أمن خلق

تو نہ بن پڑا کوئی جواب اس کی قوم کو سوائے اس کے کہ کہا نکال دو لوط کے گھرانے کو اپنی بستی سے، یہ لوگ بڑے پاک بنتے ہیں

تو ہم نے نجات دی انہیں اور اس کے گھرانے کو سوائے اس کی بیوی کے، ہم نے مقرر کر لیا تھا اسے پیچھے رہنے والوں میں

اور ہم نے ان پر (پتھروں کی) بارش برسائی، تو کیا ہی بری بارش تھی ڈرائے گئے لوگوں کیلئے

کہہ دو تمام تعریف اللہ ہی کے لیے ہے اور سلام ہے اس کے ان بندوں پر جنہیں اس نے چن لیا ہے، کیا اللہ بہتر ہے یا جنہیں وہ شریک ٹھہراتے ہیں (وہ بہتر ہے)

کس نے پیدا کئے آسمان اور زمین، اور اسی نے نازل کیا تمہارے لیے آسمان سے پانی، تو ہم نے اگائے اس (پانی) سے باغ رونق والے، ممکن نہ تھا تمہارے لئے کہ تم اگا پاتے ان کے درخت، کیا کوئی اور معبود ہے اللہ کے ساتھ؟ بلکہ یہ لوگ (اللہ کے ساتھ) برابری کرتے ہیں

کس نے بنایا زمین کو قرار؟ (یعنی ٹھہرنے کی جگہ) اور اس کے بیچ میں ندیاں جاری کیں، اور بنائے اس (زمین) کے لیے پہاڑ اور بنایا دو دریاؤں کے درمیان پردہ، کیا کوئی اور معبود ہے اللہ کے ساتھ، بلکہ ان میں اکثر نہیں جانتے

کون ہے جو قبول کرتا ہے بے قرار کی دعاء؟ جب وہ اسے پکارتا ہے، اور کون دور کرتا ہے تکلیف کو؟ اور اسی نے تمہیں خلیفہ بنایا زمین کا کیا کوئی اور معبود ہے اللہ کے ساتھ؟ بہت ہی کم تم نصیحت پکڑتے ہو

کون راہ دکھاتا ہے تمہیں خشکی اور دریا کے اندھیروں میں، اور کون بھیجتا ہے ہواؤں کو بشارت بنا کر اپنی رحمت کے درمیان سے؟ کیا کوئی اور معبود ہے اللہ کے ساتھ؟ اعلیٰ ہے اللہ اس شرک سے جو وہ کرتے ہیں

کون ہے جو پہلی بار پیدا کرتا ہے پھر دوبارہ لوٹائے گا اسے؟ اور کون ہے جو روزی دیتا ہے تمہیں آسمان اور زمین سے؟ کیا کوئی اور معبود ہے اللہ کے ساتھ؟ کہہ دو لے آؤ تم اپنی دلیل اگر تم سچے ہو (کہ کوئی اور معبود ہے؟)

کہہ دو نہیں جانتا کوئی جو آسمانوں اور زمین میں ہے غیب کی بات کو اللہ کے سوا، اور انہیں اس کی بھی خبر نہیں کہ کب وہ اٹھائے جائیں گے

بلکہ ختم ہے ان کا علم آخرت کے بارے میں، بلکہ وہ شک میں ہیں اس کی طرف سے، بلکہ وہ اس سے اندھے ہیں

اور کافر کہتے ہیں کہ کیا جب ہم ہو جائیں گے مٹی اور ہمارے باپ دادا، کیا ہم نکالے جائیں گے؟ (زمین سے)

یقینا وعدہ کیا گیا ہے اس طرح کا ہم سے اور ہمارے باپ دادا سے اس سے پہلے بھی، یہ تو صرف قصے ہیں پہلوں کے (کہ مرنے کے بعد دوبارہ جینا ہے)

کہہ دو تم سیر کرو زمین میں، پھر دیکھو کیسا انجام ہوا مجرموں کا؟

اور غم نہ کرو ان (کافروں کے اعتراض) پر اور نہ ہو تنگ دل اس پے جو وہ مکر کرتے ہیں

اور وہ کہتے ہیں کب آئے گا وہ (عذاب کا) وعدہ؟ اگر تم سچے ہو

کہہ دو ممکن ہے وہ تمہارے پیچھے ہی ہو جس (عذاب) کی تم جلدی کرتے ہو

اور بے شک تمہارا رب فضل کرتا ہے لوگوں پر، اور لیکن ان میں سے اکثر شکر نہیں کرتے

اور بے شک تمہارا رب جانتا ہے جو چھپا ہے ان کے دلوں میں اور جو وہ اعلانیہ (یعنی ظاہر) کرتے ہیں

اور نہیں ہے کوئی پوشیدہ بات آسمان اور زمین میں، مگر وہ روشن کتاب (یعنی لوح محفوظ) میں ہے

بے شک یہ قرآن بیان کرتا ہے بنی اسرائیل کی اکثر وہ باتیں جن میں وہ اختلاف کرتے ہیں (دین کے معاملے میں)

اور بے شک یہ (قرآن) ہدایت اور رحمت ہے مومنوں کے لیے

بے شک تمہارا رب فیصلہ کرے گا ان کے درمیان اپنے حکم سے، اور وہ زبردست علم والا ہے

تو تم توکل کرو اللہ پر، بے شک تم کھلے حق پر ہو

(اے نبی!) بے شک تم نہیں سنا سکتے مردوں کو اور نہیں سنا سکتے بہروں کو اپنی (دعوت کی) پکار جب کہ وہ پیٹھ پھیر کر بھاگ رہے ہوں

اور تم نہیں ہدایت دے سکتے اندھوں کو ان کی گمراہی سے، تم ان ہی کو سنا سکتے ہو جو یقین کرتے ہیں ہماری آیتوں پر تو وہی مسلمان ہیں

اور واقع ہو کر رہے گی یہ بات ان پر (قیامت کے قریب) کہ ہم نکالیں گے ان کے لیے ایک جانور زمین سے، جو باتیں کرے گا ان سے، بے شک لوگ ہماری آیتوں پر نہیں یقین لاتے تھے

اور جس دن ہم جمع کریں گے ہر امت میں سے ایک فوج (ان لوگوں کی) جو جھٹلاتے تھے ہماری آیتوں کو، پھر ان کی صف بندی کی جائے گی

یہاں تک کہ جب سب آ جائیں گے (اللہ) فرمائے گا کیا تم نے جھٹلایا تھا میری آیتوں کو؟ جنکا تمہیں علمی احاطہ نہیں تھا، یا (بتاؤ) تم کیا عمل کیا کرتے تھے؟

اور واقع ہوگا قول (عذاب کا) ان پر ان کے ظلم کیوجہ سے، پھر وہ بات بھی نہ کرسکیں گے

کیا وہ دیکھتے نہیں کہ بے شک ہم نے بنائی رات، تاکہ وہ سکون حاصل کریں اس میں اور دن کو دیکھنے کیلئے، بے شک اس میں نشانیاں ہیں ایمان لانے والوں کے لیے

اور جس دن پھونکا جائے گا صور میں تو گھبرا جائیں گے جو بھی آسمانوں میں ہے اور جو زمین میں ہے، مگر جسے اللہ چاہے، اور سب آئیں گے اس کے سامنے عاجز بن کر

اور تم دیکھ رہے ہو پہاڑوں کو تم گمان کرتے ہو انہیں جمے ہوئے، اور یہ اڑتے پھریں گے بادلوں کی طرح، کاریگری ہے یہ اللہ کی جس نے مضبوط بنایا ہے ہر چیز کو، بے شک وہ اس سے باخبر ہے جو تم کرتے ہو

جو لے کر آئے گا نیکی تو اسے اس سے بہتر (بدلہ) ملے گا، اور وہ گھبراہٹ سے اس دن امن میں ہوں گے

اور جو لے کر آئے گا برائی، تو اوندھے ڈالے جائیں گے اپنے چہروں کے بل آگ میں، صرف تمہیں وہی بدلہ دیا جائے گا جو عمل تم کیا کرتے تھے

مجھے یہ حکم دیا گیا ہے کہ میں عبادت کروں اس شہر (مکہ) کے رب کی، جس نے محترم بنایا ہے اسے، اور ہر چیز اسی کی ہے، اور مجھے حکم دیا گیا ہے کہ میں ہو جاؤں فرمانبرداروں میں سے

اور یہ بھی کہ تلاوت کروں قرآن کی پھر جو کوئی ہدایت پائے گا وہ اپنے لئے ہدایت پائے گا، اور جو گمراہ ہوا تو کہہ دو میں تو صرف ڈرانے والوں میں سے ہوں

اور کہہ دو تمام تعریف اللہ کے لیے ہے، عنقریب وہ دکھائے گا تمہیں اپنی نشانیاں (معجزے) تو تم پہچان لوگے انہیں، اور نہیں ہے تمہارا رب بے خبر اس سے جو تم کرتے ہو

طسم

یہ آیتیں ہیں روشن کتاب (قرآن کریم) کی

(اے نبی!) ہم سناتے ہیں تمہیں خبریں موسیٰ اور فرعون کی برحق، قوم کے (فائدے کے) لیے تاکہ وہ ایمان لائیں

بیشک فرعون سرکش ہو گیا تھا زمین پر، اور بنا دیا تھا وہاں کے رہنے والوں کو جماعتوں میں کمزور کر رکھا تھا ایک گروہ کو ان میں سے، ذبح کرتا تھا ان کے لڑکوں کو، اور زندہ رکھتا تھا ان کی لڑکیوں کو، بے شک وہ تھا مفسدوں میں سے

اور ہمارا ارادہ تھا کہ ہم احسان کریں ان پر جو کمزور کیے گئے تھے زمین میں، اور ہم بنائیں انہیں امام (یعنی سردار) اور ہم بنائیں انہیں وارث

اور ہم بسائیں انہیں زمین میں، اور ہم دکھائیں فرعون اور ہامان اور ان دونوں کی فوجوں کو ان میں سے وہ (تباہی) جس سے وہ ڈرتے تھے

اور ہم نے حکم دیا موسیٰ کی ماں کو کہ دودھ پلاؤ اسے، پھر جب خوف ہو تجھے اس پر تو ڈال دینا اسے دریا میں، اور نہ خوف کرو اور نہ غم، بے شک ہم لوٹا دیں گے اسے تیری طرف، اور بنائیں گے اسے رسولوں میں سے

تو اٹھا لیا اسے فرعون کے گھر والوں نے، تاکہ وہ ہو ان کیلئے دشمن اور غم کا باعث، بے شک فرعون اور ہامان اور ان دونوں کے لشکر خطا کار تھے

اور کہا فرعون کی عورت نے (یہ) آنکھوں کی ٹھنڈک ہے میرے اور تیرے لیے نہ کرو قتل اسے، ممکن ہے یہ ہمیں فائدہ دے یا ہم اسے بیٹا بنالیں، اور وہ سمجھ نہیں رہے تھے (جو ہونے والا تھا)

اور ہو گیا موسیٰ کی ماں کا دل بے قرار، قریب تھی وہ کہ ظاہر کر دے اسے اگر ہم جوڑے نہ رکھتے اس کے دل کو (ایسا اس لئے کیا) تا کہ وہ ہو جائے ایمان رکھنے والوں میں

اور کہا اس کی بہن سے پیچھے جاؤ اس کے، تو وہ دیکھتی رہی اسے اجنبی بن کر، اور وہ (لوگ) سمجھ نہ سکے

اور ہم نے حرام کر دیا تھا اس پر دودھ پلانے والیوں کو پہلے سے ہی، تو (موسیٰ کی بہن) بولی، کیا میں بتاؤں تمہیں ایسے گھر والے جو کفالت (یعنی پرورش) کریں اس کی تمہارے لیے اور وہ اس کے خیر خواہ ہوں

پھر ہم نے لوٹا دیا اسے اس کی ماں کی طرف، تاکہ ٹھنڈی رہیں اس کی آنکھیں، اور غم نہ کریں، اور تاکہ جان لے (موسیٰ کی ماں کہ) بے شک اللہ کا وعدہ سچا ہے، اور لیکن ان میں اکثر نہیں جانتے

اور جب وہ پہونچا اپنی جوانی کو، اور مکمل ہوا تو ہم نے عطا کئے اسے حکمت اور علم، اور اسی طرح ہم بدلہ دیتے ہیں محسنین کو

اور (موسیٰ) داخل ہوا شہر میں غفلت کے وقت (رات میں) شہر والوں کی، تو پایا اس (شہر) میں دو لوگوں کو لڑتے ہوئے، یہ (ایک) اس کی جماعت کا تھا، اور یہ (دوسرا) اس کے دشمنوں میں سے تھا تو اس نے مدد چاہی اس سے جو اس کی جماعت کا تھا اس پر جو اس کے دشمن میں سے تھا، تو موسیٰ نے مکا مارا اسے، تو وہ قضا کر گیا (یعنی مر گیا) کہا یہ شیطانی عمل ہے، بے شک وہ دشمن (شیطان) کھلا گمراہ کرنے والا ہے

کہا اے میرے رب ! بے شک میں نے ظلم کیا اپنے اوپر تو مغفرت فرما میری تو اس نے مغفرت فرمادی اس کی، بیشک وہ بخشنے والا مہربان ہے

کہا اے میرے رب! جیسا تو نے انعام فرمایا ہے مجھ پر (معاف کر کے) تو اب میں ہرگز نہ بنوں گا مددگار مجرموں کیلئے

تو صبح کی (موسیٰ) نے شہر میں ڈرتا ہوا حالات کا اندازہ لیتا ہوا، تو جس نے مدد مانگی تھی اس (موسیٰ) سے کل، وہی (پھر) پکارنے لگا اسے، موسیٰ نے کہا اس سے کہ بیشک تو کھلا گمراہ ہے

پھر جب ارادہ کیا کہ اسے پکڑے جو ان دونوں (یعنی موسیٰ اور مقتول) کا دشمن ہے، کہا اے موسیٰ ! کیا تو چاہتا ہے کہ تو مجھے قتل کر دے جس طرح تو نے قتل کیا ہے ایک شخص کا کل (اے موسیٰ) کیا تو چاہتا ہے کہ تو ہو جائے جبار (یعنی ظالم) زمین میں، اور تو نہیں چاہتا کہ ہو جاؤ اصلاح کرنے والوں میں سے

اور آیا (فرعونیوں میں سے) ایک (مومن) آدمی شہر کے ایک طرف سے دوڑتا ہوا، کہا اے موسیٰ ! درباری مشورہ کر رہے ہیں تمہارے خلاف کہ وہ تمہیں قتل کر دیں، تو تم نکل جاؤ، بے شک میں تمہارا خیر خواہ ہوں

تو نکلا وہاں سے ڈرتا ہوا حالات کا اندازہ لیتا ہوا، کہا اے میرے رب! نجات دے مجھے ظالم قوم سے

اور جب متوجہ ہوا مدین کی طرف (تو) کہا امید ہے کہ میرا رب رہنمائی کرے گا میری سیدھے راستے کی

اور جب وہ وارد ہوا (یعنی پہونچا) مدین کے پانی پر، پایا وہاں پر ایک جماعت کو لوگوں کی پانی پلاتے ہوئے، اور پایا ان کے علاوہ دو عورتوں کو، دونوں انتظار میں کھڑی تھیں، کہا تمہاری کیا پریشانی ہے؟ دونوں نے کہا ہم نہیں پلا سکتیں، جب تک ہٹ نہیں جاتے چرواہے، اور ہمارے ابا بہت بوڑھے ہیں

تو پانی پلا دیا ان دونوں کے (جانوروں کو) پھر پلٹا سائے کی طرف، تو کہا اے میرے رب بے شک میں فقیر ہوں جو تجھے اتارنا ہے میری طرف خیر (اسے اتار دے)

تو آئی اس کے پاس ان دونوں میں سے ایک چلتی ہوئی حیا سے، کہا میرے ابا بلا رہے ہیں تمہیں، تاکہ اجرت (یعنی مزدوری) دیں تمہیں جو تو نے پلایا ہے ہمارے لئے (جانوروں کو) تو جب آئے ان کے پاس اور بیان کیا ان سے اپنا قصہ، (شعیب علیہ السلام نے) کہا خوف نہ کر (اے موسیٰ) تو نجات پا گیا ہے ظالم قوم سے

کہا ان دونوں میں سے ایک نے اے میرے ابا! اجرت (یعنی مزدوری) پر رکھ لیجئے اسے، بیشک یہ بہتر ہے جسے آپ اجرت پر رکھیں گے، قوی اور امانت دار ہے

کہا میں چاہتا ہوں کہ میں نکاح کر دوں تجھ سے اپنی ان دونوں بیٹیوں میں سے ایک کا، اس شرط پر کہ تم اجرت پر رہو میرے پاس آٹھ برس تک، تو اگر تم مکمل کر دو دس سال تو تمہاری طرف سے (احسان) ہو گا، اور میں نہیں چاہتا کہ مشقت ڈالوں تم پر، جلد ہی تم پاؤ گے مجھے ان شاء اللہ نیک بختوں میں

کہا یہ (وعدہ) ہے میرے اور تمہارے درمیان، ان دونوں مدتوں میں سے میں پوری کردوں جو بھی چاہوں تو مجھ پر زیادتی نہیں، اور جو ہم کہہ رہے ہیں اللہ اس پر گواہ ہے

تو جب پوری کی موسیٰ نے وہ مدت، اور چلے اپنے گھر والوں کو لے کر، تو محسوس کی کوہ طور کی جانب آگ، کہا اپنے گھر والوں سے ٹھہرو میں نے محسوس کی ہے آگ، تاکہ میں لے آؤ وہاں سے تمہارے لئے کوئی خبر، یا انگارہ آگ کا تاکہ تم تاپ سکو

تو جب آئے اس کے پاس تو نداء دی گئی وادی (یعنی میدان) کے داہنے کنارے سے برکت والی جگہ میں ایک درخت سے کہ اے موسیٰ! بے شک میں اللہ ہوں سارے جہان کا رب

اور یہ کہ تم ڈال دو اپنی لاٹھی تو جب دیکھا اسے کہ لہرا رہی ہے گویا کہ وہ سانپ ہو، تو پلٹ کر بھاگے اور مڑ کے بھی نہ دیکھا، اے موسیٰ ! آگے بڑھو اور مت ڈرو بے شک تم امن میں ہو

تم ڈالو اپنا ہاتھ اپنے بغل میں، وہ نکلے گا چمکتا ہوا بغیر کسی عیب کے، اور ملالو اپنی طرف اپنا بازو خوف دور کرنے کے لیے، تو یہ دو دلیل ہیں تمہارے رب کی طرف سے فرعون اور اس کے سرداروں کی طرف (جانے کے لئے) بیشک وہ فاسق (یعنی نافرمان) لوگ ہیں

کہا اے میرے رب! بے شک میں نے قتل کیا ہے ان میں سے ایک شخص کا، تو میں ڈرتا ہوں کہ وہ مجھے قتل نہ کر دیں

اور میرے بھائی ہارون کی زبان مجھ سے زیادہ فصیح (یعنی رواں) ہے، تو بھیج دے اسے میرے ساتھ مددگار بنا کر کہ میری تصدیق کرے، بیشک میں ڈرتا ہوں کہ وہ مجھے جھٹلائیں گے

کہا ہم مضبوط کریں گے تمہارے بازو کو تمہارے بھائی کے ذریعے، اور ہم بنائیں گے دونوں کیلئے دلیل (یعنی غلبہ) تو وہ نہیں پہونچ سکیں گے تم تک ہمارے معجزے کیوجہ سے، تم اور جو تم دونوں کی اتباع کرے گا غالب رہیں گے

تو جب آئے ان کے پاس موسیٰ ہمارے کھلے معجزے لے کر، تو وہ کہنے لگے کہ یہ تو گھڑا ہوا جادو ہے، اور نہیں سنا ہم نے اسے اپنے پہلے باپ دادا سے

اور موسیٰ نے کہا میرا رب خوب جانتا ہے (اسے) جو آیا ہے ہدایت لے کر اس کی طرف سے، اور جس کے لیے آخرت کا گھر ہے، بے شک فلاح نہیں پائیں گے ظالم

اور فرعون نے کہا اے سردارو! میں نہیں جانتا کہ تمہارے لئے (کوئی اور) معبود ہے میرے علاوہ، تو تپاؤ میرے لئے مٹی کو (یعنی اینٹیں بناؤ) اے ہامان! اور بناؤ میرے لیے ایک محل، تاکہ میں اطلاع پاؤ (یعنی دیکھ لوں) موسیٰ کے خدا کو اور بے شک میرا گمان ہے کہ یہ جھوٹا ہے

اور تکبر کیا اس نے اور اس کی فوج نے زمین میں ناحق، اور انہوں نے گمان کیا کہ وہ ہماری طرف نہیں لوٹائے جائیں گے

تو ہم نے پکڑا اسے اور اس کی فوج کو اور ہم نے پھینک دیا انہیں دریا میں، تو دیکھو کیسا انجام ہوا ظالموں کا؟

اور ہم نے بنایا انہیں سردار وہ بلاتے تھے (لوگوں کو) آگ کی طرف، اور قیامت کے دن ان کی مدد نہیں کی جائے گی

اور ہم نے پیچھے لگا دی ان کے اس دنیا میں لعنت، اور قیامت کے دن بھی وہ قباحت زدہ (یعنی بدحال) لوگوں میں ہوں گے

اور یقینا ہم نے عطا کی موسیٰ کو کتاب بعد اس کے کہ ہم نے ہلاک کی پہلی امتوں کو (جو کتاب) نصیحت تھی لوگوں کے لیے اور ہدایت اور رحمت تھی تاکہ وہ نصیحت پکڑیں

اور نہیں تھے تم غربی (یعنی طور کی پچھمی) جانب جب ہم نے وحی کی موسیٰ کی طرف احکام کی، اور نہ تھے تم دیکھنے والے (اس واقعہ کو)

اور لیکن ہم نے بہت سی امتیں پیدا کیں تو ان پر طویل ہو گیا زمانہ، اور نہ تھے تم رہنے والے مدین والوں میں، کہ تم سناتے انہیں ہماری آیتیں، اور لیکن ہم ہی ہیں رسولوں کو بھیجنے والے

اور نہیں تھے تم طور کی جانب جب ہم نے آواز دی، اور لیکن یہ رحمت ہے تمہارے رب کی طرف سے تاکہ تم ڈراؤ ان (اہل مکہ) کو نہیں آیا جن کے پاس کوئی ڈرانے والا تم سے پہلے، تاکہ وہ نصیحت حاصل کریں

اور اگر پہونچتی انہیں کوئی مصیبت بسبب ان کے ہاتھوں کی کمائی کے، تو وہ کہتے اے ہمارے رب! کیوں نہ بھیجا تو نے ہماری طرف کوئی رسول تو ہم اتباع کرتے تیری آیتوں کی، اور ہم ہو جاتے ایمان والوں میں سے

تو جب آگیا ان کے پاس حق ہماری طرف سے، تو کہنے لگے کیوں نہیں دیا گیا (نبی کو معجزہ) جیسا موسیٰ کو دیا گیا تھا، کیا انکار نہیں کیا تھا (موسیٰ کی قوم نے) جو موسیٰ کو دیا گیا تھا اس سے پہلے، انہوں نے کہا تھا دونوں جادوگر آپس میں مددگار ہیں، اور انہوں نے کہا تھا ہم ان سب (معجزے) کے انکاری ہیں

کہہ دو تو تم لے آؤ کوئی ایسی کتاب اللہ کے پاس سے جو ان دونوں (کتاب قرآن اور تورات) سے زیادہ ہدایت والی ہو میں اسکی اتباع کروں گا، اگر تم سچے ہو

پھر اگر نہ دیں وہ جواب تمہیں تو جان لو کہ وہ اپنی خواہشات کی اتباع کر رہے ہیں، اور اس سے زیادہ کون گمراہ ہو گا جو اتباع کرے اپنی خواہشات کی اللہ کی ہدایت کو چھوڑ کر، بے شک اللہ نہیں ہدایت دیتا ظالم قوم کو

اور یقینا ہم بھیجتے رہے ان کے لئے بات (ہدایت کی) تاکہ وہ نصیحت حاصل کریں

جنہیں ہم نے عطا کی ہے کتاب اس سے پہلے وہی اس (قرآن) پر ایمان لاتے ہیں (عبد اللہ بن سلام وغیرہ)

اور جب (قرآن) ان پر پڑھا جاتا ہے کہتے ہیں ہم اس پر ایمان لے آئے ہیں، بیشک یہ برحق ہے ہمارے رب کی طرف سے، ہم تو اسے پہلے ہی مانتے تھے

یہ وہ لوگ ہیں جنہیں عطا کیا جائے گا ان کا اجر دگنا بسبب ان کے صبر کے، اور وہ دور کرتے ہیں بھلائی کے ذریعے برائی کو، اور جو رزق ہم نے انہیں دیا ہے (اس میں سے) خرچ کرتے ہیں

اور جب وہ سنتے ہیں لغو بات تو منہ پھیر لیتے ہیں اس سے، اور کہتے ہیں ہمارے لیے ہمارے اعمال اور تمہارے لیے تمہارے اعمال سلام ہو تم پر، ہم نہیں چاہتے جہالت

(اے نبی) بے شک تو ہدایت نہیں دے سکتا جسے تو چاہے، اور لیکن اللہ ہی ہدایت دیتا ہے جسے چاہتا ہے، اور وہ خوب جانتا ہے ہدایت والوں کو

اور کہتے ہیں (حارث بن عثمان) اگر ہم اتباع کریں ہدایت کی تمہارے ساتھ، تو ہم اچک لئے جائیں اپنے ملک سے، کیا ہم نے نہیں بسایا انہیں حرم میں امن سے (جہاں) کھینچا چلا آتا ہے ہرقسم کے پھلوں کا رزق ہماری طرف سے، اور لیکن ان میں اکثر نہیں جانتے

اور کتنی ہی بستیوں کو ہم نے ہلاک کر دیا جو اتراتی تھیں اپنی معیشت (یعنی سامان عیش) پر تو یہ ان کے مسکن (یعنی گھر) ہیں کہ ان کے بعد آباد نہیں ہوئے مگر بہت کم لوگ، اور ہم ہی ہیں (اصل) وارث

اور تیرا رب ہلاک نہیں کرتا بستیوں کو جب تک کہ بھیج نہ دے ان کی بڑی بستی میں کوئی رسول، جو انہیں ہماری آیتیں پڑھ کر سنائے اور ہم ہلاک کرنے والے نہیں بستیوں کو مگر (اس حالت میں) کہ وہاں کے رہنے والے ظالم ہوں

اور جو چیز تمہیں دی گئی ہے وہ فائدہ ہے دنیا کی زندگی کا اور اس کی زینت ہے، جو چیز اللہ کے پاس ہے وہ بہتر اور باقی رہنے والی ہے، کیا تم عقل نہیں رکھتے؟

تو کیا وہ شخص جس سے ہم نے اچھا وعدہ کیا ہو اور وہ اسے پانے والا بھی ہو، وہ اس کے برابر ہو گا جسے ہم نے فائدہ دیا ہو دنیا کی زندگی کا، پھر وہ قیامت کے دن (پکڑا ہوا) حاضر ہو؟

اور جس دن وہ (خدا) انہیں نداء دے گا پھر فرمائے گا کہاں ہیں میرے شریک جن پر تم گمان کرتے تھے؟

وہ کہیں گے جن پر حق ہو گی (عذاب کی) بات اے رب ہمارے! یہی ہیں جنہیں ہم نے گمراہ کیا تھا انہیں ہم نے (اس لئے) گمراہ کیا کہ ہم خود گمراہ تھے، اب ہم برائت (بے تعلقی) کرتے ہیں تیرے سامنے، کہ یہ ہماری عبادت نہیں کرتے تھے

اور کہا جائے گا کہ پکارو اپنے شریکوں کو تو وہ انہیں پکاریں گے (لیکن) وہ جواب نہیں دیں گے انہیں اور وہ دیکھیں گے عذاب، کاش ! یہ لوگ ہدایت پا لیتے

اور جس دن وہ (خدا) انہیں پکارے گا پھر وہ فرمائے گا تم نے کیا جواب دیا تھا رسولوں کو

تو اندھی ہو جائیں گی ان پر خبریں (یعنی کوئی بات نہ سوجھے گی) اس دن پھر وہ آپس میں بھی سوال نہیں کرسکیں گے

تو جس نے توبہ کی اور ایمان لایا اور نیک عمل کئے تو ممکن ہے وہ فلاح پانے والوں میں ہو گا

اور تیرا رب پیدا کرتا ہے جو چاہتا ہے، اور چن لیتا ہے جسے چاہتا ہے، نہیں ہے ان (غیر اللہ) کو کوئی اختیار، اور اعلی ہے اللہ اس شرک سے جو یہ کرتے ہیں

اور تیرا رب جانتا ہے جو چھپا ہے ان کے سینوں میں اور جو وہ اعلانیہ کرتے ہیں

اور وہی اللہ ہے اس کے سوا کوئی معبود نہیں، اسی کی تعریف ہے دنیا اور آخرت میں، اور اسی کی حکومت ہے، اور اسی کی طرف تم لوٹائے جاؤ گے

کہہ دو کیا خیال ہے تمہارا اگر اللہ بنادے تم پر رات ہمیشہ قیامت تک کے لئے تو کون ہے معبود اللہ کے علاوہ جو لاکر دے تمہیں روشنی، تو کیا تم سنتے نہیں؟

کہہ دو کیا خیال ہے تمہارا اگر اللہ بنادے تم پر دن ہمیشہ قیامت تک کے لئے، تو کون ہے معبود اللہ کے علاوہ جو لاکر دے تمہیں رات جس میں تم سکون پاؤ تو کیا تم دیکھتے نہیں؟

اور اس نے اپنی رحمت سے بنایا ہے تمہارے لئے رات اور دن کو، تاکہ تم سکون پاؤ اس میں، اور تاکہ تم تلاش کرو اس کا فضل، اور تاکہ تم شکر ادا کرو

اور جس دن وہ (خدا) انہیں پکارے گا تو فرمائے گا کہاں ہیں میرے وہ شریک جن پر تم گمان کرتے تھے؟

اور ہم کھینچ نکالیں گے ہر امت میں سے ایک گواہ، پھر ہم کہیں گے کہ لے آؤ اپنی (نجات کی) دلیل، تب وہ جان لیں گے کہ حق بات اللہ ہی کی تھی، اور بھول جائیں گے وہ جنہیں وہ (دنیا میں) گھڑا کرتے تھے

بیشک قارون تھا موسیٰ کی قوم میں سے (چچازاد بھائی بھی تھا) تو وہ زیادتی کرنے لگا ان پر (یعنی موسیٰ کی قوم پر) اور ہم نے عطا کئے تھے اسے خزانے جن کی چابیاں یقینا مشکل ہوتیں ایک طاقتور جماعت کو (اٹھانے میں) جب کہا اس سے اس کی قوم (بنی اسرائیل) نے کہ اتراؤ مت، بیشک اللہ پسند نہیں کرتا اترانے والوں کو

اور تلاشو جو کچھ عطا کیا ہے تجھے اللہ نے (اس کے ذریعے) آخرت کا گھر، اور مت بھولو اپنا حصہ دنیا میں (یعنی دنیا کے ذریعے آخرت بناؤ) اور بھلائی کرو جس طرح اللہ نے تیرے ساتھ بھلائی کی ہے اور مت تلاش کرو فساد زمین میں، بے شک اللہ نہیں پسند کرتا فساد کرنے والوں کو

(قارون نے) کہا یہ جو کچھ مجھے عطا کیا گیا ہے میرے علم کی وجہ سے ہے، کیا اسے معلوم نہیں کہ بے شک اللہ نے ہلاک کی ہیں اس سے پہلے بہت سی امتیں جو شدید قوت والی تھیں اس سے، اور جمعیت میں بھی زیادہ تھیں، اور نہیں سوال کیا جائے گا ان کے گناہوں کے بارے میں مجرموں سے (بہتر عمل نہ ہو تو حساب کس چیز کا)

تو وہ نکلا اپنی قوم کے سامنے زینت میں، کہنے لگے وہ لوگ جو چاہتے تھے دنیوی زندگی، اے کاش! ہمارے لیے بھی ویسا ہی عطا کیا جاتا جیسا قارون کو عطا کیا گیا ہے بے شک وہ بڑے نصیب والا ہے

اور علم والوں نے کہا تباہی ہو تمہاری! اللہ کا ثواب بہتر ہے اس کے لئے جو ایمان لائے اور نیک عمل کرے، اور یہ چیزیں تو صابرین کو ہی ملتی ہیں

تو ہم نے دھنسا دیا اسے اور اس کے گھر کو زمین میں، تو نہ تھے اس کی کسی جماعت کے لوگ جو مدد کرتے اس کی اللہ کے علاوہ، اور نہ وہ خود اپنی مدد کر سکا

اور وہ لوگ جو تمنا کرتے تھے اس کے مرتبہ کی کل تک (آج صبح) کہنے لگے ہائے تباہی! بیشک اللہ کشادہ کر دیتا ہے رزق جس کے لیے چاہتا ہے اپنے بندوں میں سے اور تنگ بھی کرتا ہے، اگر ہم پر اللہ کا احسان نہ ہوتا تو یقینا دھنسا دیتا (اللہ) ہمیں بھی، ہائے تباہی ! فلاح نہیں پائیں گے کافر لوگ

یہ ہے آخرت کا گھر (جنت) ہم ان ہی کے لئے بنائے ہیں جو نہیں چاہتے ظلم زمین میں اور نہ ہی فساد، اور بہتر انجام تو متقیوں کیلئے ہی ہے

جو آئے گا بھلائی لے کر تو اسے بہتر ملے گا اس سے اور جو آئے گا برائی لے کر تو اس برائی کے بقدر ہی اسے بدلہ ملے گا، جو وہ کیا کرتے تھے (دنیا میں)

بے شک جس نے فرض کیا تم پر قرآن یقینا وہ لوٹا لائے گا تمہیں وعدے کی جگہ، کہہ دو میرا رب خوب جانتا ہے کہ کون آئے گا ہدایت لے کر اور کون کھلی گمراہی میں ہے

اور تمہیں امید نہ تھی کہ اتاری جائے گی تم پر کتاب (قرآن کی شکل میں) مگر یہ رحمت ہے تمہارے رب کی تو تم ہرگز نہ ہونا مددگار کافروں کیلئے

اور وہ ہرگز نہ روک دیں تمہیں اللہ کی آیتوں سے بعد اس کے کہ نازل ہو چکی ہیں تمہاری طرف، اور بلاؤ اپنے رب کی طرف، اور تم ہرگز نہ ہونا مشرکوں میں سے

اور نہ پکارو اللہ کے ساتھ کسی دوسرے معبود کو اس کے سوا اور کوئی معبود نہیں، ہر شے ہلاک ہونے والی ہے اس کی ذات کے سوا، اسی کا حکم ہے اور اسی کی طرف تم لوٹائے جاؤ گے

الم

کیا گمان کرتے ہیں لوگ کہ انہیں چھوڑ دیا جائے گا یہ کہنے پر کہ ہم ایمان لے آئے ہیں اور ان کی آزمائش نہیں کی جائے گی

یقینا ہم نے آزمایا تھا انہیں بھی جو ان سے پہلے گزرے ہیں تو ضرور اللہ معلوم کرے گا ان کے بارے میں جو سچے ہیں اور ضرور معلوم کرے گا ان کو بھی جو جھوٹے ہیں

کیا وہ لوگ گمان کرتے ہیں جو برے کام کرتے ہیں کہ وہ آگے نکل جائیں گے ہمارے قابو سے، برا ہے جو وہ فیصلہ کرتے ہیں

جو امید رکھتا ہو اللہ سے ملاقات کی، تو بے شک اللہ (سے وعدے) کا وقت آنے والا ہے، اور وہ خوب سننے والا خوب جاننے والا ہے

اور جو مجاہدہ (یعنی کوشش) کرتا ہے تو وہ اپنے لیے ہی کرتا ہے، بے شک اللہ بے نیاز ہے جہان والوں سے

اور جو لوگ ایمان لائے اور عمل کئے نیک ہم دور کر دیں گے ان سے ان کے گناہوں کو، اور ہم بدلہ دیں گے انہیں اس سے بہتر جو عمل وہ کیا کرتے تھے

اور ہم نے حکم دیا ہے انسان کو اپنے ماں باپ کے ساتھ اچھا سلوک کرنے کا، اور اگر وہ مجبور کریں تجھے کہ تو شریک ٹھہرائے میرے ساتھ اسے جسکا تجھے علم نہیں، تو نہ کرنا ان دونوں کی اطاعت، میری طرف ہی تمہیں لوٹنا ہے تو میں بتا دوں گا تمہیں اس عمل کے متعلق جو عمل تم کیا کرتے تھے

اور جو لوگ ایمان لائے اور بہتر عمل کئے ہم ضرور داخل کریں گے انہیں نیک بندوں میں

اور کچھ ایسے لوگ بھی ہیں جو کہتے ہیں ہم ایمان لائے اللہ پر، تو جب اذیت (یعنی تکلیف) پہنچتی ہے انہیں اللہ کی راہ میں، تو لوگوں کی تکلیف کو اللہ کے عذاب کی طرح سمجھتے ہیں، اور اگر آتی ہے مدد تیرے رب کی طرف سے تو کہتے ہیں بے شک ہم تمہارے ساتھ ہیں، اور کیا اللہ نہیں جانتا جہان والوں کے دلوں کی بات کو

اور ضرور معلوم کرے گا اللہ انہیں جو ایمان لائے ہیں اور وہ ضرور معلوم کرے گا منافقوں کو بھی

اور کہتے ہیں کافر ان لوگوں سے جو ایمان لائے ہیں، کہ تم اتباع کرو ہمارے راستے کی اور ہم اٹھالیں گے (اپنے سر) تمہاری خطاؤں کو، اور وہ نہیں اٹھانے والے ہیں ان کی خطاؤں میں سے کچھ بھی، بے شک وہ جھوٹے ہیں

اور یقینا وہ اٹھائیں گے اپنا بوجھ اور اپنے بوجھ کے ساتھ ان کا بھی بوجھ، اور یقینا ان سے سوال کیا جائے گا قیامت کے دن اس کے متعلق جو وہ افتراء کرتے تھے

اور یقینا ہم نے بھیجا نوح کو اس کی قوم کی طرف تو وہ ٹھہرے ان کے بیچ ایک ہزار سال پچاس سال کم (یعنی ساڑھے نو سو سال) تو آپکڑا انہیں طوفان نے اور وہ ظالم تھے

تو ہم نے نجات دی نوح کو اور کشتی والوں کو، اور ہم نے بنا دیں اس (کشتی) کو نشانی جہان والوں کے لیے

اور ابراہیم نے جب کہا اپنی قوم سے کہ اللہ کی عبادت کرو اور اسی سے ڈرو، یہ بہتر ہے تمہارے لیے اگر تم علم رکھتے ہو تو

بے شک تم عبادت کرتے ہو اللہ کے سوا بتوں کی جنہیں تم خود گھڑتے (یعنی بناتے) ہو، بے شک جن کی تم عبادت کرتے ہو اللہ کے سوا وہ نہیں ہے مالک تمہارے رزق کا، تو تم تلاشو اللہ کے پاس رزق، اور اسی (اللہ) کی عبادت کرو اور اسی کا شکر ادا کرو، اسی کی طرف تم لوٹائے جاؤ گے

اور اگر تم جھٹلاتے ہو تو یقینا جھٹلا چکی ہیں امتیں تم سے پہلے بھی اور رسول پر تو صرف کھول کر پہونچا دینا ہے

کیا انہوں نے نہیں دیکھا کہ کس طرح پیدا کرتا ہے اللہ پہلی دفعہ مخلوق کو پھر وہ لوٹائے گا اسے، بے شک یہ اللہ پر آسان ہے

کہہ دو تم سیر کرو زمین میں پھر دیکھو کیسے اس نے پہلی دفعہ پیدا کیا مخلوق کو، پھر وہی اللہ پیدا کرے گا دوسری دفعہ بھی، بے شک اللہ ہر چیز پر قادر ہے

وہ عذاب دے گا جسے چاہے گا اور رحم کرے گا جس پر چاہے گا، اور اسی کی طرف تم پلٹائے جاؤ گے

اور تم نہیں عاجز کر سکتے زمین میں اور نہ ہی آسمان میں (اللہ کو) اور نہ ہوگا تمہارے لئے اللہ کے سوا کوئی دوست اور نہ ہی کوئی مددگار

اور جن لوگوں نے انکار کیا اللہ کی آیتوں کا اور اس کی ملاقات کا، وہ نا امید ہیں میری رحمت سے، اور یہی ہیں جن کے لیے درد ناک عذاب ہے

تو نہ بن پڑا جواب اس (ابراہیم) کی قوم کو سوا اس کے کہ (لوگ) کہنے لگے قتل کر دو اسے یا جلا ڈالو اسے، تو نجات دی اسے اللہ نے آگ سے، بیشک اس میں نشانیاں ہیں ایمان لانے والوں کے لئے

اور کہا (ابراہیم نے) تم نے بنا لیا ہے معبود اللہ کے علاوہ، (یہ بتوں کی) محبت تمہارے درمیان صرف دنیا کی زندگی میں ہے، پھر قیامت کے دن ایک دوسرے کا انکار کرے گا، اور لعنت کرے گا ایک دوسرے پر، اور تمہارا ٹھکانہ (جہنم کی) آگ ہو گا اور نہ ہو گا تمہارے لیے کوئی بھی مددگار

تو ایمان لایا اس پر (یعنی ابراہیم پر) لوط، اور (ابراہیم نے) کہا بیشک میں ہجرت کرنے والا ہوں اپنے رب کی طرف بیشک وہ زبردست حکمت والا ہے

اور ہم نے عطا کئے اسے اسحاق اور یعقوب اور ہم نے عطا کیں اس کی ذریت (یعنی اولاد) میں نبوت اور کتاب، اور ہم نے عطا کیا اسے اس کا اجر دنیا میں، اور بے شک وہ آخرت میں صالحین میں سے ہو گا

اور لوط (علیہ السلام) نے جب کہا اپنی قوم سے کہ بے شک تم کرتے ہو بے حیائی جو نہ کیا تم سے پہلے اسے کسی نے جہان والوں میں سے

کیا تم لوگ جاتے ہو مردوں کے پاس اور تم لوگ ڈاکہ ڈالتے ہو اور تم کرتے ہو اپنی مجلس میں برا کام، تو نہ بن پڑا جواب اس کی قوم کو سوائے اس کے کہ کہنے لگے لے آؤ ہم پر اللہ کا عذاب اگر تم سچے ہو

(لوط علیہ السلام نے) کہا اے میرے رب! میری مدد فرما اس مفسد قوم پر

اور جب آئے ہمارے فرشتے ابراہیم کے پاس بشارت لے کر (فرشتوں نے) کہا ہم ہلاک کرنے والے ہیں اس بستی (کے لوگوں) کو بے شک اس کے رہنے والے ظالم ہیں

کہا بے شک اس میں لوط بھی ہے (فرشتوں نے) کہا ہم خوب جانتے ہیں جو بھی اس میں ہے یقینا ہم نجات دیں گے لوط اور اس کے گھرانے کو، مگر اس کی بیوی وہ ہوگی پیچھے رہ جانے والوں میں

اور جب آئے ہمارے فرشتے لوط کے پاس تو برا معلوم ہوا اسے ان کی وجہ سے، اور تنگ ہو گیا ان کی وجہ سے دل، فرشتوں نے کہا خوف نہ کرو اور غم نہ کرو بیشک ہم نجات دینے والے ہیں تجھے اور تیرے گھرانے کو، مگر تیری بیوی ہوگی پیچھے رہ جانے والوں میں

ہم نازل کرنے والے ہیں اس بستی والوں پر عذاب آسمان سے کیوں کہ یہ فسق (یعنی بدکاری) کرتے رہے ہیں

اور ہم نے چھوڑ دیا اس (بستی) کو کھلی نشانی بنا کر ان لوگوں کیلئے جو عقل رکھتے ہوں

اور مدین کی طرف (بھیجا) ان کے بھائی شعیب کو، تو کہا اے میری قوم! اللہ کی عبادت کرو اور امید رکھو آخرت کے دن کی، اور نہ پھرو زمین میں فسادی بن کر

تو جھٹلایا انہوں نے اسے تو آپکڑا انہیں زلزلے نے، تو وہ ہو گئے اپنے گھروں میں اوندھے

اور عاد اور ثمود کو (ہم نے ہلاک کیا) اور یقینا واضح (دکھائی دیتے) ہیں تمہیں ان کے کچھ مکانات، اور مزین کر دیا تھا ان کیلئے شیطان نے ان کے اعمال کو اور روک دیا تھا انہیں سیدھے راستے سے اور وہ سمجھدار لوگ تھے

اور قارون اور فرعون اور ہامان (کو ہلاک کیا) اور یقینا آئے تھے ان کے پاس موسیٰ نشانیاں لے کر، تو انہوں نے تکبر کیا زمین میں، اور وہ آگے نہ بڑھ سکے (بھاگ کر)

تو سبھوں کو ہم نے پکڑا اس کے گناہ کی وجہ سے تو ان میں سے بعض پر ہم نے پتھروں کی بارش کی، اور ان میں سے بعض کو آپکڑا چنگھاڑ (یعنی فرشتوں کی تیز آواز) نے اور ان میں سے بعض کو ہم نے دھنسا دیا زمین میں، اور ان میں سے بعض کو ہم نے غرق کر دیا اور اللہ نے ان پر ظلم نہیں کیا، اور لیکن وہ اپنے اوپر ہی ظلم کیا کرتے تھے

ان لوگوں کی مثال جنہوں نے بنا رکھے ہیں اللہ کے علاوہ کو دوست ان کی مثال مکڑی کی طرح ہے، جس نے بنایا گھر، اور بے شک سب گھروں سے کمزور گھر مکڑی کا ہوتا ہے کاش کہ وہ جانتے

بے شک اللہ جانتا ہے جس چیز کو وہ پکارتے ہیں اس کے سوا اور وہ زبردست حکمت والا ہے

اور یہ مثالیں ہیں جنہیں ہم بیان کرتے ہیں لوگوں کے لیے، اور انہیں وہی سمجھتے ہیں جو عالم (یعنی جانکار) ہیں

پیدا کیا اللہ نے آسمانوں اور زمین کو برحق (یعنی ٹھیک اور درست) بےشک اس (زمین اور آسمان) میں نشانی ہے مومنوں کے لئے

(اے نبی!) تلاوت کرو اس کتاب (قرآن) کی جو وحی کی گئی ہے تیری طرف اور نماز قائم کرو، بیشک نماز روکتی ہے فحش (باتوں سے) اور برائی سے، اور اللہ کی یاد بہت بڑی چیز ہے، اور اللہ جانتا ہے جو تم کرتے ہو