وإذا سمعوا

یقیناً آپ پائیں گے لوگوں میں زیادہ عداوت (یعنی دشمنی) رکھنے والے ایمان والوں کیلئے یہودیوں اور مشرکوں کو، اور یقیناً آپ انہیں پائیں گے ایمان والوں سے سب سے زیادہ دوستی کے قریب جو اپنے آپ کو نصاریٰ کہتے ہیں، یہ اس لئے کہ ان میں علماء اور زاہد (پرہیز گار) ہیں، اور اس وجہ سے کہ وہ تکبر نہیں کرتے

اور جب (یہ عیسائی قرآن) سنتے ہیں جو نازل کیا گیا ہے رسول کی طرف، تو آپ دیکھیں گے انکی آنکھیں بہہ پڑتی ہیں آنسو سے جیسا کہ انہوں نے پہچان لیا ہو حق کو، کہتے ہیں اے ہمارے رب! ہم ایمان لے آئے ہیں تو لکھ لے ہم کو گواہوں کے ساتھ (کہ اللہ ایک ہے)

اور ہمیں کیا ہو گیا کہ ہم ایمان نہ لائیں اللہ پر اور جو حق ہم کو پہونچا ہے اس پر، اور ہمیں امید ہے کہ داخل کرے گا ہمیں ہمارا رب نیک لوگوں کے ساتھ

تو پہونچائے گا ان کو اللہ ان کے اس کہنے کی وجہ سے ایسی جنت میں جن کے نیچے نہریں جاری ہوں گی (یہ عیسائی) ان میں ہمیشہ رہیں گے، اور نیک لوگوں کا یہی بدلہ ہے

اور جن لوگوں نے کفر کیا اور جھٹلایا ہماری آیات کو وہ لوگ جہنمی ہیں (وہ اس جہنم میں ہمیشہ رہیں گے )

اے ایمان والو! مت حرام کرو پاکیزہ چیزیں جو اللہ نے حلال کی ہیں تمہارے لئے، اور حد سے آگے نہ بڑھو، بیشک اللہ نہیں پسند کرتا حد سے بڑھنے والوں کو

اور کھاؤ جو اللہ نے رزق دیا ہے تمہیں حلال اور پاک (رزق اس میں سے) اور اللہ سے ڈرو جس (اللہ) پر تم ایمان رکھتے ہو

نہیں مواخذہ کرتا تمہارا اللہ تمہاری لغو قسم (حلال کو اپنے اوپر حرام کرنے کی قسم) پر اور لیکن مواخذہ کرتا ہے کہ تم جن قسموں کو مضبوط کر دو (کہ حلال کو حرام سمجھ لو) اس کا کفارہ دس محتاجوں کو کھانا کھلانا ہے اوسط (یعنی درمیانی) درجے کا جو اپنے گھرانے کو کھلاتے ہو، یا ان کو پہناؤ (کپڑا) یا ایک غلام آزاد کرو، اور جو نہ پائے (یہ چیز) تو وہ تین دن کے روزے رکھے، یہ کفارہ ہے تمہاری قسموں کا جب تم قسم کھاؤ، اور حفاظت کرو اپنی قسموں کی (کفارہ ادا کر کے) اسی طرح بیان فرماتا ہے اللہ تمہارے لئے اپنی آیتیں تاکہ تم شکر گزار بن سکو

اے ایمان والو! یقیناً شراب اور جوا اور تھان (یعنی مزاروں پر چڑھاو) اور تیر (نام نکالنے کیلئے استعمال کرنا) گندگی ہے، اور شیطانی کام ہے ان سے اجتناب کرو (یعنی بچو) تاکہ تم فلاح پاسکو

شیطان چاہتا ہے کہ واقع کرا دے تمہارے درمیان عداوت اور بغض شراب اور جوئے کے ذریعے سے، اور روک دے تمہیں اللہ کے ذکر سے اور نماز سے، تو کیا تم رک جاؤ گے؟ (شیطان کیوجہ سے اللہ کے ذکر اور نماز سے)

اور تم اطاعت کرو اللہ کی اور اطاعت کرو رسول کی اور ڈرتے رہو (اللہ سے) تو اگر تم پلٹ جاؤ گے تو یہ جان لو کہ ہمارے رسول پر صرف صاف صاف پہونچا دینا ہے

نہیں ہے ایسے لوگوں پر گناہ جو کہ ایمان رکھتے ہوں اور نیک عمل کرتے ہوں اس چیز میں کوئی جس کو وہ کھاتے پیتے رہے (پہلے سے) جبکہ وہ لوگ تقویٰ رکھتے ہوں اور ایمان رکھتے ہوں اور نیک عمل کرتے ہوں پھر تقویٰ کرتے ہوں اور ایمان رکھتے ہوں پھر تقویٰ کرتے ہوں اور نیک عمل کرتے ہوں، اللہ ایسے نیکو کاروں سے محبت رکھتا ہے

اے ایمان والو! اللہ آزمائے گا تمہیں شکار کی چیزوں کے ذریعے، جن تک تمہارے ہاتھ اور تمہارے نیزے پہونچ جائیں گے (حالت احرام میں شکار منع ہے) تاکہ اللہ معلوم کر لے کہ کون شخص اس سے بن دیکھے ڈرتا ہے تو جو شخص اس کے بعد حد سے نکلے گا اس کے لئے دردناک عذاب ہے

اے ایمان والو! شکار کو قتل مت کرو جب کہ تم حالت احرام میں ہو، اور جو شخص قتل کرے گا اسے تم میں سے جان بوجھ کر، تو اس پر اسی کے مثل (جانور واجب) ہو گا جو اس نے قتل کیا، جس کا فیصلہ تم میں سے دو صاحب عدل شخص کریں، وہ جانور کعبہ تک پہونچایا جائے یا پھر کفارہ دے مساکین کو کھانا کھلا کر، یا اس کے برابر روزے رکھے، تاکہ اپنے کئے کا مزہ چکھے، پھر اللہ معاف کریگا جو اس نے کیا اور جو شخص دوبارہ (یہ حرکت) کرے گا، تو انتقام لے گا اللہ اس سے اور اللہ زبردست ہے انتقام لینے والا

حلال کیا گیا ہے تمہارے لئے سمندر کا شکار اور اس کا کھانا تمہارے فائدے کے لئے ہے اور مسافروں کے لئے، اور حرام کیا گیا ہے تم پر خشکی کا شکار (پکڑنا) جب تک تم حالت احرام میں رہو، اور تم اللہ سے ڈرو جس کے پاس تم جمع کئے جاؤ گے

اللہ نے بنایا ہے کعبہ کو بیت الحرام لوگوں کے قیام کیلئے، اور شہر حرام (رجب، ذی قعدہ، ذی الحجہ اور محرم) کو اور قربانی والے جانور کو بھی اور پٹے پہنائے (اللہ کیلئے نذر کئے ہوئے) جانوروں کو بھی، یہ اس لئے تاکہ تم جان لو بے شک اللہ جانتا ہے جو کچھ بھی ہے آسمانوں اور زمین میں اور بے شک اللہ ہر چیز کو خوب جانتا ہے

جان لو کہ بیشک اللہ سزا بھی سخت دینے والا ہے اور اللہ بڑی مغفرت اور بڑا رحم کرنیوالا بھی ہے

رسول کے ذمہ تو صرف پہونچا دینا ہے اور اللہ جانتا ہے جو کچھ تم ظاہر کرتے ہو اور جو کچھ تم چھپاتے ہو

آپ فرما دیجیئے کہ برابر نہیں ناپاک اور پاک، اور اگرچہ آپ کو ناپاک کی کثرت بھلی لگتی ہو (یعنی حلال و حرام، نیک و بد، مسلم و کافر) اللہ سے ڈرتے رہو اے عقلمندو! تاکہ تم کامیاب ہو جاؤ

اے ایمان والو! مت سوال کرو ایسی چیزوں کے بارے میں کہ اگر ظاہر کر دی جائیں تم پر تو بری لگیں تمہیں (کسی نے پوچھا حج ہر سال فرض ہے؟) اور تم سوال کر رہے ہو اس کے بارے میں اس وقت جبکہ نازل کیا جا رہا ہے قرآن تو ظاہر کر دی جائیں گی تمہارے لئے، جبکہ اللہ نے اسے معاف کر رکھا ہے، اور اللہ بڑی مغفرت والا بڑے حلم والا ہے

یقیناً سوال کیا تھا لوگوں نے (اسی طرح کا) تم سے پہلے (کہ مردہ زندہ ہو جائے تو ایمان لے آئیں گے وغیرہ) پھر وہ ہو گئے ان باتوں کے انکاری

نہیں بنایا اللہ نے بحیرہ، اور نہ سائبہ، اور نہ وصیلہ، اور نہ حام (یہ جانور بتوں کے نام چھوڑے جاتے تھے) اور لیکن کافر گھڑتے ہیں اللہ پر (اس طرح کا) جھوٹ، اور اکثر ان میں عقل نہیں رکھتے

اور جب ان سے کہا جاتا ہے کہ آؤ اللہ نے جو (احکام) نازل فرمائے ہیں ان کی طرف اور رسول کی طرف، تو کہتے ہیں کہ ہم کو وہی کافی ہے جس پر ہم نے پایا اپنے آباء کو اگرچہ ان کے آباء (یعنی باپ دادا) نہ کچھ سمجھ رکھتے ہوں اور نہ ہدایت پر ہوں

اے ایمان والو! تم اپنی فکر کرو نہیں نقصان پہونچا سکتا تمہیں (یہ کافر) جو گمراہ ہے اگر تم ہدایت پر ہو، اللہ ہی کی طرف تم سب کو لوٹنا ہے پھر بتلا دے گا تم سب کو وہ (اللہ) جو عمل تم کیا کرتے ہو

اے ایمان والو! گواہ بنا لو آپس میں جبکہ تم میں سے کسی کو موت آنے لگے اور وصیت کرنے کا وقت ہو تو دو صاحب عدل شخص کو جو تمہارے اپنوں میں سے ہوں، اور دو (گواہ) غیروں میں سے ہوں، اگر تم کہیں سفر میں ہو زمین (یعنی ملک میں یا کسی جگہ میں ایسی جگہ میں) آجائے تمہیں موت کی مصیبت تو روک لو دونوں کو بعد نماز (عصر) کے پھر دونوں قسم کھائیں اللہ کی اگر تمہیں شک ہو، ہم نہیں سودا کرتے (یعنی نہیں چاہتے اس (قسم) کے بدلے کوئی فائدہ) اگر چہ کوئی قرابت دار ہی ہو (گواہ) اور ہم نہیں چھپارہے ہیں اللہ کیلئے گواہی کو، ہم اس حالت میں سخت گناہگار ہوں گے

پھر اگر یہ ظاہر ہو کہ وہ دونوں (پہلے گواہ) کسی گناہ کے مستحق ہوئے ہیں، تو بعد کے دو (گواہ) کھڑے ہوں ان پہلے دو کی جگہ، جنہیں حق ہے اپنے دو پہلے گواہوں پر تو وہ دونوں (بعد والے) قسم کھائیں اللہ کی کہ ہماری گواہی زیادہ حقدار ہے (سچائی میں) ان دو پہلے گواہ کے بنسبت اور ہم نے زیادتی نہیں کی، ورنہ ہم ظالموں میں سے ہوں گے

یہ طریقہ بہتر ہے کہ وہ پیش کریں گے گواہی ٹھیک طور پر یا (اس بات سے) ڈریں گے کہ ان دو پہلوں کی قسمیں بعد والے دو کی قسموں سے رد ہو جائیں گی، اور ڈرو اللہ سے اور سنو، اور اللہ ہدایت نہیں دیتا فاسقوں کو

جس دن جمع کرے گا اللہ تمام رسولوں کو، پھر فرمائے گا کہ تم کو کیا جواب ملا تھا وہ عرض کریں گے کہ ہمیں کچھ علم نہیں، بیشک تو غیب کا جاننے والا ہے

جب اللہ فرمائے گا کہ اے عیسیٰ بن مریم یاد کرو میری وہ نعمت جو تم پر ہے اور تمہاری والدہ پر ہے، جب میں نے تائید کی تمہاری روح القدس (جبریل) کے ذریعے تم کلام کرتے تھے لوگوں سے گود میں اور بڑی عمر میں بھی (کرو گے) اور جب کہ میں نے تعلیم دی تم کو کتاب اور حکمت (کی باتوں) کی اور تورات اور انجیل کی، اور جب کہ تم بناتے تھے مٹی سے پرندے کی شکل میرے حکم سے (بطور معجزہ) پھر تم پھونک مارتے تھے اس میں، تو وہ پرندہ بن جاتا تھا میرے حکم سے، اور تم اچھا کر دیتے تھے پیدائشی اندھے اور کوڑھی کو میرے حکم سے، اور جب تم نکالتے تھے مردوں کو میرے حکم سے، اور جب کہ میں نے روکا بنی اسرائیل کو تم سے جب تم آئے تھے ان کے پاس دلیلیں لے کر، پھر کہا کافروں نے ان میں سے کہ یہ کھلا جادو ہے

اور جب میں نے حواریین (یعنی عیسیٰ کے شاگرد) کو حکم دیا کہ تم ایمان لاؤ مجھ پر اور میرے رسول (عیسیٰ) پر انہوں نے کہا کہ ہم ایمان لائے اور آپ گواہ رہیئے کہ ہم فرماں بردار ہیں

جب کہا حواریوں نے کہ اے عیسیٰ بن مریم! کیا آپ کا رب ایسا کر سکتا ہے کہ ہم پر آسمان سے ایک خوان (یعنی دستر خوان) نازل فرما دے؟ آپ نے فرمایا کہ اللہ سے ڈرو اگر تم ایمان والے ہو

انہوں نے کہا ہم یہ چاہتے ہیں کہ اس میں سے کھائیں اور ہمارے دلوں کو اطمینان ہو جائے، اور ہم جان لیں کہ آپ نے ہم سے سچ کہا، اور ہم ہو جائیں اس پر گواہی دینے والوں میں سے

کہا عیسیٰ ابن مریم نے (یعنی دعا کی) کہ اے اللہ اے ہمارے رب! نازل فرما ہم پر ایک دستر خوان آسمان سے، کہ وہ ہو جائے ہمارے لئے ہمارے اول اور آخر کیلئے عید (خوشی کی بات) اور تیری طرف سے ایک نشانی، اور تو ہم کو رزق عطا فرما اور تو بہتر رزق دینے والا ہے

اللہ نے فرمایا میں نازل کرنے والا ہوں وہ (کھانا) تم لوگوں پر، پھر جو کفر کرے گا تم میں سے اسکے بعد تو میں اسکو ایسی سزا دوں گا کہ نہ دوں گا وہ سزا میں کسی کو جہان والوں میں

جب اللہ فرمائے گا (قیامت کے دن) کہ اے عیسیٰ ابن مریم! کیا تم نے کہا تھا لوگوں سے کہ بناؤ مجھے اور میری ماں کو دو معبود اللہ کے علاوہ؟ کہے گا عیسیٰ کہ پاک ہے تیری ذات، میرے لئے ممکن نہ تھا کہ میں ایسی بات کہوں جس (کے کہنے) کا مجھ کو حق نہیں، اگر میں نے کہا ہو گا تو تجھ کو اس کا علم ہو گا، تو جانتا ہے میرے دل کی بات اور میں نہیں جانتا جو کچھ تیرے اندر ہے (اس کو) بیشک تو ہی غیب کو خوب جاننے والا ہے

میں نے تو ان سے وہی کہا جس کا تو نے مجھے حکم دیا تھا، کہ تم اللہ کی عبادت کرو جو میرا رب ہے اور تمہارا بھی رب ہے اور میں ان پر گواہ رہا جب تک میں ان میں رہا (دنیا میں) پھر جب تو نے مجھ کو اٹھا لیا (تو) تو ہی ان پر نگہبان رہا اور تو ہر چیز کی پوری خبر رکھتا ہے

اگر تو عذاب دے ان کو تو یہ تیرے بندے ہیں اور اگر تو ان کو معاف فرما دے تو بیشک تو زبردست حکمت والا ہے

فرمائے گا اللہ (قیامت کے دن) کہ یہ وہ دن ہے کہ نفع دے گی سچوں کو ان کی سچائی، ان کیلئے جنت ہیں جن کے نیچے نہریں جاری ہوں گی، جن میں وہ ہمیشہ رہیں گے اللہ ان (جنتیوں) سے راضی ہو گا اور یہ (جنتی) اللہ سے راضی ہوں گے، یہی بڑی کامیابی ہے

اللہ ہی کی بادشاہت ہے آسمانوں کی اور زمین کی اور جو کچھ ان میں ہے، اور وہ ہر شے پر خوب قدرت رکھتا ہے

تمام تعریف اللہ ہی کے لئے ہے، جس نے پیدا کیا آسمانوں کو اور زمین کو، اور بنایا اندھیرے کو اور نور کو، پھر بھی یہ کافر (غیر اللہ کو) اپنے رب کے برابر قرار دیتے ہیں

وہ جس نے پیدا کیا تم کو مٹی سے، پھر ایک وقت مقرر کیا (موت کا) اور وہ مقرر وقت اللہ ہی کو معلوم ہے پھر بھی تم شک کرتے ہو (قیامت پے)

اور وہی اللہ ہے آسمانوں میں اور زمین میں (موجود) وہ جانتا ہے تمہاری چھپی اور تمہاری ظاہری باتوں کو اور وہ جانتا ہے جو تم (عمل) کرتے ہو

اور جب آتی ہے ان (کفار) کے پاس کوئی نشانی ان کے رب کی نشانیوں میں سے وہ اس سے اعراض کرتے ہیں

تو یقیناً انہوں نے جھٹلایا حق کو جب کہ وہ آ گیا ان کے پاس، تو عنقریب آئے گی ان کے پاس وہ خبریں جن کا وہ استہزاء (یعنی مذاق) کرتے تھے

کیا انہوں نے نہیں دیکھا کہ کتنی بستیوں کو ہم نے ہلاک کیا ان سے پہلے، انہیں اس طرح بسایا تھا دنیا میں کہ تم (مکہ والوں) کو بھی نہیں بسایا، اور ہم نے بھیجی آسمان سے ان پر لگاتار بارش، اور ہم نے نہریں جاری کیں ان کے نیچے سے، پھر ہم نے ہلاک کر دیا ان (پہلے لوگوں) کو ان کے گناہوں کے سبب، اور پیدا کر دیا ان کے بعد دوسری قوموں کو

اور اگر ہم نازل فرماتے آپ پر کوئی کتاب کاغذ پر لکھی ہوئی پھر اس کو یہ لوگ چھو بھی لیتے اپنے ہاتھوں سے تب بھی کہتے یہ کفار (مکہ) کہ یہ کھلا جادو ہے

اور یہ (کفار) کہتے ہیں کہ کیوں نہیں نازل کیا گیا اس (نبی) پر کوئی فرشتہ، اور اگر ہم کوئی فرشتہ بھیج دیتے تو فیصلہ کر دیا جاتا (موت کا) پھر انہیں مہلت نہیں دی جاتی

اور اگر ہم کسی فرشتہ کو رسول بنا کر بھیجتے تو یقیناً ہم بھیجتے اسے آدمی کی صورت میں، اور ہم انہیں اسی شبہ میں ڈالے رکھتے جس شبہ میں وہ اب پڑے ہیں

اور یقیناً مذاق اڑایا جا چکا ہے تم سے پہلے بھی رسولوں کا پھر جن لوگوں نے ان سے مذاق کیا تھا انہیں اسی عذاب نے آگھیرا جس کا وہ مذاق اڑاتے تھے

کہہ دو کہ سیر کرو ملک میں پھر دیکھو کیا انجام ہوا جھٹلانے والوں کا

ان سے پوچھو کہ کس کا ہے وہ جو کچھ آسمانوں اور زمین میں ہے، کہہ دو سب کچھ اللہ ہی کا ہے، اس نے لازم کر لیا ہے اپنے اوپر رحم وہ ضرور جمع کرے گا تم سب کو قیامت کے دن جس میں کوئی شک نہیں، جنہوں نے اپنے آپ کو خسارے میں ڈالا وہ ایمان نہیں لاتے ہیں

اور اسی (اللہ) کا ہے جو (مخلوق) رات اور دن میں ہے، اور وہی خوب سننے والا خوب جاننے والا ہے

کہہ دو کیا میں اللہ کے سوا کسی اور کو اپنا ولی بناؤں جو بنانے والا ہے آسمانوں اور زمین کا اور وہ (سب کو) کھلاتا ہے اور وہ نہیں کھاتا، کہہ دو مجھے تو حکم دیا گیا ہے کہ میں ہو جاؤں سب سے پہلا فرمانبردار اور (حکم دیا گیا ہے کہ) تو ہرگز مشرکوں میں نہ ہونا

کہہ دو بیشک میں ڈرتا ہوں اگر میں اپنے رب کی نافرمانی کروں (تو) ایک بڑے دن کے عذاب سے

جس سے پھیر دیا جائے گا اس دن (عذاب) تو یقیناً اس پر رحم کر دیا، اور یہی بڑی کامیابی ہے

اور اگر پہونچائے تجھے اللہ کوئی تکلیف تو کوئی دور کرنے والا نہیں اسے اس (اللہ) کے سوا، اور اگر پہونچائے تجھے بھلائی تو وہ ہر چیز پر قادر ہے

اور وہ زور آور ہے اپنے بندوں پر، اور وہی حکمت والا باخبر ہے

آپ کہہ دیجئے کہ کون سی چیز گواہی کے لئے سب سے بڑی ہے؟ آپ کہہ دیجئے کہ اللہ گواہ ہے میرے اور تمہارے درمیان، اور بطور وحی کے بھیجا گیا ہے میرے پاس یہ قرآن، تا کہ میں ڈراؤں تم کو اسکے ذریعے سے اور جس کو پہونچے (یہ قرآن ان سب کو) کیا تم گواہی دیتے ہو کہ اللہ کے ساتھ اور معبود ہے، آپ کہہ دیجیئے کہ میں گواہی نہیں دیتا، آپ کہہ دیجئے کہ وہ ایک ہی معبود ہے اور بیشک میں بری ہوں تمہارے شرک سے

جن (اہل کتاب) کو ہم نے کتاب دی ہے، وہ اس (رسول) کو پہچانتے ہیں جس طرح اپنی اولاد کو پہچانتے ہیں جن لوگوں نے اپنے آپ کو خسارے میں ڈالا وہ ایمان نہیں لائیں گے

اور اس سے بڑا ظالم کون ہو گا؟ جو اللہ پر جھوٹ باندھے، یا اللہ کی آیات کو جھٹلائے، بیشک نہیں پاتے فلاح ظالم

اور جس دن ہم جمع کریں گے ان تمام (لوگوں) کو، پھر ہم کہیں گے مشرکین سے، کہاں ہیں تمہارے وہ شرکاء جن پر تم گمان کرتے تھے؟

پھر نہ ہو گا ان کے لئے کوئی فتنہ سوائے یہ کہ وہ کہیں گے، کہ اللہ کی قسم! اے ہمارے رب! ہم نہ تھے مشرک (دنیا میں، یعنی جھوٹ بولیں گے)

دیکھو انہوں نے کیسے جھوٹ بولا اپنے اوپر، اور وہ (معبود) غائب ہو جائیں گے جنہیں وہ گھڑا کرتے ہیں

ان میں بعض ایسے (کافر) ہیں کہ آپ کی طرف کان لگائے رہتے ہیں اور ہم نے ڈال دیا ہے ان کے دلوں پر پردہ، کہ وہ نہ سمجھیں، اور ان کے کانوں میں بھی پردہ ہے اور اگر وہ تمام نشانیاں دیکھ لیں تو بھی وہ ان (نشانیوں) پر ایمان نہیں لائیں گے، یہاں تک کہ جب آپ کے پاس آتے ہیں تو جھگڑتے ہیں آپ سے کہتے ہیں کافر اس (قرآن) میں پہلوں کے قصے ہیں

اور یہ روکتے ہیں (دوسروں کو) اور خود بھی اس (قرآن) سے بھاگتے ہیں، اور یہ ہلاک کر رہے ہیں اپنے آپ کو، اور یہ سمجھتے نہیں

اور اگر آپ (اس وقت) دیکھیں جب کہ یہ دوزخ کے پاس کھڑے کئے جائیں گے تو کہیں گے، کاش ہم لوٹا دیئے جائیں (دنیا میں) تو نہیں جھٹلائیں گے ہم اپنے رب کی آیات کو، اور ہم ہو جائیں گے مؤمنوں میں

بلکہ سامنے آگئی ان کے جس کو وہ چھپایا کرتے تھے اس کے قبل (کہ مشرک نہیں تھے) اور اگر یہ لوٹا دیئے جائیں تو وہی کریں گے جس سے انہیں منع کیا گیا تھا، اور بیشک یہ جھوٹے ہیں

اور یہ کہتے ہیں کہ صرف یہی دنیوی زندگی ہماری زندگی ہے اور ہم دوبارہ نہیں کئے جائیں گے

اور اگر آپ دیکھیں جب یہ کھڑے کئے جائیں گے اپنے رب کے سامنے (اللہ) فرمائے گا کیا یہ (عذاب) برحق نہیں؟ کہیں گے کیوں نہیں؟ قسم اپنے رب کی! اللہ فرمائے گا تو چکھو عذاب کا مزہ اپنے کفر کے سبب

یقیناً خسارہ میں ہیں وہ لوگ جنہوں نے جھٹلایا اللہ سے ملنے کو، یہاں تک کہ جب قیامت آ جائے گی اچانک، کہیں گے کہ ہائے افسوس ہماری کوتاہی پر جو اس کے بارے میں ہوئی، اور وہ اپنے بوجھ اپنی پیٹھوں پر لادے ہوئے ہوں گے، خبردار! برا بوجھ ہو گا جس کو وہ لادے ہوئے ہوں گے

اور دنیوی زندگی تو کچھ بھی نہیں سوائے لہو و لعب کے (یعنی کھیل اور تماشہ کے) اور دارِ آخرت (یعنی جنت) بہتر ہے متقیوں کے لئے تو کیا تم سمجھتے نہیں

یقیناً ہم جانتے ہیں کہ بیشک غم میں ڈالتی ہے آپ کو وہ باتیں جو یہ (کفار مجنون یا جادوگر وغیرہ) کہتے ہیں، تو یہ آپ کو نہیں جھٹلاتے، یہ ظالم تو اللہ کی آیتوں کا انکار کرتے ہیں

اور یقیناً تکذیب کی جاچکی ہے رسولوں کی آپ سے پہلے بھی، تو انہوں نے صبر کیا اپنے جھٹلائے جانے پر، اور ان کو ایذائیں پہونچائی گئیں، یہاں تک کہ آگئی ان پے ہماری مدد اور نہیں کوئی بدلنے والا اللہ کی باتوں کو، اور یقیناً آ چکی ہے آپ کے پاس رسولوں کی خبریں

اور اگر تکلیف دہ ہے آپ پر ان کا اعراض (یعنی دین کو نہ ماننا) تو اگر آپ کو یہ طاقت ہے کہ زمین میں کوئی سرنگ یا آسمان میں سیڑھی لگا کر کوئی نشانی لے آئیں ان کے لئے اور اگر اللہ چاہتا تو جمع کر دیتا ان سب کو ہدایت پر، تو (اے نبی) آپ نادانوں میں سے نہ ہو جائیں

صرف قبول کرتے ہیں وہی لوگ جو سنتے ہیں، اور مُردوں کو اللہ (زندہ کر کے) اٹھائے گا، پھر سب اللہ ہی کی طرف لوٹائے جائیں گے

اور یہ لوگ کہتے ہیں کیوں نہیں نازل کی گئی ان پر کوئی نشانی ان کے رب کی طرف سے، آپ فرما دیجیئے کہ بیشک اللہ قادر ہے اس پر کہ وہ نشانی نازل فرما دے، اور لیکن اکثر ان میں علم نہیں رکھتے

اور جو چوپائے ہیں زمین میں، اور جو پرندے اڑتے ہیں اپنے دونوں بازوؤں سے، وہ سب تمہاری طرح امت (یعنی جماعت) ہیں، ہم نے نہیں چھوڑی کتاب میں کوئی چیز، پھر سب اپنے رب کی طرف ہی جمع کئے جائیں گے

اور جو لوگ جھٹلاتے ہیں ہماری آیتوں کو، وہ بہرے، گونگے، اور اندھیرے میں ہیں اللہ جس کو چاہے اسے گمراہ کر دے اور وہ جس کو چاہے ڈال دے اسے سیدھے راستے پر

آپ کہہ دیجئے کہ تمہارا کیا خیال ہے اگر آ جائے تم پر اللہ کا کوئی عذاب، یا تم پر قیامت آ جائے، تو کیا تم غیر اللہ کو پکارو گے (اس مصیبت کے وقت) اگر تم سچے ہو

بلکہ اسی کو تم پکارو گے، پھر وہ دور کر دے گا جس کے لئے تم پکارو گے اگر وہ چاہے، اور تم بھول جاتے ہو (اس اللہ کو) جس کو تم شریک ٹھہراتے ہو

اور یقیناً ہم نے رسول بھیجے (پچھلی) امتوں کی طرف آپ سے پہلے بھی، تو ہم نے پکڑا ان کو تنگی اور پریشانی میں تاکہ وہ گڑگڑائیں

تو کیوں نہیں وہ گڑگڑائے جب آیا ان پر ہمارا عذاب؟ اور لیکن سخت ہو گئے ان کے دل اور مزین کر دیا ان کیلئے شیطان نے ان کے اعمال کو جو (دنیا میں) وہ کیا کرتے تھے

تو جب انہوں نے بھلا دیا وہ نصیحت جو انہیں کی گئی تھی، تو ہم نے کھول دئے ان پر ہر چیز کے دروازے، یہاں تک کہ جب وہ خوش ہو گئے ان چیزوں پر جو ان کو دی گئی تھیں تو ہم نے ان کو پکڑ لیا، پھر وہ مایوس ہو گئے

تو کاٹ دی جائے گی ظالموں کی جڑوں کو (قیامت کے دن) اور تمام تعریف اللہ کے لئے ہے جو تمام عالم کا رب ہے

آپ کہہ دیجئے کہ تمہارا کیا خیال ہے اگر اللہ اخذ کر لے (ختم کر دے) تمہاری سماعت اور بصارت، اور مہر لگا دے تمہارے دلوں پر تو اللہ کے سوا اور کوئی معبود ہے جو تم کو پھر لا کر دے اسے آپ دیکھئے تو کیسے ہم بیان کر رہے ہیں آیات کو پھر بھی وہ کنارہ کرتے ہیں

آپ کہہ دیجئے تمہارا کیا خیال ہے اگر تم پر اللہ کا عذاب آ جائے اچانک یا اعلانیہ، تو کیا ظالم کے سوا بھی کوئی ہلاک کیا جائے گا؟

اور ہم بھیجتے ہیں رسولوں کو بشارت دینے اور ڈرانے والا بنا کر، پھر جو ایمان لے آئے اور اصلاح کر لے تو ان لوگوں پر کوئی خوف نہیں، اور نہ وہ غمگین ہوں گے

اور جنہوں نے جھٹلایا ہماری آیتوں کو ان کو عذاب پہونچے گا، بوجہ اس کے کہ وہ نافرمانی کرتے ہیں (دنیا میں)

آپ کہہ دیجئے کہ میں نہیں کہتا تم سے کہ میرے پاس اللہ کے خزانے ہیں، اور نہ میں غیب جانتا ہوں، اور نہ میں تم سے یہ کہتا ہوں کہ میں فرشتہ ہوں، میں تو صرف اتباع کرتا ہوں ان وحی کی جو میری طرف کی جاتی ہیں۔ آپ کہہ دیجیئے کہ اندھا اور دیکھنے والا برابر ہو سکتا ہے؟ کیا تم غور نہیں کرتے؟

اور آپ ڈرائیے اس (قرآن) کے ذریعے ان لوگوں کو جو اس بات سے خوف رکھتے ہیں کہ اپنے رب کے پاس جمع کئے جائیں گے (وہاں) نہ کوئی ان کا مددگار ہو گا اور نہ کوئی شفیع تا کہ یہ ڈریں

اور آپ نہ دھتکاریں ان لوگوں کو جو پکارتے ہیں اپنے رب کو صبح اور شام، وہ چاہتے ہیں اس کی رضاء، نہیں ہے آپ پر ان کا حساب کچھ بھی اور آپ کا حساب ان پر نہیں کچھ بھی، اگر آپ انہیں دھتکاریں گے تو آپ ہو جائیں گے ظالمین میں سے

اور اسی طرح ہم نے آزمایا بعض کو بعض کے ذریعے، تا کہ یہ لوگ کہا کریں کہ یہی لوگ ہیں جن پر اللہ نے احسان کیا ہے ہمارے بیچ کیا اللہ خوب نہیں جانتا شکر گزاروں کو

اور یہ (صحابہ) جب آپ کے پاس آئیں جو ہماری آیتوں پر ایمان رکھتے ہیں، تو کہئے سلامتی ہو تم پر، لکھ لیا ہے تمہارے رب نے رحمت فرمانا اپنے ذمے، بیشک جو شخص تم میں سے برا کام کرے گا جہالت میں پھر وہ اس کے بعد توبہ کر لے اور اصلاح کر لے تو اللہ بڑی مغفرت کرنے والا بڑا رحم کرنے والا ہے

اور اسی طرح ہم تفصیل کرتے ہیں آیات کی اور تاکہ بیان ہو جائے مجرمین کا راستہ

آپ کہہ دیجئے کہ مجھ کو اس سے منع کیا گیا ہے کہ ان کی عبادت کروں جن کو تم پکارتے ہو اللہ کے علاوہ، آپ کہہ دیجئے کہ نہیں کرتا میں اتباع تمہاری خواہشات کی، پھر تو میں گمراہ ہو جاؤں گا، اور ہدایت پانیوالوں میں نہ رہوں گا

آپ کہہ دیجئے کہ میں دلیل پر ہوں اپنے رب کی طرف سے، اور تم اس کی تکذیب کرتے ہو، وہ میرے پاس نہیں جس (عذاب) کی تم جلدی کر رہے ہو، حکم اللہ کے اختیار میں ہے، اللہ حق کو بیان کر دیگا، اور وہ بہتر فیصلہ کرنے والا ہے

آپ کہہ دیجئے کہ اگر میرے پاس وہ چیز ہوتی جس کے لئے تم جلدی کر رہے ہو، تو میرے درمیان اور تمہارے درمیان فیصلہ ہو چکا ہوتا، اور اللہ ظالموں کو خوب جانتا ہے

اور اسی کے پاس ہیں غیب کی کنجیاں، ان کو کوئی نہیں جانتا سوائے اللہ کے، اور وہ جانتا ہے جو خشکی میں ہے اور جو دریاؤں میں ہے اور کوئی پتا نہیں گرتا مگر وہ اس کو بھی جانتا ہے، اور کوئی دانہ زمین کی تاریکی میں نہیں اور نہ کوئی تر اور نہ کوئی خشک چیز، مگر یہ سب کتاب مبین میں ہیں (لوح محفوظ میں)

اور وہی ہے جو وفات دیتا ہے تمہیں رات (کی نیند) میں، اور وہ جانتا ہے جو کچھ تم کرتے ہو دن میں (اس کو بھی) پھر تم کو بھیجتا ہے (نیند سے) تاکہ مقرر وقت پورا ہو (زندگی کی) پھر اسی کی طرف تم کو لوٹنا ہے، پھر وہ تم کو بتلائے گا جو کچھ تم کیا کرتے تھے

اور وہ غالب ہے اپنے بندوں پر، اور وہ (اللہ) بھیجتا ہے تم پر محافظ (فرشتہ) یہاں تک کہ جب آتی ہے تم میں سے کسی کو موت وفات دیتے ہیں اسے ہمارے بھیجے ہوئے (فرشتے) اور وہ کوتاہی نہیں کرتے

پھر انہیں لوٹایا جاتا ہے اللہ کی طرف جو ان کا مولائے برحق ہے خبردار! حکم کا اختیار اسی کو ہے، اور وہ بہت جلد حساب لینے والا ہے

آپ کہہ دیجئے کہ کون نجات دیتا ہے تمہیں اندھیروں سے خشکی اور دریا کے تم پکارتے ہو اسے گڑگڑا کر اور چپکے چپکے، کہ اگر تو ہم کو ان سے نجات دیدے تو ہم ضرور ہو جائیں گے شکر کرنیوالوں میں

آپ کہہ دیجئے کہ اللہ ہی نجات دیتا ہے تمہیں ان سے اور ہر غم سے، تو پھر بھی تم شرک کرنے لگتے ہو

آپ کہہ دیجئے کہ وہ قادر ہے اس پر کہ بھیج دے تم پر کوئی عذاب تمہارے اوپر سے، یا تمہارے پاؤں کے نیچے سے (دھنسا دے) یا تم کو بھڑا دے کسی جماعت سے اور چکھا دے ایک دوسرے سے جنگ کا مزہ، آپ دیکھئے ہم کس طرح بیان کرتے ہیں آیات کو تاکہ وہ سمجھ سکیں

اور جھٹلایا اس (قرآن) کو آپ کی قوم نے، حالانکہ یہ برحق ہے، آپ کہہ دیجئے کہ میں نہیں ہوں تم پر وکیل

ہر خبر کا ایک وقت ہے اور عنقریب ہی تم جان لوگے

اور جب آپ دیکھیں ان (کافروں) کو جو عیب نکالتے ہیں ہماری آیات میں، تو اعراض کریں ان سے (ایسے وقت میں دور رہیں) یہاں تک کہ وہ مشغول ہو جائیں کسی اور بات میں اور اگر بھلا دے آپ کو شیطان تو نہ بیٹھیں یاد آنے کے بعد ایسے ظالموں کے ساتھ

اور جو لوگ متقی ہیں ان پر ان (مذاق اڑانے والوں) کے حساب کا کچھ (ذمہ) نہیں اور لیکن یہ نصیحت ہے شاید وہ (خود اس کام سے) بچیں

اور چھوڑ دیں ان لوگوں کو جنہوں نے بنا رکھا ہے اپنے دین کو کھیل اور تماشہ، اور دھوکے میں ڈال رکھا ہے انہیں دنیوی زندگی نے، اور آپ نصیحت کریں اس (قرآن) کے ذریعہ سے، تاکہ پھنس نہ جائے کوئی شخص جو اس نے کمایا، نہ ہو گا اس کا اللہ کے سوا کوئی مددگار اور نہ سفارشی اور اگر دنیا بھر کا بدلہ بھی دے ڈالے (قیامت کے دن یہ کفار اور مشرکین) تب بھی ان سے نہ لیا جائے، یہی ہیں جو پھنس گئے اپنے کمائی کے سبب ان کے لئے کھولتا پانی (پینے کے لئے) ہو گا، اور دردناک عذاب ہو گا جیسا کہ وہ کفر کرتے تھے

آپ کہہ دیجئے کہ کیا ہم پکاریں اللہ کے سوا اسکو جو نہ ہم کو نفع پہونچا سکے اور نہ نقصان، اور کیا ہم پھر جائیں اپنی ایڑیوں کے بل اس کے بعد کہ ہم کو ہدایت کر دی ہے اللہ نے اس شخص کی طرح جسکو بھٹکا دیا ہو شیطانوں نے جنگل میں اسکے ساتھی بلا رہے ہوں اس کو ہدایت کی طرف کہ آؤ ہماری طرف آپ کہہ دیجیئے کہ اللہ کی ہدایت ہی ہدایت ہے، اور ہم کو یہ حکم دیا گیا ہے کہ ہم فرماں بردار ہو جائیں رب العالمین کیلئے

اور یہ کہ قائم کرو نماز اور ڈرو اس سے، اور وہی ہے جس کی طرف تم جمع کئے جاؤ گے

اور وہی ہے جس نے پیدا کیا آسمانوں اور زمین کو برحق، اور جس دن وہ کہے گا ہو جا، تو وہ ہو جائے گا اس کا کہنا برحق ہے اور اسی کی حکومت ہو گی جس دن پھونکا جائے گا صُور میں وہ جاننے والا ہے غیب اور ظاہر کا، اور وہی حکیم اور خبیر ہے

اور جب کہا ابراہیم نے اپنے باپ آزر سے کہ کیا تم بناتے ہو بتوں کو معبود؟ بے شک میں دیکھتا ہوں تم کو اور تمہاری قوم کو کھلی گمراہی میں

اور ہم نے دکھلائیں ابراہیم کو عجائبات (یعنی مخلوقات) آسمانوں اور زمین کی، اور تاکہ وہ ہو جائیں یقین کرنے والوں میں سے

پھر جب تاریک ہوئی ان پر رات تو انہوں نے دیکھا ایک ستارہ، کہا یہ میرا رب ہے، تو جب وہ غائب ہو گیا تو کہا میں غائب ہو جانے والوں کو پسند نہیں کرتا

پھر جب دیکھا چاند کو چمکتا ہوا تو کہا یہ میرا رب ہے، لیکن جب وہ غروب ہو گیا تو کہا اگر ہدایت نہ کی مجھ کو میرے رب نے تو میں گمراہ لوگوں میں ہو جاؤں گا

پھر جب دیکھا سورج کو چمکتا ہوا تو کہا یہ میرا رب ہے، یہ سب سے بڑا ہے، پھر جب وہ بھی غروب ہو گیا تو کہا بے شک میں بری ہوں تمہارے شرک سے

بے شک میں کرتا ہوں اپنا رخ اس کی طرف جس نے پیدا کیا آسمانوں اور زمین کو یکسو ہو کر (از خود) اور میں شرک کرنے والوں میں سے نہیں ہوں

اور حجت کی ان سے ان کی قوم نے آپ نے فرمایا کیا تم حجت کرتے ہو مجھ سے اللہ کے معاملے میں اور یقیناً اس نے میری رہنمائی کی، اور میں نہیں ڈرتا ان سے جن کو تم شریک بناتے ہو اسکے ساتھ، اگر چاہے میرا رب ہی کچھ، وسیع ہے میرے رب کا علم ہر چیز پر، کیا تم پھر بھی نصیحت نہیں پکڑتے

اور کیسے ڈروں میں (ان چیزوں سے) جن کو تم نے شریک بنایا ہے، اور تم نہیں ڈرتے (اس بات سے کہ) تم نے اللہ کے ساتھ ایسی چیزوں کو شریک ٹھہرایا ہے جن کی اللہ نے کوئی دلیل نازل نہیں فرمائی تم پر، تو ان دو فریقوں میں کون زیادہ مستحق ہے امن کا اگر چہ تم جانتے ہو

جو لوگ ایمان رکھتے ہیں اور نہیں ملاتے اپنے ایمان کو ظلم (یعنی شرک) کے ساتھ، یہی وہ لوگ ہیں جن کے لئے امن ہے اور وہی ہدایت یافتہ ہیں

اور یہ ہماری حجت تھی جو ہم نے عطا کیں ابراہیم کو ان کی قوم پر، ہم بلند کرتے ہیں درجات جس کے چاہتے ہیں بے شک آپ کا رب بڑی حکمت والا بڑا علم والا ہے

اور ہم نے عطا کئے ان کو اسحاق اور یعقوب، ہر ایک کو ہم نے ہدایت کی، اور نوح کو ہدایت کی اس سے پہلے، اور ان کی ذریت (یعنی اولاد) میں سے داؤد کو اور سلیمان کو اور ایوب کو اور یوسف کو اور موسیٰ کو اور ہارون کو ہدایت کی اور اسی طرح ہم جزاء دیتے ہیں محسنین کو

اور زکریا کو اور یحییٰ کو اور عیسیٰ کو اور الیاس کو (ہم نے اجر دیا) سب نیک لوگوں میں سے تھے

اور اسماعیل کو اور یسع کو اور یونس کو اور لوط (علیہم السلام) کو اور ہر ایک کو ہدایت کی تمام جہان والوں پر

اور ان کے باپ دادا کو اور ان کی اولاد کو اور ان کے بھائیوں کو، اور ہم نے ان کو چن لیا، اور ہم نے ان کو ہدایت کی صراط مستقیم کی

یہ اللہ کی ہدایت ہے وہ ہدایت دیتا ہے اس کے ذریعے جس کو چاہے اپنے بندوں میں سے، اور اگر شرک کرتے یہ (حضرات بھی) تو ضائع ہو جاتے وہ اعمال جو وہ کرتے تھے

یہی ہیں جنہیں ہم نے عطا کیں کتاب اور حکمت اور نبوت، تو اگر یہ (کفار اور مشرکین) اس (آپ کی نبوت) کا انکار کریں، تو ہم نے مقرر کیا ہے ایسے لوگوں کو جو اس کے منکر نہیں ہیں (وہ ہیں انصار اور مہاجرین)

یہ وہ (انبیاء) ہیں جن کو اللہ نے ہدایت دی تھی تو آپ ان کی ہدایت کی اقتداء کیجئے، آپ کہہ دیجیئے میں نہیں سوال کرتا تم سے اس پر کسی اجر کا، یہ تو نصیحت ہے جہان والوں کیلئے

اور ان (یہودیوں) نے قدر نہ کی اللہ کی جیسا قدر کا حق تھا، جب انہوں نے کہا کہ اللہ نے نازل نہیں کی کسی بشر پر کوئی شے، کہہ دیجیئے کہ کس نے نازل کی وہ کتاب جو موسیٰ لے کر آئے تھے، جو کہ نور اور ہدایت ہے لوگوں کیلئے بنا دیا تم نے اسے ٹکڑوں میں، تم ظاہر کرتے ہو کچھ کو، اور چھپاتے ہو بہت سی باتوں کو، اور سکھایا گیا تم کو جو نہ تم جانتے تھے اور نہ تمہارے آباء کہہ دیجیئے کہ اللہ نے (نازل فرمایا) پھر چھوڑ دیجئے ان کو ان کے خرافات میں کھیلنے کیلئے

اور یہ کتاب (قرآن) جس کو ہم نے نازل کی مبارک ہے تصدیق کرنے والی ہے اپنے سامنے والی کتابوں کی، تاکہ آپ ڈرائیں مکہ والوں کو اور اس کے آس پاس والوں کو، اور جو لوگ ایمان رکھتے ہیں آخرت پر وہی اس پر ایمان لاتے ہیں، اور وہی اپنی نماز کی پابندی کرتے ہیں

اور اس (مسیلمہ کذاب) سے بڑا ظالم کون ہوگا، جو افتراء کرے اللہ پر جھوٹ یا کہے وحی کی جاتی ہے میری طرف، جبکہ نہیں وحی کی جاتی ہے اس کی طرف کچھ بھی اور جو کہے میں بھی نازل کردونگا جیسا اللہ نے نازل کیا ہے اور اگر آپ دیکھیں جب یہ ظالم موت کی سختیوں میں ہوں گے، اور (ان کی طرف موت کے) فرشتے بڑھا رہے ہوں گے اپنا ہاتھ، کہ نکالو اپنی جانیں آج تمہیں دیا جائے گا ذلت کا عذاب اس سبب سے کہ تم کہا کرتے تھے اللہ پر ناحق بات (دنیا کی زندگی میں) اور تم اس (اللہ) کی آیات سے تکبر کرتے تھے

اور تم آگئے ہو ہمارے پاس فرداً فرداً جس طرح ہم نے پیدا کیا تھا تم کو اوّل بار، اور تم چھوڑ آئے جو کچھ ہم نے تم کو دیا تھا اپنی پیٹھوں کے پیچھے اور ہم نہیں دیکھ رہے ہیں تمہارے ساتھ تمہاری شفاعت کرنے والوں کو، جن پر تم گمان رکھتے تھے کہ وہ تمہارے معاملے میں شریک ہیں، یقیناً وہ کٹ گئے تمہارے بیچ سے، اور وہ بھول گئے تمہیں جن پر تم گمان کرتے تھے

بیشک اللہ پھاڑ کر نکالتا ہے دانے کو اور گٹھلیوں کو، وہ نکالتا ہے زندہ کو مردہ سے، اور نکالنے والا ہے مردہ کو زندہ سے (بے جان سے جان نکالتا ہے) یہی ہے اللہ، تو تم کہاں بہک رہے ہو؟

وہ پھاڑ نکالتا ہے صبح کو اور اس نے بنایا رات کو سکون کے لئے، اور سورج اور چاند کو حساب (کا ذریعہ) بنایا ہے، یہ تقدیر ہے (یعنی تدبیر ہے) زبردست علم والے کی طرف سے

اور وہی ہے جس نے بنایا تمہارے لئے ستاروں کو، تاکہ تم راہ پاؤ ان کے ذریعے خشکی اور دریا کے اندھیروں میں، بیشک ہم نے تفصیل کی ہیں آیتوں کی جاننے والوں کیلئے

اور وہی ہے جس نے پیدا کیا تم کو ایک جان سے، پھر ایک مستقر (زندگی گذارنے کی جگہ) اور ایک مستودع (دنیا سے الوداع) ہے بیشک ہم نے تفصیل کی ہیں آیتوں کی لوگوں کے لیے تاکہ وہ سمجھیں

اور وہی ہے جس نے نازل کیا آسمان سے پانی پھر ہم نے نکالا اس کے ذریعہ سے ہر قسم کے نباتات کو، پھر ہم نے نکالیں اس سے سبزیاں پھر ہم نکالتے ہیں اس سے دانے ترکیب (یعنی ترتیب) کے ساتھ اور کھجور میں سے خوشے جو نیچے کو لٹکتے ہیں، اور باغات انگوروں کے اور زیتون کے اور انار کے بعض ایک دوسرے سے مشابہ (ملتے جلتے) اور بعض غیر مشابہ ہیں، دیکھو اس کے پھل کو جب پھل آتا ہے اور اس کے پکنے کو دیکھو (کون کر رہا ہے؟) بے شک ان میں نشانیاں ہیں ایمان والوں کے لئے

اور انہوں نے بنا لیا ہے جنوں کو شریک اللہ کیلئے اللہ ہی نے پیدا کیا ہے ان کو، اور انہوں نے گھڑ رکھے ہیں اللہ کے لئے بیٹے اور بیٹیاں بغیر علم کے، اور وہ پاک ہے اور اعلیٰ ہے ان باتوں سے جو یہ بیان کرتے ہیں

وہ پیدا کرنے والا ہے آسمانوں اور زمین کا، کیسے ہو سکتی ہے اس (اللہ) کی کوئی اولاد، اور نہیں ہے اس کی کوئی بیوی، اور اسی نے پیدا کیا ہے ہر چیز کو اور وہ ہر چیز کو خوب جانتا ہے

یہ ہے اللہ تمہارا رب اس کے سوا کوئی معبود نہیں وہ ہر چیز کا پیدا کرنے والا ہے، تو تم عبادت کرو اس کی اور وہ ہر چیز کا کارساز ہے

نہیں پاسکتی (یعنی نہیں دیکھ سکتیں) اس کو آنکھیں، اور وہ پاسکتا ہے آنکھوں کو اور وہ بڑا باریک بین باخبر ہے

یقیناً آچکے ہیں تمہارے پاس تمہارے رب کی جانب سے بصائر (یعنی نصیحتیں) جو دیکھ لے گا وہ اپنا فائدہ کرے گا اور جو اندھا رہے گا وہ اپنا نقصان کرے گا، اور میں نہیں تمہارا محافظ

اور اسی طرح ہم بیان کرتے ہیں آیتوں کو تا کہ یہ (کفار) کہیں کہ آپ نے (کسی سے) پڑھ لیا ہے، اور تاکہ ہم بیان کر دیں اسے جاننے والوں کیلئے

آپ اتباع کیجئے ان وحی کی جو آپ کی طرف آپ کے رب نے کی، کوئی معبود نہیں اللہ کے سوا اور اعراض کیجئے مشرکین سے (یعنی منہ پھیر لیجئے)

اور اگر چاہتا اللہ تو یہ شرک نہ کرتے، اور ہم نے نہیں بنایا آپ کو ان پر محافظ اور نہ آپ ان پر وکیل ہیں

اور (اے مسلمانو!) گالی مت دو ان کو جن کو یہ پکارتے ہیں اللہ کے علاوہ، پھر وہ اللہ کو گالی دیں گے دشمنی میں، بغیر کسی علم کے، اسی طرح ہم نے مزین کر رکھا ہے ہر امت کے لئے ان کا عمل، پھر اپنے رب ہی کی طرف ان سب کو لوٹنا ہے، تو وہ (اللہ) ان کو بتلا دے گا جو عمل وہ کیا کرتے تھے

اور (مشرکین) قسمیں کھاتے ہیں اللہ کی اپنی قسموں میں زور ڈال کر کہ اگر آ جائے ان کیلئے کوئی نشانی تو وہ ضرور ایمان لے آئیں گے اس پر کہہ دو نشانیاں اللہ کے پاس ہیں، اور تم کو خبر نہیں (اے نبی) یقیناً جب وہ آجائیں گی یہ ایمان نہیں لائیں گے

اور ہم پھیر دیں گے ان کے دلوں کو اور ان کی نگاہوں کو، جیسا کہ یہ ایمان نہیں لائے اس (نبی) پر پہلی مرتبہ، اور ہم چھوڑ دیں گے ان کو ان کی سرکشی میں بھٹکنے کے لیے