آزمائش کرنے والا ہے ایک نہر کے ذریعے، جس نے اس نہر کا پانی پیا تو وہ نہیں ہے مجھ میں سے اور جس نے اسے نہ چکھا تو وہ مجھ میں سے ہو گا، مگر جو کوئی اپنے ہاتھ سے ایک آدھ چلو بھر لے (تو اسے معاف ہے) پھر سب نے پیا اس سے سوائے چند کے ان میں سے، تو جب پار ہوئے وہ اور ان کے ساتھ کے ایمان والے، تو کہنے لگے آج ہمیں لڑنے کی طاقت نہیں جالوت اور اس کے لشکروں سے، وہ کہنے لگے جن لوگوں کو یہ گمان تھا کہ انہیں اللہ سے ملنا ہے، کتنی ہی چھوٹی جماعت نے غلبہ پایا ہے بڑی جماعتوں پر اللہ کے حکم سے، اور اللہ صبر کرنے والوں کے ساتھ ہے

اور جب انہوں نے مقابلہ کیا جالوت اور اس کی فوج کا تو کہا اے ہمارے رب! ڈال دے ہم پر صبر اور ثابت رکھ ہمارے قدموں کو اور ہماری مدد کر کافر قوم پر

پھر انہوں نے شکست دی ان کو اللہ کے حکم سے (مومنوں نے جالوت کے لشکروں کو) اور قتل کیا داؤد نے جالوت کو، اور اللہ نے داؤد کو دی سلطنت اور حکمت اور سکھایا اسے جو چاہا اور اگر دفاع نہ کرے اللہ لوگوں کا ایک کو دوسرے کے ذریعے تو زمین فساد سے بھر جائے، اور لیکن اللہ بہت مہربان ہے جہان والوں پر

یہ اللہ کی آیتیں ہیں ہم تمہیں ٹھیک طور پر پڑھ کر سناتے ہیں، اور بے شک تو (اے نبیؐ) رسولوں میں سے ہے

یہ وہ رسول ہیں جنہیں فضیلت دی ہے ہم نے ایک کو دوسرے پر، بعض وہ ہیں جن سے اللہ نے کلام فرمایا، اور بعضوں کے درجے بلند کئے اور ہم نے عطا کئے مریم کے بیٹے عیسیٰ کو کھلے معجزے، اور ہم نے ان کی تائید کی روح القدس (یعنی جبرئیلؑ) کے ذریعے، اور اگر اللہ چاہتا تو آپس میں نہ لڑتے وہ لوگ جو ان (رسولوں) کے بعد آئے، بعد اس کے کہ ان کے پاس واضح دلیلیں آچکی تھیں اور لیکن انہوں نے اختلاف کیا پھر ان میں سے بعضوں نے ایمان قبول کیا اور بعضوں نے کفر کیا، اور اگر اللہ چاہتا تو وہ آپس میں نہ لڑتے اور لیکن اللہ کرتا ہے جو چاہتا ہے

اے ایمان والو! خرچ کرو اس میں سے جو ہم نے تمہیں رزق دیا ہے، اس دن کے آنے سے پہلے جس میں نہ کوئی خرید و فروخت ہو اور نہ کوئی دوستی اور نہ کوئی سفارش، اور کافر ہی ظالم ہیں

اللہ کے سوا کوئی معبود نہیں (وہ) زندہ ہے اور قائم ہے نہ اس کو اونگھ آتی ہے اور نہ نیند، سب اسی کا ہے آسمانوں اور زمین میں جو کچھ ہے، ایسا کون ہے جو سفارش کر سکے اس کے پاس اس کی اجازت کے بغیر، وہ جانتا ہے ان کے سامنے اور ان کے پیچھے کی چیزوں کو، اور وہ احاطہ نہیں کر سکتے اس کی معلومات میں سے کسی چیز کا مگر جتنا کہ وہ چاہے، بڑی ہے اس کی کرسی آسمانوں اور زمینوں سے، اور نہیں تھکاتی اللہ کو ان دونوں کی حفاظت، اور وہی سب سے بڑا عظمت والا ہے

کوئی زبردستی نہیں ہے دین میں، یقیناً ہدایت واضح ہے گمراہی سے، پھر جو شخص انکار کرے شیطان کا اور ایمان لائے اللہ پر تو یقیناً اس نے پکڑ لیا مضبوط قلعہ جو جدا ہونے والا نہیں اس سے، اور اللہ خوب سننے والا جاننے والا ہے

اللہ دوست ہے ایمان والوں کا (اور) وہ نکالتا ہے انہیں اندھیروں سے روشنی کی طرف، اور جو لوگ کافر ہیں ان کے دوست شیطان ہیں وہ نکالتے ہیں انہیں روشنی سے اندھیروں کی طرف، یہی لوگ دوزخی ہیں وہ اس میں ہمیشہ رہیں گے

کیا تو نے اس (نمرود) کو نہیں دیکھا جس نے ابراہیم سے اس کے رب کے بارے میں جھگڑا کیا (اس لئے) کہ اللہ نے اسے سلطنت دی تھی، جب کہا ابراہیم نے کہ میرا رب وہ ہے جو زندہ کرتا ہے اور موت دیتا ہے، اس نے کہا میں بھی زندہ کرتا ہوں اور موت دیتا ہوں، کہا ابراہیم نے تو بے شک اللہ لاتا ہے سورج کو مشرق سے، تو لے آ اسے مغرب سے، تب وہ کافر مبہوت (یعنی حیران) رہ گیا، اور اللہ نہیں ہدایت دیتا ظالم قوم کو

یا اس (عزیزؑ) کی طرح جو گزرا ایک بستی سے اور وہ (بستی بیت المقدس کی) گری ہوئی تھی اپنی چھتوں پر، کہا اس نے کیسے زندہ کرے گا اس کو اللہ اس کے مر جانے کے بعد؟ تو موت دی اسے اللہ نے سو برس کی، پھر زندہ کیا اسے، کہا تو (یہاں) کتنے دن ٹھہرا؟ اس نے کہا میں ٹھہرا ایک دن یا اس سے کچھ کم، فرمایا بلکہ تو ٹھہرا رہا سو برس تک (موت کی حالت میں، اب) تو دیکھ اپنا کھانا اور اپنا پینا نہیں سڑا ہے وہ، اور دیکھ اپنے گدھے کو اور تاکہ ہم بنا دیں تجھے لوگوں کے لئے نمونہ، اور دیکھو ہڈیوں کی طرف کہ کس طرح ہم انہیں جوڑ رہے ہیں پھر ہم پہنا رہے ہیں ان پر گوشت، پھر جب واضح ہو گیا اس کے سامنے تو کہا میں جان گیا کہ بیشک اللہ ہر چیز پر قادر ہے

اور جب کہا ابراہیمؑ نے اے میرے رب! مجھ کو دکھا کہ تو کیسے زندہ کرے گا مردے کو، فرمایا کہ کیا تمہیں یقین نہیں؟ کہا کیوں نہیں اور لیکن اس لئے چاہتا ہوں کہ میرے دل کو اطمینان ہو جائے، فرمایا تو پکڑ لو چار پرندے کو، پھر مانوس کر لو انہیں اپنے ساتھ پھر ڈال دو (انہیں ذبح کرنے کے بعد) ہر پہاڑ پر ان کا ایک ایک ٹکڑا، پھر بلاؤ ان کو، آجائیں گے تیرے پاس دوڑتے ہوئے، اور جان لو کہ بیشک اللہ زبردست حکمت والا ہے

ان لوگوں کی مثال جو خرچ کرتے ہیں اپنا مال اللہ کے راستے میں اس مثال کی طرح ہے کہ ایک دانا ہو جو اگائے سات بالیاں ہر بالی میں سو سو دانے ہوں، اور اللہ بڑھاتا ہے جس کے لئے چاہتا ہے، اور اللہ وسیع جاننے والا ہے

جو لوگ خرچ کرتے ہیں اپنا مال اللہ کی راہ میں پھر خرچ کرنے کے بعد نہ احسان جتاتے ہیں اور نہ اذیت (یعنی تکلیف) دیتے ہیں، ان کے لیے ان کے رب کے پاس اجر ہے اور نہ کوئی خوف ہو گا ان پر اور نہ وہ غمگین ہوں گے

بھلی بات کہنا اور معاف کر دینا بہتر ہے اس خیرات سے جس کے بعد اذیت (یعنی ستانا) ہو، اور اللہ بے نیاز نہایت برداشت کرنے والا ہے

اے ایمان والو! نہ باطل کرو اپنی صدقات کو احسان جتا کر اور ایذاء دے کر اس شخص کی طرح جو خرچ کرتا ہے اپنا مال لوگوں کے دکھانے کو اور ایمان نہ رکھتا ہو اللہ پر اور (نہ) آخرت کے دن پر، تو اس کی مثال ایسی ہے جیسے چکنا پتھر کہ اس پر کچھ مٹی پڑی ہو پھر اس پر زور کی بارش ہو پھر چھوڑ دے اسے صاف کر کے کچھ قدرت نہیں رکھتے ایسے لوگ اپنی کمائی پر، اور اللہ ہدایت نہیں دیتا کافر قوم کو

اور ان لوگوں کی مثال جو خرچ کرتے ہیں اپنا مال اللہ کی رضا کے لیے اور اپنے آپ کو ثابت رکھنے کے لئے ان کی مثال ایسی ہے کہ ایک باغ ہو کسی ٹیلے پر پہنچے اس پر بارش تو آئے اس کا پھل دوگنا، تو اگر نہ پہنچے اس پر بارش تو شبنم ہی کافی ہے، اور اللہ تمہارے اعمال کو خوب دیکھنے والا ہے

کیا یہ چاہتا ہے تم میں کوئی کہ اس کا ایک باغ کھجور اور انگور کا ہو، بہتی ہوں جس کے نیچے نہریں، اس کے اس (باغ) میں اور بھی ہر طرح کا پھل ہو، اور پہنچے اسے بڑھاپا اور اس کی اولاد ضعیف ہو، تو پہنچے اس (باغ) پر بگولہ (آندھی) جس میں آگ ہو جس سے وہ باغ جل جائے اسی طرح اللہ بیان کرتا ہے تمہارے لئے آیتوں کو تاکہ تم غور و فکر کرو

اے ایمان والو! خرچ کرو پاک چیزیں جو تم کماتے ہو اور اس چیز میں سے بھی جو ہم نے نکالا ہے تمہارے لیے زمین سے اور ارادہ نہ کرو اس میں سے خراب چیز کا کہ اس کو خرچ کرو اور تم نہ ہو گے اس کے لینے والے مگر یہ کہ جی چراؤ گے اس میں، اور جان لو کہ بے شک اللہ بے نیاز تعریف والا ہے

شیطان وعدہ کرتا ہے تم سے تنگدستی کا اور تمہیں حکم کرتا ہے بے حیائی کا، اور اللہ وعدہ دیتا ہے تمہیں اپنی مغفرت اور فضل کا، اور اللہ بہت وسعت کرنے والا سب کچھ جاننے والا ہے

(اللہ) جس کو چاہتا ہے حکمت دیتا ہے اور جسے حکمت دی گئی تو اسے بڑی خیر دے دی گئی، اور نصیحت وہی قبول کرتے ہیں جو عقل والے ہیں

اور جو تم خرچ کرو گے خیرات کے طور پر یا تم کوئی منت مانگو گے تو بے شک اللہ جانتا ہے اسے، اور نہیں ہے ظالموں کا کوئی مددگار

اگر تم ظاہر کر کے خیرات دو تو بھی اچھی بات ہے، اور اگر اسے چھپا کر دو اور فقیروں کو پہنچا دو تو وہ زیادہ بہتر ہے تمہارے لئے، اور وہ (اللہ) معاف کر دے گا تم سے تمہارے گناہوں کو، اور اللہ تمہارے کاموں سے خوب خبر رکھنے والا ہے

نہیں ہے تم پر ان کی ہدایت اور لیکن اللہ ہدایت دیتا ہے جسے چاہتا ہے، اور جو تم خرچ کرو گے مال میں سے تو وہ تمہارے لیے ہے، اور جو تم خرچ کرو وہ اللہ کی رضاء کے لیے کرو، اور جو تم خرچ کرو گے اس کا پورا اجر تمہیں دیا جائے گا اور تم پر نہیں کیا جائے گا ظلم

(خیرات) ان فقراء کے لئے ہیں جو اللہ کی راہ میں لگے ہوئے ہیں چل پھر نہیں سکتے زمین میں جاہل انہیں غنی سمجھتا ہے سوال نہ کرنے کیوجہ سے، تم پہچانو انہیں ان کے چہرے سے، وہ سوال نہیں کرتے لوگوں سے چمٹ کر، اور جو تم خرچ کرو گے مال تو بیشک اللہ اسے جانتا ہے

جو لوگ خرچ کرتے ہیں اپنا مال (اللہ کی راہ میں) رات اور دن چھپا کر اور ظاہر کر کے تو ان کے لیے ان کا اجر ہے ان کے رب کے پاس، اور ان پر نہ کوئی خوف ہے اور نہ وہ غمگین ہوں گے

جو لوگ کھاتے ہیں سود، وہ اس طرح کھڑے ہوں گے (قیامت کے دن) جیسے خبطی کر دیا ہو اسے شیطان نے چھو کے، یہ (حالت ان کی) اس لیے ہو گی کہ انہوں نے کہا تھا کہ تجارت بھی سود کیطرح ہے، حالانکہ اللہ نے حلال کیا ہے تجارت کو اور حرام کیا ہے سود کو، پھر جسے آگئی نصیحت اس کے رب کی طرف سے اور وہ باز آ گیا تو جو پہلے کیا سو کیا، اور اس کا معاملہ اللہ کے حوالے ہے، اور جو کوئی دوبارہ (سود کا کام) کرے تو وہی ہیں دوزخی، وہ اس میں ہمیشہ رہیں گے

اللہ مٹاتا ہے سود کو اور بڑھاتا ہے صدقات کو، اور اللہ پسند نہیں کرتا کسی ناشکرے گناہگار کو

بے شک جو لوگ ایمان لائے اور نیک کام کیے اور نماز کو قائم رکھا اور زکوٰۃ دیتے رہے تو ان کا اجر ان کے رب کے پاس ہے اور نہ کوئی خوف ہو گا ان پر اور نہ وہ غمگین ہوں گے

اے ایمان والو! ڈرو اللہ سے اور چھوڑ دو جو باقی سود رہ گیا ہے اسے، اگر تم ایمان والے ہو

اگر تم نے نہیں کیا (یعنی نہیں چھوڑا سود) تو تیار ہو جاؤ جنگ کے لیے اللہ اور اس کے رسول سے، اور اگر توبہ کر لو تو راس المال (یعنی اصل مال) تمہارا ہے نہ تم کسی پر ظلم کرو اور نہ تم پر ظلم کیا جائے گا

اور اگر وہ تنگ دست ہے تو مہلت دو خوشحالی تک، اور اگر صدقہ کر دو تو تمہارے لئے بہت بہتر ہے اگر تم جانو

اور ڈرو اس دن سے جس دن لوٹائے جاؤ گے اللہ کی طرف، پھر پورا بدلہ دیا جائے گا ہر شخص کو اس کی کمائی کا اور ان پر نہیں کیا جائے گا ظلم

اے ایمان والو! جب تم آپس میں لین دین کا معاملہ کرو کسی وقت مقرر تک تو اسے لکھ لیا کرو، اور چاہئے کہ لکھے تمہارے درمیان لکھنے والا انصاف سے، اور انکار نہ کرے لکھنے والا لکھنے سے جیسا کہ اس کو اللہ نے سکھایا ہے، سو اسے چاہیے کہ لکھ دے، اور وہ لکھوائے جو قرض لے رہا ہے اور اللہ سے ڈرے جو اس کا رب ہے اور اس میں کچھ کم کر کے نہ لکھائے، پھر اگر وہ شخص کہ جس پر قرض ہے بے وقوف ہے یا کمزور ہے یا وہ خود نہیں لکھ سکتا تو اس کا ولی لکھوا دے انصاف کے ساتھ، اور دو گواہ کر لیا کرو اپنے مردوں میں سے، پھر اگر نہ ہوں دو مرد تو ایک مرد اور دو عورتیں ان لوگوں میں سے جنہیں تم گواہوں میں سے پسند کرتے ہو، تاکہ اگر بھول جائے ایک ان میں سے تو یاد دلا دے اسے دوسری، اور انکار نہ کریں جب گواہوں کو بلایا جائے تو، اور سستی نہ کرو لکھنے میں معاملہ چھوٹا ہو یا بڑا اس کی میعاد تک یہ (لکھ لینا) اللہ کے نزدیک انصاف کو زیادہ قائم رکھنے والا ہے اور شہادت کو زیادہ درست رکھنے والا ہے اور زیادہ قریب ہے اس بات کے کہ تم کسی شبہ میں نہ پڑو، مگر یہ کہ تجارت ہاتھوں ہاتھ ہو جسے آپس میں لیتے دیتے ہو پھر تم پر کوئی گناہ نہیں کہ اسے نہ لکھو، اور گواہ بنا لو جب آپس میں سودا کرو، اور نہ تکلیف دی جائے لکھنے والے اور گواہ کو، اور اگر تم نے ایسا کیا تو بیشک یہ گناہ ہے تمہارے لئے، اور اللہ سے ڈرو، اور اللہ تمہیں سکھاتا ہے، اور اللہ ہر چیز کا جاننے والا ہے

اور اگر تم سفر میں ہو اور نہ پاؤ کوئی لکھنے والا تو گروی (کے لئے سامان) کو قبضہ میں دے دیا جائے، اور اگر ایک تم میں سے دوسرے پر اعتبار کرے تو چاہیے کہ وہ شخص امانت ادا کر دے جس پر اعتبار کیا گیا اور اپنے اللہ سے ڈرے جو اس کا رب ہے، اور گواہی کو نہ چھپاؤ، اور جو شخص اسے چھپائے گا تو بے شک اس کا دل گناہ گار ہے، اور جو کچھ تم کرتے ہو اللہ خوب جانتا ہے

اللہ ہی کا ہے جو کچھ آسمانوں اور زمین میں ہے، اور اگر تم ظاہر کرو اپنے دل کی بات یا تم چھپاؤ اسے اللہ تم سے اس کا حساب لے گا، تو وہ مغفرت فرمائے گا جسے چاہے گا اور عذاب دے گا جسے چاہے گا اور اللہ ہر چیز پر قادر ہے

ایمان لے آئے رسول جو کچھ نازل کیا گیا اس پر اس کے رب کی طرف سے اور مومن بھی سب ایمان لے آئے اللہ پر اور اس کے فرشتوں پر اور اس کی کتابوں پر اور اس کے رسولوں پر، (کہتے ہیں کہ) ہم فرق نہیں کرتے کسی کے درمیان اس کے رسولوں میں، اور کہتے ہیں ہم نے سنا اور ہم نے اطاعت کی، تو مغفرت فرما اے ہمارے رب اور تیری ہی طرف لوٹ کر جانا ہے

اللہ کسی کو تکلیف نہیں دیتا اس کی وسعت سے زیادہ اس کے لیے ہے جو اس نے کمایا اور اس پر ہے جو اس نے کمایا، اے رب ہمارے! ہمیں نہ پکڑ اگر ہم بھول جائیں یا خطا کر جائیں، اے رب ہمارے! اور نہ رکھ ہم پر بھاری بوجھ جیسا تو نے ہم سے پہلے لوگوں پر رکھا تھا، اے رب ہمارے! اور ہم سے وہ بوجھ نہ اٹھوا جس کی ہمیں طاقت نہیں اور ہمیں معاف کر دے، اور ہمیں بخش دے، اور ہم پر رحم کر، تو ہی ہمارا مولا ہے، تو ہماری مدد فرما کافروں کے مقابلے میں