النحل

آچکا ہے اللہ کا حکم (یعنی قیامت، اے کفار) تو تم جلدی نہ کرو اسمیں، اسکی ذات پاک ہے اور اعلی ہے اس شرک سے جو وہ کرتے ہیں

وہ نازل کرتا ہے فرشتوں کو وحی کے ساتھ اپنے حکم سے جس پر چاہتا ہے اپنے بندوں میں سے، کہ (اے نبی) تم ڈراؤ بیشک اس کے سوا کوئی معبود نہیں تو تم مجھ سے ہی ڈرو

پیدا کیا اسی نے آسمانوں اور زمین کو برحق وہ اعلی ہے اس شرک سے جو وہ کرتے ہیں

پیدا کیا اسی نے انسان کو نطفے (یعنی بوند) سے پھر وہ جھگڑالو ہو گیا کھلم کھلا

اور جانوروں کو پیدا کیا اسی نے، تمہارے لیے ان میں جاڑے کا سامان ہے اور منافع بھی ہے اور ان میں سے تم کھاتے بھی ہو

اور تمہارے لیے ان میں جمال بھی ہے اسوقت جب تم شام کو چرا کر لاتے ہو اور اسوقت جب صبح کو چرانے لے جاتے ہو

وہ اٹھا لے جاتے ہیں تمہارے بوجھ شہروں تک نہ ہوتے تم پہونچانے والے سوائے جان کو مشقت میں ڈالے، بیشک تمہارا رب شفقت کرنے والا مہربان ہے

اور گھوڑے اور خچر اور گدھے (پیدا کئے) تاکہ تم سوار ہو ان پر اور زینت بھی ہے اور وہ (آگے وہ سواریاں) پیدا کرے گا جو تم نہیں جانتے

اور اللہ تک سیدھی راہ پہونچتی ہے اور ان میں ٹیڑھی بھی ہیں، اور اگر اللہ چاہتا تو تم سب کو ہدایت دے دیتا (سیدھی راہ پر)

وہی ہے جس نے نازل کیا آسمان سے پانی تمہارے لیے، اسی میں سے پیتے ہو اور اسی سے درخت نکلتے ہیں جن میں (جانوروں کو) چراتے ہو

وہ اگاتا ہے تمہارے لئے اس (پانی) کے ذریعے کھیتی اور زیتون اور کھجوریں اور انگور اور ہر قسم کے پھل، بےشک اس میں نشانی ہے ان لوگوں کے لیے جو غور و فکر کرتے ہیں

اور اسی (اللہ) نے مسخر کیا تمہارے لئے رات اور دن اور سورج اور چاند کو اور تاروں کو بھی مسخر کیا اپنے حکم سے، بیشک ان میں نشانیاں ہیں ان لوگوں کے لیے جو سمجھ رکھتے ہیں

اور اسی (اللہ) نے پھیلا دی ہیں تمہارے لئے زمین میں مختلف رنگ کی چیزیں ان میں ان لوگوں کے لیے نشانی ہے جو نصیحت پکڑتے ہیں

اور وہی ہے (اللہ) جس نے مسخر کیا (یعنی تمہارے قابو میں کیا) دریا کو تاکہ تم کھاؤ اس میں سے تازہ گوشت اور تاکہ تم نکالو اس سے زیور (کی چیزیں) جسے تم پہنتے ہو، اور تم دیکھتے ہو کشتیوں کو چیرتی ہوئی چلتی ہیں، اور تاکہ تم تلاش کرو اُس کے فضل کو اور تاکہ تم شکر ادا کرو

اور اس (اللہ) نے ڈال دئے زمین میں پہاڑوں کو تاکہ نہ ڈگمگائے تمہیں لے کر اور نہریں اور راستے (تمہارے لیے بنا دئے) تاکہ تم راہ پاؤ

اور نشانیوں، اور ستاروں کے ذریعے بھی وہ راہ پاتے ہیں

تو کیا جو پیدا کرتا ہے اس کے برابر ہو سکتا ہے جو (کچھ بھی) پیدا نہ کرے، تو کیا تم غور نہیں کرتے؟

اور اگر تم گننے لگو نعمتوں کو اللہ کی تو ان کا شمار نہیں کر سکتے، بیشک اللہ بخشنے والا بہت مہربان ہے

اور اللہ جانتا ہے جو تم چھپاتے ہو اور جو تم ظاہر کرتے ہو

اور جنہیں وہ پکارتے ہیں اللہ کے سوا (بتوں کو) وہ کچھ بھی پیدا نہیں کرتے اور وہ خود پیدا کئے گئے ہیں

(وہ) مردے ہیں بغیر جان کے، اور وہ یہ بھی نہیں جانتے کہ وہ کب اٹھائے جائیں گے (مرنے کے بعد)

تمہارا معبود ایک ہی ہے، تو جو نہیں ایمان رکھتے آخرت پر ان کے دل انکاری ہیں اور وہ تکبر کرنے والے ہیں

بیشک اللہ جانتا ہے جو کچھ وہ چھپاتے ہیں اور جو کچھ وہ ظاہر کرتے ہیں، بیشک وہ نہیں پسند کرتا تکبر کرنے والوں کو

اور جب کہا جاتا ہے ان (کفار مکہ) سے کہ کیا نازل کیا تمہارے رب نے وہ کہتے ہیں پہلوں کے قصے ہیں (قرآن میں)

تاکہ وہ اٹھائیں اپنا مکمل بوجھ قیامت کے دن، اور ان کا بوجھ بھی جنہیں یہ گمراہ کرتے ہیں بغیر علم کے، خبردار! کیا ہی برا بوجھ ہے جو یہ اٹھائیں گے (قیامت کے دن)

یقینا مکر کیا تھا ان لوگوں نے جو ان سے پہلے تھے، تو اکھاڑ دیا (یعنی ڈھادیا) اللہ نے ان کی بنیاد کو جڑوں سے، تو گر پڑی ان پر چھت ان کے اوپر سے، اور آیا ان پر عذاب (وہاں سے) جہاں سے وہ سمجھ بھی نہ سکے

پھر قیامت کے دن وہ رسوا کرے گا انہیں، اور کہے گا کہاں ہیں میرے شریک جن (کی عبادت) پر تم ضد کرتے تھے، کہیں گے (فرشتے، رسول، اور ایمان والے) جنہیں علم دیا جائے گا کہ بیشک رسوائی آج کافروں کے لیے اور برائی ہے

جب وفات دیتے ہیں انہیں فرشتے جو ظالم ہوتے ہیں تو وہ ڈالتے ہیں صلح کہ ہم نہیں کرتے تھے کوئی برا کام، کیوں نہیں بیشک اللہ جانتا ہے جو کچھ بھی تم عمل کرتے تھے

تو داخل ہو جاؤ جہنم کے دروازوں میں ہمیشہ رہو اس میں، تو کیا ہی برا ٹھکانہ ہے متکبرین کا

اور (دنیا میں) کہا جاتا ہے متقیوں سے کہ کیا نازل کیا ہے تمہارے رب نے، تو کہتے ہیں خیر کی چیز، جنہوں نے نیکی کی ہے (ان کے لیے) اس دنیا میں بھی اچھائی ہے، اور یقینا آخرت کا گھر تو بہت ہی بہتر ہے، اور کیا ہی بہتر گھر ہے متقیوں کا

ہمیشہ رہنے والی جنتیں ہیں وہ داخل ہوں گے ان میں بہتی ہیں ان کے نیچے نہریں، ان کے لئے ان میں وہ ہے جو وہ چاہیں گے، اسی طرح اللہ بدلہ دے گا متقیوں کو

جنہیں فرشتے وفات دیتے ہیں پاکی حالت میں، (ان نیک روحوں سے فرشتے) کہتے ہیں سلامتی ہو تم پر داخل ہو جاؤ جنت میں ان اعمال کے بسبب جو تم کرتے تھے

کیا (کفار مکہ) انتظار کر رہے ہیں کہ آئیں ان پر فرشتے یا آئے تمہارے رب کا حکم (بطور خاص ان کیلئے) اسی طرح کیا تھا ان سے پہلوں نے بھی، اور اللہ نے ان پر ظلم نہیں کیا اور لیکن وہ اپنے آپ پر ظلم کرتے تھے

تو پہونچی ان پر بری مصیبت ان کے اعمال کی وجہ سے، اور الٹا پڑا ان پے وہ مذاق جو وہ اڑا یا کرتے تھے

اور کہتے ہیں مشرکین (مکہ) کہ اگر اللہ چاہتا تو ہم نہ عبادت کرتے اس کے سوا کسی چیز کی نہ ہم اور نہ ہمارے باپ دادا اور ہم حرام نہ ٹھہراتے اس (کےحکم) کے سوا کسی چیز کو، اسی طرح کیا ان لوگوں نے جو ان سے پہلے تھے، تو رسولوں کے ذمہ تو صرف کھل کر پہونچا دینا ہے

اور یقینا ہم نے بھیجا ہر امت میں ایک رسول (اور ان سے کہا) کہ عبادت کرو اللہ کی، اور اجتناب کرو (یعنی بچو) شیطان سے، پھر ان میں سے بعض کو ہدایت دی اللہ نے اور ان میں سے بعض پر حق (یعنی ثابت) ہوئی گمراہی، تو سیر کرو زمین میں پھر دیکھو کیسا انجام ہوا جھٹلانے والوں کا (جو تم سے پہلے گزرے ہیں)

اگر تم امید رکھو ان (کفار) کی ہدایت کی تو بیشک اللہ ہدایت نہیں دیتا اسے جسے گمراہ کر دے، اور نہ ہوگا ان کے لیے کوئی مددگار

اور (مشرکین مکہ) قسمیں کھاتے ہیں اللہ کی اپنی قسموں میں زور ڈال کر کہ نہیں اٹھائے گا (یعنی زندہ نہیں کرے گا) اللہ اس شخص کو جو مر جائے گا، کیوں نہیں وعدہ اس کا برحق ہے اور لیکن اکثر لوگ نہیں جانتے

(اسلئے زندہ کریگا) تاکہ ظاہر کردے ان پر جس میں یہ جھگڑتے ہیں (کہ دوبارہ زندگی نہیں ہے) اور تاکہ جان لیں کافر کہ بیشک وہ جھوٹے تھے (قیامت کے متعلق)

ہمارا قول کسی شے کیلئے جب ہم ارادہ کرتے ہیں اس کا تو کہتے ہیں اس سے ہو جا تو وہ ہو جاتی ہے

اور جنہوں نے ہجرت کی اللہ کے راستے میں اس کے بعد ان پر ظلم کیا گیا، تو ہم ضرور ٹھکانا دیں گے انہیں دنیا میں بہتر، اور آخرت کا اجر تو بہت بڑا ہے کاش کہ یہ جانتے

(یہی ہیں وہ) جنہوں نے صبر کیا اور اپنے رب پر توکل کرتے ہیں

اور ہم نے نہیں بھیجا (رسول بنا کر) تم سے پہلے مگر مردوں کو ہی، وحی کی ہم نے ان کی طرف، تو پوچھ لو اہل علم (یعنی اہل کتاب) سے اگر تم نہیں جانتے

معجزے اور کتابوں کے ساتھ (بھیجا) اور ہم نے نازل کیا تمہاری طرف ذکر (یعنی قرآن) تاکہ تم بیان کرو لوگوں کے لیے، جو نازل کیا گیا ہے ان کی طرف اور تاکہ وہ بھی غور و فکر کریں

تو کیا (یہ کفار اور مشرکین) بے خوف ہو گئے جو برے مکر کرتے ہیں، کہ دھنسا دے اللہ انہیں زمین میں یا آجائے ان پر عذاب وہاں سے جہاں سے یہ سمجھ بھی نہ سکیں

یا پکڑے انہیں ان کے چلتے پھرتے، تو یہ نہیں کر سکیں گے عاجز (اللہ کو)

یا پکڑلے انہیں خوف دلاکر، تو بیشک تمہارا رب شفیق اور رحم کرنے والا ہے

کیا وہ نہیں دیکھتے ان کی طرف جو پیدا کی ہیں اللہ نے چیزوں کو، جھکتے ہیں ان کے سائے دائیں اور بائیں طرف سجدہ کر تے ہیں اللہ کو اور وہ عاجزی کرتے ہیں

اور اللہ ہی کیلئے سجدہ کرتے ہیں جو آسمانوں میں ہے اور جو زمین میں ہے جاندار اور فرشتے، اور یہ وہ ہیں جو تکبر نہیں کرتے

وہ ڈرتے ہیں اپنے اوپر والے رب سے، اور یہ وہی کرتے ہیں جو انہیں حکم دیا جاتا ہے

اور کہا اللہ نے کہ مت بناؤ دو معبود، وہ ایک ہی معبود ہے، تو تم مجھ سے ہی ڈرو

اور اسی کا ہے جو کچھ آسمانوں اور زمین میں ہے، اور اسی کا دین لازم ہے، تو کیا تم غیر اللہ سے ڈرتے ہو

اور جو بھی ہے تمہارے پاس نعمت تو وہ اللہ کی طرف سے ہے، پھر جب پہونچتی ہے تمہیں تکلیف تو تم اسی کے پاس گڑگڑاتے ہو

پھر جب وہ دور کر دیتا ہے تکلیف تم سے، تو بعض فریق تم میں سے اپنے رب کے ساتھ شریک ٹھہرانے لگتے ہیں

تاکہ وہ ناشکری کریں اس کی جو ہم نے دیا ہے انہیں، تو تم فائدہ اٹھا لو عنقریب تمہیں معلوم ہو جائے گا

اور وہ بناتے ہیں جن (بتوں) کیلئے حصہ انہیں وہ جانتے بھی نہیں (ان میں بناتے ہیں) جو ہم نے رزق دیا ہے انہیں اللہ کی قسم! تم سے ضرور سوال کیا جائے گا ان افتراء کے بارے میں جو تم گھڑتے ہو

اور (کفار) ٹھہراتے ہیں اللہ کے لیے بیٹیاں، اس کی ذات پاک ہے، اور اپنے لیے (بیٹے) جو وہ چاہتے ہیں

اور جب خوشخبری دی جاتی ہے ان میں کسی کو بیٹی کی تو ہو جاتا ہے اس کا چہرہ سیاہ اور وہ غمگین ہوجاتا ہے

چھپتا پھرتا ہے لوگوں سے اس بری خوشخبری کی وجہ سے جو اسے دی گئی (سوچتا ہے) کیا اسے رکھے توہین سمجھ کر، یا دفن کر دے اس (بیٹی) کو مٹی میں، یاد رکھو! کہ کیا ہی برا وہ فیصلہ کرتے ہیں

وہ لوگ جو ایمان نہیں رکھتے آخرت پر (ان کی) مثال بری ہے، اور اللہ کی مثال اعلی ہے، اور وہ زبردست حکمت والا ہے

اور اگر اللہ مؤاخذہ (یعنی پکڑ) کرے لوگوں کا ان کے ظلم کی وجہ سے، تو نہ چھوڑے اس (زمین) پر کسی جاندار کو، اور لیکن وہ مہلت دیتا ہے انہیں ایک مقرر مدت تک، پھر جب آتا ہے ان کا وقت تو نہ وہ پیچھے ہٹ سکتے ہیں ایک گھڑی اور نہ آگے بڑھ سکتے ہیں

اور وہ ٹھہراتے ہیں اللہ کے لیے (بیٹیاں) جسے (خود) وہ ناپسند کرتے ہیں اور بیان کرتی ہیں ان کی زبانیں جھوٹ کہ بیشک ان کیلئے ہے (آخرت کی) بھلائی، یقینا ان کیلئے آگ ہے، اور بیشک وہ پہلے جائیں گے (آگ میں)

اللہ کی قسم! یقینا ہم نے رسول بھیجے تھے تم سے پہلے بھی امتوں میں، پھر مزین کر دیا شیطان نے ان کے لئے ان کے (برے) اعمال کو تو وہ ان کا دوست بنا ہوا ہے آج، اور ان کیلئے دردناک عذاب ہے

اور ہم نے نازل کی تم پر کتاب، تاکہ تم بیان کرو ان (کفار) کے سامنے جس میں وہ اختلاف کر رہے ہیں، اور ہدایت اور رحمت ہے ان کیلئے جو ایمان رکھتے ہیں

اور اللہ نے نازل کیا آسمان سے پانی، پھر زندہ کیا اس (پانی کے ذریعے) سے مردہ زمین کو، بیشک اس میں نشانی ہے ان لوگوں کے لیے جو سنتے ہیں

اور بیشک تمہارے لیے جانوروں میں عبرت (یعنی سبق) ہے، ہم پلاتے ہیں تمہیں ان کے پیٹ کے گوبر اور خون کے درمیان سے خالص دودھ ذائقہ دار ہے پینے والوں کے لیے

اور کھجور اور انگور کے پھلوں سے تم بناتے ہو نشہ (کی چیزیں) اس سے اور بہتر رزق بھی ہے، بیشک اس میں نشانی ہے ان لوگوں کے لیے جو عقل رکھتے ہیں

اور حکم دیا تمہارے رب نے شہد کی مکھی کو کہ بناؤ پہاڑوں میں گھر اور درختوں میں اور وہ جو بناتی ہیں چھتیاں (وہ حکم تمہارے رب نے اسے دیا ہے)

پھر کھاؤ ہر قسم کے پھلوں سے اور چلو اپنے رب کے راستوں پر عاجزی سے، نکلتی ہے ان کے پیٹوں سے پینے کی چیز مختلف ہوتے ہیں جس کے رنگ، اس میں شفاء ہے لوگوں کے لیے، بیشک اس میں نشانی ہے ان لوگوں کے لیے جو غور و فکر کرتے ہیں

اور اللہ نے پیدا کیا تمہیں پھر وہ وفات دے گا تمہیں، اور تم میں سے کوئی لوٹایا جاتا ہے بڑی عمر کو پھر وہ جاننے کے باوجود بھی کچھ نہیں جانتا ہے بیشک اللہ جاننے والا قدرت والا ہے

اور اللہ نے فضیلت دی ہے تم میں سے بعض کو بعض پر روزی میں، پھر جنہیں فضیلت دی گئی وہ رد کرتے (یعنی نہیں دیتے) ہیں اپنی روزی میں سے انہیں جو ان کی ملکیت میں ہیں کہ وہ اس کے برابر (نہ) ہوجائیں، تو کیا وہ اللہ کی نعمت کا انکار کرتے ہیں

اور اللہ نے بنائے تمہارے لئے تم ہی میں سے جوڑے، اور بنائے تمہارے لئے تمہاری عورتوں سے بیٹے اور پوتے، اور اس نے رزق دیا تمہیں پاکیزہ، تو کیا وہ باطل پے ایمان رکھتے ہیں، اور اللہ کی نعمتوں کا وہ انکار کرتے ہیں

اور وہ عبادت کرتے ہیں اللہ کے سوا (غیر اللہ کی) جو نہیں ہے مالک ان کیلئے رزق کا آسمانوں اور زمین میں کچھ بھی، اور نہ وہ اس کی طاقت رکھتے ہیں

تو مت بیان کرو اللہ کے لیے مثالیں (کہ اسے بیٹی ہے) بیشک اللہ جانتا ہے اور تم نہیں جانتے

بیان فرماتا ہے اللہ ایک مثال ایک مملوک (کسی دوسرے کا) غلام ہے جو کسی چیز پر قدرت (واختیار) نہیں رکھتا، اور ایک وہ شخص جسے ہم نے رزق دیا ہو اپنی طرف سے بہتر رزق، اور وہ خرچ بھی کرتا ہو اسے چھپ کر اور ظاہری، کیا دونوں برابر ہو سکتے ہیں؟ تمام تعریف اللہ ہی کے لیے ہے، بلکہ اکثر ان میں سے نہیں جانتے

اور بیان فرماتا ہے اللہ ایک مثال دو لوگوں کی، ان دو میں ایک گونگا ہے، قدرت نہیں رکھتا کسی شے پر، اور وہ بوجھ ہے اپنے مالک پر، جہاں بھی وہ جاتا ہے کوئی خیر لے کر نہیں آتا، کیا یہ اس کے برابر ہو سکتا ہے؟ جو حکم کرتا ہے عدل کا اور وہ سیدھے راستے پر بھی ہے

اور اللہ ہی کو معلوم ہیں غیب کی باتیں آسمانوں اور زمین کی اور قیامت کا حکم لمح بھر (یعنی پلک جھپکنے) کی طرح ہے، یا اس سے بھی زیادہ قریب تر ہے، بیشک اللہ ہر چیز پر قادر ہے

اور اللہ نے نکالا تمہیں (یعنی پیدا کیا تمہیں) تمہاری ماؤں کے پیٹوں سے، تم نہیں جانتے تھے کچھ بھی اور اس نے بنائے تمہارے لئے کان، اور آنکھیں، اور دل، تاکہ تم شکر ادا کر سکو

کیا وہ دیکھتے نہیں پرندوں کو کہ مسخر (یعنی قابو میں) ہیں آسمان کی فضاء میں کون تھامے ہوئے ہے انہیں اللہ کے سوا؟ بیشک اس میں نشانیاں ہیں ایمان لانے والوں کے لیے

اور اللہ نے بنایا ہے تمہارے لیے تمہارے گھروں کو سکون کی جگہ، اور بنائے تمہارے لیے چوپایوں کی کھالوں سے گھر (یعنی خیمے) تم ہلکا پاتے ہو انہیں اپنے سفر کے دن اور اپنے قیام کے دن، اور اسکی اون سے، اور اسکی روؤں سے، اور اسکے بالوں سے کتنے ہی سامان اور فائدے ہیں ایک مقرر وقت کیلئے

اور اللہ نے بنایا ہے تمہارے لیے جو کچھ اس نے پیدا کیا ان سے سائے اور بنائے تمہارے لیے پہاڑوں میں چھپنے کی جگہیں، اور بنائے تمہارے لیے کرتے جو بچاتے ہیں تمہیں گرمی سے، اور زرہیں (یعنی لوہے کا لباس) جو بچاتی ہیں تمہیں لڑائی میں، اسی طرح اللہ پوری کرتا ہے اپنی نعمت تم پر تاکہ تم فرمانبردار ہو جاؤ

پھر اگر یہ (کفار) پلٹ جائیں تو تم پر صرف کھل کر پہونچا دینا ہے

وہ پہچانتے ہیں اللہ کی نعمتوں کو پھر وہ انکار کرتے ہیں ان کا، اور اکثر ان میں ناشکرے ہیں

اور جس دن ہم کھڑا کریں گے ہر امت میں سے ایک گواہ پھر نہ اجازت ہوگی کافروں کو (عذر پیش کرنے کی) اور نہ ان کی توبہ قبول کی جائے گی

اور جب دیکھ لیں گے ظالم عذاب کو تو نہ ہلکا کیا جائے گا ان سے (عذاب) اور نہ انہیں مہلت دی جائے گی

اور جب دیکھیں گے مشرک اپنے شریکوں کو تو کہیں گے اے ہمارے رب! یہی ہمارے شریک ہیں جنہیں ہم پکارتے تھے تیرے سوا (دنیا کی زندگی میں) پھر وہ انہیں جواب دیں گے کہ بےشک تم جھوٹے ہو

اور وہ ڈالیں گے اللہ کے سامنے اس دن صلح، اور بھول جائیں گے انہیں جنہیں وہ گھڑا کرتے تھے

جن لوگوں نے کفر کیا اور روکا اللہ کے راستے سے، ہم زیادہ کر دیں گے ان پر عذاب در عذاب بسبب اس کے کہ وہ فساد کرتے تھے

اور جس دن ہم کھڑا کریں گے ہر ایک امت میں ان پر انہیں میں سے ایک گواہ، اور ہم لائیں گے تمہیں (اے نبی) ان سب پر گواہ بناکر، اور ہم نے نازل کی ہے تم پر ایک ایسی کتاب (قرآن) جس میں بیان ہے ہر چیز کا اور ہدات اور رحمت اور خوشخبری ہے مسلمانوں کے لیے

بیشک اللہ حکم دیتا ہے (لوگوں کو) انصاف کا اور بھلائی کا اور رشتے داروں کو دینے کا اور منع کرتا ہے بے حیائی اور بری بات اور ظلم سے، وہ نصیحت کرتا ہے تمہیں تاکہ تم نصیحت پکڑو

اور پورا کرو اللہ کا عہد جب تم عہد کرو، اور نہ توڑو قسموں کو اسے پکا کرنے کے بعد، اور یقینا تم نے بنایا ہے اللہ کو اپنے اوپر کفیل (یعنی گواہ) بیشک اللہ جانتا ہے وہ جو تم کرتے ہو

اور نہ ہو جاؤ اس عورت کی طرح جو توڑ ڈالے اپنا سوت (یعنی دھاگا) محنت کے بعد ٹکڑوں میں، تم بناتے ہو اپنی قسموں کو دخل کا ذریعہ آپس میں، اس لیے کہ ایک گروہ کی بڑائی ہوجائے دوسرے گروہ پر، اللہ تمہاری آزمائش کرتا ہے اس کے ذریعے اور وہ ضرور ظاہر کردے گا تمہارے سامنے قیامت کے دن جس چیز میں تم اختلاف کرتے ہو

اور اگر اللہ چاہتا تو تم سب کو ایک ہی امت بنا دیتا، اور لیکن وہ گمراہ کرتاہے جسے چاہتا ہے، اور ہدایت دیتا ہے جسے چاہتا ہے، اور تم سے ضرور سوال کیا جائے گا اس کے بارے میں جو تم عمل کرتے ہو

اور نہ بناؤ تم اپنی قسموں کو دخل (یعنی فساد) کا ذریعہ آپس میں، ورنہ پھسل جائیں گے قدم ثابت ہونے کے بعد، اور تم چکھوگے مزہ برائی کا اس سبب سے کہ تم نے روکا اللہ کے راستے سے اور تمہارے لئے بڑا عذاب ہے

اور نہ سودا کرو اللہ کے عہد کا تھوڑے فائدے کیلئے، جو کچھ اللہ کے پاس ہے وہ بہتر ہے تمہارے لیے اگر تم جانو

جو تمہارے پاس ہے (دنیا کا ساز وسامان) ختم ہو جائے گا، اور جو اللہ کے پاس ہے باقی رہنے والا ہے، اور ہم ضرور بدلہ دیں گے ان لوگوں کو جنہوں نے صبر کیا ان کا اجر ان کے اچھے کاموں کا جو وہ کیا کرتے تھے

جس نے نیک عمل کئے مرد ہو یا عورت اور وہ مؤمن ہو، تو ہم اسے ضرور حیات طیبہ (یعنی اچھی زندگی) عطا کریں گے، اور ہم بدلہ دیں گے انہیں اس سے بہتر جو عمل وہ کیا کرتے تھے (دنیا میں)

تو (اے نبی صلی اللہ علیہ وسلم) جب تم قرآن پڑھو تو اللہ کی پناہ طلب کرو شیطان مردود سے

بیشک نہیں (چلتا) اس کا زور ان لوگوں پر جو ایمان والے ہیں، اور اپنے رب پر توکل کر تے ہیں

اس (شیطان) کا زور تو ان پر ہے جو اسے دوست بناتے ہیں اور جو اللہ کے ساتھ شریک ٹھہراتے ہیں

اور جب ہم بدلتے ہیں، ایک آیت کی جگہ دوسری آیت کو اور اللہ خوب جانتا ہے جو کچھ وہ نازل کرتا ہے، تو کہتے ہیں (کفار) تم نے گھڑ لیا ہے، بلکہ اکثر ان میں جانتے نہیں

کہہ دو نازل کیا ہے اس (قرآن) کو روح القدس نے تمہارے رب کی طرف سے برحق تاکہ وہ (اللہ) ثابت رکھے ایمان والوں کو اور ہدایت اور خوشخبری ہے فرمانبرداروں کیلئے

اور یقینا ہمیں معلوم ہے (کفار) کہتے ہیں اس (نبی) کو سکھاتا ہے ایک (غیر عرب) آدمی، ان کی زبان جس کی طرف یہ نسبت کرتے ہیں عجمی (رومی غلام بلعام) ہے اور یہ (قرآن) کھلی عربی زبان میں ہے

بیشک (اس طرح کے) وہ لوگ جو نہیں ایمان لاتے اللہ کی آیات پر، اللہ انہیں ہدایت نہیں دیتا اور ان کے لیے دردناک عذاب ہے

افتراء کرتے ہیں جھوٹ وہ لوگ جو نہیں ایمان لاتے اللہ کی آیات پر، اور وہی لوگ جھوٹے ہیں

جس نے انکار کیا اللہ کا ایمان لانے کے بعد مگر وہ جسے مجبور کیا گیا ہو (جیسے عمار بن یاسر) اور (لیکن) اس کا دل مطمئن ہو ایمان پر (تو معاف ہے) اور لیکن جسکا شرح صدر ہو کفر پر (یعنی دل سے انکار کیا ہو) تو ان پر اللہ کا غضب ہے، اور ان کے لیے بہت بڑا عذاب ہے

یہ اس لیے کہ انہوں نے محبوب رکھا دنیا کی زندگی کو آخرت پر (یعنی آخرت کے مقابلے) اور بیشک اللہ نہیں ہدایت دیتا کافروں کو

یہی ہیں وہ لوگ کہ اللہ نے مہر لگا دی ہے ان کے دلوں پر اور ان کے کانوں پر اور ان کی آنکھوں پر اور یہی وہ لوگ ہیں جو غافل ہیں

کوئی حرج نہیں بیشک وہ آخرت میں خسارہ میں ہوں گے

پھر بیشک تیرا رب ان کے لیے جنہوں نے ہجرت کی بعد اس کے وہ آزمائے بھی گئے پھر جہاد کیا اور صبر کیا، بیشک تیرا رب ان باتوں کے بعد بخشنے والا مہربان ہے

جس دن آئے گا ہر شخص اپنے لیے جھگڑتا ہوا، اور پورا دیا جائے گا ہر شخص کو جو اس نے عمل کیا تھا (دنیا میں) اور ان پر ظلم نہیں کیا جائے گا

اور بیان فرماتا ہے اللہ مثال ایک بستی (مکہ) کی جو امن اور اطمینان میں تھی، آتی تھی اس کی روزی آسانی سے ہر طرف سے، پھر ناشکری کی اللہ کی نعمتوں کی پھر مزہ چکھایا اسے اللہ نے بھوک اور خوف کا بسبب اس کے جو وہ کیا کرتے تھے

اور یقینا آیا ان کے پاس انہیں میں سے ایک رسول تو انہوں نے جھٹلایا اسے، پھر آ پکڑا انہیں عذاب نے (اس حال میں کہ) وہ لوگ ظالم تھے

تو کھاؤ جو تمہیں اللہ نے حلال اور طیب روزی دی ہے اور شکر کرو اللہ کی نعمتوں کا اگرچہ تم اسی کی عبادت کرتے ہو (یعنی تم شکر گزار بنو)

حرام کیا گیا ہے تم پر مردار اور خون اور سور کا گوشت اور جس پر غیر اللہ کو پکارا گیا ہو، پھر جو مضطرب (یعنی بے قرار) ہو بھوک سے، نہ وہ باغی ہو اور نہ حد سے بڑھنے والا (یعنی مجبوری میں کھایا ہو) تو اللہ بہت مغفرت کرنے والا بڑا رحم کرنے والا ہے

اور نہ بیان کرو اپنی زبانوں سے جھوٹ کہ یہ حلال ہے اور یہ حرام ہے، تاکہ افتراء کرو اللہ پر جھوٹ (کہو اپنی طرف سے اور نسبت اللہ کی کرو) بیشک جو لوگ افتراء کرتے ہیں اللہ پر جھوٹ وہ فلاح نہیں پائیں گے

تھوڑا فائدہ ہے (دنیا میں) اور ان کے لیے دردناک عذاب ہے

اور جو لوگ یہودی ہیں ہم نے ان پر حرام کئے تھے (ناخن والے جانور) جو ہم بیان کر چکے ہیں تم پر اس سے پہلے (سورۃ نساء، اور انعام میں) اور ہم نے ظلم نہیں کیا ان پر اور لیکن وہ اپنے اوپر ظلم کیا کرتے تھے

پھر تیرا رب ان کے لیے جنہوں نے برے عمل کئے جہالت میں پھر اس کے بعد انہوں نے توبہ کی اور اصلاح کی، بیشک تیرا رب اس کے بعد بخشنے والا مہربان ہے

بیشک ابراہیم تھے ایک امت (کی طرح) اللہ کا فرمانبردار یکسو مسلم (اللہ سے رجوع کرنے والا) اور نہ تھے وہ مشرکوں میں سے

شکر کرنے والے تھے اس کی نعمتوں کا، چن لیا اللہ نے اسے اور رہنمائی کی اس کی اس راستے کی طرف (جو) سیدھا ہے

اور عطا کی ہم نے اسے دنیا میں بھلائی، اور آخرت میں بھی بھلائی، اور یقینا وہ صالحین میں سے ہے

پھر (اے نبی) ہم نے وحی کی تمہاری طرف کہ اتباع کرو ملت ابراہیم کی جو یکسو تھے (اللہ سے رجوع کرنے والے) اور نہ تھے وہ مشرکوں میں سے

بے شک مقرر کیا گیا تھا ہفتے (یعنی سنیچر) کا دن ان پر جنہوں نے اختلاف کیا اس میں، اور بیشک تیرا رب فیصلہ کرے گا ان کے درمیان قیامت کے دن جس (دن کی عبادت) میں وہ اختلاف کرتے تھے

دعوت دو اپنے رب کے راستے کی طرف حکمت اور بہتر نصیحت کے ذریعے اور بحث کرو ان (لوگوں) سے بہتر طریقے سے، بیشک تیرا رب خوب جانتا ہے جو گمراہ ہے اس کے راستہ سے، اور وہ خوب جانتا ہے ہدایت یافتہ کو

اور اگر تم بدلہ لو تو تم اتنا بدلہ لو جتنی تمہیں تکلیف پہونچائی گئی ہے، اور اگر یقینا تم صبر کرو تو بہتر ہے صبر کرنے والوں کے لئے

اور صبر کرو اور تیرا صبر کرنا اللہ ہی کی توفیق سے ہے، اور غم نہ کرو ان پر اور نہ ہو تم تنگ دل اس مکر سے جو وہ کیا کرتے ہیں

بیشک اللہ متقیوں کے ساتھ ہے، اور محسنین (یعنی نیک لوگوں) کے ساتھ ہے